<因為EX 我成為左一個禿頭嘅毒撚 然後遇到一隻猫>

繼續推

樓主今日有冇文

26. 訣別

果次之後Mabel都無再搵過我。而過左兩個月左右後，我從其他途徑聽聞佢接受左個追左佢好耐嘅男仔，心入面都好替佢開心。不過因為咁我更加唔想打擾佢，亦唔想自己見住佢地開心幸福後又諗起自己嘅境況，結果慢慢我地就真係變左斷交咁。不過其實都係自己問題，因為Mabel仲一直有出席中同嘅聚會，只係我仍然沉醉係自己嘅傷痛之中所以無出席啫。

而之所以有機會見面，係因為三四年後嘅一日，佢突然黎左我屋企搵我。

「祖，好耐無見…」

「Mabel?」對於佢三年後突如其來嘅探訪我有d驚訝唔識反應。

「唔招呼我入黎坐?」佢見我呆左就笑笑口咁問。

「你唔介意就入黎啦。」於是我就招呼左佢入黎。

「好耐無黎過衣度喇… 都無咩點變，不過你就變左好多…」Mabel入左黎後四周咁巡視左一圈就有d唏噓咁講。

「係呀，我都無諗過自己會變成咁…都好嘅，等我專心做個宅男…」我帶住自嘲咁講。果陣嘅我頭髮已經甩左一半，變左做個肥佬，除左返工我都好少再出街，基本上我已經放棄左自己。

「為左佢攪到自己咁，值咩?」Mabel問道。

「你未失過戀唔會明白… 有d野唔到你控制架…」我無奈咁講，或者失戀嘅人總係覺得無人明白自己。

Mabel:「點解你成日會覺得我未失過戀?」

「之前都從未聽過你有鍾意嘅人， 係我地無聯絡之後先聽講你有男朋友咋嘛，咁何來失戀? 唔通…你地散左?」我解釋。

「唔係，我地好好。今次我黎搵你其實係想話你聽我黎緊要移民喇。」Mabel好快否定左我嘅推測。

「移民? 去邊呀?」我好驚訝，同時心入面都有少少失落。

「我同我男朋友一齊移民去加拿大，然後等settle好就結婚。」Mabel好淡然咁講。

「哦，恭喜晒呀~」雖然有d失落以後真係無左個好兄弟，但我都真心替佢可以離開香港又搵到個好男人而高興。

「多謝~ 話晒咁多年好朋友，走前都想再見一見你同你講一聲…」Mabel都有少少失落咁講。

「Mabel，我係真心替你開心，同埋咁多年黎，我知我爭你一句對唔住… 果晚，真係好對唔住…」知道再唔講真係無機會講，果日我終於可以將藏左係心入面好耐嘅果句對唔住同佢講左出黎。

「傻啦… 我無再嬲你好耐喇，唔係今日都唔會主動黎搵你啦~其實諗返轉頭，我可能仲要多謝你添…」Mabel有d感觸咁講。

「點解?我激嬲你你仲要多謝返我? 」我唔明白。

「算啦，已經唔重要喇… 不過阿祖，我最後想同你講，曾經我都好欣賞你對好多野都會好執著唔會輕易放棄同認輸，所以我都想自己好似你咁。但後來我先發現執著唔一定係好，有時原來只要你唔好咁執著肯放低，你會發現你之後先可以得到更多。希望有日你會可以放低過去，變返以前嘅你。」Mabel語重心長咁講。

「我做得到就唔駛咁啦… 而且衣家已經太遲。」佢講嘅說話我唔係唔明，只係覺得自己做唔到。

「所有野都係睇心態架啫，我相信有心就永遠唔怕遲。」Mabel盡最後努力講道。

「多謝… Mabel，祝你以後都幸福。」但我唔認同，而衣句係我最後可以同佢講嘅說話。

「我都希望你以後可以幸福。」

衣段就係我同Mabel最後一次對話。之後佢就同男朋友去左加拿大，兩年後仲寄左張佢地嘅結婚相比我。從佢IG，我知我嘅祝福成真，佢一直都好幸福，衣家仲有兩個小朋友。而我，就無聽到佢講，一直繼續過住頹廢嘅宅男生活。

回想完衣d片段，我先突然醒悟原來Mabel以前一直都鍾意自己，只係因為自己鍾意阿Grace仲同佢一齊，而佢地又成為左好朋友，所以佢一直都收埋左自己嘅心意。難怪當年Grace拋棄我後佢會咁嬲，而我當晚嘅說話又帶左咁深嘅傷害比佢…

突然間，我明白晒佢以前好多說話嘅意思。唔怪得佢話佢都失過戀，仲多謝返我果晚咁對佢。因為我逼佢選擇左放低，所以佢可以得到左之後嘅幸福。如果我當日都可以好似佢咁，我嘅人生會唔會可以變得幸福d? 又或者如果我早d知道Mabel嘅心意，我地嘅結局又會唔會唔同?

不過下面嘅我好快話左答案比我知，因為佢最後選擇左扮唔知。

(唔怪得佢果晚係咁問咁多野，最後又好似有d失望啦… 反正佢都以為我發現唔到，咁我就繼續扮唔知啦…)下面嘅我心諗。

始終一直都只係當Mabel係buddy，就算近排開始有d醒覺佢其實係一個女仔，我對佢都完全唔係果回事無果種感覺，所以我唔想同佢一齊但同時間亦唔想無左佢衣個好朋友。扮唔知係最好嘅選擇。


之後我地就好似無事咁繼續生活，只係有意無意間我都唔敢同Mabel太接近以免引起佢嘅誤會。然後時光飛逝，轉眼間又過左差唔多兩年。不過係衣兩年入面，Mabel竟然做左一樣我做唔到嘅事，就係佢係排球隊拎左學屆冠軍，仲係我面前躍武揚威左一翻。果刻我對Mabel有少少改觀，因為佢以前好少對一件事咁堅持同努力，但自從打排球後佢就慢慢唔同左，果刻我覺得佢好叻，仲好羨慕佢添。

「祖，我地排球隊入左決賽呀~你下星期可唔可以黎支持我?」四強嬴左果晚Mabel好開心咁打比我。

「咁犀利? 真係估你唔到喎! 無諗過你打左年幾排球就咁勁揪~」我真心替佢開心。

「教練教得好加上我都下左唔少苦工嘅~」Mabel帶住少少得意咁講，不過一直係佢身邊嘅我知佢背後真係下左唔少苦功。

「記得以前嘅你唔會對一件事咁堅持同努力，好易就放棄，估唔到排球改變左你咁多~」諗起以前嘅佢我又講。

「其實未必係排球改變我嘅… 咁你黎唔黎呀!」Mabel問。

「黎~ 你入到決賽點會唔黎呀~ 加油呀，我做唔到嘅野靠你幫我完成喇!」我當然會去支持我嘅青梅竹馬啦。

「無問題!」

我地學校嘅女排其實不嬲都係強隊黎，因為我地個教練以前都係港青個教練，所以Mabel係佢指導下進步得好快，衣年仲已經成為左主力。當然，佢自己嘅天份同努力都應記一功啦。

不過去得決賽當然唔會輕鬆，Mabel佢地都陷入左苦戰。Mabel 因為身型唔高，但就有出色嘅反應同預判能力，所以係球隊嘅自由人。睇住佢左飛右撲係咁救波，雖然身上佈滿大大小小嘅瘀痕但眼神永遠keep住有火同專注，衣刻嘅Mabel令我首次生出左耀眼嘅感覺。

雙方嘅分數一直咬得好緊，最後到決勝局憑住Mabel成功救到對方快過子彈嘅剎球佢隊友再成功咁轉守為攻拎左決勝嘅一分，我地學校終於奪得學屆冠軍嘅寶座。

「我得左喇~」慶祝完又醫完波，Mabel立刻飛奔過黎同我講。

「恭喜呀~你真係好勁! 頭先嘅你都唔似我以前識嘅Meimei嘅~ 型好多!」我由衷讚賞。

「去死啦你~不嬲都咁型!」Meimei就笑到見牙唔見眼咁講。

「係係係~ 不過真係恭喜你，做到我做唔到嘅野，算係幫我修補左個遺憾…」我帶少少感觸地說。

「唔駛羨慕喎~ 其實對我黎講，最重要係佢為我証明左一樣野，就係努力真係會有回報!」Mabel自信地講道。

「係呀，所以歌都有得唱，就算失望，不能絕望，面對逆境我地唔可以輕易就認輸。」我有同感。

最後Mabel仲將佢學屆個金牌送左比我，話知我好恨拎所以好堅持咁硬塞左比我。不過我知佢其實只係想某程度上埔我填補我係學屆嘅遺憾。衣種係Mabel男仔頭背後對我嘅溫柔。

