分手既原因從來都只係得一種

不過有時真係好矛盾
點解同一個陌生人或未一齊個陣可以講到
去到close到同居個陣，明明佢應該係好親嘅人
但反而變到好疏遠咁
搞到我走你又唔捨得，我留你又面黑

或同某d人你覺得開始熟咗，試下傾下，反而嚇走人
有時齋聽下敷衍下兩句，佢就越來越會想同你傾咁
有時都覺得好好笑

唔係啊，我就係面對愛情個陣太唔理性先會搞到次次都bad end
要我理性分析咩叫愛情，紙上談兵就好簡單
但要我去拍拖個陣就碌柒嫁啦

我之前就係太在意對方，但其實有時呢種過分既在意，反而會令雙方都抖唔到氣
試過一次對方好少覆我機，我就好無安全感，覺得對方唔在意我
然後我就搵交嗌，跟手隨便搵啲性格不合既藉口飛起埋佢
個下分手感覺上好似分得好合理嫁，覺得對方一定唔會係啱自己既個個人
但事後理性返個陣，就會發現個刻自己既想法其實係比情緒主導緊
你眼中既世界某程度上係你既思想建構出黎
你對住另一半有負面情緒時，自然都會以負面既角度去睇大家既關係
大家之間既問題其實只要兩個人傾下，遷就下，根本處理得到
只係個下我唔想去處理，唔肯去相信大家係行到落去，我選擇唔去愛佢
於是依家我每次諗返起呢件事都會覺得有些少後悔

愛情始於牽涉兩個人
你理性時唔代表對方都一樣理性
你敢去愛對方時，對方未必有咁既勇氣愛返你
你認定對方係soulmate但對方可以唔係咁諗
我成篇文所講既愛情，都係要兩個人同時間有同一想法先會work
所以搵到個可以行到尾既人真係好難～～

情人節了，希望每個人都搵到自己幸福啦

係呢，所以真係相愛很難
太close又唔得，太疏遠又患得患失
前排聽返同屋主呢首歌，覺得都寫得幾中

我都好同意你第2段咁講
有時啲野你愈主動去捉緊個陣就愈捉唔實
你對一樣野唔上心個陣，個樣野就自己埋黎
所以真係唔好對所有野都咁在意

原來係stephy唱，竟然未聽過

不過感覺比較悶，以前個d好聽d

已經回不去了

又講得幾中

發覺同你諗法好似，其實可能係自己都唔相信有人會愛自己，所以為咗保護自己，首先唔愛人地。

仲有我又係一拍拖/知道大家有意思嘅時候就會變咗67咁，講嘢又唔敢表達自己真實嗰面，就住就住，有咩不滿都唔敢講，驚對方會因為咁樣唔再鍾意自己。朋友都叫我要學下對伴侶都好似對朋友咁，但真係唔係咁容易

其實你知道自己有呢啲心態同行為傾向已經好好
好多人係唔知自己諗緊乜

其實呢啲心態從心理學角度上都可以嘗試解釋
有一種理論叫attachment theory，簡單啲去解釋，佢就係講緊一個人面對住親密關係時所抱持既依附模式
咁我就唔解釋個理論背景太多啦，你有興趣再自己睇

「唔信對方真係愛自己，所以唔愛對方先」，呢種係一種叫逃避型依戀既心態
不信任對方對自己既感情、不信任對方同自己係有可能行到落尾、不信任自己值得被愛、不相信咁幸福既真愛會降臨係自己身上
佢地或者其實內心渴望被愛嫁，佢想搵到個啱自己既人
但其實佢地根本打從心底地好怕出現呢種人
因為要佢地投入感情、完全地相信對方，係一種置自己於危險既行為黎
於是基於以上既心態，就會出現你所講既行為，只要唔愛對方就唔會令自己受傷。
佢地係傾向去諗辦法令自己逃避親密關係，而唔係去諗點樣去維繫關係
咁求仁得仁，唔愛對方既話一段感情都唔會行得遠

咁點解會出現呢種心態呢，你都好講到出黎嫁啦，你既自我價值非常關事
你根本就唔信自己值得被愛，又點會相信對方係愛你呢
不過講就易，要改自己既性格都真係好難既，叫你去相信對方就更加難

我都係個句啦，愛情係一種賭博
唔賭基本上就唔會輸，但要贏就一定要賭
其實靈魂伴侶呢樣野係你思想建構出黎
只要你敢深信對方係啱既人，就算佢幾唔夾你，佢都係啱你既人
當你個刻唔肯信對方既時候，無論佢客觀條件上有幾啱你，佢都只會係錯既人
如我文章所講，一切都只係睇雙方夠唔夠感情
（重申唔夠感情未必係一種錯）

希望對方係一個比到勇氣你去相信佢、愛佢既人啦

懦夫連幸福都害怕，碰到棉花也會受傷。

我同老公一見鍾情
而家一齊10年喇
仲保持到熱戀
10年入面都遇到好多困難,有苦有樂
仲有好多相處上要學習,希望同佢白頭到老

好老實，我覺得除非你不求回報咁樣去愛 （即係對方完全唔愛你而且同其他人一齊你都可以照愛佢，對佢好，為佢付出，好似聖母咁無私）

如果唔係，無論大家嘅感覺幾艱難都堅持要綁住對方，我覺得都只係最愛嘅就係自己，為咗自己唔想對方離開嘅私心不斷綁住大家。

我覺得受過傷就唔夠膽去愛，有啲懦弱。係你個名我唔確定男定女，不過男人定女人我都覺得，無論仆街得有幾金，最緊要奇勳起身唔會比以前啲所謂陰影影響到。 加油。

冇用
我愛佢
但佢熱戀期之後就變冷淡

一段關係總有厭倦同冷淡期，總有啲時間硬係睇對方唔順眼
唔太知道你地之間發生左咩事，亦唔知佢背後有咩諗法
但至少睇到佢話可以仲嘗試一下
都證明佢對呢段感情仲有不捨既地方，想試下搵方法行落去
如果佢咁有決心分手，佢就直接講分手啦，仲同你拖落去做咩

呢個case你都係處於好被動既狀態嫁啦。。
成個主導權係佢手，而佢都未決定好自己要點做
相信你係等既呢段時間一定好煎熬，唯有希望你地捱到落去啦
有機會既咪問下對方要唔要傾下，了解下佢背後有咩隱憂

不愛了

我只會話，如果我見到我仲係好鍾意既ex放閃，我一定會unfollow佢
簡直情感虐待緊自己。做乜要令自己唔開心呢？
如果你真係move on左既，就唔會睇到個心唔舒服
咩都睇唔到，眼不見為淨好過

我成篇文章都係講緊兩個人同一想法先會work
兩個人都要愛對方，只有一個人想堅持是沒有用的
無論大家面對緊既野有幾難
只要雙方都覺得對方仍然自己值得堅持既
咁堅持呢樣野對佢地當事人黎講咪係啱

定係你係意指緊其他既意思？
類似如果放手會令大家過得更好既話，呢種情況下既愛，係愛緊自己多啲定愛對方多啲？

give u a hug

因為佢就係一個貪圖新鮮感既人
我知佢拍過好多次散拖
最長都唔夠兩年
我唔知佢未來會唔會搵到個人佢想永遠一齊
我都唔想關心
因為佢帶比我既傷害好痛