分手既原因從來都只係得一種

要識得愛自己
先會識得愛自己嘅另一半

好同意！
我自己一直同我女朋友相處方法
係覺得就算對方有咩缺點 陋習 當刻無理發脾氣
只要仲覺得值得包容 就點都唔會分手 或者感情變淡
只係會好似樓主咁講 變得平凡但幸福既愛

嬲果陣 可能大家都火遮眼
大家冷靜番果陣 睇番件事
其實平時大家都對大家好好
好多事因為對方一直既付出
都變得已經唔可以無左對方或者習慣有左對方
到最後都係會向對方低頭

一直靠住呢個諗法走到依家！
亦都深深感受到樓主講既愛！
希望可以同我女朋友白頭到老啦

考驗雙方嘅感情

你真係把握每個機會frame離開嘅人為「經唔起考驗」架喎

都係既，有道理
唔夠愛的確無錯，呢層我都認同
每個人都有權選擇自己唔去愛對方
我都會留意下自己有無標簽到唔夠愛係「自私、唔識珍惜」等等

至於你話無feel分手個到，我就無話唔應該分手既但我建議唔好咁易分手咁解
我個人意見係，鍾意呢種情感係好快會無，如果只係靠鍾意呢種情感去維繫關係好易散
拍耐左就好易厭，好易無曬feel，難道每一次都要分手嗎？
相信好多老夫老妻都已經對對方無曬感覺，但佢地仍然同緊對方生活落去
所以，我指出要長遠維繫關係既方法就係多啲去愛對方
當然，以現實考量黎講，我諗你所講既有feel對一段感情關係黎講都係好重要，人的確係好難毫無因由地愛一個人
大概情侶無feel個陣，可以努力做啲野去重燃返激情，令大家有返feel？
我都視呢個係「愛」既表現，因為至少佢地係無feel既時候未放棄

其實我地講既野都唔係完全二元對立？

如果對方無嘢再值得你欣賞
關係得返包容/習慣
咁我真係唔知算唔算愛

佢一直既付出 對你包容 已經值得欣賞
包容另一個人 已經係好難既事

同埋都係自己衡量對方值唔值得你對佢再付出
你覺得唔值 你咪放手

想知樓主做乜突然咁感性
會打咁大篇感性文

好彩連登仔夠理性

對我而言，大概係佢傷害你，但你同時睇到佢嘅傷；你睇穿晒佢最軟弱嘅一面，但你仍然唔會因為咁而嫌棄，而係想保護。

你終於好清楚知道自己喺呢段關係入面想得到嘅唔係淨係得開心，即使佢唔講但你都好感受到，而你會想要埋佢嘅唔開心，好甘願將呢啲傷害成為你生活嘅一部分，同時同呢個人一齊去克服佢。

你已經標籤曬

無話唔應該分手同建議唔好咁易分手只不過wording唔同，有咩分別
以前嗰種老夫老妻有幾多對真係恩愛你睇身邊人啲老豆老母就知，無理由見伏都繼續跟？上連登見到啲拍長拖仲話幸福嘅人，你問佢仲對對方有無feel，唔會答你無囉 唔會愛但係對嗰個人無feel無feel但繼續一齊嗰啲叫習慣，懶，是撚但

樓主
見你都好聲好氣就覆埋呢句
你話淡咗所以無咁有耐性
有無諗過係以前其實係passion令到自己容忍到？

掉返轉諗嘅話
其實本身就係錯 只係當日愛情來臨之際頭腦唔清醒
真正嘅平淡 係淡咗之後大家嘅步伐一致 歸於平淡
而唔係激情過後 發現大家南轅北轍 然後處處忍讓

咁你唔係愛佢，你係愛自己
想要有個人包容自己
如果你愛佢，你唔會想佢要做呢件咁難嘅事

一直覺得愛依個字好沉重
不求回報，但又要無條件付出
冇咩理性可言

不過都幾鍾意你句 愛，係感性但都要包含理性
都覺得幾啱，咁先係可以長久嘅愛情

都理解你講既野
無乜feel（我當係鍾意）既老夫老妻，的確未必係好理想既關係黎
但若果佢地有愛呢？會唔會都係幸福？

其實愛會唔會都可以係有feel既一種？

當討論下

好後悔呀，佢搬走左啦
只剩下無盡的思念
搵佢會應你
但都係答啲行野

我一直都覺得係雙向
唔係淨係要對方包容 係要自己都包容對方
我願意付出 因為對方付出
對方都會咁諗
我覺得咁樣走落去無乜問題

可能真係未做到你呢種愛
但至少咁樣相處 無咩問題

又或者大家都好似你講既愛果陣
會唔會就係我講咁 只係大前題係大家都無缺點要包容

每個人幸福定義唔同，可能無愛都可以幸福
但都係無愛

Feel係feel，感覺到就有，感覺唔到啫係無
你愛一樣食物，你必然因為食佢有positive嘅感覺
無可能佢好撚難食，唔啱口果，但你好愛嗰樣食物
你可能會日日食，但唔係因為愛
你都解釋唔到點解鍾意，點解唔鍾意，無撚得解

謝謝樓豬

但都因為愛先會唔想失去？
其實可能係接受多過原諒
當你真係好愛嘅時候，無論佢做左乜你都會願意接受，即使佢嘅行為並唔係愛你嘅表現

啱,釐清返概念

好中
唔夾從來唔係分手原因 只係bullshit

佛洛姆有本書好經典
叫愛的藝術
就係討論「愛的能力」
樓主唔知有冇睇過

其實係嫁。有passion所以容忍到對方
但passion會慢慢變少，所以我提議要用愛呢種感情黎取替
當然，我諗感情關係入面都唔可以完全無feel
不過大家對feel既定義可能有啲唔同
我會覺得除左passion之下，愛都係feel既一種

btw你以上既講法都有延伸出下面既問題
第二段其實你都有你既道理嫁
若果一段關係入面，得返忍讓，妥協，咁樣叫唔叫愛情呢？
局外人都會覺得咁樣係唔啱，無意思
我都一樣，如果兩人選擇分手我都會覺得合理同理解
而我諗我地可以試下代入當事人既角度去諗
如果一對情侶仍然發現同對方差得好遠，但仍然都仲想同對方一齊，咁呢份愛係佢地眼中係咪啱呢？

我諗愛情世界就無分特定既對與錯既
我同你既想法都不過係其中一個觀點
甚至我同你既想法當中都有相同既地方
我原意無打算將所有感情事推到extreme咁講，咩出軌都要包容啊、兩個人南轅北轍都要忍等等
以上case我都會認同分手可以係一種解脫
大概呢啲case就係指緊「錯既人」
咁我都理解而且同意
可能我既wordings產生誤會，令人以為所有野都要愛對方
其實唔愛對方都是合理的，我都係個句，我只係客觀地以「唔夠感情」去解讀呢個結局

係呢篇文到
我原意只係想講下普通既大小爭執，問題唔係真係太嚴重既話，唔好咁易放棄對方嫁咋
淡左之後步伐一致既人，都會嗌交，都會有想放棄對方既時候
我希望呢啲情侶唔好咁易散

就嚟散見到呢篇文，相信我知要點做了