近排係日本買左樓，想同大家講下日本樓

恭喜樓主又做業主
我近半年都睇左好多關於日本不動產資訊
日本投資房地產同香港炒樓唔同
佢地目標係正cash flow, 做包租公
成功d人多數會買成棟去出租, 想投資可以睇楽待做功課, 係一個專for投資不動產的資訊網
樓主住多幾年拎完永住可諗諗


不過我都係得個睇字, 因唔係住日本
其實我同老婆都諗緊短期內移唔移民日本
我老婆日本人
我在日資公司做sales, 幫日本人老細打理香港客, 所以唔似樓主有it技能, 去到日本都唔知做咩, 加上封關, 搞到好多計劃都做唔到...但如果要走就想早d, 始終年紀唔細(今年33), 好苦惱, 樓主有冇意見指點下...

點解做咗5年野未申請永居？ 高度人才計劃係唔係1-3年申請到永居？

我賣果陣有諗過租出原本果間（唔係專for出租用既單位出租，搵過好多間agent計過expected租金，又要扣佣同maintain既雜費，計完回報率極低（2%？）

我冇check過樂待，但類似既廣告成日有，同事試過類似。一開始正cashflow但隔幾年維修費增加之後變負

不過行行出狀元，又有運氣元素，唔排除間唔中有人係不動產成功既

唔做IT外國人搵工我自己唔係好熟（公司內部transfer去日本最易？

永住要搵日本人做身元保證人，覺得唔好意思，又多野填，有d煩果陣冇搞到。其實有d後悔。

其次有諗到如果生小朋友，高度人材簽可以比香港既屋企人嚟，聽過轉左永住反而冇

好多地產廣告都有寫管理費同修繕費，都可以計到大約每月淨收入。但係每年比嘅稅就有啲難搞，因為每年政府都會出個類似估價嘅資料計番都市税固定資產稅。樓主買賣過樓應該清楚啲。有無情報可以分享吓？

聽閒租客有錢畀租就可以一直租落去，業主唔可以單方面唔續租

係咪真事？

樓主覺得住share house/apartment ok嗎？

利得率就20%，但有d方法節稅（青色申告）
固定資產稅就好複雜，我買5千幾萬果層樓每年收我十零萬左右，我都冇認真計個數點出嚟
管理費會隨每年增加，果度有冇考慮到

個人睇法，如果對房地產有興趣，但又唔係專家，買Reits都得，唔洗執着持有實體物業
其實如果有能力take中高risk持有投資物業，個人覺得倒不如買股票效率同return高好多

自己一個嚟日本，Sharehouse 極度推薦，房細d但可以用share facilities, 又有機會識到人，應該體驗下

之前住過依個系列，果陣踏單車30分鐘去到東京站既距離，一個月唔十萬，幾抵玩
https://www.world-neighbors.com/

我住過後體驗過想多番d私人空間，始終都係就要住番apartment

但始終有d條件apartment做唔到，又覺得會長期係日本，所以最後有間好啱心水既買左
而家果間比起香港應該唔貴，5000萬yen內就有（800呎，+balcony100呎），無敵景（遠處睇到富士山日落，skytree等)

係，可以試下request下個租客叫佢搬走，但法律上唔可以單方面唔續

有人租緊既盤想要賣出去，一般可以當市價8成到

咁租金係十年如一定係按年自動加少少？

基本上十年如一

不過法律上，續租果陣你有合理理由說明而家個租明顯比附近比太低，都可以試下加

通常d人係租客搬走再出租果陣加

日本業主根本係笑話

法例咁過度偏向保護租客係咪同之前日本經濟泡沫爆破有關？

唔清楚了
其實我覺得日本個樓市都幾健康幾穩定

其實都係因為幾年後會搬去日本，想買房地產將來有現金收入（我年紀唔細），所以應該都唔會賣。不過你講嘅利得稅係乜？房地產資產增值稅（讓渡稅）係應係30%或15%？

估唔到樓住係五千幾萬樓，一年十幾萬稅其實都唔少，每月回報隨時少1～2%。五千萬一定係好地段。我只係諗住買一千萬左右嘅單身公寓試吓日本個實際租務環境... 想問吓管理費年年加，咁可唔可以加番喺租金度？

股票就梗係可能回報高啲啦，但都可能會蝕咗本金，咁就大件事。

唔健康就真 香港先健康 有錢人天堂
你比人有錢比人叻就應該得到更多
比左錢買樓就應該有權加租什至炒賣
個世界就係有錢既人錢搵錢越來越多錢先健康
保護租客根本on9
怪不得日本年輕一代越來越多窮人又無鬥心向上
因為比人有錢都要好似同其他人一樣
學支那共享富裕好無

係夠分數之後計 1 至 3 年

冇真係收過租，稅個計法有d位唔係好清楚
https://home4u-owners.jp/contents/tax_inheritance-4-171

我兩公婆都有番工，又想層樓保值，所以冇慳到，買好少少地段，層數高少少，有brand既單位。所以而家想賣都有錢賺。

管理費冇得就咁反映係個租度，因為冇人會租又貴又舊既樓所以其實你個收益會越嚟越少

以實際歷史，買長線投資股票，拉長幾十年好難蝕，又可以diversify risk去唔同行業，唔洗一注賭落係自己都唔熟既房地產度

反而一下子買房地產個hidden risk唔細（災害，租唔出管理上既trouble) ，但買完個return又唔係真係咁吸引（其中一個有部分要比agent食），買唔啱第日棟樓又舊又冇人租就後悔。

所以想投資角度，目的都係想要收入only, 唔洗focus係房地產度，有時間可以study下睇下唔同投資option先再考慮好d。純粹想一種有固定收入既感覺，買d幾十年都好穩定既收息股都有4%。

個人睇法only，未來冇人知所以冇答案

係呀，夠分後1-3年可直接申請永住，但我夠分想報果陣，見又要作文又要搵日本人做保證人好煩，果陣又忙，所以拖到買第二層都未搞

廁所standard, 冇特別
冇特別裝修過

新首相都講緊要行日本特色既資本主義

其實日本幾和平，唔會發達但唔會窮咁，夠生活有餘，做有錢人又唔會輪到我，咁有咩所謂（日豚思想

健康地唔流動
咁又啱既, 不動產吖嘛
香港樓流動性無異於金條

IT 工 係咪 好似 逃恥 星野源個種？

係 差唔多