《一個訂婚書生嘅出軌故事》

好開心Step終於出現返
當然追Step故追到想睇林書生番外
而家睇書生就好想睇返Step
Btw pish

Kpk依家都係扭曲自己去遷就臭書生

只不過呢，外貌上江柏琪其實和鍾美嘉不相伯仲，只是風格不同。

而在性格、相處、思想成熟上，客觀來說，作為交往對象，江柏琪仍然遙遙領先。

原來書生仲係覺得kpk遙遙領先
咁仲出軌

唔怪之得現實生活見到有人明明另一半好好都要搞第二個

Kpk:以老婆功能嚟講遙遙領先
Mika:以情人，肉便器功能嚟講遙遙領先⋯
所以兩個都要

點可以咁貪心架





我又要！

拿林書生貪咋 唔係我呀

我淨要kpk

佢鳩痕覺得kpk唔夠淫 就覺得係人地缺點 咁啱mika出現咗咪將呢樣嘢放大嚟比較 然後順理成章咁出軌

7.9 其實你係幾時開始對我有感覺？

我快速查看手錶，時間為下午七時。心裡想著能夠和鍾美嘉相處的時間還剩兩小時。

為了節省時間，我們乘坐的士從荔枝角直達西九龍海濱長廊。

我心裡有一點著急。心裡明白約會的時間都是偷偷摸摸而來，時間、所做的事情都被現實所限，因此我總會格外珍惜和鍾美嘉相處的每分每秒。

可是，到海濱長廊該以悠閑的心情才合適？我心裡著急，又能如何？專注享受眼前的一刻，快樂才是選擇出軌的原意吧。

「西九海濱真係好正好舒服！」鍾美嘉展開雙臂，享受涼風的挑撥。

「嗯，呢度係一個未被發掘嘅好去處。」即使今天是星期日，來散步的人只有小貓數隻。

西九龍海濱長廊像數碼港一樣清幽怡人，而且地點座落於市區的中心，甚是便捷。

「呢度咁大棟嘢係乜嚟？」鍾美嘉問。

「M＋博物館呀。」我回答。

「噢，傳說中嘅M＋博物館。」鍾美嘉說：「棟嘢嘅外形都幾吸引，好想佢快啲開幕！」

「我就唔想佢咁快開。」

「點解？」

「我諗，M＋開咗之後，西九就會好多人。」看到人山人海我便感到害怕，屆時我不會再來拜訪了。在空間狹窄的香港，找到好地方私人收藏是常識吧。

「就好似鐘意獨立歌手咁，既想多啲人識得欣賞，又唔想佢咁紅，想自己獨自佔有呢個歌手嘅音樂！」

「完全係呢種心情。」

「你估M＋開咗之後，我地有無機會一齊嚟呢？」她問。

「總有機會嘅。」哪天像今天一樣，成功偷溜出來，便能一起去看藝術展覽了。若未來我和鍾美嘉仍在一起的話。

我放心地牽著鍾美嘉穿梭於公園裡，兩人像是丟失了骨頭，作為戀人的指定動作，走路的時候往對方身上碰碰撞撞。

我們經過了一間專門售賣顫酒的西式餐廳。我購買了一份慢煮三文魚意粉，鍾美嘉則點了一杯顫酒。其實打完籃球的我才吃了一點蛋糕和漢堡，肚子一直餓得要死。

我們購買外賣後在海濱長廊找了一個舒適的位置席地而坐，享用豐盛的晚餐和浪漫的維港夜景，還自拍合照留念。吹著微風、喝著酒，聊聊天，甚是寫意。

「其實，你係幾時開始對我有感覺？」鍾美嘉問我。

「幾時阿？」我努力回想。

是在銷售展初次見面看到她害羞的模樣？

是她要求和我做訪問，拒絕我吃西餐，帶我到Food court吃芫荽米線換Ian卡片套的時候？

是她吃飯重口味，差點在飲茶為同事點菜中伏的時候？

是她在第一天上班，不敢離開，加班後買了一份香蕉朱古力味雞蛋仔給我？

是她在開會時畫了「推阿婆出馬路」的古怪圖畫？

是她在喝醉後把胖虎耍得團團轉，又向我表白？

是我嗅到她身上有天然體香的一刻？

