《一個訂婚書生嘅出軌故事》

路過正皮

支持
幾年前追過Step個故 印象好深刻
因為自己同佢一樣比人hurt過之後
想做個player

目標達成加更文章

1.2 男人想結婚的五個理由

週末下班後，我與大學一起住宿舍的同學到酒吧敘舊。

「我同江柏琪一齊咗三年，都仲係好鐘意佢。」我說。

「你特登約我地出嚟，唔係為咗放閃曬命㗎可？」我的同房Parsons說。

「唔係。」我酌了一口手工啤酒，思考着說：「我打算同江柏琪求婚。」

「咩話，求婚？」在吞嚥啤酒的Parsons驚訝得咳了幾聲：「你俾江柏琪迫婚？」

「唔係呀。」

「做咩咁睇唔開？」

「每晚返到屋企，望到佢煮好晒飯，笑住攬自己果陣，真心覺得自己係世上最幸福嘅男人，無論返工幾辛苦都值得。」

我續道：「我每日收工淨係想快啲返屋企陪佢。呢種愛，呢種對的人嘅感覺，喺我二十五歲嘅人生入面，只有佢一個人俾到我。女人青春寶貴，我係時候要俾返個名份佢。」

「你放工係想返屋企休息，唔係想返屋企陪佢。」Parsons說：「林書生，你係無腳嘅雀仔嚟㗎。廿五歲人仔咁傻斷自己米路，為咗棵樹放棄成個森林。」

在大學時期，我和Parsons是一起泡妞玩得很瘋的好兄弟（襟兄弟？），可是自畢業後和江柏琪一起，我便金盆洗手了。

「居然會有男人想主動結婚。」戀愛經歷不多的傻大哥Wade說。

「好正常，我同女友都係以結婚為前題交往。其實兩個人夾，相處穩定自然會想行落去。」正派乖巧陽光男Felix說。

每個人的人生步伐不一，也許他們還未去到這個階段而不明所以。當遇到對的人，花花公子還是想要成家立室安定下來的。

「其實我地同緊居，結婚都只係差張紙。結咗婚之後，我唔覺得我同佢嘅相處會有幾大分別。」我說。

「點同，結婚有法律效力，離婚要分身家。」Parsons說。

「我唔會同佢離婚㗎。」

「未來嘅嘢好難講。可能你第時偷食被人發現咗，佢要離婚呢！」

「屌你啦！咁樣詛咒我。我食女果時都係單身，幾時偷過食。」

Parsons分析：「男人咩時候會諗結婚？第一，係被人迫婚又或者奉子成婚，你唔係。第二，係做錯事想箍煲，所以先出結婚呢招大技。」

「都唔係。」

「第三，係你心底對呢段關係不安，想以快啲結婚嘅方式嚟保障自己，好似啲女人驚條佬會走佬咁。」

「救命。單純好愛，所以想結婚，咁簡單唔得㗎咩？」從前的男女關係已夠複雜，現在簡單的生活很好。

「你女人嚟㗎？」讓人煩躁的性別定型，Parsons繼續揶揄我。

Wade興奮地說：「我知，佢係第五，得閒無屎屙，所以屎忽痕想結婚。好似我無啦啦走去紋身咁，唔一定要有咩莫測高深嘅意義。」

「若然你係都要一個理由，呢個會比較接近。」我回答。

「喂，對面條女幾索。過去撩吓佢先。」Parsons說。他最近也有女朋友的，只是在好色貪玩的方面這麼多年來都沒有變過。

「我跟埋你去。」Wade就罷便跟Parsons離開了座位，留下我和Felix兩人。

「佢兩個應該一世都結唔到婚，今鋪我撐你。做男人最緊要有膊頭。」Felix說：「你咪同江柏琪傾吓，睇吓佢有無意思。話唔定佢衝緊事業，都唔想咁早結婚。」

這裡只有一個正常人能給點正常的建議阿！

「前排傾過一次，佢話想廿八歲升埋職先結婚。」

「咁你唔廿七歲先求婚？」

「好嘢要早啲落訂。」

「你好似仲急過江柏琪。」

我突然想起剛才Parsons說的第三個原因。

我心底是不是真的為了什麼而不安，譬如她條件很好，怕她被人搶走，才想快點確定與江柏琪結婚的關係？她又不是愛拈花惹草的人，我何故要不安？

「咁你打算點求婚？洗唔洗幫手？」Felix續道。

「我未決定。我諗過Book間靚酒店求婚；或者車佢去荒山野嶺，一打開車全部都係氣球啲老土嘢，佢應該會好感動掛。」江柏琪不喜歡鋪張，簡簡單單已經滿足。假若我弄些超級豪華或叫齊親朋好友出席迫婚的負擔求婚，她絕對不會喜歡的。

