《一個訂婚書生嘅出軌故事》

但⋯如果用開放式關係去決定一段關係入面，大家都可以好自由去搵第二啲閪/鳩搞既話
用呢個價值觀去綁住人，何嘗唔係一種道德綁架？

更何況係
如果大家都同意開放式關係，ok阿
問題你地係呃跟人喎 有問過人地同唔同意咩

其實kpk一直都係個咁嘅人，當初書生覺得玩夠想定落嚟有個避風港，加上仲未得手，咪美化晒所有嘢囉。因為美化咗，佢就呃自己，kpk對性嘅需求先係正常人standard，以前嘅對手係太over，但呢個位佢根本冇正視過自己真正嘅需求。佢唔止壓抑咗自己，仲非常努力咁試圖將自己嘅黑歷史一一掩蓋，務求做到kpk心目中嘅完美男朋友。站在kpk嘅角度，佢一直蒙在鼓裡。或者佢都有唔少性格未必係咁討好，但林書生一開始都知架喎。講到尾只係佢一開頭啱啱得手，俾愛情沖昏頭腦，先咩都照單全收。而時間令佢地嘅問題浮上水面，加上缺乏溝通，先搞到今日嘅局面。

另外想講下，佢之所以會對mika咁坦誠，我又唔覺得係因為mika有咩魔力。得罪講只係佢feel到對方同自己磁場一樣，覺得佢道德底線有機會係無下限，會接受到自己不堪嘅一面，先食咗誠實豆沙包咁講撚晒啲嘢出嚟。然後又係因為俾愛情沖昏咗頭腦，先包裝到同mika有幾心靈契合。講真返去大學故時期，mika頂多都係好夾嘅sp level咋。

其實你講兩個人相處嗰啲嘢我都同意，前提係雙方對事件都知情，有拎過啲問題出嚟講。如果一方對另一方唔滿意，但從來冇拎過出嚟講，自己死忍到有一日遇到個幾吸引嘅人然後出軌，咁責任應該喺佢度。

一個唔小心又打咗篇長文，樓主個故就嚟俾我地啲cm騎劫晒btw學你話齋，都係個故姐，對唔住大家我又認真咗

拿，你大獲啦，
下兩篇文劇透晒上個故主線，
俾兩日時間你追返書生故

Btw欣賞你個留言嘅用詞好輔導feel
唔批判、同理心、責任在雙方、感受、需要
如果世界多啲好似你咁平和嘅人一定會美好唔少！

就是可以自由選擇
可以不同意對方，轉身離開
但基於社會氛圍都係反對
所以mika先會話
大家接受開放式關係作為其中一個選項 唔洗呃人 係願望

支持大家理性討論！
我寫嘅故仔只係反映現實（？）
至於點樣去解讀呢個故事，每個人嘅想法可以好唔同

咁大鑊 等我努力追完先再返嚟睇更新

其實前面講到林書生由好charm變垃圾
由step既神化角度
變咗而家由書生角度寫 深入了解呢個人
我就更加覺得 kpk會唔會未必都係咁好
所有嘢唔可以睇表面


當然去到林書生無限合理化自己都痴撚線

上個故好多人鬧kpk
無咩人鍾意佢
成日話佢搵書生埋單

而家好少可搵到18歲女冇拍過拖

係除非女校加屋企管得好嚴個d
讀u個陣有幾個女同學就係咁
會變到同男仔講嘢都唔敢個隻

每段關係都好坦白以前宜家點諗
對方接受唔到唔好晒大家時間

十幾二十歲多數係open relationship大家都唔覺得有問題
細個係愛情大晒
越大越貪心開始搵類似soul mate做伴侶
唔單只要咩都坦白 仲好想要磁場一樣性格價值觀人生目標都要好夾好夾
係搵呢個人既過程
愛情觀轉左少少
但同對方100%坦白係core value 唔可以變

失眠咗幾日好累，
今天晚上想休息唔更新

小心身體呀

注意，以下內容包含超大量回顧劇透，
為免影響體驗，
未睇晒Step故同書生故嘅讀者請忍手睇完上輯先好繼續。
。
。
。
。
。
。
。
。
。
。
08. 誠實、發掘本我、愛的本質、有限的愛意
8.1 愛情泡菜（上）