當然有 基本上每日都至少會有一篇
如果真係出唔到我都會預先同大家講聲架

(10正評加更)
27. 意外

然後好快，時間就到到我父親出事果日。故事發展同原本世界都一樣，不過係母親暈倒入院果日，黎我屋企搵我嘅就由Grace變成左係Mabel。

「祖，Auntie有無事呀?」一開門見到我Mabel就問。

「醫生話無咩大礙，係過度操勞加上情緒有d起伏太大所以先暈倒，休息下應該無事聽日可以出院。」我帶著疲累同Mabel講。

「咁都好d…你無野嘛? 衣段時間你都辛苦，要take care好自己呀…」Mabel見我好累個樣擔心地講。

「嗯…」

「有無咩我可以幫手?」Mabel見我無晒精神就問。

「陪我飲下酒?」本身我已經自己開始飲緊，而果刻我同樣確實想有人可以陪下自己。

「好呀~」Mabel當然應承。

於是Mabel就留低左陪我飲酒，而我地就講下以前嘅野不知不覺越飲越多。

「不如我地聽下歌?」飲到咁上下我突然心血來潮提議，然後就隨手拎左Mabel送比我果隻Eason塞左落部Hifi開始播歌。

「哈，送左比你咁耐自己衣家反而先第一次有機會聽~」酒精上頭Mabel塊面開始有d紅。

「所以衣家咪專登播比你聽囉~」我都有d面紅紅講道。

Mabel:「原來唔經唔覺就差唔多兩年…」

我:「係囉…」

Mabel:「我送比你張生日卡你扔左未?」

我:「梗係未啦…點捨得扔呀…」

「普通一張卡啫，有咩捨唔捨得呀…」Mabel唔知係有d試探性咁講，定係自嘲緊我無發現張咭嘅秘密。

「但入面有你對我嘅心意…」但因為酒精關係，我無點留意隨口就講左出黎。

「生日快樂都算心意?」Mabel繼續自嘲。

「生日快樂點解唔算?」發現自己岩岩柒左我嘗試補救。

然後Mabel就無再出聲，只係一直望實我。

「你… 知道左?」過左陣，佢終於問道。

「知道咩呀?」而我就繼續扮傻。

「唔駛再扮喇… 你嘅表情已經出賣左你… 我知你知道…」Mabel有d失望咁講。

「咁明顯想唔知都唔得啦…」望住Mabel紅紅嘅臉，我知已經隱瞞唔到只好苦笑道。

「咁你點解一直扮唔知?」Mabel追問。

「因為我唔知點handle好…」我如實作答。

「所以你…對我無感覺?」Mabel有d唔好意思咁問。

「我一直當你係我好兄弟…」我都有d唔好意思咁答。

「好兄弟… 因為…我唔夠女人?」Mabel臉色一沉再問。

「唔係…而且我近排越黎越意識到你係一個不折不扣嘅女人…」我突然諗起聯會營果次碰撞。

Mabel:「咁點解唔可以鍾意我?」

「我唔知呀…我真係從來無諗過…」我都唔知我係一直唔敢諗定唔想諗。

「咁如果咁呢…」Mabel突然間行近我然後攬住左我。

「兄弟都可以攬格。」我完全不為所動咁講。

「咁…咁呢?」佢俯前錫左我塊面一啖。

「聯會營你都試過咁錫我啦…」我繼續淡然咁答。

「咁…咁呢?」佢個嘴輕輕觸碰左我個嘴一下。

「你知唔知你做緊咩?」我仍然完全無反應咁問。

「我知… 我做緊一d我一直好想做但唔敢做嘅野…」佢面更紅咁答道。酒精似乎賜予左無窮嘅勇氣比佢。

佢見我無反應又無推開佢，於是佢又再錫落黎但就開始越停越耐，再越錫越大力，最後慢慢含住左我成個嘴。

本身就已經半醉，唇上傳黎嘅觸感同Mabel身上傳黎嘅女兒香全都刺激住我個身體每一個沉睡以久嘅咸濕細胞，加上我果陣本身情緒就已經唔係好穩定好想有個渲洩口，又從未同女仔咁近接觸過，面對Mabel不斷嘅進擊，我身體越黎越有反應，然後開始回抱住Mabel，再反錫返佢。

感受到我嘅反應，Mabel有d開心，然後我地兩個越黎越無自制能力，開始向著更進一步嘅方向發展…

「係你主動架，唔好後悔…」心入面留低左衣句說話後，我就成個壓左落Mabel身上…

「喂喂喂… 又係咁!?」天上嘅我見到衣幕熟悉但又有d唔同嘅畫面又開始向下面嘅自己咆哮。

「唔怪得你地d人類咁鍾意飲酒啦，佢就好似味精咁，不過唔係增加味道而係增強你地心入面最厡始嘅慾望…」貓仙人一副食花生嘅樣講。

「咁人同獸其中一個最大嘅唔同就係自我控制嘅能力，只係酒精好多時會off左衣個control啫… 話事話，味道你都識?」我好奇咁問。

「神係無野唔識，而且你地成日係食物加衣樣野，我想未試過都好難啦…」貓仙人自然咁答。

「你…」我望住貓仙人突然有種感覺。

「專心返下面嘅畫面唔好再問d唔關事嘅問題喇!」不過貓仙人好敏銳咁stop左我。

第二朝當我起身個頭仲好痛，但就見Mabel頭髮散亂咁訓左係我側邊。一望之下大家都無著衫我就知今次仆街了，不斷埋怨自己點解會做左d咁嘅野。

「你醒嗱?」Mabel衣個時候都醒左，一見到我就好甜咁問。

「係呀…」我苦笑應道。

跟住Mabel主動挨過黎攬住我然後又合上眼。岩岩先拎左人隻豬，衣家即刻推開佢好似好仆街咁，所以我就由佢攬住我然後開始諗點樣善後。琴晚係醉左一時失控，衣刻我對Mabel可能會有性衝動但就真係完全無戀愛果種感覺，我唔想同佢變做男女朋友而只係想大家繼續做返兄弟…

「你肚唔肚餓? 不如我整早餐你食?」過左陣我就搵個原因脫離左佢然後起床。

「好呀，我一陣黎幫手~」

於是我就立刻著返衫然後衝左去廁所梳洗。到到我開始煮緊麵果陣Mabel都著返衫出左黎。

「有無野要我幫手?」佢個樣好開心但又好似有d怕醜咁問。

「無喇，你坐低等食得架喇。」而係衣個時間我又點好意思要佢幫手。

「真係好，一起身就有人煮野比我食~」

我無再回應佢。

「阿祖呀，你係咪真係一直以為聯會營果次係我嘅初吻?」坐左一陣佢突然間又問。

「唔係咩?」我問。

「你真係唔記得… 你仲記唔記得上次我扭親腳果陣問過你一樣野?」Mabel臉上閃過一絲嘅失望，但好快又笑返。

「係咪問我記唔記得細過揹你過次攞走左你一樣野?」我努力回想完後講。

「係呀… 都仲係唔記得?」Mabel又問。

我:「無咩印象…」

「果次你揹我…其實已經攞走左我個初吻…」Mabel有d怕醜咁講。

「竟然係咁? 係我攞走?」我真係有d意外…

「Um…其實係我偷偷地襯你唔為意果陣錫左你一下嘅…」Mabel更加唔好意思。

「原來係咁…」

「所以其實我細細個已經鍾意你架喇…」Mabel細細聲咁講。

「Mabel…不如我地當無事發生過，忘記左琴晚發生嘅事做返好朋友?」雖然好想問佢咁係幾時同點解鍾意我，但我驚咁會比左錯誤signal佢。而且見佢越開心，我就越難受，我唔忍心再比假希望佢於是終於忍唔住講左出口。

「所以…你對我真係一直都無感覺?」Mabel面容一僵然後面色即刻變得好難睇。

「我真係一直當你係我好buddy…琴晚我都唔知自己點解會咁… 我唔想呃你，對唔住呀…」我無直接回答以免傷佢心。

「傻啦… 我無事，係我自己一廂情願啫… 好呀，忘記左佢我地當無事發生過繼續做buddy啦~」Mabel呆左兩秒後笑住口咁講，但好明顯睇得出係強顏歡笑。

「Meimei…」我好擔心佢但又唔知可以再講d咩。

「唔好意思我唔係好舒服… 個早餐我唔食走先喇…對唔住…」佢聽到我咁叫佢後立刻震左一震，然後dup低左個頭好格硬咁講，聽得出佢係喊住咁講… 而當佢講完後就拎轉身奪門而出，淨低想追又唔敢追嘅我一臉內疚咁企左係度。

「禽獸! 人渣! 衣個唔係我黎架!」係半空中嘅我見到咁嘅自己又忍唔住鬧道。

「衣個係另一時空嘅你，不過大家經歷都唔同，所以某程度上你都可以話佢唔係你黎嘅。」貓仙人一臉事不關己咁講。

「點解我會做得出d咁嘅野架...」

「哈哈，冷靜… 唔係我驚你有排激動呀… 或者慢慢你可以透過衣個世界重新認識過自己。」突然貓仙人又有d幸災樂禍咁嘅樣。

終於儲到10個正評加更～
不過衣篇嘅劇情唔知會唔會引黎一堆負評呢

28. 慾海

之後一兩星期Mabel都有意無意咁避開左我，不過因為始終我地都係同一班friend嘅圈子，所以我地仍然會每日見面，而過左段時間後慢慢地佢都終於好似無事咁開始同我講返野。

但衣件事並唔係咁就解決左，因為果晚後好快我就發現，原來衣件事對我都有唔少影響，好多時我都不會自覺咁諗返起果晚嘅畫面。雖然果陣係幾醉下，但當時我其實仲算係有意識，只係失去左自制能力，所以都依稀記得當晚唔少嘅畫面。對於第一次嘅我黎講，果晚嘅感覺真係好正，果種身體嘅快感同靈欲嘅高峰，每次諗起都會令我懷念非常，然後就好似迷上左毒品咁上左癮越諗越密，越諗越不可自拔…

