分手既原因從來都只係得一種

每個人都會對愛情有唔同既想法
用心理學去理解咪intimacy+passion+commitment

而浪漫主義既樓主會答：難道愛本身可愛在於束縛

個人想法係，通常同自己結婚既人都唔係自己最鍾意既人
因為鍾意呢種情感主要來自於激情、新鮮感、想要得到對方既慾望
而人係好難長期對住伴侶都有呢種鍾意既感覺
因為結左婚某程度上代表你已經得到左佢，而且你長期對住同一個人都會厭會悶
特別生活上出現磨擦之後，會好易令你懷疑自己係咪揀錯人

但即使你已經無咁鍾意對方都好，你仍然可以選擇將佢成為你最愛既人
用愛呢種情感嘗試盡力挽回已經開始變淡既感情
做啲新既野搵下新鮮感、留意下對方有咩優點、同對方坦誠傾下大家可以點遷就大家，咩都好
當然，可能有時大家分開係真係會好啲既，咁無辦法啦，盡左力就好

一起這種藝術，若果只是漫長忍讓，應感激忠心的伴侶

頭先同朋友遊車河
電台播左首歌，係容祖兒既花千樹
點講好呢，個感覺大概就係「眾裡尋他千百度，驀然回首，那人卻在，燈火闌珊處。」
希望大家都有緣遇到個啱自己既人，而且剛好你又肯認定對方啦。

以下附上一篇農場文章作結，雖然係假既，但的確寫得幾好

柏拉圖有一天問老師蘇格拉底什麼是愛情？
蘇格拉底叫他到麥田走一次，要不回頭地走，在途中要摘一棵最大最好的麥穗，但只可以摘一次。
柏拉圖覺得很容易，充滿信心地出去，誰知過了半天他仍沒有回去，最後，他垂頭喪氣出在老師跟前訴說空手而回的原因：“很難得看見一株看似不錯的，卻不知是不是最好，不得已，因為只可以摘一次，只好放棄，再看看有沒有更好的，到發現已經走到盡頭時，才發覺手上一棵麥穗也沒有。”
這時，蘇格拉底告訴他：“那就是愛情”

柏拉圖有一天又問老師蘇格拉底什麼是婚姻？
蘇格拉底叫他到彬樹林走一次，要不回頭地走，在途中要取一棵最好、最適合用來當聖誕樹用的樹材，但只可以取一次。
柏拉圖有了上回的教訓，充滿信心地出去，半天之後，他一身疲憊地拖了一棵看起來直挺、翠綠，卻有點稀疏的杉樹。
蘇格拉底問他：“這就是最好的樹材嗎？”
柏拉圖回答老師：“因為只可以取一棵，好不容易看見一棵看似不錯的又發現時間、體力已經快不夠用了，也不管是不是最好的，所以就拿回來了。”
這時，蘇格拉底告訴他：“那就是婚姻”

其實你好有心教人拍拖 如果早少少睇到你篇文就好 自己on99做錯好多野對方已經唔愛想離開
本身無諗過咁

事實係 講幾多次都係咁
最後已經冇動力去摧佢覆我 亦都唔想再等落去
不如將時間留俾下一個好過

做得多主動會攰的

一個人也許會更開心，找一個啱你愛你嘅人

你也是

樓豬~ will you be my valentine?

我不是一個很好相處的人

lm

係因為你唔愛我，所以先難相處
定係我唔夠愛妳，先會覺得你難相處？

你係值得更好嘅，想揾人呻，呢度有個樹洞

大概both吧
我不相信呢個世界有人配合到我好麻煩既性格
而我都唔敢再去對一個人上心了

我好怕再次感應到對方係自己soulmate既感覺
其實我對人生好多野都唔係特別在意
名利不過係過眼雲煙，大多數出現係我人生出現既人都不過係過客
我無意去追求亦都無意去挽留