「不如起身散下步。」我牽著鍾美嘉的手，在西九龍海濱公園隨意遊走。

「到我問返你問題啦。」鍾美嘉說。

「好阿。」我回答。到底她想瞭解我的什麼事呢？

「你之前話自己食鹽多過我食米，咁到底你拍過幾多次拖？」

我聽到她的問題後忍俊不禁。

「笑咩阿你，有咁好笑咩？」

「我笑緊我地做過愛，拖住手拍拖散步，而家先嚟瞭解大家，啲Steps掉轉晒。」
我舉起十指緊扣的手：「你覺得我拍過幾多次拖？」

「我七年拍七次，你年紀大我七年⋯按返比例最少十四次？」她認真計算。

我心中數著：林敏兒、溫梓柔、Michelle、江柏琪，原來我的認證女友只有四個阿！

「四個咋，少過你。」

「車！得果四個，講到自己幾咁經驗豐富！」

「咁又真係唔及你多。」

「得啦，即係話我公廁。」她好像很介意別人覺得她是公廁。不過正常女生也會介意別人說她是公廁。

「喂，我咩都無講過阿。」我補充：「四個係正式拍拖。其他拍唔成拖、曖昧、SP果啲就唔計啦。」

「其他果啲，又有幾多呢？」

「真係數唔到啦。」

鄰居丁丁、師姐阿婷、網友Aka、組媽的朋友Candience（她的名字是不是咁寫的？）、宿友Hailey、在宿舍飯堂認識的PTGF Maisy、沒能交往的Stephanie⋯還有拒絕了的小學同學王家欣、酒吧客人張翠珊、宿友Carmen、蘭桂芳裡想找人破處的女生⋯End game數齊角色了嗎？

如果沒有漏記，和我擁有朋友以外關係的女性，真的剛好有十四個。

我的年青時代總算沒有白過，集郵人數在和江柏琪一起後便暫停了上升的趨勢。

年輕時醃製的愛情泡菜，現在慢慢回味。

「有無二十個？」鍾美嘉問。

「應該無，十幾個啦。」

「咁多人入面，邊個對你嘅影響最深、印象最深刻？」

「呢條問題有啲難答。」我認真思考：「其中四個人對我嚟講比較深刻。」

她們分別是林敏兒、Michelle、Stephanie和江柏琪。

「咁阿，你由最早果個講起。」

「有排講喎。」

「唔緊要，你講我聽。」

「我第一個女朋友係喺小六嘅時候認識，追咗佢成年，中一先拍拖。佢係我第一個鐘意嘅女仔，我每日返學都會買冰紅茶哄佢開心，為咗同佢升同一間中學而發奮讀書，佢想點我都會盡力滿足。我地約定填同一間男女校中學做第一志願，放棄本來諗住入傳統男校或女校嘅意向。點知到升中派位果日，我先知佢屋企人迫佢填咗間女校做第一志願，結果我地入咗唔同嘅中學。」

「咁你地係點樣一齊㗎？」

「因為呢件事，我同佢嘈咗場大架，由Last day到中學開課，一共冷戰咗四個月。」

「咩料呀，四個月咁耐？」

「果陣好戇居，覺得四個月時間唔會改變我地嘅關係，臉皮太薄所以四個月後忍唔住先搵佢。好在佢都仲鐘意我，接受咗我嘅表白，就開始拍拖。」

「後來佢慢慢疏遠我，成個月都唔肯見我，俾我發現咗佢瞞住我同另一個男仔去自修室。我雖然好嬲，都仲拎晒身家去買禮物去哄佢。佢口中講我地仲係男女朋友嘅關係，但語氣同表情好冷淡。我知道佢對我無晒感覺，喺無真正講過一句分手嘅情況下就完咗。過咗無耐，佢就同咗果個自修室男仔一齊咗。」

「所以你中一嘅時候已經體會到我所講，所謂嘅名份只係其次。」鍾美嘉說。

「可以咁講。佢係令我情竇初開嘅對象，改變咗我整個人。我同佢分手果時傷心到同朋友唱K都忍唔住匿埋喺廁所喊，身上某個部分嘅林書生已經死咗。可能自我防衛機制令我麻木，後來我無再試過因為女仔而喊，係一次都無。」

「咁下一個女朋友呢，你好鐘意佢㗎？」

「同初戀分手之後，我貪玩Flirt坐我隔離嘅同學，佢對我有意思，玩玩吓咁就一齊咗。」我續道：「不過我對佢好仆街，我根本一啲都唔鐘意佢，青頭仔呃蝦條破處。所以佢係對我人生無乜影響嘅一個對象。」