是她表白要求成為第三者失敗後對我的不揪不睬？

是她在床上與我靈慾合一的契合？

是她在短訊以及約會時帶給我的戀愛感覺？

原來阿，我們在短短三個月內，已經製造了不少回憶。

每次相處，都在累積我對鍾美嘉的好感。

彷彿只要是由鍾美嘉所做的，無論有多無聊瑣碎，我全都喜歡。

「我都唔知自己係喺邊個時間點上鐘意咗你。」我回答：「你呢？」

「我阿⋯喺第一次見到你果陣，已經鐘意咗你。」原來鍾美嘉對我一見鍾情。

「真係咩？」

「嗯。你外型同氣場都係我鐘意嘅類型。」

「哦，所以先嚟搵我做訪問。好有機心阿，俾人有預謀咁媾完都唔知。」我點頭，心裡暗爽，好像控制不上揚的嘴角。

「公器私用，係基本啦！」

「所以你由一開始已經打算媾我？」我問。

「了解吓姐。」鍾美嘉說：「同你相處嘅Vibe比我預期中更夾，所以我都忍唔住同你坦白我嘅諗法。」

「你又會接受到做第三者？」

「飲酒果次，我同你講過自己係渣男磁石，遇過好多好多衰人。其實做正室都唔代表一定幸福、會被人好好對待。起初我都會好在意，後嚟我發現名份只不過係好虛無嘅嘢。即使我係名義上嘅女朋友，原來都可以係Nothing。」

鍾美嘉續道：「所以名份只係其次，我更在乎果個人係咪真心鐘意自己。」

「我想知道更多你嘅故事。」我問。

「你真係想知咩？」鍾美嘉說。

「當然。」我回答：「我諗，我同你其中一個吸引對方嘅原因，係對大家都好坦誠。無論件事好定唔好，都總係忍唔住將內心嘅嘢話俾對方知。」

「知道咗我嘅過去之後，你就唔會咁鐘意我。」

「我同你一樣，我比較在乎果個人係咪真心鐘意自己。」

我抱著鍾美嘉，往她的嘴上吻下去。

鍾美嘉別過頭來迴避：「我唔習慣同SP錫。」

「點解？」

「啲人話做SP都唔會錫㗎。」

「你再話自己係SP，我嬲㗎！講咗幾多次，你唔係SP。」我摸摸她的頭：「你會唔會同SP喺街度拖手，談心阿？可以劃清界線，無手尾純扑嘢，你仲會唔會花機去呃個SP話鐘意對方？」

剛才鍾美嘉說「名份只係其次，我更在乎果個人係咪真心鐘意自己」，下一秒便說自己的身份是SP，她所說的話前後矛盾。

或者，名份是其次，只是一個沒有選擇底下，自我安慰的說法。

又可能，鍾美嘉的理智認為我們維持所謂「SP」關係較安全，因為沉淪在一個明知沒有結果的準人夫上太痛苦了，要做好隨時抽身離開的準備。

「錫係一件好多情感交流嘅事。」鍾美嘉說：「會愈錫愈鐘意。」

我抱著鍾美嘉，又親吻她多一下。

「咁我地再鐘意大家多啲。」

我說：「你同過好多男仔，但係我真係唔介意。」

她沒有回答我，我再次吻她。

「我咪一樣同過好過多女仔。」

我溫柔的說。

「我會錫你多啲，等你慢慢適應我。」

我把鍾美嘉抱緊，撫摸她柔軟的秀髮。

「點解你咁好攬。」

她終於放軟身體，願意依靠在我身上，接受我的擁抱。

「你個身又香，好好聞。」我說。

「我都聞到你嘅香味。」

「我愛你。」我輕聲在鍾美嘉耳邊說：「我認真嘅。」

「雖然我知道你已經做咗選擇。」她所指的選擇是，我和江柏琪結婚，與她的交往止於她找到新男友：「但都想同你講句多謝。」

「多謝啲咩？」我問。

「我知道你同其他男人唔同，你係真心鐘意我。」鍾美嘉說：「多謝你無視世俗嘅眼光⋯多謝你跨過內心嘅爭扎⋯多謝你知道我同過好多男人一齊，依然鐘意我⋯仲有，多謝你選擇同我留底美好嘅回憶。」

