(Live) 一張單程機票 一路向北嘅故事

到達二連後會有好多司機同你招手，點知伏已中，一開始同你講會幫你搵50 蚊嘅蒙古小車，先車你去接駁點，呢度先湯你10 蚊，去到接駁點，原來係佢間旅館，再黎問你拎多10 蚊，彩佢都傻！

關口9 點開，係佢度無無聊聊咁坐左兩粒鐘。差唔多夠鐘就開你80 一個！坐地起價，超好野！

出去問啲大叔，佢地建議我地坐去火車站買飛過札門烏德，因為都係66蚊到。左問右問下搵到個話有50 蚊蒙古小車，等左幾個字都搵唔到個司機，逼住再轉，同行有兩個蒙古女仔帶我地去另一個地方，但議價失敗，都係要收你80，逼於無奈下唯有硬食！

本來50-60 蚊嘅過境費變左90 蚊，再加上北京到二連嘅車費，總共270蚊人仔！相比起由木樨園直達札門烏德貴30-50 蚊人仔，後黎係買飛遇到一個香港人，得知由北京到札門果架車仲包早餐，真係好抵，水貨情況都無我地咁誇張，只係訓就可能差少少，但強烈建議直達！個架車去到二連會停幾個鐘比你換錢、休息等等。

講返架吉普車，6 條友坐果個架車真係逼到爆，去到關口果兩位姐姐走左去坐大巴，之後都無再見過佢地，亦唔知佢地駛唔駛比錢，係關口期後又黎上貨走水貨過關，塞到架車爆為止，後排嘅車門更加鎖唔到，行行下鬆開左，成個過程都幾煩，而且排蒙古關都等左一段時間，過境後有得換蒙古錢不過匯率普通，但點都要換d買火車飛，出關開多幾分鐘就已經係火車站！但全部都唔可以途步過境，一定要有交通工具！札門烏德都幾荒涼，同二連一樣只係屬於一個中轉站！

火車站買飛係二樓，一兩樓都有上網卡賣，平均30-40蚊港紙一張，1GB Data玩30日，好多人推介Mobisim，蒙古只係我嘅中轉站，停留一到兩日到，所以無買卡！

呢度食飯算平，平均2x 港紙，買支野飲都係5 蚊港紙到有交易。我哋係附近嘅一間餐廳食飯兼坐左幾粒鐘(包括埋放貨），因為出面實在太熱，係火車站前果座疑似教堂嘅物體有得存放行李，細件500 大件800 蒙古幣。背包

一日得一班車由札門烏德去首都烏蘭巴托，有得選擇坐或者訓，訓有軟同硬臥，軟35550 蒙古幣，硬21850蒙古幣。之前中伏洗多左，今次要慳返，揀硬臥拉返條數！點知全部被人安排曬上層，仲要尾2 個卡，一格有6 張床，同大陸火車唔同，左右各2 ，頂層或最底床下底可以放野，前面打橫有2，下面個張係兩張椅連枱變床。佢地嘅火車站無一個正式嘅月台，得一條石路，最尾果幾卡仲要連條路都無埋. . . 尾卡27，我地係26，無左條石路做級，拎個大背囊上車都好有難度！

18：05分車，17：30分開始可以上車，架車有洗手間，燒炭嘅熱水機 （咩年代呀仲燒炭），硬臥係無冷氣，聽聞軟嘅有，但無實際查証過！啲人通常都會開窗，窗口個窿大到感覺訓訓下會成個人碌左出去，車上嘅人大部份都係蒙古人，可能由於文化差異加上排華，對於有陌生嘅面孔都唔太友善。而且普遍都係老一輩，英文同普通話都唔多識。行狗屎運，有班岩岩畢業嘅學生哥識講普通話，沿途轉述下啲野比我哋知。沿路都係啲大草原，日照時間都比較長，起碼8 9 點先天黑，入夜晚滿天星星。

