《一個訂婚書生嘅出軌故事》

我覺得已經可能有啲路都唔出奇
林書生正一on9仔 乜都講哂比人知

7.6 人煙稠密的地攤

「我第一次見到你著便服嘅樣。」這是鍾美嘉在下午四時的深水埗地鐵站對我說的第一句話。

她穿著米色上衣及杏色燈芯絨裙，與平日的文青風格一致。

我目光向下移動，確認自己在洗澡後更換了黑色淨色衛衣。

也對，我在上班的時候基本上只會穿恤衫和長褲。

鍾美嘉沒有追蹤我的Instagram，所以根本不會看到我穿便服的樣子。

「無計啦，我地見親面都係返工日子。」

「係，所以今日咁即興見到面好難得。」鍾美嘉笑說。

「開心。」我摸摸鍾美嘉的頭：「出發啦。」

鍾美嘉跟著我走，問：「去邊度阿？」

「大南街。」我說：「啱啱Parsons介紹咗一間Cafe俾我。」

「好阿，睇吓佢Taste如何啦！」

我把名叫「十常八九」咖啡店的網站給鍾美嘉批核：「你有無去過？」

鍾美嘉看完電話螢幕，思考了數秒才搖頭說：「無呀。睇佢日式裝修幾吸引。」

我們站人來人往的深水埗地鐵站出口。

在這個區域出入的主要都是老人或中年人。

驟眼看來，周圍應該沒有認識的年輕朋友在場吧？

我鼓起勇氣，在這個公開的地方牽著鍾美嘉的手。

「你⋯」鍾美嘉看起來有點驚訝：「你唔驚人地見到咩？」

「少少。但呢度咁多人，撞到都睇唔到我地拖手啦！」我帶著一點害羞回答，像是完成了一件壯舉。

我偷偷瞧了鍾美嘉的眼睛，臉上感到一陣猶如初戀的溫熱。

腦海驀然閃過在我生命中出現過女朋友們的面孔——林敏兒、溫梓柔和江柏琪。

鍾美嘉是第四個和我在公開場合牽手的女生。

奇怪地和鍾美嘉只是簡單的一個牽手，卻比以往找SP做愛，更讓我的心情激動。

從一個情感經歷豐富二十五歲的男生口中說出來過於純情，必定會被Parsons瘋狂恥笑。

「多謝。」她也許有點感動：「其實唔洗咁危險㗎。」

「我仲想同你做好多嘢。」我說。

「例如呢？」

「我想帶你去見我嘅朋友。」

「你痴線㗎？邊有人出軌出到你咁張揚？」鍾美嘉問：「你會介紹SP俾兄弟識？」

「你就痴線，我會唔會咁危險喺街拖住個SP阿！」雖然我真的會將SP介紹給兄弟。

「會，你而家喺街拖住我喎！」

「係！但你唔係SP！」我強調她的觀念錯誤。

鍾美嘉對於我而言更像一個女朋友。我從來都沒有將她當成SP，不過她總是如此形容自己，把自己擺放在一個較低的位置。

基於我有女朋友的關係，她未能感受到我內心的悸動能夠理解。以昨日的假期為例，我和江柏琪整天像片貼身膏藥黏在一起，哪裡會有時間回覆她的短訊？一個比她年長七年的男人，還要像個痴漢，不停纏繞著鍾美嘉，告訴她我有多想法？我對鍾美嘉誠實，只是在表達方式方面，我仍然有些偶像包袱。