而都唔知係因為我嘅問題定係Mabel真係改變左，之後我覺得Mabel除左著校服嘅時候平時嘅衣著都有d唔同左，短衫短褲又緊身好似好性感咁，然後我又會不自覺咁諗返起果晚佢無著衫嘅畫面… 明明初初好羞澀，但到最後又好熱情簡直將我完全溶化，而且Mabel身材原來係好好， 結果每次最後我都要去廁所解決…

一方面我接受唔到幻想自己嘅好朋友去打飛機，但另一方面我又控制唔到自己唔諗住果晚嘅畫面去打。我覺得好辛苦… 所以有d時間其實反而係到我唔太敢去見Mabel。

過左兩三個月後有晚我襯阿媽返夜自己又係度飲酒。事實上自從老豆過身後我都不自覺養成左衣個習慣，只要屋企無人我就會飲酒。然後飲飲下因為諗起果晚嘅畫面又開始思春想睇AV解決嘅時候，門鐘突然響起，一開門竟然係Mabel。

「我媽咪今日生日我地食唔晒個蛋糕佢叫我拎過黎比你食喎…」雖然我地平時好似已經無事咁，但單獨咁見其實或多或少都好似仲有少少尷尬。

「哦…多謝~ 咁幫我同Auntie講聲生日快樂呀~」我裝作無事咁講。

理論上我拎左件蛋糕Mabel應該就可以返屋企交差，但佢又好似有d唔捨得走咁。

「你…又飲酒?」佢聞到我身上有陣酒味後問。

「係呀…」好似做完曳野咁我有d唔好意思咁答。

「唔好飲咁多啦，傷身呀…」Mabel有d擔心又有d哀傷咁講。

「好…」

「咁我返屋企喇…」見無藉口Mabel就轉身諗住離開。

「Meimei…」但當我見到Mabel轉身，眼睛又不自覺咁望到佢對黑實嘅長腿。因為佢屋企過黎，所以佢只係著左條好短嘅熱褲。而因為Mabel參與好多唔同活動又成日打排球，所以佢嘅雙腿曬黑得黎係好firm亦好有線條。然後，我下意識唔想佢走所以叫住左佢。

「?」佢拎轉身一臉不解咁望住我。

「一場黎到入唔入黎坐陣? 或者陪我飲一杯?」本身就已經有d㷫烚烚，再受Mabel熱褲刺激我終於忍唔住提出左衣個提議。果刻我唔想就咁同佢講拜拜。

Mabel有d驚訝，然後感受到佢掙扎左一陣。

「好…」而最後佢都答應左我嘅提議。

當然我梗係唔會係佢一入屋就展露自己禽獸嘅一面去做d咩，事實上我亦唔太過到自己心理嘅關口，所以就繼續不停咁飲酒希望酒精可以引領我去正確嘅方向。果然好快我就發現，當我一邊斟酒比佢嘅時候，一邊自己已經不自覺咁越坐越埋，然後開始試探性咁同佢有身體接觸。終於去到某個位，我忍唔住攬住左佢… 佢有d嚇親又想掙扎，但我無比佢點掙扎就直接錫左落佢個嘴度，好快佢就好似中左槍咁突然唔再反抗，而我雙手亦把握機會好快已經伸左入佢件衫度，搓弄住佢身前兩團豐滿嘅脂肪。佢不堪我嘅挑逗輕輕呻吟左兩聲，咁比任何春藥都有效，好快我又壓住左佢係地下，然後解除晒大家身上嘅所有束縛，挺腰一伸再次進入左佢嘅身體…

不過今次事後佢無再好似上次咁要求d咩又或者有咩誤會，係我扮訓著嘅時候，佢就悄悄咁著返衫走左，或者如果過左夜佢都驚唔知點同Auntie解釋。而衣一次後，我過左段時間後又忍唔住試探性咁問佢過唔過我度玩，結果佢都會出現，然後我又乘機搵機會主動去扑左佢。

就係咁，我地好似突然由青梅竹馬嘅buddy變左做FWB。我知Mabel好鍾意我，初初我都覺得自己好衰利用佢衣點成日佔佢便宜，但隨著一次又一次欲望戰勝理智同道德，一次又一次同Mabel結合而佢又每次都無再講d咩，慢慢我都當左衣樣野係理所當然而再無感到內疚，我甚至說服左自己其實佢都enjoy同我衣家咁嘅關係，等自己可以好過d，雖然心底裏我知道事實應該唔係咁。


「…點解衣個世界嘅我會變得咁飢渴架…」天上嘅我見到事情發展成咁又帶點無語咁問。印象中我個世界同Grace發生左第一次後雖然有時我都會想要，但都唔會好似衣個世界嘅我咁成日幻想住果d畫面。

「只可以話因為你個青梅竹馬係衣方面帶比你嘅快感同你個ex係有d差距，同埋因為你會care你個ex嘅感受，驚佢覺得你咸濕然後唔鍾意你或者唔開心，但對於你個青梅竹馬你就無點理過佢嘅感受，你潛意式覺得係佢鍾意你自己送上門佢亦樂意做衣件事… 而當你完全唔控制自己嘅慾望時，佢自然亦會變得越黎越猖狂，就好似d賭徒或者變態殺人犯咁，到後期越黎越控制唔到自己。」貓仙人嘗試解釋。

「Meimei…」望住下面嘅Mabel，我有種心痛嘅感覺，心痛佢愛上左一個唔應該愛上嘅人，心痛原來佢咁愛我但自己就一直都唔知道仲狠狠咁傷左佢個心…


我地一直相安無事咁維持住衣種關係，直到我地考完AL後，有次佢事後終於忍唔住邊攬實我邊問我。

「其實我地衣家係咩關係?」

「好朋友?」我面不改容咁照攬返住佢答。

「淨係好朋友?」佢似乎並唔滿意。

「咁其實係比好朋友更好嘅…」我再加多少少。

「但就點都唔係女朋友?」不過佢都係無放過我。

「Meimei…」我知道佢今次真係有野想講，所以我叫佢Meimei，因為我知每次咁叫佢佢對我嘅怒火就會少左一半。

「其實你當我係咩? 肉器? SP?」佢面色同語氣都緩和左唔少，但問題就仍然尖銳。

「唔係呀… 我當你係我好重要嘅一個buddy，但同時間我都好鍾意同你攪野…」面對衣條問題我選擇誠實作答。

「你唔係鍾意同我攪野，你只係鍾意攪野啫，如果有第二個肯比你攪你肯定唔會介意，但衣家無其他人比你攪所以咪淨係攪我囉…」Mabel自怨自艾咁講。

「唔係咁架…」衣條我心裏面其實認同但口裏當然否認。

「知唔知點解我一直都無出聲，你想要我都盡量會比你?」過左陣Mabel又問。

「點解?」我當然知因為佢真係鍾意我但口裏就扮唔知。

「因為我諗透過親密嘅接觸話唔定有一日你會真係鍾意我… 當然對我黎講果刻可以同你咁close我都好開心，好似真係擁有左你咁…」Mabel有d傷心又有d滿足咁講。

「咁我地繼續keep住咁嘅關係唔好咩?」我不負責任咁問道。

Mabel:「我今日會主動問你，係因為我地黎緊都會上大學。你會接觸到好多唔同嘅女仔，而當你遇上一個你真係鍾意嘅人果陣，我就會變成nothing。所以係上大學之前，我想問清楚你… 雖然其實過左咁耐，我都知我嘅諗法係自己一廂情願，要鍾意嘅你都一早鍾意左我啦…」

「唔係咁架… 你對我永遠都好重要，比d時間我啦… 我對你… 唔係真係全無感覺…不過未確定到啫…」為左有得繼續仆野，我言不由衷咁講。

「真嘅?」但Mabel聽到後兩眼就突然綻放出光茫，或者佢今日好需要有d原因去說服自己繼續落去，那怕可能只係一d假嘅希望。不過人呢，從來就只係會選擇自己想相信嘅野去相信，所以佢信。

「嗯…」我錫左佢額頭一下希望咁可以增加我嘅說服力。


於是我就咁繼續拖住左Mabel，等佢繼續做我嘅FWB。而衣個世界，我一樣入左CU讀IT，Mabel則繼續係UST讀Science。 之後我亦不得不佩服Mabel嘅先見之明，正如佢所講上到大學突然接觸多左好多唔同嘅異性，會遇到一個有感覺嘅實在唔困難。而當時雖然有無數性經驗但仲係A0嘅我，一鍾意竟然就鍾意左CU當時year 1公認嘅女神Leanne。

29. 女神

做得女神，Leanne嘅外表當然係無可挑剔，高瘦，有腿有胸，大眼高鼻，皮膚白滑，樣貌上亦仙氣十足，可以話係朱菌嘅面孔搭上陳法拉高峰時期嘅身型。而隨左外表之外，Leanne把聲亦十溫柔動聽，我相信無一個男人會唔鍾意聽到佢把聲。無誇張咁講，Leanne絕對可以話係集天地靈氣於一身嘅女仔。