18：05分車第二日9：00 去到首都烏蘭巴托。訓上層真係好惡頂，可能人生得高，張床根本唔夠長放直隻腳，坐係到好似攣弓蝦米咁。好灰！ 只係想盡快坐完，完全無心機周圍行，車上有野食賣，牛肉漢堡飯19蚊人仔，有勇士試完話難食也！幸好早有準備，係上火車站買左個辛辣麵杯麵版，1800蚊蒙古幣，大約6蚊港紙。

大約11點鐘到會係某個城市停40分鐘，主要比司機係呢個時候休息下，亦都有野食賣！呢個時候緊係要落去影下星星喇，肉眼已經可以睇得好清楚！ 時間亦都過得好快，架車突然間旭，今次仆街喇，我哋仲要係尾卡附近，原來呢度開車係唔會有任何提示，話黎就黎，之後就精彩喇。

由於太長所以會分開上下兩個出

屌包早餐咁正
我去嗰陣個司機到二連就掉低我地
架車多唔多人走水貨真係睇運
我班車就勁多水貨
搞到遲左個半鐘先開車
不過直去扎門係方便啲同平啲

巴打努力，幾精彩
去到市中心買定麵包火腿芝士啦，朝早出門前準備定，衝景點或坐火車都唔怕會餓親（去親歐洲旅行一定咁做，因為果邊包同奶製品都又平又正）

借問聲你拎咩相機？

屌包早餐咁正
我去嗰陣個司機到二連就掉低我地
架車多唔多人走水貨真係睇運
我班車就勁多水貨
搞到遲左個半鐘先開車
不過直去扎門係方便啲同平啲

我果班爆曬水貨 攪左2 粒鐘先行得 呢件事真好睇運🤦🏻‍♂️

巴打努力，幾精彩
去到市中心買定麵包火腿芝士啦，朝早出門前準備定，衝景點或坐火車都唔怕會餓親（去親歐洲旅行一定咁做，因為果邊包同奶製品都又平又正）

多謝師兄提醒 準備又會無沖涼既日子🍻

借問聲你拎咩相機？

rx1r2

貝加爾湖
記得要聽住貝加爾湖畔望住個湖

當時大家都見到勢色唔對即刻衝曬去了樓梯到爬山車，我哋本身個卡實在太多人，唯有轉戰27卡，一行四人另外果兩個都唔知去左邊，呢個moment 已經顧唔到咁多，走左班車嘅話都唔知點算，又無得上網，啲野又係曬架車上面！點Q知樓梯位有塊板檔住曬，如果唔係車上有個大叔幫我哋拉開塊板，我哋係無可能上到車，前面果個亦都因為被塊板卡9住，上唔到去，同時送左半隻拖鞋比蒙古大地！如果佢上唔到，係後面嘅我都上唔到。想幫佢執果陣，完全見唔到隻鞋去左邊，左手渣住支柱，右手拎住另一個同伴支腳架同個袋，好狼狽，前面果個上左去之後，我都失敗左一次，好彩大叔再次伸出“友誼之手〞 打救埋我。唔係我都應該滯溜係果個荒涼之地。每卡都有個服務員會再次檢查人數，好彩全員成功上車。
第二朝7點幾，全架車啲人都差唔多起曬身！濛濛瀧瀧中比識普通話嘅蒙古少年
拍醒，同我哋講之後果個服務員會收返曬一開始係床上嘅毛巾、被、床單等等，執好擺埋一二邊就得！ 由於同到站都仲有一段距離，我哋4條友拎左副啤出黎鋤鋤佢，一直好Cool 嘅蒙古大叔都睇得興起玩埋一份。