「點解你要咁做呀？」鍾美嘉擔憂地說。

「因為我想。」我回答。

「你份人都幾任性。」鍾美嘉搖頭笑說：「同我有得揮。一時聖人上身，一時衝動到咩都唔理。」

我們穿過人煙稠密的地攤，轉向人流稀疏的街道。

「講多樣嘢你知。」我向她多賣了一個關子。

「係咩呀？」

「我將我地之間嘅關係，同Parsons講咗。」我說：「我地嘅故事有人做見證，你唔係一個無人知曉嘅存在。」

「喂呀，乜你唔問吓我先㗎？咁自把自為！」

我瞇著眼睛，向鍾美嘉笑笑。

鍾美嘉續道：「算啦，我都係五十步笑一百步，無資格話你。因為我正話都同我死黨講咗。」

「哈哈，我地心靈相通。」

「你點樣同佢講？」她問。

「我同佢講⋯我沉咗你船囉。」

「咁⋯Parsons有咩回應？」

「佢呀？問你好無食。」

「好低質呢個回應囉！」鍾美嘉好奇地追問：「咁你點答佢？」

「OK啦！」

「咁咋？」她有點失望。

「係阿。唔係你想點，同佢分享食評？」

「咁⋯你覺得我點阿？」鍾美嘉看著我說。

她的眼睛圓滾滾，像隻可愛的小狗，真可愛。

「OK啦。」我說：「廢時讚壞你。」

「做男人要大方啲，快啲讚我。」

「嘿嘿，好想要？我考慮吓啦。」

Happy friday 早啲更新！
俾你地講到我有啲心動想改情節

想睇書生仆街

見倒書生咁樣踩江柏琪就好嬲 忍唔住留個言等睇書生仆街

反而我想Mika同書生有good ending
人生要搵到個真正啱自己嘅人好難佢哋搵到都想祝福佢哋

Parsons有樣野講得好中。
佢話過，林書生沉mika既前提係因為有江柏琪；
如果無江柏琪，佢可能唔會沉mika。

我覺得呢度直情可以刪咗「可能」兩個字
講明白佢既為人，kpk會唔明白咩？
只有鍾美嘉先明白咩？
唔係，其實kpk同佢相處咁耐，佢絕對比mika更了解林書生。
而林書生口中所講「覺得係鍾美嘉面前，先更做到自己，所以好中意佢」係bullshit
佢又有無諗曾幾何時，
佢地一開始淨係拍下拖，無乜顧慮既時候，
佢都係kpk面前做到自己。
而宜家，佢比起一般條件更差，
要成日對住啲有公主病既女人卑弓屈膝既男人，
佢唔需要就kpk更多。
正如佢講，禮金都可以由kpk去幫手settle，
根本上佢就係遇著個脾氣好既女人，
唔需要負更多解決麻煩既責任，
比起一般男人更做自己啦。

係啲咩令佢覺得唔係做自己？
係因為佢對kpk激情退卻，
又臨近結婚，比以前既自己多咗責任，
個心對呢份感情有負擔，
所以佢先覺得佢「做唔到自己」
對住mika，佢隨時可以愛，亦隨時可以完，無咁多野煩。
對比之下，佢咪覺得自己做到自己。
所以係因為有同kpk既關係對比，佢先會沉mika得咁緊要。

