[長文] 有冇人同我一樣，好憎家族成員迷信基督教？

我家族過八成嘅成員都係信基督教
由於基督教講求希望全世界嘅人都相信基督，我細個已經俾佢哋帶返教會

不過，我近年選擇quit，因為多年嚟嘅宗教生活反而引證咗呢個宗教唔可靠，盲目相信都只係自欺欺人，阿Q精神

由細到大，吖爸公司生意都唔好得去邊，仲一直年年蝕錢。吖媽吖爸就成日祈禱話希望間嘢唔好執，居上不居下、作首不作尾……點知祈咗七、八年都無改善，更反而差咗。最後公司唔單止要執，仲搞到要賣樓還債，全家要寄親戚籬下。不過，吖爸吖媽呢刻仲居然相信公司執係神嘅美好安排。成日話乜唔執就永續蝕，終於有機會停。又話乜好彩反修例前執咗佢，唔係就更大鑊……先唔講好多成功嘅公司喺反修例後仍然屹立不倒， 你哋初心唔係想間嘢唔好執同賣樓咖咩？做乜搬龍門，令祈求失敗變成美好結果？

家庭成員係咁都算啦，點知連家族成員原來都係勝利球迷。早幾年我吖爺急病入咗醫院，嗰刻全部屋族成員都懇切為佢祈禱，希望佢盡快出院，平安無事。點知唔夠幾星期，阿爺就喺大年初一病死咗，大家嘅祈求冇被應允。就係呢個時候，有親戚講，好彩神安排佢大年初一死咋，大年初一撞啱大家一齊都放假，無人見唔到阿爺最後一面，神呢個安排真係好吖。佢個講法，仲得到唔少 親戚認同……吓？咁都得？個初衷唔係想佢好返嘅咩？ 做乜又搬龍門？ 又將無效當成功，徹徹底底為相信神而忘記初心。 就係咁， 呢件事都成為咗我退出基督教嘅關鍵。

到呢刻， 經歷過咁風雨，不論咩事，我啲基督教家族成員仍然覺得所有嘢都係神嘅安排，不論好壞，個祈禱係被應允定唔被應充都好，總言之就覺得信神就實冇死。 仲話咩如果個個想嘅嘢都被實現，世界會大亂、總之信咗神，大家都係人生贏家，Yeah、信咗神，唔怕……因為係咁，我就更加覺得自己唔應該再做勝利球迷，選擇退出。 與其再盲信有神主宰世界，我選擇相信世界係自然運行。

呢幾年，我已經冇再返教會，但亦都冇同屋企人刻意講，廢事煩。而屋族成員仍然都係會喺食飯前帶祈禱，有陣時聽到佢哋祈禱嗰陣，又將唔如意嘅事當美好安排，甚至將 我而家面對緊嘅慘痛近況化做神嘅旨意，佢哋喺口裏面講嘅嘢仲難聽過粗口。

不過佢哋盲信咗幾十年，我相信除非真係經歷更重大改變 (好似撐警嘅人盲撐但坐坐吓西鐵喺元朗站入面畀鄉黑暴打，但見唔到警察嚟咁)，否則佢哋應該都仲係會繼續迷信基督教。但亦都好難講……經歷過公司執、賣樓、吖爺病死咁多大事，甚至我細個喺教會俾同齡嘅人性侵害之後，佢哋都叫我調組繼續返而唔係停返，又話我嗰排想唔返教會係好衰，可恥 (可能嗰刻佢哋都覺得我遭受侵害都係神嘅好安排)。可見佢哋迷信到應該已經不可藥救。唉……

我完全明白
返左廿幾年教會，近呢幾年冇再返

成個家族都耶撚真係幾難頂

唔關事

我唔係介意佢哋做耶L
但你做耶L嗰陣唔好講埋啲歪理要人聽好囉

我覺得宗教嘅作用係為咗俾人喺逆境下去相信一切都係美好安排 拒絕承認無辦法控制身邊一切事物
所以佢地可以喺逆境中都咁開心

都係有關係嘅

支持樓主. 推俾多d耶L見到 希望佢地回頭是岸
不過信基督教大多數係心靈脆弱既人 要自己覺醒都好難

我返過十五年度
一年又轉一次人
依家諗返，有至少4、5年我要對嘅嗰組人都唔係我鍾意嘅
我喺嗰度虛耗咗無數個本身可以休息嘅星期六

精神勝利、 阿Q精神
繼續FF自己係美好嘅世界入面
唔肯改變， 但係又想催眠自己個世界好美好

1. 新約強調受苦，神自己都受苦（唔係刻薄）

2. 上帝唔係可以比人操控既上帝，信仰係講人從天願

3. 上帝係有情而唔係冰冷既上帝；
上帝係公義，唔會以有罪為無罪 （上帝與人間的苦難 ，下刪三千，呢個係好重要既討論）

4. 其中一個教意係：不在乎今生，只在乎來生

5. 樓主，認真，性侵害咁嚴重，要報警。

上帝冇叫人性侵，係性侵個個人要性侵人

好多信徒未必有嚴肅思考有關苦難既問題所以會好輕率咁講左「係神安排」，但成件事完全唔係咁冷漠同咁輕率

算啦，性侵害件事都過咗十年
我都放低咗

屋企會諗ff你的退出都係神的安排同考驗

唔掛得佢哋冇問咁多

耶撚真係特別煩，十成耶撚都係偽善

樓主出呢個po都係神既安排
我黎留名都係神既指引

明
細個中一到中四都係同一班唔太岩玩既細路一齊

但果時真係冇諗過要唔返，可能因為太乖，又可能因為唔返唔知做咩好

到左廿尾，開始好強烈咁覺得自己既人生好垃圾。反思返過去既時間投資左去邊...答案好明顯

決心重新做人，增值自己

依家諗返
嘥喺嗰度嘅總時間
可能可以用年計
浪費曬啲青春嘅星期六、日

我嗰陣有一排真係信
但我發現所謂嘅奇蹟，都係會自然有發生
or靠自己努力而發生，並唔係靠啲咩
咁就無謂嘥時間返嘞

與其多謝嗰啲嘢，我更要多謝嘅係我自己
醒得切