七仙羽多次預言中晒都冇人信？ 大爆樓價將下跌 勸大家賣樓要快

連登廢淡為咗想樓價跌
之前已經變咗相信政府
而家仲信埋風水

估唔到呢個post 引起咁多迴響，林兒想喺呢度講下自己嘅立場。

林兒其實唔係好信風水命理之類嘅嘢，但林兒認為一啲受歡迎嘅命理師，都有一個共同點，就係佢哋好擅於掌握社會脈博、民眾嘅共同意識及集體憂慮，所以從佢哋嘅「預言上」（包括對樓市嘅預言）多多少少能折射出社會大眾對某啲議題嘅一啲趨勢或憂慮。

正如聰明人睇到房屋台一班樓痴、業主、aa追住林兒嚟咬，都明白到其實林兒講中咗佢哋內心中嘅憂慮同恐懼，所以喺意識上或潛意識上，藉著狙擊林兒，將林兒醜化、蠢化、on9 化。當佢哋集體認定林兒係小丑、低能、白卡之後，林兒講乜嘢佢哋都覺得係亂噏、不值一提，甚或係笑話一則，從而否定林兒對樓市嘅睇法，喺意識或潛意識上，舒緩咗佢哋對樓市爆破嘅憂慮與恐懼。喺呢點上面，我對呢班樓痴、業主、aa其實係深感同情嘅。

不過做人始終要面對現實，始能趨吉避凶…..