「就係你呢啲呃人蝦條嘅仆街，搞到我喊咗幾多晚！」鍾美嘉有點憤怒。

「係，我都認自己係仆街。初戀嘅失敗，加上青春期強烈嘅性慾掩蓋咗我嘅同理心，我整個初中生涯都係食女、搵SP，無拍過拖。付出咗咁多心血，對方都唔識欣賞；反而搵把口哄吓女仔，就有一堆女仔排隊俾我食，點解我對感情仲要咁認真呢？」

「可能係你未遇到一個真心鐘意嘅女仔姐。」

「嗯，直到中四嘅時候，我認識咗而家嘅未婚妻。」

「吓？你地中四就識？」

「無錯，我對佢一見鍾情，死纏爛打。佢因為屋企問題，而剛好我父母要離港發展公司業務，我就偷偷叫佢搬入嚟，我地同居咗四年，直至升大學。」

我才察覺，自己對於喜歡的對象也可以很長情，即使被拒絕，也能堅定不移地追求。

「咁你地咪一齊成十幾年？」

「我同佢識咗十年，不過其中我地先拍拖三年。」

「即係同居果四年都無一齊過？」

「係，追咗四年佢都係唔接受我。」我續道：「講出嚟你都未必信！同居四年我無同佢搞過嘢，因為佢，我仲主動斷晒初中嘅SP關係，高中乖到食自己。」

推想睇文！！

呢篇有啲回顧返晒成個書生故裡面書生對幾個女仔嘅諗法 啲人名好耐冇見好懷念

第一次喺呢度留言
絲打心水清

mika講話要社會接受開放性關於根本bullshit，從來都無所謂「社會接受」呢樣嘢，係講緊兩個人價值觀match唔match，搵到一樣接受開放式關係嘅人咪得，因為無論係咩形式嘅關係總有人唔認同

8.2 愛情泡菜（下）

「原來你對愛情都幾瘋狂。」鍾美嘉說。

「我諗，呢個係感情經驗豐富嘅人有嘅共通點？無論遇過幾多無結果嘅人，都仲未識驚，愛情永遠都係對我地最重要嘅價值。」我回答。

「你有無諗過係咩原因導致我地將愛情睇得重要呢？」鍾美嘉問。

「我最近都有諗過呢個問題，最新嘅結論，係自己要靠愛情去填滿生活嘅缺失。」

「正如我存在嘅作用係填補你同女朋友關係缺失嘅部分，係唔係？」

「從呢一刻同你嘅關係去睇，我唔否認。」我補充：「如果早啲認識你，我地嘅故事會好唔同。至少可以正正經經咁拍拖。」

「可能真係拍拖，又好快分手呢。人無完美，我同你一齊，同樣會有缺失嘅部分。所以唔緊要啦，我地而家呢個關係都唔差。」

鍾美嘉續道：「我覺得愛情嘅重要性同原生家庭有關係。我父母都係在職人士，由細到大，佢地工作都好忙碌，成日OT又周圍飛。小學果陣，主要都係婆婆照顧我。讀中學開始，我就自己照顧自己。父母都好疼錫我，俾到唔錯嘅經濟支持，只係相處時間總係好短，屋企成日都無人。當我獨自留喺屋企，就好容易覺得寂寞，所以一旦戀愛對象出現，我就會將全副心思放喺對方身上。」

「即使對方係錯嘅對象，你都會依附喺對方身上？」

「係。因為寂寞比起錯誤更可怕。愛情作為家庭溫暖嘅彌補。」

「我理解你嘅感受。因為我父母都係我高中嘅時候飛咗去外國。即使係短時間嘅獨居我都頂唔順，不停向外尋求社交。」我說：「可能我地都唔識用健康嘅方式去排解呢種寂寞、缺失嘅感覺，以致不斷重演唔健康嘅愛情關係。」

「愛情就好似毒品。我搵唔到可以提供到同樣感覺嘅替代品。」

「哈哈，即係你都認同，愛情只係一種感覺。我地都係愛情上癮者，旨在搵人提供愛情感覺，多於一個『命中注定』嘅對象。」

「係。不過愛情同毒品一樣，會有抗藥性，愈食愈麻木。所以阿，要搵一個俾到愛情感覺我嘅人都唔容易！你好珍貴！」

「大家咁話。」我笑說。看一看手錶，還剩下一小時的時間。

我們從西九龍海濱長廊的尾端折返，於公園的草坪中散步。

我延續未說完的故事：「到升咗唔同嘅大學，個女仔玩O camp、住Hall之後，俾組爸媾咗，我地由同居變成朋友嘅關係。之後兩年我都無遇到有感覺嘅人，斷斷續續咁食吓女，無咩特別。」

