教育界嘅悲歌

見到頭先有個post講跳軌TA既內幕 其實都唔詫異 家陣呢個時勢做TA 的確非常難頂 如果學校又西既話 咁只會雪上加霜 又比人洗 任人魚肉 啲老屎忽作為老師 要教學生明辨對錯 但自己就做呢啲野去欺壓同事 大家會放心比下一代佢地教咩？

見到呢個情況 小弟教書幾年 想綜合一下 比大家知道一下以一位年輕教師嘅角度 究竟大家面對緊咩野問題 唔係話想鬥慘 但知道連登仔非常重視教育 所以希望各位巴絲打補充一下 比大家知道呢個行業發生緊咩事

1. 搵工難
呢個我諗大家都有聽過下 原因主要係因為出生率下降 加上以前老一輩未退休而致既 而且大專院校教育畢業生供過於求 就造成咗今日咁既局面

基本上呢行家陣都係簽合約為主 新人基本上1年 想要perm 應該等個6-7年先機會 1年1年咁簽都咪話唔穩定 今年教一班學生熟絡咗 下年唔續你就可以執包袱走人 另外 當大家以為老師人工高既時候 其實係老一代就真係好高 佢地跟住個薪級表上 但要知道年輕人係簽合約！ 佢係可以唔跟薪級表出你個價 咁就等於你任人宰割 通常有啲衰學校就會將一個位變成幾個位（即係將人工拆成幾舊）請幾個人做野 但記住人工減咗 但大家唔係一齊做同一份野嫁 所以先會又低人工又多野做

2. 入行難

做得TA嘅年輕人十居其九都為咗等做正職老師而默默耕耘 但其實實際上好多學校見到你本身做TA之後再申請老師 通常都會不了 所以想轉番做老師 又要等人退休 又要搏轉工轉 但兩樣難度都係極高既

另外 由於位少既關係 申請人數極多 通常一個位有過100份申請表都常見 但有啲學校會用人唯親 例如識邊個邊個就會有大啲機會 因此行內有個term 叫呃post 其實係內定咗人 但係要請啲人黎in 玩下你咁 所以真post比想像中係少既

3. 食古不化

一個行業要進步 唔單單人既能力要進步 而且思緒都要進步 但係學校以舊人教為主 好難引入新思潮

大部分學校入面行緊嘅政策 乃至改卷方式 都係停留係十幾廿年前 （例如改英文作文 改Grammar改到滿江紅 唔重視內容品質等等）而且舊人教書嘅方式都係以讀PPT為主 之後抄呀抄 有啲連功課都唔改 叫學生對下剔下就算 唔岩就 都唔比

試問舊人搞教育 無任何革新既話 我哋香港學咩人搞革新呢？

Sad

我認同呢種風氣係應該改進

但真心，同香港it狗比，你地處境唔係太差

4. 政府消極政策 + 朝令夕改

政府唔支持小班教學 唔增加多啲老師 都算 但一時又改下TSA 新瓶舊酒 變成BCA 增加下老師學生家長既壓力 高中又搞SBA 等大家享受下學習既樂趣（但實情係有時又有唔啱要取消 又有時要加番其他野 年年改下）但最後咪又係睇公開試成績拉分（其實係用學校拉分添 你係名校 會高分過非名校）咁做泥做咩

最近仲搞咩STEM計劃 話要學下美國教育結合下啲工程 科學 科技一齊上堂 但係都係舊人教 新知識同新方式帶唔到入學校 而且學校考核無人care呢啲野 教育局有額外提供一筆錢黎幫手搞既 (學校fat fat 請多件水魚） 但係筆錢好多學校拎黎請專搞STEM既TA 如果政府政策又變 你話佢地又有無得生存呢？