但既然咁完美，自然唔難想像到底有幾多狗公會埋佢身。本身Leanne並唔高竇，但因為真係吸引左太多男人埋身佢根本無力應付亦覺得好煩厭，所以久而久之，佢選擇左咩男人都唔理，甚至有日突然傳出原來佢係lesbian嘅消息，先慢慢少左半堆狂蜂浪蝶埋身，

點解我會識佢呢? 係我原本個世界，因為佢太過出名，我當然都知有衣個人物存在，亦確實好難唔為佢而心動。不過因為當時已經有Grace，亦坦白講知自己根本唔會有機會，所以就無再多諗。而心水清嘅讀者應該亦留意到Leanne衣個名其實係上一個世界都有出現過，因為佢仲有另外一個身份就係同Cindy係好friend嘅死黨。果陣因為同Cindy略帶曖昧嘅關係而Leanne都知衣件事，所以就更就加唔會諗。到最後我好快懸崖勒馬同Cindy再無聯絡，咁同Leanne就更加唔會有任何交匯。

但因為之前有段時間真係同Cindy好friend，所以間中佢都有講下佢衣位死黨嘅野我聽。例如Lesbian只係煙幕，為左唔想再比成堆狗公不停纏擾，佢有個friend提議佢不如扮Les，咁應該好多人會知難而退。之後佢就係搵左個女性朋友同佢拖住手咁遊左花園兩個圈，雖然未至於話清零，但確實令到搔擾佢嘅人數少左至少一半。至於仲有另一半，除左因為衣個世界總會有d男人過份自信，覺得自己有一日可以將女神拯救出黎，將佢變返直外，我相信都係因為Leanne魅力真係太大令佢地難以忍心放手。

衣個世界嘅我因為無Grace衣個女朋友，A0嘅我又對拍拖充滿憧憬，所以由我第一眼見到Leanne果陣我就已經淪陷，深深咁比佢吸引住。而亦因為我無女朋友嘅關係，衣個世界雖然我同Cindy都熟，亦因為Carter多左好多話題，但從day1開始，佢對我始終都會好似對其他男同學咁有一層避忌，唔會比自己同我太熟太多deep talk，所以衣世我地就真係只係好朋友而無發展出其他超越朋友嘅感情。

而有日當我意外知道左佢同Leanne係死黨果陣，我自然唔會放個衣個機會，係咁叫佢搵機會介紹Leanne我識。Cindy敵不過我嘅煩擾，亦本住鍾意Carter嘅人唔會係壞人衣個邏輯，所以係一次偽巧合嘅安排下，我終於真正近距離接觸同認識到衣位迷到萬千少男嘅中大女神。

可能因為Cindy嘅緣故，Leanne對我並唔算冷淡亦無咩戒心，所以認識左後好快我就拎到佢嘅MSN同電話，然後展開左我地嘅對話。

Leanne對我唔算冷淡但又唔會特別熱情，基本上我撩佢佢都會覆而且唔算太hea，但又從來唔會主動撩返我傾偈。如果我想約佢出街呢，佢就會用唔同原因拒絕我或者提議約埋Cindy一齊。不過其實都正常嘅，女神又點會咁易追，所以我都係一方面間中繼續搵Mabel出火一方面繼續等同Leanne可以熟d嘅機會。而一個契機就係幾個月後Cindy發現左佢青梅竹馬嘅男朋友出軌。


因為衣個世界入面我同Cindy雖然熟，但並唔似原本世界咁熟到會互相分享大家拍拖嘅事，所以當佢發現佢青梅竹馬嘅男朋友有第二個果陣，佢並無同我講而係同返佢嘅好朋友Leanne講。而我之所以會知，係因為咁岩當Cindy搵Leanne果陣，我本身都同Leanne係MSN傾緊偈。

「Cindy喊晒咁搵我，我要即刻出去陪佢，唔同你傾住喇!」然後佢突然留低左衣句說話比我後就off左line。

因為同Cindy熟，聽到Leanne咁講我都有d擔心，但又唔方便問，於是等到第二日再見到Leanne online我就立刻問佢發生咩事。

「都係你地d男人衰囉! Cindy發現左佢個男朋友有第二個…」可能知我都Cindy熟又或者佢忍唔住好想鬧下d男人，所以佢亳無避忌咁講左個原因我聽。

「竟然? 佢地由細識到大，感情好好架喎…」我感到驚訝但又唔算真係好意外。

Leanne:「就係咁先過份! 所以男人真係無一個信得過… 幾親都係會出軌…」

「咁又唔會全世界嘅男人都係咁嘅…」我決定為全世界嘅男人，抱括自己defence一下。

「咁你唔係?」 而Cindy嘅問題令我突然心跳加速，莫非佢對我有興趣所以咁問?

「我梗係唔會啦! 我到衣家都未拍過拖就係因為我認真!」我把握機會回應sell下自己。不過打完衣句我又諗起Mabel，心入面立刻有種唔好意思嘅感覺。

「真係咁好?」Leanne當然唔會就咁信。

「當然啦!」而我亦無能因為咁就縮。

「咁不如你考慮下Cindy啦! Cindy係個好女仔黎架….」點知Leanne之後嘅說話直接粉碎左我嘅希望同埋期待。

「下… 完全無諗過喎…」我無奈答道。

「咁衣家開始諗下啦! 最多我幫你地制造機會!」Leanne繼續做說客。

我:「隨緣啦… 我對佢無果種感覺呀…」

「感覺可以陪養架嘛! 至少have a try~ 真係無先算啦! 治療情傷最好嘅方法就係發展另一段感情!」Leanne一副專家口吻咁講。

於是之後Leanne係陪Cindy嘅時候，不時都會叫埋我。Cindy第一次突然見到我都有D愕然，亦有d埋怨Leanne。不過可能因為我地本身都算熟，佢又諗可能咁會幫助到我去追Leanne，所以知道我知道左佢發生咩事後，都唔特別抗拒我嘅出現。不過無耐，佢就開始估到Leanne叫埋我嘅原因。結果件事就陷入左一個好古怪嘅情況，一方面Leanne想撮合我同Cindy，但另一方面Cindy雖然知Leanne想做咩，但亦覺得衣個係我同Leanne發展感情嘅好機會，於是就順住佢意成日答應我地三人行再暗地裏想制造機會比我同Leanne。

不得不讚，Cindy作為朋友其實真係算唔話得，明明自己失戀唔開心都仲為我著想。不過更奇妙嘅係，因為佢算係回復左單身，加上知我一直鍾意Leanne，所以對我就再無左之前果種避忌，而本身我地就係屬於好傾嘅朋友，唔係係我原本嘅世界我地都唔會咁friend仲發展到差d就有左感情。所以慢慢地，我地都越傾越好傾，然後一種超越朋友之間嘅感覺似乎都開始好似上一個世界咁係我地中間不自覺咁萌生。

而另一方面，我同Leanne亦因為衣種三人行日子越黎越熟，佢對我都無左一開始果層隔膜或者偏冷感，開始真心當我係一個好朋友。果陣嘅我，曾經都真係有幻想過自己會唔會有日可以享受到齊人之福…

因為明天多數出唔到 所以今日趕定埋明天果篇先
好大機會要星期六晚先再見到大家喇..
萬分抱歉

慢慢

30. 結束

不過係未享受到衣種齊人之福前，我本身已有嘅福氣可能會先一步離開我。因為花多左時間係Cindy同Leanne度，加上驚比佢地發現我有Mabel衣個FWB，所以之後我都少搵左Mabel好多。而女人都係非常sensitive嘅動物，所以無耐Mabel已經發現到我嘅不尋常。

「近排好忙?」有日佢突然whatsapp我。

「都有d呀…」嚴格黎講我無講大話，不過係忙係另外兩個女人度。

「忙到唔可以比d時間我?」

「唔係… 聽晚?」感受到Mabel嘅怨氣我立刻用行動去化解。

「好!」

其實自從周旋係Cindy同Leanne中間後，我對Mabel嘅感覺同需要都少左好多。而為左唔好比Mabel衣個炸彈影響到我，係佢主動搵我後我諗左陣就決定完結衣段關係。始終如果有日比Cindy或者Leanne發現左佢嘅存在，咁我同佢地都唔駛旨意再有任何可能。但喺完結前，我希望同Mabel可以留個美好嘅回憶比大家，所以第二晚我專登book左間靚d嘅酒店，希望大家可以有個完美嘅good bye Q。

第二晚，我比平時再出盡百二分力量係Mabel身上耕作，而Mabel亦都用盡佢嘅渾身解數去迎合我。可能係因為我地太耐無攪過，又或者係因為佢察覺到我嘅唔尋常所以常落力d去留住我，可惜衣d都係於事無補，因為我衣家已經有左更大嘅理想同抱負…