其中有個同伴腸胃一向都唔太好，去洗手間放貨嘅次數都比較多，佢食左個漢堡飯後就訓覺，可能因為腸胃唔好，加下火車沿路凳下凳下，聞說當時應該放左個屁同時間凳左啲貨出黎，起身交野嘅時候先發現原來佢尋晚攪到張床單有幾撻黃色嘅物體！難怪尋晚訓訓下聞到陣怪怪嘅味喇。係雞同鴨講嘅情況，個服務員拎左幾張銀紙出黎，大約15000蒙古錢指住佢，再指住張床鋪，呢個同伴亦都比較度縮 ，指住個洗手間話再做下身體語言，大致幫佢洗乾淨佢，攪左一輪，服務員接受呢個方案，不過因為差唔多埋站，所有廁所都鎖曬！ 又攪左一輪先比攪掂曬呢件事。

呢個同伴亦都係尋晚甩左半對拖鞋個鞋！不過黑起上黎，低處未算低，係大家準備落車之制，有個呀叔突然出黎駛出一招順手牽羊，想搶佢放左係床上面個部相機，佢好大聲咁喝左佢一下，全架車嘅人即刻望住曬佢，個文雀就放低左，兼且回頭對佢一笑。 條友亦都行得好快無停低，茫茫人海想捉都捉佢唔住。
總算平安到達蒙古首都烏蘭巴托！By the way已經兩日無沖涼，還好天氣比較乾爽，身體無乜異味！卡，一行四人另外果兩個都唔知去左邊，呢個moment 已經顧唔到咁多，走左班車嘅話都唔知點算，又無得上網，啲野又係曬架車上面！點Q知樓梯位有塊板檔住曬，如果唔係車上有個大叔幫我哋拉開塊板，我哋係無可能上到車，前面果個亦都因為被塊板卡9住，上唔到去，同時送左半隻拖鞋比蒙古大地！如果佢上唔到，係後面嘅我都上唔到。想幫佢執果陣，完全見唔到隻鞋去左邊，左手渣住支柱，右手拎住另一個同伴支腳架同個袋，好狼狽，前面果個上左去之後，我都失敗左一次，好彩大叔再次伸出“友誼之手〞 打救埋我。唔係我都應該滯溜係果個荒涼之地。每卡都有個服務員會再次檢查人數，好彩全員成功上車。
第二朝7點幾，全架車啲人都差唔多起曬身！濛濛瀧瀧中比識普通話嘅蒙古少年
拍醒，同我哋講之後果個服務員會收返曬一開始係床上嘅毛巾、被、床單等等，執好擺埋一二邊就得！ 由於同到站都仲有一段距離，我哋4條友拎左副啤出黎鋤鋤佢，一直好Cool 嘅蒙古大叔都睇得興起玩埋一份。
其中有個同伴腸胃一向都唔太好，去洗手間放貨嘅次數都比較多，佢食左個漢堡飯後就訓覺，可能因為腸胃唔好，加下火車沿路凳下凳下，聞說當時應該放左個屁同時間凳左啲貨出黎，起身交野嘅時候先發現原來佢尋晚攪到張床單有幾撻黃色嘅物體！難怪尋晚訓訓下聞到陣怪怪嘅味喇。係雞同鴨講嘅情況，個服務員拎左幾張銀紙出黎，大約15000蒙古錢指住佢，再指住張床鋪，呢個同伴亦都比較度縮 ，指住個洗手間話再做下身體語言，大致幫佢洗乾淨佢，攪左一輪，服務員接受呢個方案，不過因為差唔多埋站，所有廁所都鎖曬！ 又攪左一輪先比攪掂曬呢件事。
呢個同伴亦都係尋晚甩左半對拖鞋個鞋！不過黑起上黎，低處未算低，係大家準備落車之制，有個呀叔突然出黎駛出一招順手牽羊，想搶佢放左係床上面個部相機，佢好大聲咁喝左佢一下，全架車嘅人即刻望住曬佢，個文雀就放低左，兼且回頭對佢一笑。 條友亦都行得好快無停低，茫茫人海想捉都捉佢唔住。
總算平安到達蒙古首都烏蘭巴托！By the way已經兩日無沖涼，還好天氣比較乾爽，身體無乜異味！

