想俾大家理性咁討論一下
咁小妹就有個紋身，呢個紋身對我來講係非常之有意義。
而呢個紋身我係搵一個紋身師去design嘅。
咁當中的元素同細節就係由我提出嘅。
當我提出完呢啲細節之後呢，理所當然個紋身師就會提供幾個草圖俾我啦。
咁我就揀咗其中一個圖，咁就剩低左幾個草圖啦，我自己心目中嘅諗法係一個有職業操守嘅紋身師係唔會用客人剩低嘅草圖再轉售比其他客人。
但正正呢個紋身師就攞咗我剩低啲草圖俾咗其他客紋!!
因為入面啲details 同諗法係來自我嘅，而每一個細嘅意義對我來講都係十分之重要*。
如果係你，你接唔接受到自己咁重要嘅經歷喺其他草圖上面仲要俾其他人紋左上身。
而呢位紋身師就堅持自己嘅講法，佢話呢個圖係由佢畫，所以我冇揀到嘅草圖就係屬於佢*。
但呢啲草圖嘅idea係base on 我嘅故事而創作。
我最關注嘅問題係佢攞我嘅經歷創作嘅草圖俾咗其他人用！
因為佢同我講佢個客只不過係好普通地咁鍾意海同月亮嘅元素。
而今啱我嘅草圖仲有呢兩個元素所以就俾咗佢用。咁點解佢唔再另外設計啲圖俾佢啲客人？
令我最心痛嘅係呢個設計對我來講係非常之有意義，但去咗其他人身上就變得毫無意義。
佢咁隨便就可以將舊客嘅草圖俾人用，咁其實佢有冇尊重過佢啲客人呢，有冇重視過其他人嘅經歷？
佢話我俾錢佢設計，咁我淨係可以擁有我身上面嗰個圖，咁係咪代表剩低嘅草圖就唔係有關我嘅經歷呢，佢就可以隨便使用？
（其實仲有好多細節未講，如果大家有興趣先至再講啦， 勿屌）
呢個係我哋一小部份嘅對話，佢都係冇經原先當事人嘅同意擅自攞咗舊客嘅草圖比其他人用
人地設計你棄左既方案都唔比人賣 惡過狗