而「全世界唯獨對方可以令我想去在意」呢種感覺，真係打從心底咁令我恐懼
我既情緒會比佢掌控，感覺好似只有佢會令我開心
佢會比到我勇氣去相信佢就係啱既個個人，令我無論大家面對咩事我都唔會輕易放棄既決心
但事實上呢種感覺只係我一廂情願
我自問再無能力去承受呢種感覺多一次了
放遂自己既情感只會將我吞噬

冇乜特別嘅

以前花咗好多時間喺其中一個ex度
嗰個人唔係太識溝通嘅 同好多港男一樣 都係鐘意收收埋埋 問10句先答1句
可能唔想我擔心掛 又或者唔想我見到佢軟弱嘅一面
所有野佢都選擇沉默 兼自己解決
我覺得依種關係似單機拍拖

雖然就算佢講出嚟 我都未必幫到手
不過作為女朋友 幫男朋友分擔下壓力 一齊諗下解決方法 我認為係一份責任

2年之後嘅今日 無意中喺巴士度見到佢
然後傾咗幾句 有講有笑
好開心見到佢改變左
分享左好多近況俾我聽

不過冇可能再返轉頭
已經冇曬感覺

雖然話慢慢會冇咗新鮮感 但都要諗下點保鮮

睇到有啲唏噓，我以為你地變左陌路人

哇 咁灰 雖然記得你之前話hurt到要生要死咁
好奇你幾大？

仲係好幼稚，戀愛大過天既年紀

屌 咁應該唔係真心咁諗
就算係，遲d諗法實會變

算 ，不過我都成日覺得當遇到有d 人好易夾，好相處，又好似好了解自己咁
其實可能只係佢哋eq ，處人處事各方面經驗都比自己高咁解

冇嘅
不過已經返唔到去以前咁

其實我都希望我唔係真心咁諗
唯有盼望未來再次遇到一個令我肯再次信任對方既人
同埋下次唔會再bad ending收尾
不過會唔會真係有呢個人呢，我都唔想抱太大期望了，是但啦～

對於你所講既「好易夾、好相處既人」
我諗對方既social skills同eq當然關事啦
比我補充既話，我會覺得呢樣都關大家既距離事
普通做朋友既話，大家唔會有想要擁有對方既慾望
大家可以各自輕鬆做返自己，唔洗顧忌啲乜
想講咩就講咩，悠然自得

但當一段關係夾雜左愛情既元素，就好易變質
你對住對方既心情同態度會因而唔同左
講野做野又會步步為營，唔似之前咁自在
好多時做普通朋友個陣，大家長期都會好啱傾好好相處
而變左couple個陣，就會發現對方變得好唔易相處，有事都唔敢講etc

所以我係一個適合同人做朋友，但唔適合同人拍拖既人

而變左couple個陣，就會發現對方變得好唔易相處，有事都唔敢講etc

又好似真係會咁

好奇你覺得主要係咩原因會令到你變到咁

因為愛情就係令人不理性
愛情元素既出現注定令到呢段原本好純粹既關係，變成另一種好麻煩既關係

例如
因為愛情令你對呢段關係帶額外既期望
所以你對住呢個人既態度都會完全唔同
你朋友唔覆你機，你可能會無乜野，wfc
但你另一半唔覆你，你可能就會嬲、焦慮、不安
一有情緒就對對方反感，發脾氣

你地做朋友時可以隨心傾一啲好personal好deep既煩惱
但拍左拖之後，有啲野就唔夠膽再講，特別係啲煩惱係源自於佢個陣
其他原因可能係因為怕對方點睇自己、唔想對方擔心之類

仲有做couple時，大家太close好容易會厭，厭又唔想再理對方
做朋友大家疏少少，反而相處得仲好

好多好多原因，不能盡錄
我已經唔知幾多次因為愛情而破壞左好多原本相處得好好既友誼
想要得到對方既慾望真係好恐怖
love relationships are fucking messy

勁，不能認同更多

但你咁理性 應唔會次次咁bad end
定係你只限文字上表達 ，叫你講就點都講唔出口