貝加爾湖
記得要聽住貝加爾湖畔望住個湖

李健？

岩岩先離開蒙古 終於有得上網 但網絡不給力 圖片 上傳唔到 遊記已經準備好

我哋成個行程都好Free Style，唔會特別plan 去邊，沿途見步行步，留幾耐都係去到再決定! 係札門烏德個陣因為太得閒我哋已經搵到住宿嘅地方！
呢間野價錢尚算實惠，4人房都係32蚊美金一晚，人均8蚊美金有獨立廁所、有兩個假露台，一個開唔到，一個開左只係行得一半。呢度都幾多外國人黎，再加上語言不通，引申左好多搵笨柒嘅Service，例如 Hostel Offer火車站接收 8蚊美金，大約十分鐘車程。打的只係需要5000蚊蒙古幣（大約17蚊港幣），差唔多有4倍之差。原來低處未算低，後黎我哋再坐出去買車飛只係需要4000蚊蒙古幣。到埗後，因為間房未準備好，先黎食個免費早餐，有大量麵包，有牛油、果Jam、咖啡奶茶無限量供應！ 食完要自己執返手尾，我哋會係呢邊留兩日就真真正正坐西伯利亞鐵路上俄羅斯，點解要咁轉接又要經二連又要經蒙古，因為窮囉！
拎到房第一時間緊係要沖涼喇，兩日無沖周身唔舒服！大家沖完涼都只係朝早11點幾，時間過得好似好漫長咁！Hea 下 Hea 下差唔多成13點30先出去搵食，我哋附近有間好大嘅商場，入面有得換錢，匯率同係入境個陣差唔多，差一蚊兩蚊，食埋個晏就去Supermarket 掃貨！ppoppp



係間Department Store嘅周圍都好多餐廳，唔知點解特別多韓國野！韓流文化真係影響深遠，毒到黎蒙古 (So Sad) 。亂入左間蒙古餐廳，叫完坐左起碼10分鐘，先同我講無曬牛，我對羊無乜情意結，特別係佢個陣騷味，我唯有敗走轉戰其他餐廳，其他人繼續享受蒙古羊，附近嘅餐館價錢比起係札門貴啲，起碼都40－50蚊港幣一條友，可能因為近百貨公司附近掛。呢邊啲人食肉唔食菜，都唔知平時點放貨！千挑萬選左一間有沙津食嘅餐廳，意粉13000、沙津半份6000，本來諗住唔飲野，因為水都要3000，最後選擇左最平嘅七喜 1500。 Total 20500蒙古幣大約70蚊港紙，一菜難求呀，為左可以放貨，比佢喇。

Supermarket 係去到每一到必需要去嘅地方，一來補給，二黎可以搵到啲當地古靈精怪嘅野食！蒙古嘅超級市場好多來佬貨賣，特別當韓國野！生活必需品通通都可以係呢度搵到，為左往後幾日放貨系統暢通無阻，水果係必需品，但呢度啲水果以零售價買唔算平，如果你買到3斤就經濟好多喇，批發價黎！提子、香蕉、雪梨都唔錯，就我個人黎講酸奶係排便神器首位（只限於大陸地區）！ 佢呢度有啲唔知係豆花、酸奶定芝士咁嘅物品，無遮無掩白色一大筒就咁放左係平時百佳惠康果啲無蓋雪櫃內！有勇士試完都唔知乜黎！ 我哋會係烏蘭巴托停留兩晚，其中兩個會去國家公園騎馬、住蒙古包同係草原睇星星，聽落好吸引呀何？兩日一夜嘅旅程，盛惠每位70蚊美金，奈可我同賴屎哥都比較窮，我哋決定留守係市區，盡量有幾慳得幾慳！住宿方便雖然佢哋去左國家公園，但係床位照留，我哋兩人獨享4人間都咪話唔爽，可以赤條條周屋走

