《一個訂婚書生嘅出軌故事》

推

今日凌晨

等文 推

推

等緊文

6.4 純潔的一片淨土

我相約鍾美嘉下班後在公司對面的超市見面。

「你有無邊度想去阿？」我問鍾美嘉。

「我未諗到阿。」鍾美嘉笑笑：「我地行陣？」

「太古城？」

我心裡想著，下班後在太古城中心逛街，遇到同事的機率頗高。我自己偶爾也會到太古城中心逛一下才坐車離開。

撞到兩人逛街又有什麼奇怪？

也有不少我和女同事逛街的合理解釋阿——順路、在一起去地鐵時對方說陪她逛一下、一起為即將生日的上司預訂蛋糕特等。

根本就是自己心虛嘛！

「行超市。」她說。我們在超市徘徊，鍾美嘉朗讀和評估每樣產品的價錢。

「牛奶六蚊，正常價。」

「鮮蘋果汁廿八蚊一支，有啲想買。」

「買囉。」我說。

「但係Asahi十五蚊一罐咋喎！好抵！」

「買埋囉。」我回答，想想便覺得不對勁：「你識Asahi，原來上次係扮唔識飲酒！」

鍾美嘉說：「你上次點果隻黑啤，係Asahi嘛，我有留心㗎！」

「算你啦。」我當作她的意思，是因為我才認識（人人都知道的）Asahi。

「我啲莊員都會飲酒，都一齊喺豬欄飲過幾次。」

「你地飲咩呀？」我豎起耳朵，想要聽清楚她說的話。鍾美嘉會去飲酒一事讓我有點不悅。

「Jolly Sandy.」她說。

「會唔會係咁。」聽後倒是讓我哭笑不得。Jolly Sandy是汽水來的吧！

「係阿，佢地好渣，飲Jolly Sandy已經臉紅晒、腳步浮浮，好搞笑。」

鍾美嘉打開手機相簿，向我展示一張照片：「最渣果個男仔！飲咗一罐Jolly Sandy就醉，仲要嘔晒啱啱食完嘅公仔麵落地下。」

「嘩，睇見都覺得臭。」那人坐在地下，沒有對準手抱的垃圾桶，一半的嘔吐物都吐在地下。

感動！他們是少數未經社會催殘的純潔淨土！我還以為00後普遍經驗豐富，身經百戰。

「真係好臭。抹完成間房都仲係一陣味。」鍾美嘉說：「本身大家諗住喺豬欄過夜，最後臭到頂唔順要搭的士返屋企。」

「因住俾學校投訴，收返個Soc房唔俾你地用。」

「點會呢，SU有成三十幾年歷史，傳統都係咁。Polling完咗咪慶功，好合理吖。」

「欵，邊有一定㗎。我成日覺得，傳統不過係由人創造出嚟，會隨時代改變嘅。」就像以為堅不可催的感情，有一天還是會改變。

「都係嘅，例如以前用現金，而家就有電子支付。可能未來有腦電波支付，連電話都唔洗用。」

「唔係喎，我好似睇過單無人超市嘅新聞，客人拎貨走就自動俾咗錢。」

「係咩原理？」

「人臉識別同埋晶片技術呀，幾High tech！」

「你覺得呢啲係咪科技嘅進步？」她問我。

「睇你點定義『進步』呢樣嘢啦。」

「現金都有佢嘅存在價值，科技嘅進步係帶俾人多一個選擇姐。」我說：「變咗IT狗，好似扯得遠咗。」

「哈哈。果晚仲好難得同埋其他莊一齊飲，好好玩。」鍾美嘉說：「我入嚟個陣風頭火勢，學生會無搞O Camp。而家好似彌補咗Freshman時無玩O Camp嘅遺憾，雖然我入嚟咗嚟學校先得果三個月。」