「Mabel，不如我地以後唔好再咁啦…」春風二度完後，我終於下定決心對仍挨住我膊頭嘅Mabel說。

「…點解?」佢呆左咁望住我問。

「我覺得再係咁會影響到你…妨礙你去識第二個…」我扮作係為Mabel著想。

「我都唔介意…」好似真係驚我即刻會走咁，Mabel撓得我更實咁講。

我:「但我唔想咁自私…」

Mabel:「所以到衣刻你都仍然係對我無感覺?」

「唔係… 不過我真係當唔到你係我女朋友…」我自相矛盾咁胡亂答道。

「你老實同我講，你係咪有左鍾意嘅人?」一直都有衣方面擔心嘅Mabel好快就估到真正原因。

「嗯…」而我都唔想再否認呃佢。

「所以真實原因係因為佢?」Mabel追問。

「嗯…」嚴格黎講應該係佢地而唔係佢。

「哈! 為左你我付出左咁多，比你當埋肉器咁去滿足你，希望有日你會感動鍾意我… 但原來一切都真係唔會有用，我永遠唔會及得上其他人… 到底我有咩比唔上佢?」Mabel開始忍唔住喊。

「你好好，無野比唔上佢... 或者只係因為我識得你太耐，早已經friend zone左…」我繼續嘗試搵原因解釋希望可以令Mabel好過少少。

「咁點解你又要攪我? 第一次我當你當時唔開心又飲醉，咁之後呢? 如果你明知同我係無可能，咁點解要咁對我? 又比假希望我? 你到底當我係咩?」Mabel問出一堆令我唔好意思答嘅問題。

「我… 因為同你攪野真係好正… 我知係我衰… 其實我都有試過想睇下大家work唔work，但結果真係唔work… 只係另一方面我又唔捨得同你完，所以真係好對唔住… 同埋我見你一直無出聲以為你都接受左我地衣種關係，無諗過你會咁大反應…」我決定承認我就係一個人渣，一個不折不回嘅大人渣。

「我會接受只係因為我太鍾意你，想用盡一切方法留你係身邊! 如果我真係想搵Fwb或者SP，我就唔會一直得你一個，其他人追我我都拒絕啦!但原來一切都係我自作多情，無論我點做都唔會及你岩岩識嘅女人，一直以黎你只係當我係發泄嘅工具!」Mabel開始失控。

「唔係咁架… 我真係當你係好朋友… 不過我知講咩都無用，對唔住…」做錯事嘅我只可以認衰仔。

「其實唔關你事… 我明明一直都知，只係自己唔肯接受真相啫…係我犯賤… 」可能因為打擊太大，Mabel雙眼感覺開始有d out of focus。

「你唔好咁話自己啦… 錯嘅係我，我係一個人渣… 所以真係唔值得你再為我咁… 」唔想再陷入衣個沉重嘅氣氛，我開始起身想著返衫離開。

「祖，對唔住呀，你可以繼續當我係SP，唔好離開我呀，求下你唔好粉碎我個希望，我唔介意架，只要我可以繼續係你身邊…」但衣個舉動似乎刺激到Mabel，佢一見我想走就即刻攬實我求我唔好離開佢，那怕佢繼續只係我個FWB。

「唔好咁啦… 咁對你唔好，我唔想再傷害你…」內疚令我推開佢講。

但佢無比我講完就錫左埋黎，然後雙手開始不斷又係我個身遊走，仲捉住我隻手放上佢自己個胸上面不斷咁捽佢地。霎時間我差d又迷失左係Mabel嘅溫柔鄉入面。不過始終岩岩先攪完兩次，我仲勉強停留緊係賢者狀態入面。

「你唔好咁啦!」所以好快我就清醒然後再次推開左佢。

「所以無論我點你都唔會再要我?」比我推開後Mabel又變返崩潰式喊住咁講。

「對唔住…」為左佢好，我只可以講衣三個字。

Mabel無再出聲，然後默默咁起床執返起自己d衫再一件一件咁著返上身。

「史德祖，我以後都唔想再見到你…」臨離開前，佢留低左衣句說話。

望住佢嘅身影，我都好內疚好唔開心，我知我傷害左我嘅青梅竹馬，亦傷害左一個真心愛我肯為我犧牲嘅人，而今次之後，我好可能永遠會失去左佢。不過頭先嘅說話我都唔係全部係假，我知繼續有我係身邊先會妨礙佢搵到屬於佢自己嘅真正幸福，有我嘅存在佢就永遠都唔會真正咁開心，因為我唔會比到佢想要嘅野，即係我個真心佢。當然，或者衣d其實都只係自我安慰等自己良心可以舒服好過d嘅廢話。

明知得到你都要知道怎放下你
明知天空有很多班客機
令我不得不放棄

如果有限期 可否拖得到我會飛
容我 俯瞰你 遙吻比怨你可悲
如果有限期 可以拋低你
我會一生也學習 忘記你

「睇黎衣個世界我同Mabel嘅關係最後都會同我原本個世界一樣… 不過我寧願咁，都好過見自己繼續傷害佢嘅…」天上嘅我聽住歌帶著唏噓咁講。

「你又咁武斷? 衣個世界最有趣嘅地方，就係你永遠唔會知將來發生咩事，所以最好一日未死，一日都唔好咁早去評論一d事，呵呵~」貓仙人繼續望住地下咁講。

要你同各位久候了

31. All Lost

無傷心太耐，我又繼續周旋係Cindy同Leanne兩者中間。其實雖然同Leanne熟左，而我對佢亦超好，成日噓寒問暖又會主動關心佢，佢有野搵我幫手我亦從無托佢手肘，但佢一直比我嘅感覺都真係只係當我係朋友。反而同Cindy，唔知係咪因為佢失戀下意識想搵寄託，對我好似慢慢都有d意思，我地會開始私下見面，間中大家嘅對話都會有少少曖昧成份。

兩三個月後，其實我覺得只要開口，我就可以同Cindy正式一齊。同Cindy相處，我地真係好岩傾好多話題，所以雖然一開始我無衣個動機，但慢慢我對佢都真係動左心，亦覺得會有同佢一齊嘅一日。只不過另一方面我亦知道如果我同Cindy一齊左，咁代表我同Leanne都唔會再有可能，因為佢地兩個咁friend，無可能會接受大家鍾意同一個男人，又或者係一d傷害到對方或者大家感情嘅行為。雖然其實本身我都覺得同到Leanne一齊嘅機會唔高，但人就係咁，只要有一絲嘅可能你都會唔捨得放棄，特別佢仲係自己嘅女神，於是我地就陷入左膠著嘅狀態。

直至有日，Leanne突然搵我同我講，Cindy決定同返佢個青梅竹馬一齊，仲怨我咁耐都唔行動，我先醒悟我可能一直錯判左形勢。

知道左後我立刻message Cindy。

我:「點解咁大決定唔同我講呀?」

「點解要同你講?」點知一開始就比佢反問返轉頭，而我唔知可以點答。

我:「咁我地都算係…好朋友呀?」

Cindy:「OK，咁我衣家以好朋友身份同你講聲我同Johnny復合左喇。」

「…其實我以為我地唔只係好朋友…」雖然感受到對方唔太善意嘅語氣我都照硬住頭皮咁講。

Cindy:「我都以為係… 同佢分左手後，我一直希望有人出現可以救我走，之後你真係出現左，而衣幾個月我其實一直都等緊你開口…」

我:「咁點解咁突然同返佢一齊都唔同我商量下先?」

Cindy:「因為我終於諗通左點解你一直唔開口。」

我:「下?」

Cindy:「你好似忘記左我同Leanne有幾熟? 而且一開始我比你加入佢黎陪我，本身就係為左造就機會比你地，只係當時我無諗過最後反而係自己陷左入去啫…」

我:「所以你諗住讓愛?」

Cindy:「唔係… 只係因為我知道你一直唔開口係因為唔捨得放棄佢…」

「我無呀… 只係我一直唔敢開口…」雖然比Cindy講中左但我仲想狡辯。

「唔駛扮野喇… Leanne個傻女有時會將你地嘅野講比我聽…佢本身係想幫你講好說話，不過我一聽自然就知道你係想對佢示好啦…」可惜Cindy並唔係蠢。

「對唔住…」我只好又講衣三個字。

Cindy:「唔駛對唔住，本一開始身你個目標就唔係我啦，只係有d意外發生左啫… 而且既然你同佢一樣都唔係一個專一嘅人，咁點解我唔索性接受返佢? 始終我地由細識到大，佢一直都係我身邊一個好重要嘅人… 再講，咁咪可以等你專心focus 係Leanne度囉…」

到果刻我先知原來衣幾個月Johnny一直哀求Cindy比多次機會佢，Cindy一直猶豫係因為我，而我最後嘅行為卻令佢失望，因為我話緊比佢聽我同Johnny其實都係同一種人…

「對唔住… 除左衣句我唔知仲可以講咩… 希望你今次個決定係無錯啦…」事以至此，我都只可以接受現實。

Cindy:「將來嘅野無人知嘅，你都比心機啦，不過你條路好可能比我更加難行…」

果陣我並無特別張衣句說話放係心，以為佢嘅意思係因為Leanne衣個女神本身就好難追。直至後來我先知原來衣句說話係佢對我最後善意嘅提醒，亦解釋緊點解佢話佢唔係讓愛，因為除左佢睇穿左我唔專一外，佢亦一早就知我同Leanne一齊到嘅機會真係好低。

知道左Cindy同Johnny復合左後，Leanne都無再為我同Cindy製造咩機會。但因為我地熟左，所以我地都會好似好朋友咁繼續傾偈，有時仲會單獨出下街食飯，佢有唔開心又會同我講下。但因為我一直感受唔到佢對我有果種感覺，所以我亦一直唔敢表白或者做d咩過界野，因為一做可能之後就連朋友都做唔成。突然間，我親身體會到當日Mabel 70/100蚊嘅比喻，雖然本質上我同Mabel以及我同Leanne原本嘅感情根本就無得比較。

