分手既原因從來都只係得一種

其實你都好明顯睇到對方係唔愛你
但你都仍然想去維繫呢段關係咁會好辛苦你

我諗從來無人會建議一個人去愛一個唔愛自己既人
但我相信呢個係你自己既決定
如果你自己唔想放棄，係無人迫到你放棄
只可以話呢段時間辛苦你了

可以考慮比個deadline自己
如果過左個個日子，對方既態度都未改善的話
就比自己清醒過來吧
睇住你一直沉溺係悲傷，我都好擔心你呢

祝各位情人好好珍惜另一半
唔好等到失去之後先後悔

真係講得好好，希望有心睇[/s]呢篇文嘅人
都會有一段美好嘅緣份

你岩！

由其中間講個段「當鐘意磨蝕左，睇清楚缺點都仍然好有決心堅持行落去，就係愛」
呢樣野我都同朋友不斷講
當對方比到一樣感覺你，令你覺得佢係值得自己堅持一齊行落去既時候，真係要好好珍惜，呢份感覺唔係個個都俾到

重點係雙方都係有呢個諗法價值觀

好可惜…我好珍惜，而前任卻沒有勇氣再走下去…

簡單道理但真係知易行難
好想佢都睇到呢個po

真係好難夾，如果真係無一方肯忍讓同妥協，會建議分手
當然呢種忍讓同妥協係真誠同有責任，唔係一時衝動地同意
姐係例如你同意生啦，但你係真心想生既，亦願意好好照顧個小朋友

其實我同其他人對你呢個case既睇法差唔多
不過係呢到，我會客觀地描述大家分手既結局係源於「雙方唔夠感情同對方一齊解決呢個困難」咁解，而唔係單純既價值觀唔同
再次重申，呢樣野並唔係一種錯
你地雙方都有權同有自由去活出自己想要既人生
當對方都唔係比緊對方想要既野對方時，而且無人肯讓步，呢段關係基本上已經係打左死結

相信你一定好唔捨得對方
但生小朋友係真係要有好大既commitment，你要考慮清楚
唔係有錢、有人幫手照顧就得，係講緊你真係全心全意咁愛佢，陪住佢
係成長心理學黎講，父母（特別係媽媽）對小朋友既人格發展係非常大影響
所以呢個係一個好重大好重大既決定
睇到你好煩惱，呢排辛苦你了

要睇下你覺得自己既唔啱人實際上係點啦～
唔介意既可以分享更多，我地再傾下

有啲人係想法係出於自卑，怕比唔到好既生活對方
有啲人係真係覺得大家性格真係唔夾，已經去到無法再包容對方既階段

你呢咁？

接受唔到就係接受唔到
你可以有你既底線
我並唔係想主張人係所有任何感情關係入面都一定要做到無條件愛對方
你努力左之後覺得唔得，就真係唔得嫁啦
你既感情未足於令自己去原諒佢出軌
但呢樣野並唔係一種錯誤，甚至可以話係合理

經歷左呢啲野一定令你好大打擊
辛苦你了

很難搞
佢地基本上對一段關係無乜commitment
覺得無左你都得

唯有用長時間既相處去打動佢
令佢開始發現無左你唔得，同你一齊好舒服
但呢個過程係非常之艱辛的
因為基本上係你單方面遷就緊對方既相處模式
你覺得對方值得你咁做的話就去做吧

本身個心就好冰山，唔敢拎太多感情出嚟，對屋企人對朋友都係咁，成日因為唔想傷到自己而傷到愛我嘅人，永遠都係被動。我知道自己要主動將個心解凍先，對方已經受唔住，我想去信任佢但我只會著眼缺點先，我究竟可以點做

睇下你屋企原因係指咩啦

其實睇到你係愛佢，你都想去愛佢，只不過係你唔識同另一半相處
而呢樣野唔代表真係同對方完全唔啱
只係你地當時未識得點樣去處理大家既問題咁解
可能你學識左就會發現係處理得到
但當然，係過去既時間你地都唔識，咁梗係唔夾
而呢樣野係未來係可以改變，只要有心去學同去試

暫時未知你實際上發生左咩事
你地真係已經去到無法挽回既程度了？

以我理解，你應該係不斷付出但對方只係不停向你索取更多，而你開始攰了
若果大家相愛既話就會努力拎個平衡點，唔會只係得單方面既付出
有同佢傾過呢方面既問題嗎？

過去既事改變唔到，但你可以改變未來
做錯唔緊要，下次做返好就得

有心既就追返佢吧

其實你都好明白你自己心入面諗緊咩，亦都知道要點做，但唔知點做咁解

你意思係，你想去愛佢，但你控制唔到自己唔去著眼於佢既缺點？