所以阿，她嘴上雖說我們是SP，內心根本不是這個想法。

世人常說良好的溝通是在言語上清晰表達內心的想法和需要。

情侶之間會出現爭執，乃源於對雙方的不理解。

許多人只懂執著在一個人表面的說話，過份解讀，卻忽略了對方心靈上真實的需要。

一個人說「我恨你」、「我討厭你」，實際的意思是「我愛你」。

另一個人說「我愛你」、「不要離開我」，實際的意思是「別煩我」。

世上沒有一本教科書或一個理論能讓我們學會溝通。

同一句說話，用在不同場合，背後表達的意思可以完全不同。

為什麼我對鍾美嘉的說話不會感到憤怒？

因為我們的心靈連結，她何時認真，何時說笑，我都知道。

比起針對她說話的內容咬文嚼字，我用心去感受她的想法。

這是屬於我倆的溝通方法。

咁早有文！

同第三者要有良好溝通
同正室就唔需要

雖然論維持正常關係既能力 林書生係三流

但以bullshit既能力嚟講 林書生真係一流

覺得佢中學時期同kpk同居過，就自以為同對方好有默契，唔需要再多嘅溝通。本住一個「我愛你就得」嘅心態繼續相處落去，結果大把嘢收收埋埋冇講。最後心有芥蒂，再加上新人出現，先會促成呢次出軌lol 一句到尾就係林書生真係好撚自以為是

林書生由大學故好charm 正式變成過街老鼠

大學故對佢嘅描繪唔多呃到人呀

一開始已經覺得唔charm…好多野都無同step講清楚，又係收收埋埋⋯

大學故真正吸引既係step同書生既曖昧同錯過
兩個人思想上有啲默契 有時又唔係同一條線度
相信係好多現實中錯過既寫照

我覺得係因為大學故由step嘅角度去睇書生當然係會好charm
但現實係好多人嘅內心世界都唔係我地睇表面嘅嗰個樣

啱啱睇多咗次書生嗰故 書生真係個大仆街 根本佢心入面淨係鍾意自己
最好快啲俾kpk 發現 脫離個仆街

林書生懶係sweet咁講呢啲bullshit好噁心
咩唔介意對方同過好多男仔
屌唔介意你就分左kpk同mika一齊啦
就係明知唔洗有結果行到尾你先咩都唔care咋嘛

7.10 薛丁格的愛情盒子

「點解你覺得做正室唔一定會幸福？」我問鍾美嘉。

「你覺得做你女朋友幸唔幸福？」她反問。

「佢唔知道我出軌，所以應該係幸福嘅。」

我想，出軌跟薛丁格的貓擁有相同性質，不出軌意味著「幸福」和「不幸福」兩個未知的可能。

當出軌行動干預了愛情盒子呢，其觀察結果便只剩餘「幸福」或「不幸福」當中一個選項。

「我覺得兩個人一齊最重要係坦誠。」鍾美嘉言下之意是，被欺騙不幸福。

「即使對方做咗啲對你唔住嘅事，你都同樣係咁諗？」

「係，我寧願知道對方一腳踏兩船，都唔想佢呃我。」她認為坦誠比專一重要：「正室唔等於大晒或者一定會幸福過第三者！我夠做過正室，咪又係俾男人呃，佢地嘅謊言推翻晒我地之間嘅回憶。我唔想相處時每一句話都要諗對方係咪呃我，我想要真實嘅感情。」

「但係知道咗被另一半背叛，咪等於分手。點可能坦誠？」我說。

「可能唔會呢。點解要抹殺開放式關係嘅可能性？」鍾美嘉說：「如果選擇謊言，喺第三者角度，我可以擁有最真摯誠實嘅你，而呢樣嘢，我相信正室唔會體會到。你對住佢，永遠都會收埋好多秘密。」

她續道：「當我知道對方嘅真實諗法，就有權利去作出選擇。無論結果係點，都係我自己攞嚟。正室根本無呢個機會。正室受道德制約，一旦意外知道咗對方出軌，大部份人都會選擇分手。

主角同第三者賭上身敗名裂嘅風險，經歷過內心掙扎、重重難關依然堅持發展出軌嘅關係。當建立咗感情基礎，呢段脫離咗社會制約嘅關係唔係更長久，更難分開咩？撇除外在嘅因素，分開只會單純因為兩人之間嘅問題。