而繼續過左我都唔知算唔算係兵嘅幾個月生活後，Leanne對我嘅態度都開始唔同左，變得冷淡，約佢出去亦經常會拒絕。

「其實我係咪做錯左d咩?」有日我終於忍唔住問佢。

Leanne:「無呀。」

我:「咁點解你對我好似冷淡左咁多?」

Leanne:「其實我都唔應該再瞞你… 因為我唔想我男朋友誤會呀…」

「男朋友? 幾時嘅事? 之前完全無同你提過嘅?」Leanne嘅說話就好似流星錘咁一野打左落我個心口度，好彩我地係隔住螢光幕咁傾而唔係面對面，我仲可以裝作若無其事咁問。

Leanne:「其實我都唔知點講起好… 初初我都無諗過自己會鍾意佢甚至同佢一齊，不過有時有d感覺就係突然咁發生… 點都好，因為我已經唔係單身，所以希望你明白我要有返d避忌，對唔住呀…」

「我可唔可以問下你，你對我其實係咪從來都無任何感覺?」衣個問題好似每次電視劇入面相似橋段都會問。

Leanne:「嗯… 我一直都當你係好朋友，同你相處都好舒服。不過自從鍾意左我男朋友後，我就知我對你唔係果種感覺。」

「明白… 咁… 祝你以後幸福快樂啦~」心裏正滴著血，但我仲係扮無事咁祝福佢。

Leanne:「多謝~」

結果衣兩段曾經貌匃有發展可能性嘅關係，就係咁全都係亳無先兆下完結，我繼續都係A0。


果晚萬念俱灰嘅我突然間諗起Mabel，果刻我好掛住佢好需要佢。

「Here?」掙扎左陣我拎起電話send左句message 比佢。

「?」但佢嘅回覆就好似一盤冷水咁淋左落黎，咁耐以黎佢都未試過就咁一個符號回覆我。

「今晚可唔可以陪我?」但我當然唔會就咁放棄繼續嘗試。

「… No…」結果係另一盤嘅冷水。

「我知我之前好過份，但我真係好掛住你好想見你…」我再退一步。

「haha，衣句說話我等左咁多年竟然終於有機會聽到。不過Sorry… 我已經有男朋友喇，如果你仲係咁，我覺得我地最好唔好再溝通。」但Mabel嘅答覆繼續令我大吃一驚。

之後任我再講d咩，Mabel都唔再應我，然後我先意識到連Mabel都選擇左離開我。

(Mabel都已經有男朋友? 曾經咁愛自己嘅Mabel都會鍾意左第二個? )

衣個打擊可能比Leanne同Cindy對我嘅打擊更大，我一時間竟然真係接受唔到。

32. 覆水難收

人真係好奇怪，當人地當你係寶果陣，你總係會覺得好理所當然完全唔在意亦唔會珍惜而只係當人地係草。但當有日你發現一直當自己係寶嘅人有日突然都只係當返你係草果陣，你又會唔甘心唔願意接受現實，會後悔好想佢當返你係寶，那怕你自己之前明明係完全唔care…

我係屋企越諗越唔開心，然後我突然間醒起d野就立刻打開左房一個櫃門拎左個紙盒出黎，入面全部都係Mabel咁多年以黎送比我嘅禮物。有當年嘅果隻CD，模型，頸巾，手錶，銀包，學屆金牌等等，仲有每年從不間斷都會有張嘅生日心意咭。衣堆野過往我從來無在意過，但到今日當我再望住佢地，發過每一樣其實都滿載住Mabel對我嘅心意時，我先突然發覺佢地係有幾咁珍貴無比… 原來一件東西嘅價值，真係唔係取決於佢嘅實質帳面價值而係自己嘅心態。

(唔會架! Mabel對我唔會咁絕情! 佢以前咁鍾意我，點會話變就變? 等我花d心機一定可以氹返佢返黎架!) 望住衣堆禮物，我仍然唔相信Mabel對我會咁絕情。


於是我之後幾日花左好多心機整左份禮物比佢。份禮物係一個紙盒，入面鋪左個草地，然後我用手摺嘅花圍左個心型出黎，再整左d星星同燈係入面，成件禮物非常之靚。當然我仲寫左張心意咭比Mabel，內容都係講對唔住以前對佢咁衰，一直忽略左佢對我嘅好同佢嘅感受，衣家好後悔希望有機會可以正式同佢一齊好好補償返比佢。我好有信心衣兩樣野加埋一定可以感動到Mabel。

「Home?」萬事俱備下我再次msg Mabel。

「Yes。」可能見我幾日無再煩佢，今次Mabel有覆我。

知道佢係屋企，我就拎住個盒同張卡鼓起勇氣去搵佢。當佢開門見到我明顯有d意外。

「祖? 咩事?」

「可唔可以出黎陪我行一陣?」

「Sorry我唔想…」

「最後一次! 睇在我地識左咁耐份上，比個機會我講埋我想講嘅野，如果你之後都係唔想再見我，我以後唔會再煩你…」我苦苦哀求佢比最後一次機會我。

猶豫左陣Mabel都係心軟換左對鞋就跟我去左附近個公園。

「你仲有咩想講呀?」行左無耐佢就急住問，好似同我一齊嘅每一秒佢都好唔舒服咁。

「對唔住，衣份禮物同張卡送比你架…」我將手上嘅野比左佢。

「ok，收左喇，咁我走得?」Mabel從我手上拎完後問。

「你真係咁絕情睇都唔睇下先就走?」我當然唔會就咁放佢走，果刻我仲相信佢睇完會比我感動到。

於是Mabel打開左個盒，見到入面嘅內容佢明顯有d驚訝，然後佢再打開左張咭睇埋入面嘅內容。

「點解…」良久佢終於開口。

「近排我先發現自己之前有幾咁傻，竟然一直忽略你對我嘅好同付出，仲要不斷咁傷害你… 明明最好果個已經一直係身邊，但偏偏就為左d唔值得嘅人而放棄… 我真係好後悔，好想可以同你有一次機會，可以好好咁補償你… 我以後會好好對你架Mabel，我真係知錯喇，你比多次機會我啦…」我將預備好嘅說話講出，滿心期待Mabel原諒我嘅答覆。。

「祖…多謝你… 不過太遲喇。如果你今日嘅舉動早半年出現，我估我會死心塌地咁原諒你，仲會好開心我終於可以感動到你得到你嘅愛。但衣家，我做唔到…」可惜Mabel嘅答案再一次好似盤涷水咁一野淋落我度，再係咁淋法我應該好快感冒。

「點解? 係咪仲係覺得我唔夠誠意唔肯原諒我?」結果實在太意外，我亦唔明白點解，過左陣先反應到再追問。

「唔係… 只係有d感覺無左就係無左… 由小學開始其實我就已經一直都鍾意你，但我從來都唔太敢諗同你一齊，直至有次你鼓勵我有夢想就要嘗試，我先敢透過張生日咭同你表白。可惜當時我以為你並無發現背後嘅密碼，所以之後我都再無勇氣亦唔敢再諗，打算認命同你做一世死黨，繼續keep住衣70蚊其實都唔錯呀。點知到你父親過身無耐後果晚我知道左原來你只係一直扮唔知我對你嘅感覺，然後我地又突然發生左關係…

果晚雖然一方面我好驚，但另一方面我又好開心，因為同你嘅關係好似終於有機會突破，或者我終於可以正式成為你嘅女朋友。點知第二日你同我講可唔可以當無發生過… 果刻我真係心如刀割，不過我唔想逼你同比壓力你，加上知你唔開心果晚又大家飲醉左…. 所以過左一排後我諗通逼自己忘記左佢咁就可以同你繼續做返好朋友。點知過左排後，有日你又格硬錫左埋黎，仲… 我一方面唔敢拒絕你驚你唔開心，另一方面我亦真係鍾意你希望有日你會鍾意返我，結果我地一次又一次… 然後我又一次又一次咁失望…

但唔緊要，我知你一日係單身，我一日仲係有機會… 而且你仲搵我，至少証明你唔抗拒我需要我呀，只要我繼續努力，話唔定有一天我地真係可以一齊… 點知上到大學後無耐，你連搵我都越黎越少，然後有日終於同我講我最驚亦最唔想聽嘅野，你唔想我地再咁樣落去…

明明主動要咁果個係你，到到玩厭左有新歡喇要完果個又係你。到底你一直當我係咩? 我地識左咁耐，點解你可以咁狠心咁傷害我? 你真係完全無諗過我嘅感受? 果刻，我真係心死喇，我知一直都係自己一廂情願。其實當時係大學，有一個男仔一直都追緊我，但因為你我一直都拒絕佢。但果晚後，我終於醒悟，點解我要為一個唔珍惜自己嘅人而放棄一個珍惜自己嘅人?

