Q&A
Q:新手入坑唔知做乜好?
A:如果冇話特別想玩咩職就check/問下嗰季嘅牌組邊套T1,睇下邊幅暫用牌組入面嘅牌啱用就換邊幅,之後慢慢補齊啲牌(暫用牌組唔會齊牌)。總之就砌咗一套牌出嚟先。
Q:無課玩唔玩到?
A:呢隻game冇課金卡,所有卡都可以免費攞到(唔計特殊卡面)。淨係計keep住清每日任一季都抽到100包左右。(大概每日100金左右*90日)認真玩一兩季之後差唔多可以每季無課井一次(要攞結算獎勵)
Q:抽邊包好?
A:唔知抽乜就有新抽新(頭三包),有想玩嘅牌組就睇下幅牌啲虹卡喺邊包再抽
Q:點賺金幣/卡包?
A:一次性:清主線故事、私人對戰成就(下面講點解法)、各種成就(睇翻game入面)
長期:每日任務、大賽(3勝開始賺)、等官方派福利、結算獎勵(睇翻上面有寫)
Q:玩咩模式好?
A:平衡性嚟講指定>無限制
Q:上唔到分點算?
A:呢隻game贏加嘅分>=輸跌嘅分,所以埋論上就算勝率得50%都疊到上去,睇下人地點玩你幅牌或者換套牌試下啦
Q:點解我睇啲人話嗰幅牌T0但係我玩連敗
A:資訊過時,可能係多咗人玩針對牌組、key卡nerf咗、有更op嘅牌組出現、改咗版等等
或者係幅牌操作難,去睇下人地點玩先
記住查牌組有新睇新,同埋版本頭一兩個禮拜meta未定tier list唔準
Q:暫用卡同抽翻嚟嘅卡有咩分別?
A:暫用卡同抽翻嚟嘅卡能力上冇分別。暫用卡分做用暫用卡寶石換嘅卡同暫用卡組嘅暫用卡,暫用卡寶石換嘅每張卡最多換一次,官方冇話比用幾耐,至少由出暫用卡到而家都未收。暫用卡組嘅暫用卡就得嗰季可以用,下季會收翻。兩種暫用卡都唔可以用次元石變閃卡。
Q:課金點課抵
A:上面已經講咗無課已經可以抽好多包,所以得通行證、必中主戰者包(唔係必中虹卡包)抵課,新手/回鍋有閒錢又好想追卡先考慮課其他
通行證>必中主戰包>必中虹卡包=每日50水晶抽>100水晶抽(記得睇通行證仲有幾耐比你解,大概要兩個月解完)
Q:好想要某隻主戰者點算?
A:每一款卡包抽400包(同一包第二次保300)可以保底一張卡,揀送主戰嗰張
Q:一季幾耐?
A:三個月一次大改版出新卡包,每季第三個月會出dlc,當季卡包每個職加一張虹卡同金卡,仲有出多一隻主戰者
Q:久苑係男定女?
A:久苑嘅性別係久苑
私人對戰成就解法
https://shadowverse.gamewith.jp/bbs/threads/show/194
上呢個網,入code入人房就打佢頭,自己開房就自殘比人打頭。刷完20場有2000金(要同唔同人打)