「仲要買戒指，諗埋點度佢中指嘅Size。」

「但我喺街未見過女仔會戴戒指響中指。」

「戴無名指好睇啲。」我和Felix兩人討論得慶起。只不過和我同齡的朋友對求婚都是門外漢。幸好世界上有網絡大神。

Wade很快便回來了，不過只剩餘他一人。

「做咩得返你一個？」我問Wade。

「你睇吓Parsons同班ABC女吹水吹得幾開心，佢今晚唔會返嚟㗎啦。」Wade這個不太帥的毛哥兒，即使跟着我們，機會很多，卻總被女生請吃閉門羹。

「哈哈。」我一笑。

Pasrons與我的目光相遇，招手讓我過去一起玩，我搖頭拒絕了他的邀請。

「林書生，你真係變晒！」Wade說：「以前你一定會同我地一齊撩女仔。」

「有乜好撩，條條女都差唔多㗎啦。」我說。整晚我都在說與江柏琪相關的事，和尚級的聖人模式能夠媲美Felix。

「以前你啲女都好正，我唔明江柏琪有咩威力可以令你收山。」

「想搵女搞嘢，落一轉老蘭隨時都搵到，太容易啦。其他女仔會想從我身上想得某啲嘢，愛、關注、錢、或者性。但江柏琪唔同。佢係我嘅人生伴侶，為我地嘅愛情付出咗好多努力。

咁多年嚟，江柏琪無試圖喺我身上搾取任何嘢，反而係做一個供給者嘅角色。佢亦都係唯一一個同我建立到咁深連結，關係維持到咁多年嘅女人，地位無得比。如果錯過咗佢，我一世都唔會再遇到咁嘅女人。」