望見佢我就諗起自己。於是我決定放過自己，比一次機會佢。結果佢對我一直好好，而因為佢我亦終於可以慢慢咁完全放低左你。原來只要你諗通肯去放，無野係話放唔低。所以衣一刻我可以好明確咁對你講，我鍾意嘅係佢唔係你，我無可能放棄佢而去接受返你，所以對唔住…」

由預備禮物果刻開始，我一直仲以為只要我努力Mabel一定會返黎我身邊。但聽到Mabel嘅剖白後，我終於知我錯喇，亦知我帶左咩傷害比Mabel令佢由極愛我到到衣家完全死左心，但我完全接受唔到。

「唔係架! 你呃自己! 我知你仲鍾意我架，你唔肯認咋嘛! 你之前咁鍾意我，點會話變就變架!」我不自控咁捉住左Mabel好激動咁講。

「好痛呀! 放手呀!」Mabel大力掙扎，而我亦終於清醒放開左佢。

「對唔住我唔係有心架…」我好似個做錯事嘅小朋友咁同Mabel講。

「我無講大話。無錯，我以前真係好鍾意你，為左你我甚至無左自己，放棄左自己嘅底線。但亦正正因為係咁，你比我嘅傷害都係無比巨大… 對唔住，或者女仔絕情起上黎原來真係可以好絕情。事實上多得你今晚搵我，我先知原來我真係已經完全放低左你… 頭先我其實完全無猶豫我就知自己應該點揀。更可況祖，其實你唔係真係鍾意我，只係你衣家咁岩無人陪，又接受唔到我已經唔係以前可以為你無條件付出嘅我啫… 當有一日你得到返我，慢慢你都係會變返以前咁架…」Mabel堅定有力咁講。

「唔係架… 我真係好後悔…. 衣家嘅我真係醒悟，好鍾意你好想同你一齊…」聽完Mabel絕情嘅說話，我終於忍唔住喊起上黎。

「係咪都好啦，已經唔重要喇… 祖，其實你知唔知我係幾時開始鍾意你? 」或者見到我喊得咁犀利，Mabel都真係好驚訝，然後佢語氣突然變得好溫柔咁問我。

男主其實係大仆街

男主喺衣方面係一個自私加無定力嘅人
不過佢要透過其他世界先知自己另一面
黎緊嘅世界佢又會有唔同體會

可能到後來都唔係鍾意Mable 只係鑽咗牛角尖 放唔低

下個時空同Leanne喺一齊?

其實好多時 都真係我地越諗越鑽牛角尖然後越黎越放唔得 認定左自己放唔低就認為自己永遠都放唔到 到到後尾其實未必仲係咁鍾意果個人 只係鍾意果種回憶同習慣左果種感覺 唔選擇走返出黎
不過過來人都明白係真係好痛好難
真係要睇自己諗唔諗得通 又或者會唔會有人可以救返自己出黎

唔劇透～不過貓仙人都暗示左黎緊女神會再有戲份

34. 霎時感動

第三個時空

「Mabel，不如我地以後唔好再咁啦…」

鏡頭一轉，我發現下面正係我係上次個世界同Mabel攪完個goodnye Q後打算講以後唔好再做FWB嘅一幕。

Mabel:「…點解?」

我:「我覺得再係咁會影響到你…妨礙你去識第二個…」

Mabel:「我都唔介意…」

我:「但我唔想咁自私…」

Mabel:「所以到衣刻你都仍然係對我無感覺?」

我:「唔係… 不過我真係當唔到你係我女朋友…」

Mabel:「你老實同我講，你係咪有左鍾意嘅人?」

我:「嗯…」

Mabel:「所以真實原因係因為佢?」

我:「嗯…」

Mabel:「哈! 為左你我付出左咁多，比你當埋FWB去滿足你，希望有日你會感動鍾意我… 但原來一齊都唔會有用，我永遠唔會及得上其他人… 到底我有咩比唔上佢?」

我:「你好好，無野比唔上佢... 或者只係因為我識得你太耐，早已經friend zone左…」

Mabel:「咁點解你又要攪我? 第一次我當你當時唔開心又飲醉，咁之後呢? 如果你明知同我係無可能，咁點解要咁對我? 又比假希望我? 你到底當我係咩?」

我:「我… 因為同你攪野真係好正… 我知係我衰… 其實我都有試過想睇下大家work唔work，但真係唔work… 只係我真係唔捨得同你完，所以真係好對唔住… 同埋我以為你都接受左衣種關係，無諗過你會咁大反應…」

Mabel:「我會接受只係因為我太鍾意你，想用盡一切方法留你係身邊! 如果我真係想搵Fwb或者SP，我就唔會一直得你一個，其他人追我我都拒絕啦!但原來一切都係我自作多情，無論我點做都唔會及你岩岩識嘅女人，一直以黎你只係當我係發泄工具!」

我:「唔係咁架… 我真係當你係好朋友… 不過我知講咩都無用，對唔住…」

Mabel:「其實唔關你事… 我明明一直都知，只係自己唔肯接受真相啫…係我犯賤…」

「你唔好咁話自己啦… 錯嘅係我，我係一個人渣… 所以真係唔值得你再為我咁… 」我講完開始起身想著返衫離開。

「祖，對唔住呀，你可以繼續當我係SP或者FWB，唔好離開我呀，唔好粉碎我個希望，我唔介意架…」Mabel見到亦照舊突然改變左態度攬實我求我唔好離開佢。

上個世界嘅我好無情咁推開左Mabel，不過衣個世界嘅我似乎有d唔同。經過頭先兩round大戰，我感受到”我”真係有d唔捨得無左Mabel衣個FWB，加上見到Mabel咁崩潰反應咁大，衣家又放低晒身段寧願我繼續當佢係FWB都求我唔好離開佢，我竟然唔忍心傷害佢。

(只要小心d應該唔會比其他人發現，亦唔會影響到自己同Cindy或者Leanne嘅發展嘅… 可能等有日我真係追到佢地先再放棄Mabel啦，衣家留返住佢其實都無壞?) 下面嘅我係咁諗。無錯，衣個世界嘅我其實只係比上一個世界嘅我更加自私同仆街。

「你真係唔介意? 我可能會理少左你，又追緊第二個喎…」我試探性問道。

「唔介意! 只要可以繼續係你身邊，你得閒間中願意比d時間我就得架喇… 我以後唔會再貪心…」Mabel攬得我更實咁講。

「對唔住呀Mabel，委屈左你… 我應承你以後都會留時間比你，盡力對你好d。多謝你為我犧牲咁多…」我抱返住Mabel同佢講。

「嗯!」聽到我唔會走仲話會陪佢多d，Mabel好開心，然後又主動再撩我企圖發動第三次世界大戰。

或者因為好驚我走，之後Mabel對我更加嘅好同順從。基本上之後佢因為驚比壓力我都唔敢再主動搵我，但只要係我搵佢佢就就算幾忙都好次次都會立刻出現，而且不時又會比d小禮物我仲讓我享盡佢嘅溫柔。雖然每次都令我更加內疚，但無可否認，我好慶幸自己果晚無堅決要佢離開。試問可以有一個咁嘅女仔係自己身邊”任勞任怨”，夫復何求?


半年後，Cindy同Leanne就好似原本世界咁相繼同男朋友復合同埋比另一個男人溝左。而失落嘅我知道左Leanne已經有男朋友後就照樣立刻去左搵Mabel，然後將所有嘅唔開心發泄晒係佢身上。

「啊!」

將自己嘅負面情緒射晒入個condom度後，果刻嘅我其實真係有d心灰意冷，因為自己嘅付出好似永遠都唔會有收獲，而咁亦突然間令我醒悟到其實搵個鍾意自己嘅人instead of自己鍾意嘅人，又或者對方鍾意自己多於自己鍾意對方嘅人好似會簡單輕鬆好多。然後我望住係我懷中熟睡緊嘅Mabel，我知佢已經連續趕左兩晚通頂做project，但當我搵佢佢仲係義無反顧唔去訓覺第一時間衝出黎搵我…

自己只係付出左一年唔夠嘅時間種失落感都咁大，咁衣幾年Mabel嘅感覺咪應該比我更加難受N倍? 雪中送炭往往比錦上添花更令人感動，更何況Mabel對我從來都只有付出不求回報?霎時間，我有種莫明嘅感動，心入面亦終於對身邊衣個已經識左十幾年嘅”老死”產生左友情同性慾以外嘅感覺。抱住Mabel溫暖嘅身軀，我突然有種想同Mabel試下一齊嘅感覺。

「Mabel，不如我地試下正式一齊?」我細細力叫醒Mabel同佢講。

「嘿?」但佢應該唔係太聽到我講咩。

「我話，不如我地試下正式一齊?」我笑住咁同佢講多次。

「你…講真?」隔左兩秒後，Mabel隻眼突然間由打唔開變到開得好大，然後呆左好似完全唔相信我講嘅野咁問道。

「係呀，唔想呀?」我笑住問。

「唔係呀! 只係等左咁多年，我唔係幾敢相信啫… 我好開心呀!」我只係講下笑但佢就好驚我真係以為佢唔想咁。

「傻妹~ 我好累喇，如其浪費時間搵d唔鍾意自己嘅人，點解唔好好珍惜真心對自己好嘅人? 衣幾年我知我傷害得你好深… 黎緊就等我慢慢彌補返我之前對你嘅傷害啦~」我攬佢攬得更實。