個故去到幾多成了

書生乖咗三年先覺得mika啱咋
無長拖女友mika最多散拖level咋

30%?
又長氣咗愈寫愈detail

閱讀理解5**

慢慢寫支持支持！

輕輕一推

7.7 榻榻米

咖啡店的落地玻璃透光度高，裝潢風格簡約，位置不多，只有兩張榻榻米及數張木枱，播放著輕鬆的爵士樂，空間舒適。

時間是尷尬的下午四時十分。早輪入座的客人相繼離開，一心想來咖啡店打卡的人很少會選擇排隊至四時，因此我和鍾美嘉沒有等待太久便順利地被安排入座。

我們進店時還要脫鞋，盤腿而坐於榻榻米的位置，是個意想不到的用餐體驗。

「焙茶Tiramisu Box、芒果捲蛋。」女店員為我們送上甜品。

「你琴日放假唔見咗成日，有咩搞阿？」鍾美嘉吃著芒果捲蛋，語氣不經意地詢問我。

我和江柏琪昨天忙碌得很，做過愛、視察了婚宴場地、和她家人吃飯被追討禮金⋯

只是以上的話題，如何向鍾美嘉分享？

和一般的SP，當然可以若無其事地分享，因為我知道對方不會有難受的感覺。

若然鍾美嘉喜歡我，聽到我和江柏琪忙於籌備婚事，該會感到妒忌或不愉快吧，何必要知道？

因此，我傾向將女朋友的生活從我倆的話題中剔除。

「我阿⋯」我回答得有些含糊：「同女朋友去商場周圍行吓街。」

「無啦？」鍾美嘉對於我的答案感到沒趣，彷彿正常人的週末該到處去遊玩。

「係阿，無咩特別。」事實確實沒有什麼特別。

「有無買嘢阿？」

「返屋企果陣經過超市買咗啲日用品，算唔算買嘢？」

「算阿。」鍾美嘉追問：「咁仲有呢？夜晚喺屋企食飯？」

「去咗女朋友娘家食飯。」

「哦。」鍾美嘉沒有特別的表情點頭：「咁有無做愛？」

「吓？」我沒有預計過鍾美嘉會問我類似的問題。

她的語氣就像朋友之間閒聊「你食咗飯未」般平常。

只要問的人不尷尬，尷尬的人便是自己。

「有無同女朋友做愛？」鍾美嘉直盯著我詢問。

她最執著想要知道的，就是我和女朋友有沒有做愛？

做了又怎樣？沒做又怎樣？

「有阿。」知道她不相信我，我死死地氣誠實回答。

若果她不主動提起，我會裝作從來不跟女朋友做愛的。

「我就知一定有啦！」鍾美嘉聽後，有點不爽地以叉子的尖端深深地插進蛋糕裡面。

「唉呀，會嬲咁你又問。」我回答。

「想知嘛。」人的好奇心是永無止境。

「我下次係咪唔好誠實答你會好啲？」我問。

「咁又唔得喎，你嘅所有嘢我都想知。」

「其實我同佢平時好少做。」

「上一次做係幾時呀？」

「兩個幾月前啦。」

「咁都真係幾耐。」鍾美嘉點頭。

「可能係咁，佢先難得要求掛。」

「我正啲定佢正啲？」

「咁緊係你啦。」鍾美嘉大概只想聽到我對她的讚賞。

鍾美嘉在床上表現、身材、新鮮感、令人心動的感覺完勝江柏琪。

只不過呢，外貌上江柏琪其實和鍾美嘉不相伯仲，只是風格不同。

而在性格、相處、思想成熟上，客觀來說，作為交往對象，江柏琪仍然遙遙領先。

「唔怪得之你鐘意我。」鍾美嘉說：「我知道自己嘅優勢喺邊！」

「咁你呢？琴日去咗邊度玩？」我轉換話題。

「我去咗莊員個Hall整皮革，慶祝順利當選同埋提早嘅聖誕禮物。」鍾美嘉打開她昨天的IG Story分享給我：「我地玩唔Secret Angel，一人整一個皮革卡片套俾抽中嘅莊員。」

阿，皮革卡片套簡直是青春的代表品之一。不知何故，什麼上莊、O Camp等活動，總會送贈手作皮革作為紀念品。

鍾美嘉製作的灰色皮革卡片套是最簡單的款式，前三後一，一共四個卡片位。

當年玩O Camp組爸媽送給我的皮革卡片套，手工可是精緻得多，雖然我最後只將它隨意丟在家中的某個角落封塵。

「唔，啲手工有待改善。」看她的手工，明顯是個皮革新手。

「唔緊要啦，都係送俾莊員姐。」鍾美嘉笑笑：「不過我想知有咩做得唔好。」

「穿蠟線鬆緊唔一致，卡片套嘅邊沿磨得唔夠平滑，刻字又無油金邊⋯」

「好Pro咁喎！」

「以前玩O Camp收過，又有睇Parsons啲莊員整過。」我把自己Instagram中萬年前的貼文找出來，將以前收過的卡片套分享給鍾美嘉。

鍾美嘉拿著電話，朗讀我的陳年舊貼文：「多謝組媽組爸，奶黃包又Warm又Firm，Yeah！」

「喂，夠啦，收口啦。」我試圖把電話搶走失敗。

鍾美嘉以我的電話搜索了自己的Instagram，向她大約一千三百名追蹤者的私人賬戶發送了追蹤邀請。

「俾返你。」她說。

她向我發出了追蹤邀請，可是我並沒有立即批核。

因為裡面有我和江柏琪的合照，我想要處理一下才讓鍾美嘉追蹤，免得她看到相片時心裏感到不舒服，或是在內心比較。

我們開始聊些江柏琪以外，以及一些我很少和江柏琪討論的日常話題。

我們說離開咖啡店後到附近的皮革店購買工具，讓她的皮革卡片套質素提升（江柏琪認為除了吃進肚子的，把時間投放於進修上課更好）。

我們討論蛋糕的質素，以及舒適寧靜的環境對得起昂貴的價錢（江柏琪是無法理解花接近三百元去咖啡店購買兩件蛋糕及兩杯咖啡的樂趣，會一直說不划算，自己購買食材製作可以吃上一整個星期，而且更足料）。

我們討論了自己的興趣，鍾美嘉也算是個典型小文青，喜歡到咖啡店、拍攝菲林照片、弄些古靈精怪的小手作、刺繡、看書、看電影。不過她的手工很一般，每樣「興趣」只是玩玩，沒有深入鑽研，也會追星、打卡。漂亮比起實際功能更重要，一如她的戀愛態度，是個浪漫主義者。