「啱呀，讀書緊係要玩多啲。」

「你而家有得玩我，都開心吖。」鍾美嘉雙手捉住我的手在搖晃。

「低B，邊個得閒玩你。」我彈了她的額頭一下：「醒未呀？」

「哈哈。」她笑笑便放開雙手。

「咁除咗同莊員，你有無飲開酒？」我對於鍾美嘉耍弄胖虎的行徑感到疑惑。

「爸爸媽媽好鐘意品酒，所以我有時會一齊試吓啲紅酒同香檳。我啱啱先夠十八歲，都未有幾多機會去酒吧見識。」

「唔怪得之你咁飲得，原來訓練有素。」鍾美嘉的話似乎成功釋除了我的疑慮。

她仍只是一個十八歲的女生，我把她想得太壞了。雖然我不懂為何飲酒算壞，明明我其身不正，沒有資格對她批評。

「你帶我去見識見識就真。」

「我推薦啲Cheap酒俾你失禮晒，失敬失敬。」我說：「讀書果陣，大家都係學生無錢求醉。我返過果間酒吧Part time又係半劈場賣Cheap酒，都真係唔太認識啲靚酒。」

「你喺酒吧度打過工？」鍾美嘉對此很好奇。她眼睛睜大，停下腳步，回頭問我。

「係阿。」

「睇唔出喎！」

「唔該借借。」鍾美嘉站在陝窄通道的中心，擋住了客人的道路。

「Sorry。」她讓路，又轉頭對我說：「你個樣咁斯文，竟然會去啲劈場返工。」

「你個樣都唔似咁咸濕啦！」

「人地係鐘意你，情不自禁。」

「我地呢方面都有啲似。」我說。

「邊方面？咸濕？」

「都係。」

她說：「呢個世界邊個人唔咸濕？Sex is always considered as basic need. 一個人唔咸濕，一係佢身體出咗問題；一係佢好可憐，未曾嘗試過性愛嘅美好。」

「我某程度上同意你嘅講法。」

難道是我沒有為江柏琪帶來高潮，所以她不喜歡和我做愛？

「但係都有啲人天生性慾無咁強㗎嘛。」我自我安慰：「認真望你下唇原來都幾厚，我知你一定好強。」

凝望了鍾美嘉的櫻桃小嘴，又開黃腔講笑，好想親下去。

林書生，別忘了這裡是公開場合，君子一點。

「哈哈。」鍾美嘉說：「你知唔知我突然諗起啲咩？」

「唔知。」我回答。

「Free our nipple！身體自主！」她在大庭廣眾以雙手摸著自己的胸部：「希望有朝一日，我可以好似啲麻甩佬咁，唔著上衣，裸體遊街。」

若果江柏琪有鍾美嘉一半好色和開明便好了，我無法想像有一天連同性戀也不接受的江柏琪會忽然對我說想要「Free our nipple」。

「身為男士嘅我，完全無依個慾望。」

「咁，你仲覺得同我邊度似？」她問。

「表裡不一？外形同內心好唔夾。」

「哈哈哈，好多人都咁話過我。我認證。」

這種臭味相投，也是鍾美嘉能夠吸引我的特質之一吧。

只有短短的十分鐘的對話，卻讓我更了解她多一點。

我目睹到鍾美嘉格價的師奶仔模樣、她會和莊員一起喝Jolly Sandy、原來沒有到過酒吧幾次、自小會從愛品酒的父母中偷嚐美酒、對我曾在酒吧工作感到好奇、有Free the nipple的慾望⋯