住果度係可以幫我哋買去Irkutsk 嘅火車飛，不過會有Service Charge 係入面( Around HKD 100)，問完詳細資料後緊係衝去火車站買喇！鬼叫窮咩！係網上搵嘅資料大約17萬蒙古幣，國際車飛係二樓，國內就係一樓。係換緊錢個陣有個非常靚仔嘅鬼佬比佢個司機帶左黎車站，佢一面無奈完全唔知發生咩事，諗住我哋會識蒙古話可以幫到佢，Sorry can’t help 我哋係呢度都自身難保！ 可能係想要多啲錢掛！ 究竟佢當初點搵佢做司機㗎！
售票處下面好多人，上面影都無隻。同行嘅紙筆哥再次展現佢抄寫嘅能力，一早已經Google Translate 曬啲地方同基本語言嘅蒙古文同俄文，到時候扔本野出黎再加啲身體語言就暢通無阻，賣飛果個人睇完本野，又指下個日歷再加啲身體語言，價錢仲要平過我哋預測，只需14萬蒙古幣，下鋪對我黎講非常重要，今次畫埋公仔指定要4條友一卡，兩上兩下！唔駛5分鐘已經Mission Completed！

呢邊日照去到8－9點先天黑，啲時間好似好多咁！蒙古係唔需要Uber，因為全民都係Taxi，你舉手就會有車坐，非常海鮮價，呢度更加係 Toyota Prius嘅天下，車價只係需要2萬5，呢邊買車完全唔駛比稅！夢寐以求嘅G Class G55 AMG版都係26萬，媽呀會唔會平得太過份。

。





呢邊車多過人，食住新鮮嘅廢氣打的去Naran Tuul，一個超級大嘅乾貨市場，衫褲鞋襪，細至做衫嘅布大至家居用品，應有盡有！傍晚時候大部份排檔都開始收工返歸。日照嘅時間實在太長，可以再轉戰第成吉思汗廣場，個度得個大字，好多細佬係個度玩，大人係度Hea！無乜野做5分鐘就可以行完嘅景點！



紙筆哥係我哋成團唯一一個係Hostel 以外可以上網嘅人。所有地圖嘅野都要靠佢指示，由廣場行返我哋 Hostel 只係一條大直路，大約10分鐘嘅路程就可以返到去！無意中發現紙筆哥26號生日，但當時已經太晏，賣蛋糕嘅地方都收曬鋪，唯有轉戰Coffee Shop 食個Waffle扮Cake Celebrate. Happy Birthday to you！

蒙古都幾多外國人黎，閒閒地都會留係度個幾月，究竟有咩咁吸引？呢度嘅天氣又熱，又乾燥，首都食廢氣簡值一流。我對呢度嘅感覺非常一般，對我黎講只係一個中轉站！

蒙古梗係去野外睇靚景啦
留烏蘭巴托食塵貪佢夠悶咩
戈壁，北蒙，西蒙都好靚
有機會都想搵一次專去蒙古

嗰個國家公園團幾好玩又唔算貴
樓主唔去蝕左

紙筆哥同另一個團友晨早出發去國家公園，為免佢哋之後可能返唔到黎，緊係要聚埋享用Hostel 嘅免費早餐（麵包、咖啡任飲任食）佢有個小Pan，可以比你煎、炒蛋、等等。


我同賴屎哥計劃去Zaisan Hill 睇下烏蘭巴托嘅全景，我哋約埋係火車上面識得講普通話果個少年一齊出去玩， 佢由朝到晚都帶住頂紅帽個Look 成個小智咁，所以就暫且叫佢小智喇。原來小智係山東讀書，仲有個中國女朋友添！佢本身提議我哋坐巴士周圍去，因為無論去邊都係500蚊蒙古幣，不過唔收現金，一定要買卡。買完又要退，實在太麻煩！都係打的算喇！諗住佢會帶我哋去食啲傳統美食，點知帶左我哋去食碟頭飯，雖然價錢平，但啲牛肉好似橡筋咁韌！係首都大部份嘅景點都係10－15分鐘內車程就去到，車只能去到Zaisan Hill嘅山腳或山腰位置，行多10－15分鐘就會到頂，都幾多遊客去。個度周圍都係高級住宅，聽聞係韓國人小區！