「咁你幾時遇到下一個重要嘅對象？」

「喺我去荷蘭Exchange果時，撞到同校去英國Exchange嘅Ex，無耐就一齊咗Long D。與其話重要，不如話深刻更貼切。我係因為佢靚女，係KOL，條件唔錯，同埋Exchange想搵返個伴先同佢一齊。當時仲覺得佢性格好港女，唔算話非常鐘意佢。」

「咁點解會深刻？」

「因為返到嚟香港，我地扑嘢嘅片俾個幫佢整電腦嘅Fans流出咗。我地一齊搵個男仔去解決呢件事。後來個女仔抑鬱，變到神神化化，我都算陪佢走過咗人生低谷，共過患難，加深咗感情。」

「嘩！我想睇！有無Seed？」

「不了，你得個知字啦。條片淨係睇到佢，睇唔到我個樣。」

「咁佢而家點呀？」

「佢好返啦。基本上長居外國，生活無憂。」我說：「好似同我有過關係嘅女仔都生活得唔錯。」

「可能當時啲女仔都覺得同你相處都唔錯呢。」

「當時鬼掩眼掛，可能而家會覺得同過我一齊係黑歷史。」我說：「跟住臨畢業就遇到正話戲院果個女仔，佢係少數令我有感覺嘅人。正如頭先喺戲院同你所講，我地最後無一齊到。」

跟鍾美嘉剖白自己的過去，同時整理了心思：「所以，對我生命最大影響嘅女仔，應該係初戀。」

「你仲未忘記到佢？」

「中一到而家返咗工三年幾，中間隔咗成十三年，我唔再鐘意佢啦，只係佢對我嘅影響太深遠。」

「我無諗過，你會同我講咁多。」鍾美嘉說。

「我都無諗過，你係我人生中第一個令我咁誠實分享自己故事嘅人。」

「真定假㗎，又哄我？」

「真㗎，唔信就算啦。」

我的心情得到很大的紓緩，心裡某個重擔似乎放輕了不少。

雖然大部分「重擔」只是我在自尋煩惱。

在鍾美嘉面前，我不會得到任何批判，她只是靜靜聆聽，反覆詢問我內心的想法。

原來我想要的，只是如此簡單的一段對話。

鍾美嘉完全掌控我的情緒高低起伏。

我回想起江柏琪在逛婚展後，曾經詢問我關於婚前輔導的問題。關於過去感情經歷對我的影響，我在她面前幾乎絕口不提。

為什麼無法在江柏琪面前誠實剖白呢？

大概因為覺得她跟我不是同一種人，出說來她只能以同理心去理解發生在我身上的故事，不會產生共鳴的感覺。

共鳴好像是一個江柏琪永遠無法填補的部分。

人本來就各有優劣，可不可以停止將兩人抽絲剝繭地比較呢？

我就是無法控制內心的想法。

一聲嘆息。

時候不早，灰姑娘把借來的神奇火柴燒光，我要在限時之內趕回家。

我還想牽著鍾美嘉的手，一直聊下去，最好是能夠走到月球般遙遠的距離吧。

我陪伴美嘉到的士站，依依不捨地將她抱完又親，目送她離開再回家。

感受著她離開的空位，隨之而來是強烈的迷惘。

愛和時間就像一杯水，是有限的。我只有100%的容量，當我把80%的關注放在其中一個人身上，另外一人便只剩下20%。兩人不可能同時獲得100%的我。

我不知道和江柏琪的關係還能維持下去多久。

這幾天，我思考了好幾遍，我真的要和江柏琪結婚嗎？

隨著時間的過去，要反悔的代價將會變得更大。

考慮自己餘生，根本無法帶著謊言面對江柏琪。

男人到了三四十歲仍然是一個有市場的黃金年紀；女人尋找另一半的市場有限。

分手，放過自責又內疚自己，放生江柏琪找個更好的對象，跟Michelle和Stephanie一樣，和詛咒一樣的我分手，是不是一個更好的選擇呢？

青青

嗯嗯，一方面俾大家知道書生點睇啲前度，
另一方面突出返佢同MIKA、KPK傾計內容嘅分別

得閒推一推