呢段睇起上嚟複雜嘅關係，其實更純粹，因為大家出發點只係忠於本能。從呢個角度睇，做第三者唔係比正室好咩？當你接受到其他人同時擁有正室，認同愛唔等同佔有，而係兩個超越限制，自然靠近嘅靈魂，大部分人嘅相處問題已經唔再存在。」

一般來說，我們會用以形容沒有名份的SP關係，很少人會如此堂堂正正地讚頌破壞別人感情的行為（雖然牛不喝水按不到牛頭底，有份出軌的我沒有資格批評鍾美嘉的說法）。

聽起上來邏輯怪怪，扭曲了我的價值觀。她的思想比我更前衛。

「你真係可以做到咁超然豁達咩？對於愛嘅人難免會產生妒忌心、佔有慾，因為在意，所以有更多陰暗面誕生。即使你思想幾咁脫離道德規範，行動上依然要依隨社會嘅規則。兩個相愛嘅人可以光明正大咁走埋一齊，我相信做正室至少會幸福過做第三者。」

正室起碼不用偷雞摸狗，免去作賊心虛的痛苦。

我和鍾美嘉偷情能夠做的事情有限，即使多想展示真誠的自己，最多也只能佔據一星期裡偷情的一天半晚而已。

鍾美嘉說：「係，可以堂堂正正當然係好事。但我想帶出嘅係，大部分人諗嘢太過非黑即白。點解出軌一定係錯？假如因為遭受家暴、政治婚姻、言語暴力、聚少離多等等嘅理由而出軌，仲係咪錯呢？世界上有100%係一定嘅事咩？點解要用可恨嘅道德去可以抹殺愛嘅可能性？因為呢件事唔係發生喺佢地身上，針唔桔到肉都唔知痛。

我嘅願望係，開放式關係能夠變成主流，無論專一定係多人嘅關係都可以向呢個世界坦盪、誠實。咁樣先係對想專一嘅正室公平，不被欺騙，俾返個選擇權佢地。因為社會唔容許開放式關係嘅存在，先會有咁多謊言嘅出現。

一個人，只能夠愛一個人唔係自欺欺人嘅笑話咩？我地有另一半，咁父母、朋友呢，係咪就唔洗愛佢地？如果凡人口中嘅愛係咁偉大，咁點解佢地可以拍多過一次拖？佢地嘅行動真係乎合佢地嘅說法咩？佢地只係以愛勒索他人以滿足佔有慾嘅偽善撚！佢地根本唔知道乜嘢叫愛一個人。」

「有幾多人會接受到自己另一半出軌都仲願意喺埋一齊阿？坦白講，如果掉返轉頭係我女朋友出軌，我都未必接受到。」我說。

雙重標準是正常事，正如許多人容許自己和異性外出見面，但當看到另一半和異性聊天傳訊息已足夠叫人發瘋。

「咁係你唔夠愛對方，同埋對兩個人之間嘅關係無信心姐。」鍾美嘉說：「我覺得真正嘅愛情，唔係我綁住佢，限制佢必須做乜、唔可以做乜。而係我放任佢自由，佢喺呢個花花世界遊走，遇過比我好嘅人，卻依然選擇留喺我身邊。再講，我相信即使有開放式關係嘅選項，世界上依然有好多人會選擇專一。」

「你之前無因為對方出軌而分手咩？」我問。我想知道，她經歷過什麼事件，才會由一張戀愛白紙，變成容易受傷的女人，誕生這種奇怪想法？

「係，我三個前度都有出軌。但我係因為喺佢地身上感受唔到以前嘅愛意，而唔係因為出軌呢個行為而分手。兩者之間係有好大差異。」

「失敗咗咁多次，你都仲係好勇敢去追求你嘅愛。」

「我無失敗，只係驗證到佢地唔係我想搵嘅人姐。」鍾美嘉說。

我都覺如果要佢娶mika
佢又會嫌棄人同過好多男仔啦
宜家係出軌有得屌下先咩都唔理姐

回返樓上咁多位
我都寫bullshit都寫到有D mind fuck!!
因為書生講同做嘅嘢都係極之矛盾

btw，想問吓大家覺得點樣先算係「多」？

佢18歲 我覺得多過5個為止多囉

成篇故寫出軌者嘅心理位寫得好中
睇到呢度忍唔住留言