上到去都係睇下風景，影下相，環境唔算特別壯麗！沿有幾間小屋有零食買，天口㷫緊係要買條雪條解下暑喇，諗住買支橙汁冰，摸下啲包裝袋，點解幾包都係液體黎，點買得落手呀！呀叔見我不停摸下摸下，開始發脾氣叫我咪再咁做！

之後是但買左個透明包裝袋，睇個款似無伏嘅雲呢拿雪糕筒，個皮又軟又韌，又中伏！ 落到樓下有間BBQ 即燒牛肉12000蒙古幣（大約HKD 40），超級大舊仲有埋麵包！但小智話好貴，所以無幫襯到，諗返起都好後悔！香港40蚊都唔知買唔買到十分一。

行完又返去Hostel 抖下，由北京開始成個生活都非常慢活，可能一日只去一兩個景點，有幾Hea 得幾Hea，時間唔係依家最Concern 嘅地方，最緊要舒服！
當日咁岩係選新蒙古總統，全市都唔會有酒賣！聽聞8年前，啲人係總統選舉果日，瘋狂咁破壞市內嘅建築物！ 自此以後選舉當日都唔會酒賣！但呢件事好似會維持兩日都無得賣！ 最後嘅結果係要重選，因為無一個候選人過到50％，兩個星期後再黎過！除左選總統，每個月嘅第一日都無酒賣！
蒙古人迷韓國迷到有條街叫Seoul Street，成條街都係韓國餐廳，係咪咁鐘情韓國呀？

蒙古梗係去野外睇靚景啦
留烏蘭巴托食塵貪佢夠悶咩
戈壁，北蒙，西蒙都好靚
有機會都想搵一次專去蒙古

嗰個國家公園團幾好玩又唔算貴
樓主唔去蝕左

下次吧 蒙古今次只係中轉站！
對蒙古感覺很差 haha

樓豬有冇識食蒙古妹

有咁易就好喇

夜晚會坐火車離開蒙古坐去俄羅斯，自然醒是每日必須嘅事，通常10點就會扎醒！又於窮嘅關係，起身緊係要去嘆返個免費嘅麵包做早餐喇，比尋日好左多左榛子醬。佢Check out 時間係下晏1點，可能因為淡季關係佢間hostel 都無乜人，所以時間都推晏左。食完早餐返房執下行李打下遊記，午餐我哋都一早準備好1500蚊嘅即食麵。睇落我哋好似好慘咁，但一諗起走果陣拎住推如廢紙嘅蒙古錢，到時仲慘，所以盡量節衣縮食！

食早餐果個Area 係一個公共空間，可以任坐！Hea 下Hea下又到3點，紙筆哥同另一個團友都差唔多時候返到黎，梳洗下再準備下所需要嘅物資，由烏蘭巴托去到Irkutsk (Russia) 大約1日幾，27號晚坐29號朝早去到，每晚8：30都有一架，得頭卡係俄國車箱，後面全部都會係蒙古卡，開到咁上下就會分離。


27 晚
28 早午晚
29 早
Total 5 餐 4條友 總共20餐。
集資左7萬幾8萬去選購物資，務求駛曬啲蒙古錢。主食都係以杯麵為首，有印度撈 有羊肉麵 、辛辣麵等等。