我們同樣想要看《小丑》，所以即興地購買了黃昏六時的電影場次。匆忙地結賬，到附近買了皮革的銀色油漆，又買了些飲品、飯團、漢堡包偷運到荔枝角的電影院。

今天在榻榻米上過了一個美好的下午。

等文 +1

7.8 小丑

即使我已觀賞過無數次電影，和鐘美嘉去看《小丑》仍然是一個很新鮮的體驗。

我拉起座椅之間的手枕，在觀看整部電影時都握著對方的手。

這是我初次牽著鍾美嘉如此漫長的時間。仔細感受她纖細手指的觸感，柔若無骨，看起來是十指不沾陽春水的類型。比起看電影，我似乎更專心在感受著鍾美嘉的質感。

突如其來的電影聲效把膽小的鍾美嘉嚇倒，使她不時用力捉緊我的手，反應活像一隻小松鼠。

我替鍾美嘉拆除飯團的包裝，自己則吃著漢堡包充肌。

看似普通的情侶指定動作，對我來說卻絲毫不普通。

不斷和新人重覆自我介紹或是進行欠缺交流的活動是種折磨。可是，當你找到一位和你同樣享受當下的對象去做同一件事情，體驗便完全不同了。

好壞視乎自己以怎樣的心情濾鏡去看待，可以絲毫不客觀。我想，世上最快樂的人，必定是有能力控制注意力放在何處的人吧。

我和江柏琪也曾經歷過新鮮的蜜月期，當時天真的以為找到對的人，就可以一直甜蜜下去。可是我忘記了，生命出現變數是個不會改變的定律。所以今天我和鍾美嘉偷來的新鮮，終究也是會消失的泡沫。

明天世界會變成怎樣，沒有人會知曉。搞不好明天瘟疫來到、戰爭重啟、股市大跌呢。

別去期許未來，只管享受當下就好。

在電影散場的時候，我居然看到一張熟悉的臉孔——Stephanie牽著她的男朋友從我面前經過。

原來Stephanie一直跟我坐在同一行的位置。

我和Stephanie匆匆對望了一眼。從她同樣錯愕的眼神裡，我肯定她看到我和鍾美嘉約會了。

我在背後偷偷打量她的新男朋友。他身型高大，穿著斯文的啡色菱格西裝外衣，真人比起Instagram相片中更帥氣，長得一副脾氣很好的樣子。

聽說那男人叫Frankie，是個稍有名氣的婚紗設計師。Stephanie的Instagram在移除了和Ken的合照後，一直都沒有公開過男朋友的樣子，包括和她短暫交往過的Felix。現在她整個Instagram中滿滿都是放閃的合照。

Frankie和Stephanie到高級西餐廳慶祝週年紀念、送她那些港女的名牌手袋與玫瑰花、帶她到歐洲一同出席婚紗展時還包了一整架遊艇，在海上浪漫進餐。雖然以我認識的Stephanie不是一個拜金女，但想必Frankie是個有經濟能力，條件不俗的對象。

比起和我交往，現在Stephanie的生活過得好多了，至少我沒有Frankie豐厚的財力，以及如此浪漫的心思。我極其量只是一個會花一個月格價購買求婚戒指，佈置場地，練練結他，自以為很愛另一半而在求婚後沒多久便出軌的爛人。

因此，我既為江柏琪感到不值，又發自內心為Stephanie的幸福感到高興。

現在想來，當初沒有和Stephanie在一起是個正確的選擇。她值得更好的男人。

「識㗎？」鍾美嘉問。

「嗯，佢係我以前大學嘅Hallmate。」

「幾靚女，皮膚好白，有啲IU嘅感覺。」

「我都覺。」和三年前比較，她增添了一分成熟和貴氣。

「佢同男友都一齊咗好耐，我諗佢地都好大機會結到婚。」看到我的半個前度，想起過去的歲月，不禁有少許感觸。

「你有無媾過佢阿？」鍾美嘉好奇問。

「有呀。」好吧，我又吃了誠實豆沙包。

鍾美嘉就是有種魔力，讓我總是忍不住將心聲向她透露。

「咁最後成唔成功？」

「最後⋯我選擇咗唔同佢一齊⋯」

「咁靚女都唔要？佢性格好差？」

「唔係。佢性格都幾就得人。」

「咁點解唔同佢一齊？」

「一嚟，當時嘅我覺得佢性格太文靜，相處上嚟會無咁夾；佢扭曲自己嚟遷就我嘅喜好，卑躬屈膝，唔可以好平等咁樣相處 。二嚟，我同佢往SP嘅方向發展咗，好難變返正常男女朋友咁去相處。三嚟，我地關係發展只係一個Summer sem嘅短短兩個月，到Quit hall嘅時候，我地最大嘅聯繫中斷，好自然疏遠咗。」

「乜你啲SP咁高質⋯搞到我即刻有啲自卑⋯」

「係㗎，我鐘意嘅女仔，個個都靚女。我睇樣多過身材。」

「有無多啲相睇吓？」

「咁都好睇？」

「八掛下姐⋯」

「不如我地去西九散下步先返屋企？」在荔枝角的商場，似乎不是一個適合談心的地方。

「好阿。」

Step出現了

希望Step個男朋友餵得飽佢

幾時約返場友誼波