有如長篇小說篇幅的回憶使她不可能被取締。就算做著相同的事，她也和別人不一樣，因為我們有共同的語言和共鳴。甚至於無須交換眼神，我們也會知道對方的想法。

他們沒我好氣。

我理解他們的反應，事不關己的人只想聽到尋樂的花生，才不想百般正經聽我無聊放閃。

因此，晚上十一時，我對Felix說江柏琪在家等我回去，所以早點散場吧。

雖然如此，我都仲係相信愛情
Never lose hope

我記得你，多謝你仲記得我

騙財又騙色

由之前睇到而家終於有ac了可惜冇得正評

書生

終於等到了🤤
P牌冇得正評好可惜

覺得我騙你?忍受住囉

唉瘋巴

Oh no 咁睇完呢個故咪想出軌囉

要玩以前都玩過晒
宜家修心養性
睇下書生點出軌算

講過你幾時出故都一定追實記得既

林書生返嚟啦 中學睇到依家就快grad

1.3 流年不旺你結婚，遲兩年再結

「陳師傅話你早期感情多變動，不宜早婚，嚟緊流年仲命犯桃花，唔好結婚住啦。」我迷信的媽媽說。

今天雖是假日，可是江柏琪輪班需要到醫院上班，所以我獨自去找媽媽飲茶。我和她分享打算結婚的想法，結果她如此回覆我。

「你唔鐘意江柏琪咩？」我問媽媽。明明她們見面相處愉快，也未曾出現過磨擦。

「鐘意阿，我都當咗佢係媳婦。」

「咁你又叫我唔好結婚？」

「唔係唔好結婚，係唔好結住。即係遲啲先。」

「我覺得因為相士鳩嗡而延遲人生計劃唔make sense。」

「佢係驚你太多桃花會煩惱。江柏琪八字好啱你㗎，唔好放走佢。」

「既然八字話我有桃花，咁結婚沖一沖喜唔好咩？」

「一個桃花咪好，多過一個叫桃花劫，感情變動，就算結咗都會離婚。」

「睇八字只能預示運勢，無人知佢準唔準。未來發生嘅事，選擇權都係在我。」

懷疑是懦弱、不自信的表現。

我就是想和江柏琪結婚阿！很想很想，向前衝刺，不行嗎？

到底我結婚跟別人有何關係？為何我都要向江柏琪以外的人交待，彷彿要得到許可似的。

我開始淺嚐到「結婚不是兩個人的事」的感受，因為身邊的人會說些話試圖左右你的決定。儘管他們出自好意，卻讓我感到煩惱和不悅。

「你知唔知結婚代表住啲咩？」媽媽問。

「愛。」

「係愛情嘅愛，係咪呀？」

「係呀。」

「如果我話俾你知，結婚之後，你對佢嘅愛，就會由愛情變成親情，你仲會唔會想結婚呀？」

「我同江柏琪識咗十年，亦都鐘意咗佢十年，仲唔夠資格講愛咩？或者咁講，佢唔單止係我嘅另一半，亦都係我嘅家人、朋友。

親情，而家都存在，但我唔認為親情係壞事，反而係一段關係嘅昇華。我可以好容易同人發展激烈嘅愛情，但係親情唔可以。」

「結婚唔係買隻戒指，求個婚，簽個紙就完結。婚姻一啲都唔浪漫，將你從童話世界帶來現實，的確係愛情嘅墳墓。你要調整婚後生活嘅期望，兩人變成人生嘅合伙人，會經歷好多高山低谷，大小事情上都會產生磨擦，唔再柴娃娃日日都好甜蜜咁拍拖。」

媽媽續道：「結婚之前，你要諗清楚婚姻對於你嘅意義同埋責任。你要知道自己做緊乜，唔好因為一時心血來潮、一句好愛就為結而結。

陳師傅好準㗎。你仲係二十五歲咁後生，假若你求咗婚，而將來真係出現咗另一個對象，你會煩惱到痛不欲生。到時悔婚又唔係，結婚又唔係。結婚唔差果一兩年嘅時間，睇定啲先。」

「我唔明點解你地都唔相信我。」我沒有把媽媽的話聽進耳內。我心裡老早下了決定，只是循例通知父母而已。

「咁係因為大家都覺得你未Ready，無諗清楚就做呢個決定。你仲係好唔成熟，喺呢段關係嘅付出只係好少。結婚唔係你想像中咁容易嘅事。我為你地好，先叫你諗清楚。當然，我再重申，我非常喜歡柏琪。」

大概是因為過往的情史豐富，大家也不看好我，認為我是個會偷吃，不定性的人。

江柏琪並不知道我讀大學時的瘋狂性史，她只知道我過去有三個前度，還有我是某段看不見樣貌流出影片中的男主角，僅此而已。

江柏琪的心底其實會不會也這樣想我，曾經為此而不安呢？

假若有一天，我向她坦白說出以前有過許多性伴侶的經歷，她仍舊願意與我在一起嗎？

我想，她願意繼續和我一起的。只是從此她看我的時候會多加了一層濾鏡，內心變得多疑、猜忌。

她大概會想，林書生今天告訴我加班，是真的去加班嗎？還是去了和別的女生鬼混？那個女生和林書生聊得很高興，他們是在調情，桌下的雙腿有在偷偷交流嗎？林書生和我做愛的時候竟然親吻了我的背脊，他從來未試過這樣做，這些技巧是從哪裡學懂的呢？

就算我真的沒有做過，她終日會因為我的過去而疑神疑鬼，精神緊張。我們的關係也許不能恢復從前的單純。昔日的放縱行為將會是破壞我倆關係的計時炸彈。

因此，如非她詢問，我不會主動告訴她。

她不問，我不說，不算撒謊吧。

我不想讓她傷心，最好她一生也不會來詢問我的過去，她只需負責感受我的愛便好。

就讓我們繼續幸福快樂。

推

Tum你供完就飛開條女了

書生
由Step開始睇原來咁就五年了

推呀

見到你即刻正皮左先！！
btw書生唔係玩夠喇咩

1.4 求婚當然要買戒指

鑽石是一門非常講究的科目，大家都看它有沒有GIA證書，一般以4C標準劃分：淨度（Clarity）、色澤（Colour）、切工（Cut）、克拉（Carat）。市面上的鑽石每粒也設有不同的評級。