1. 杯麵數個
2. 水數支
3. 大量水果 （放貨用）
4. 麵包 + 果 Jam
5. 零食 （朱古力、曲奇餅）







呢架263 無分First Class, Second Class，上下臥都非常闊落，每4張床一個獨立間，有冷氣、有燈、有插座、有熱水冷水供應、無餐車！不過停車就會乜都熄曬，個窗係30度斜斜地開，而唔係好似扎門烏德去烏蘭巴托果種上下開，乜都熄曬個陣都幾熱，而且架車都幾多床位空左。係火車站撞到兩個香港人都係同車上俄羅斯，異地旅遊都可以撞到講流利母語嘅人，真係非常難得！後黎得知原來佢哋同我哋其一個團友本來係相約一齊去，不過因為時間撞期，無緣一齊出發！緣份令佢哋再次遇上。

大家見到車箱內部嘅時候都好Hyper，比之前幾日訓嘅實在太好喇。中途有個蒙古大叔係第二卡過左黎搵叉電，佢叫Ogi，係俄羅斯讀左5年書，之後又去柏林住左5年。識德文、俄文、小小英文、蒙古話同韓文，會唔會太屈，佢黎自我介紹個陣，紙筆哥突然用流利嘅俄文介紹自己，我哋聽到呆左！ 之後紙筆哥再用身體語言加英文話比Ogi聽去左國家公園騎馬，佢突然扮馬叫，繪形繪聲，似到呢！笑死我哋。Ogi仲教左我哋俄文點樣買去Moscow嘅飛，“Ya 客揉 Call Pit Bi Let 喇 Moscow”快車就係 “La s gor li Paul ye Yes da”。 係玩緊鋤Dee個陣，紙筆哥不停稱讚個車箱成間酒店咁，佢話要係度鋤一世！我哋卡有兩個戰鬥民族服務員，一男一女，男嘅成日無端白事罵我哋叉太多野！佢哋又鎖左尾架個廁所個人獨享，so far 車箱環境係舒適嘅，停站無冷氣就惡攪啲。

俄羅斯嘅火車全部係以莫斯科時間為準，比GMT +8 慢5個小時，全程車35小時，路上風光普通，啲人住嘅環境好似仲差過Cambodia。入俄境後第一時間緊係要上網喇，係蒙古網又上唔到，野又Upload唔到. . .
賴屎哥有個習慣每日都倒塔咁早起身，晨早比佢摷醒話要落車過關，明明啲攻略話等人黎檢查㗎喎！ 一如所料係唔需要落車嘅，我哋6點幾已經係邊境先過蒙古關，我哋個卡變左孤兒仔，無曬車頭車尾，影左陣相上去再訓覺，訓醒有十幾個守邊防嘅蒙古軍佬上左黎搭順風車到佢哋嘅駐防嘅地方。











落車影左陣相大家又返去大被同眠，去到俄境檢查已經係10 點幾，兩個檢查站都分別停左幾粒鐘，俄羅斯境第一個攪最耐。每次我哋卡車都好似孤兒仔咁，車頭車尾都比人cut 曬等駁其他火車，成程火車最花時間就係等！

講到去廁所，到俄境之後真係經典，手上無盧布又無得換錢！去個洗手間要16 蚊，其他貨幣又唔收，最後走左去廁所附近嘅花槽就地解決。由於呢個站實在停太耐，火車上嘅洗手間又鎖左，唯有走去前幾下同個蒙古呀姐500 圖換佢16 盧布，以備不時之需！

糜爛嘅生活亦展開左聚幕，成日流流長困住係架火車到，食、訓、玩啤牌、打遊記同睇戲。極度窩廢！ 好似成日都唔知做過咩黎，所有生活節奏都顛倒曬！3 4 點先食lunch，10點幾先食晚飯，上網服務只能係車站附近先收到，郊區完全0 Signal ! 但一停車就會無冷氣無廁所，兼焗桑拿！

沿路風景

唔係想搞事
但蒙古俾我既印象超深刻

出左UB既蒙古先係真正的蒙古

留名

唔係想搞事
但蒙古俾我既印象超深刻

出左UB既蒙古先係真正的蒙古

放心 有機會再去