歡迎各位講下

關注一下

唔撚做教畜咪得

唔撚做教畜咪得

如果無人做 就更加無人改變呢個局面
唔係話避左啲野就可以扮見唔到
香港人 Come on

明知前景咁差都要死入嚟做

仲要做到死

正奴隸

利申 :老seafood
而家考試日日1 點走
順便叫ta 幫學生溫習到7 點

辛苦野自己知算啦
講辛苦野只會惹人反感
話者又嚟唔知第幾屆嘅鬥慘大會

辛苦野自己知算啦
講辛苦野只會惹人反感
話者又嚟唔知第幾屆嘅鬥慘大會

拎左老師牌，做代課算

5. 社會嘅升學主義

嚴格嚟講 呢個係教育問題 但學生老師家長都身在牢籠 幼稚園老師要幫小朋友入名校 小學老師幫學生入中學名校 中學老師幫學生考公開試入大學 甚至仲有咩Playgroup搞學前interview 家陣所有人都chur入大學 學校內部就鬥chur學生幾多拎Level 4 以上 但其實根本有人就唔想讀書 想去學一門手藝 例如一位學生想學廚既 但佢成績唔差 夠入大學 但偏偏香港唔會有一啲適合佢深造既學位 如果佢去讀中華廚藝又會畀家長鬧 校長又鬧佢做咩唔入八大 咁樣好咩？ 做老師唔係話chur完成績就算 都希望學生行條佢想行既路 但家陣社會就只係講錢 講返工 除左返工之外仲會講咩？ 咪不了囉

明知前景咁差都要死入嚟做

仲要做到死

正奴隸

利申 :老seafood
而家考試日日1 點走
順便叫ta 幫學生溫習到7 點

唉 佢地都係想教書姐 不過係差個機會咁

係香港成個教育風氣都有問題

只覆教師畢業生供過於求的問題：

好似尋日新聞，學士 bachelor 嚟計，物理治療八大入面只有 PolyU，而佢哋業界係叫政府資助多啲 SF 自資院校課程 + recognition，舒緩人手壓力，情況係求過於供

---

喺香港，律師八大入面有三間，CityU, HKU, CUHK

牙醫？八大入面得 HKU 港大，獨市生意

教育？八大入面當然有 EdUHK 教育大學，但 HKBU, CUHK, HKU，同埋八大以外嘅 OUHK 都有

視光？八大入面得 PolyU 理工，獨市生意

醫生？八大入面得 CUHK, HKU

其實可以將教育學士 BEd 嘅課程，主要畀 EdUHK 教育大學搞，其他大學嘅教育學士其實可以摺埋，將多出嚟嘅 UGC funding 開其他科目，例如 CityU 想開好耐嘅獸醫（香港係冇獸醫課程）／擴大其他大學 UGC 科目資助學額仲好

因為好明顯而家教育學系相關係供過於求，不如開辦多啲香港以前冇嘅課程仲好

（小弟愚見，有錯請指正 ）

5. 社會嘅升學主義

嚴格嚟講 呢個係教育問題 但學生老師家長都身在牢籠 幼稚園老師要幫小朋友入名校 小學老師幫學生入中學名校 中學老師幫學生考公開試入大學 甚至仲有咩Playgroup搞學前interview 家陣所有人都chur入大學 學校內部就鬥chur學生幾多拎Level 4 以上 但其實根本有人就唔想讀書 想去學一門手藝 例如一位學生想學廚既 但佢成績唔差 夠入大學 但偏偏香港唔會有一啲適合佢深造既學位 如果佢去讀中華廚藝又會畀家長鬧 校長又鬧佢做咩唔入八大 咁樣好咩？ 做老師唔係話chur完成績就算 都希望學生行條佢想行既路 但家陣社會就只係講錢 講返工 除左返工之外仲會講咩？ 咪不了囉

腦細剩係睇你passing
改左幾多疊簿
有無比家長投訴

其他嘢做左唔會加人工
亦都無人多謝你

你係都要做
咪又做死自己囉

come on let' s party
得閒諗吓去邊度放暑假好過啦

辛苦野自己知算啦
講辛苦野只會惹人反感
話者又嚟唔知第幾屆嘅鬥慘大會

已經行申咗唔係鬥慘

因為教育係社會既重要議題 而且社會係呢方面洗左唔少大家既稅金 所以希望大家都知道入面發生咩事

引用林肯一句 希望教育同政府一樣係 of people, by people and for people 而唔係單單of money, by money and for money

樓上有巴打講BEd
除左BEd，仲有一堆各大grad 左讀FT pgde 同PT pgde搏升老師既TA

今年個市好差，TA位有前GM 去in，合約CM位直頭幾百封信