商人很有頭腦地將佈滿周遭的碳粒子化身成世上最賺錢的商品——求婚必需要買鑽戒，愈大顆愈好。你不買大顆的鑽石求婚，便代表你不夠誠意，不愛對方了。

明明與鉛筆同樣是碳，一卡鑽石卻價值由三萬元至十多萬元不等。你想說自己很窮，買不起鑽石？商家們很貼心，依據其等級、品牌，為人們提供千萬種選擇，豐儉由人。

因此，若你真心愛一個人別再找藉口，乖乖掏出你的錢包吧。作為市場推廣的一員，我當然知道這些「意義」只是銷售手法之一。

當我在網上查看「求婚該買什麼鑽戒」的討論時，發現不少人會在網上訂購鑽石，再找設計師訂造戒指的款式。除了價錢便宜一大截，款式也不容易與他人相撞。

留言都說求婚戒指的鑽石愈大愈好，一卡是最低標準，不然女的不肯嫁了。有人分享求婚戒指的公式：戒指的價格，一般是男方兩個月的工資。

現在的人還真奇怪，到底她們是跟鑽石戒指結婚，還是跟另一半結婚呢？有能力購買一卡鑽石便代表對方值得嫁了嗎？不就是心意而已嗎？

雖然我不同意他們的看法，可是生活於這樣的社會，有些潛規則還是要遵守的。

「一卡就一卡。」我對自己說。

我在午膳時間到江柏琪喜歡的品牌專櫃看鑽石戒指實物。平日都不覺得一卡鑽石如此巨型，到近看放上手，才發現一卡鑽石的尺寸實在太—誇—張了，鑽石的尖端絕對能將人捅死。

我有一刻懷疑在討論區留言的人是不是都沒有看過鑽石戒指的實物。可是再將留言仔細閱讀，又真的許多人會購買一卡鑽石，而店中放置比一卡更巨型的鑽石更是陳列滿滿。其實我公司的店面也是同樣。

大概是我見識淺薄吧。

只是，我知道害怕鋪張的江柏琪一定不愛將此龐然巨物戴出外。從現實角度考慮，在醫院工作的她戴上過份巨大的東西在手指上絲毫不方便。更莫論她平日打扮樸素，連首飾、手錶也不常戴。

『第時求婚千祈唔好晒錢買大戒指，我會嬲㗎。』她曾經對我說。

我腦海中想像到她的反應。若她知道我花了將近十萬元購買一卡的鑽石戒指去求婚，必定會大發雷霆，說我浪費錢。

我知道就算我只買二千元的戒指求婚，江柏琪也會很高興。所以為什麼求婚一定要買戒指？明明不買也可以。

她壓根兒不是形式主義者。只要我真心愛她，便足夠了。這就是她跟其他女人與眾不同的地方。

我最後購買了半卡鑽石，價值五萬元的經典戒指。我把她首飾盒中的戒指偷來，以量度指環的尺寸。

我會告訴她戒指正在做特價優惠，本來五萬元的東西，現在只需三萬五元便買到。她同樣會把我罵個半死，說浪費金錢。不過當她聽到只是三萬五元心內沒有那麼肉赤，應該會很甜蜜地接受吧。

既然買了，你給我好好戴，每天戴。假設以一天租金十元計算，你起碼要戴十年才值回票價喔，不然三萬五千元就被浪費掉。

江柏琪是個放射治療師，而我出生在小康之家在大公司做市場行銷，我們的財政狀況並不拮据。只是江柏琪那師奶性格就愛省下些小錢。

我還會告訴她，店員說，鑽石歷久不衰，可以留下來給你的子女做嫁妝，未來能省下一大筆。這家店包終生保養和更換指環服務，很划算，就算將來妳發福的手胖得像豬蹄一樣，也不用額外花錢來換指環喔。

同以前一樣，盡量做到兩至三日一更～

少少鼓勵
第二個加更位：
連登Post 100正評/留言；或
IG達到7,600 follower；或
patreon 達五個subscribe （15/12前訂閱會收到聖誕卡&優先連載）