我總是很喜歡和鍾美嘉隨心又交流到價值觀的對話，期望有什麼新想法能衝擊我的腦袋。

她是一本很耐看的劇集，每次翻閱都叫人忍不住一直追看下去，叫人廢寢忘餐。

琴晚寫寫吓訓著咗

咁岩撞正有文

樓主繼續加油

thank you

加油

6.5 誰陪誰吃乳酪雪糕？

超級市場面積細小，轉眼間我和鍾美嘉便繞場一週，到了該離開的時候。

接下來要到哪裡呢？

我不希望和鍾美嘉單獨相處的時間如此短暫便結束，考慮好不好邀請她到公園散散步。

轉眼又認為沒有太大意義，因為漫無目的、為走而走是個非常浪費時間的舉動。

大概是出來工作後的私人時間過於珍貴，若然我被叫出來後只是百無聊賴地遊盪，該會感到憤怒。時間不是用來浪費的，還不如在家睡一下。

我還未習慣和鍾美嘉自在地相處，總覺得見面要有些任務完成才算圓滿。

離開了超級市場，我和鍾美嘉未有討論目的地，自然在街上流連。

我們經過了一家售賣乳酪雪糕的店舖。

我問她想不想吃乳酪雪糕，她回答好，我們便進店坐下。

鍾美嘉叫了一杯伯爵茶Oreo乳酪，我則點了一杯抹茶爆爆珠乳酪。

「爆爆珠好食咩？」鍾美嘉坐在我的對面問我。

「你試吓咪知囉。」我舀了一匙抹茶爆爆珠乳酪，她自然地打開嘴巴試食，彷彿我們一直都是如此相處。

「一咬開有啲嘢爆出嚟，個口感都特別嘅。」她形容：「又唔似得珍珠咁煙韌。」

「你未食過咩？」

「未阿，我次次都係食Oreo同堆珍珠。」

「你試吓我呢個。」

鍾美嘉把雙腿伸向前，挨著我的小腿，反餵我一口伯爵茶Oreo乳酪。

「味道都唔錯，我諗喺你食嘅嘢入面算係淡味。」

她以雙腿蹭磨我的小腿，並用一個曖昧的眼神看著我。

「喂。」我忍不住說：「乖啦。」

「做咩姐？」

「你咁樣，我好難搞。」

「你唔鐘意咩？」阿，這個主動得來讓我受落的女生。

「鐘意，緊係鐘意。」我是發自內心的。

我背後的意思是，我是真心喜歡鍾美嘉才想跟她做愛，而不是有了慾望才會想找她做愛。

「咁你咪話想，好難搞咩？」

「我覺得將啲說話講到咁白好狗公。」

我實在不想承認，鍾美嘉在超市說自己咸濕的時候已讓我心生淫念。

只不過我常試圖在鍾美嘉面前維持一個正人君子的模樣，將慾望稍微克制了一下。

我發覺自己對待真正喜歡的對象時會變得小心翼翼。

我補充：「我驚太主動會嚇走你。」

「唔會，我份人好直。我鐘意你主動啲、表達多啲。」她說。

我仍未能拿捏和鍾美嘉相處的方式。

我看著鍾美嘉因穿上貼身圓領米色上衣而顯得格外玲瓏浮突的胸部，又看看下午六時半的手錶：「可惜時間有限，要返屋企。」

「嚟個快嘅？」她指向旁邊的酒店。

「得個零兩個鐘⋯都得嘅⋯」想到要像去時鐘酒店匆匆完成整個做愛的流程後立刻離開，又有些不爽。

誰會嫌跟喜歡的女生做愛麻煩？我又沒有更可行快捷的提議。

說罷我便用手機App預訂即日的酒店，順便告訴江柏琪自己大約八時多才會回家。

我又不是沒有約過炮。以往和SP都是隨便發一通短訊，詢問一聲是否空閒便會成事。直接詢問不會尷尬，也不介意對方的想法。因為我的目的就只想約炮，絕對不會浪費時間回覆閒談的廢話。

對於能夠做愛，我當然高興。只是我內心感覺又有點奇怪，原意只是想多見鍾美嘉一回，卻被她極其主動地引導我去做愛，整件事怪怪的。

她真的不是詐騙集團？反而是她陪伴我吃了一頓熱身的乳酪雪糕了？我們男女的角色是不是倒轉了？

「我去對面Check in咗先，再打俾你啦。」我說。

畢竟，我們不可能一同出現在酒店大堂。被撞破絲毫沒有解釋的餘地，太危險了。

「好阿。」她回答。

加速！！！

樓主加油！

見到佢食乳酪雪糕就諗起
中學嗰陣有一次好似係王家欣？
叫書生一齊去食
跟住書生掉低左陪緊佢既溫梓柔去左食
不過最後好似都有買番杯番學校比佢食

推

行超市笑咗