「有你衣句說話，一切都係值得… 原來努力真係會有回報，只要堅持就總會有成功嘅一日，就算感情都係…」

就係咁經過幾年奇怪嘅關係，衣個世界嘅我同Mabel終於正式係埋一齊。

不過雖然話對Mabel突然有左感覺想同佢一齊，但其實過左段時間後我就知有衣個決定都係因為果刻咁岩自己好心灰意冷，又明白到Mabel一直嘅感受所以覺得自己太過份而衍生。你話我係咪真係好鍾意Mabel? 都係鍾意嘅，但就好似點都唔及果陣對Leanne甚至Cindy咁鍾意。 所以一齊後其實我對Mabel唔係話差但都唔係話真係好好，之後亦曾有為其他女仔心動過，只係要我追佢地嘅動力唔似果陣對Leanne咁大，因此最後亦無點行動。或者太易得到嘅野，人就真係點都唔會特別珍惜啦。如果係上一個世界嘅我，我相信我對Mabel會完全唔同。

而一齊後Mabel對我就更加好，好似自己存在嘅目的就係為左令我開心咁。雖然唔對等，但只要我地繼續一齊佢就會一直樂在其中。慢慢地我都比佢越黎越感動到，開始越黎越認真。種感覺就好似可能我以後真係會鍾意左第二甚至同第二個一齊，但最後結婚陪伴我終生嘅對象就一定係Mabel，因為我知衣世我都唔會搵到個比佢更愛自己嘅人。

之後果幾年，我地確實係過得幾幸福。

踏入第三個時空推進劇情加左更

36. 漣漪


轉眼間又過左差唔多一年，由於Mabel終於讀完個master，我地半年後就會正式註冊結婚，所以都開始為婚禮嘅事而忙碌。不過睇得出雖然忙又多野煩，但Mabel仲係好開心好雀躍咁樂在其中。就算一齊左咁多年，佢對我嘅愛真係從無減過半分。

有一晚，當我同朋友食完晚飯返到屋企門口發覺搵極都搵唔到條鎖匙嘅時候，我先醒起朝早自己拎過條鎖匙出黎開其他野然後唔記得放返入褲袋漏左係公司，於是只好揸車返公司拎返。返到公司果陣已經差唔多十一點，但一開門我發現竟然仍然有人係公司入面。

(邊個OT O到咁夜?) 我公司一向都無咩OT文化，所以我諗唔到有邊個。

「Leanne?」然後我發現竟然係Leanne，但佢正伏左係自己張枱上面。

Leanne聽到有人嗌佢就抬起左頭，但一望到我好快又張個頭拎左去另一面唔比我望到佢個樣，不過我已經知道原因，因為佢正係度喊緊。

「你無事嘛? 唔開心?」我關心問道。

「我無野呀…」而佢亦正路地答無野。

「你喊到咁覺得我會信?」但我無就咁放過佢，因為無人會想見到女神喊。

「…你咁夜仲返黎嘅?」佢嘗試扯開話題。

「係呀，岩岩反到屋企門口先醒起漏左條鎖匙係公司…」我解釋道。

「哦…咁你去拎返然後返屋企啦，唔駛理我…」佢仍然背住我講。

「咁我去拎返先。」知佢唔想比我見到佢衣家個樣，我都好識做咁行返入自己房拎條鎖匙，然後我又專登過左陣先出返黎。果然佢已經整理完畢，雖然隻眼仲有d腫，但至少已經無再喊。

「唔好再做咁夜喇，我揸左車呀，車你返去?」我提議道。

「唔駛麻煩你啦，我自己返去得架喇…」佢當然又正路地拒絕。

「車行啫，而且我架仲係電車，油錢都唔駛~」我嘗試講笑舒緩下氣氛。

「咁好啦…唔該。」知道時間已經好夜，我又係出於好意關心佢佢就無再拒絕。


係車上面大家都無咩點講野。不過因為公司係荔枝角，我突然諗起有個夜景係幾靚。

「不如我地去昂船洲橋底睇下風景吹下風?」我提議。

「好呀…」其實我都係問下無諗過Leanne會話好，但感受到Leanne似乎並唔想返屋企，所以可能因為咁佢就同意左。

可能比較夜，去到橋底個位竟然完全無人。望住個海景加上遠處樓宇嘅燈光，確實係幾靚，被微微嘅海風吹住仲幾舒服。

「好耐無黎過衣度lu…」我主動講道。

「我都未黎過衣度… 好靚呀…」一直唔開心嘅Leanne好似終於比個景distract左佢。而衣個時候海風微微吹起左佢嘅秀髮，佢下意識用手撥左一撥。係側邊望住佢個樣同衣個動作，我不得不讚嘆一聲老天爺嘅傑作，真係好靚…

「無帶錯你黎呢~ 雖然衣度都未算最靚…」我收斂左一下心神然後講道。

「咁邊度係最靚?」Leanne好奇問。

「嗯…都真係有好多選擇答唔到添… 不過主要都係山頂望返落黎或者係維港邊望最靚…」唔同嘅地方係我腦海浮起，但我又講唔出邊度係最靚，因為各有特色。

「攪到我都好想去睇下添…」Leanne有d憧憬咁講。

我:「實有機會嘅~」

「嗯…」

沉寂左一陣後，我再次主動關心問道。

「其實如果你唔開心有咩想同人傾，可以同我講架喎，我好樂意聽架。當然如果唔想講都無所謂。」

「其實我婆婆…兩日前過左身…」諗左陣後Leanne細細聲講道。

「噢… 節哀順便…」對於親人離逝，某程度上我覺得衣樣野係最難安慰，因為人死左就點都唔會再有希望，所以講咩都係廢話，我只可以講到衣句。

「其實我小學果陣我父母就已經離左婚，由於佢地兩個都唔想比我拖累，所以最後婆婆就主動擔起照顧我嘅責任，之後我一直都係同婆婆一齊住同生活… 婆婆一直都好錫我，對我黎講佢係我最重要嘅親人… 但兩日前當我同佢飲完茶搭電梯果陣，佢突然比個細佬係後面撞到碌左落去，然後去到醫院已經救唔返…」講到衣度Leanne又忍唔住開始喊。

面對親人嘅離世，我唔知可以講咩安慰佢，只可以輕輕拍下佢個膊頭以示安慰。

「果陣我明明係佢隔離，但就偏偏捉佢唔切，只可以睇住佢不斷咁碌落去… 我真係寧願碌落去果個係我…」Leanne繼續喊住咁講。

「你唔好怪自己啦，意外嘅野無人想亦無人預計得到… 唔關你事架…」我終於嘗試安慰佢。

Leanne:「理性上我明白，但感性上我好難唔咁諗… 然後每次返到屋企，我就會諗起婆婆平時唔係坐係廳度睇電視就係係廚房整野比我食… 衣家間屋得返我一個，我唔想返去睹物思人，唔想返去自己一個孤伶伶…」

「唔怪得你留係公司留到咁夜啦… 你媽咪呢?」我終於明白點解Leanne留到咁夜，又好似好唔想返屋企咁。

「佢? 佢係外國話好忙趕唔切返黎住喎…」Leanne嘲諷地說。

「嗯… 咁衣段時間對你黎講真係好難捱… 」我嘗試表示我明白佢感受。

「所以我唔想返屋企，想用其他野麻醉自己唔比自己諗其他野…」

「如果你唔介意，衣段時間我可以陪下你呀… 你頭先咪話好想去其他地方睇夜景嘅? 以後你唔想返屋企想搵人陪果陣就搵我，我每次都帶你去唔同嘅地方睇夜景~」我聽到佢咁講好快就衝口而出左。

「多謝你呀阿祖…」Leanne有d驚訝，亦好似有d感動。

作為過來人，果刻嘅我並無多諗，真係只係單純想陪佢幫佢走過衣段艱難嘅時間。而傾多左陣後都真係夜，我就送左佢返屋企。

第二日，雖然累但我都專登早d返到公司然後襯無人嘅時候係Leanne枱頭放低左d物品。

「支牛奶係比你訓前整返熱飲架，會容易d入睡同埋訓得好d。另外有個敷眼套裝你可以訓之前敷下隻眼，一來可以等你舒服d，二來可以令隻眼無咁腫。始終你係女神黎架嘛，唔可以比自己太醜樣!」

見佢返到黎充滿疑問咁望住堆野，我就send左個msg比佢解開佢嘅疑團。當然，衣堆野其實係咁岩我屋企有所以現成拎返黎，始終琴晚返到屋企已經咁夜就算想買我都買唔切。順帶一提個敷眼套裝本身其實係Mabel買比我用，不過男人本身就好少用衣d野。

「多謝你呀…好感動 >_<」佢回覆我。

「最緊要你快d無事! 仲有呀，以後如果唔想返屋企可以搵我陪你，唔好日日留係公司OT咁慘啦… 出去抖下氣心情一定好過係公司做野…而且公司邊有咁多野比你做呀，唔好扮晒野啦~」我嘗試製造一個比較輕鬆嘅氣氛。

Leanne:「喂呀! 唔好督爆我啦…」

「所以呢，唔好扮OT。唔想返屋企想搵人陪呢就搵我衣個老朋友啦~ ^_^」同女神傾偈我都忍唔住打左衣d 懶係cute嘅icon。

「咁…今晚可唔可以帶我去第二度睇風景?」