近排係日本買左樓，想同大家講下日本樓

lm

想問IT狗難唔難搵工

我買左神戶

好奇日本人無買樓結婚呢個習慣?
結婚同居都係租樓過世?

結婚就買樓唔係必然
我冇實際數據（可能比例一半半？）唔肯定，但唔少日本人都係租過世
如果係想要有一棟既House既話就買多過租

個人覺得下面係一d日本樓同香港樓唔一樣既地方，日本樓好難好似香港咁爆升：

- 日本既政策有利租客，基本上租約開始後唔可以無故加租，要有合理理由（借地借家法）
- 個市場少個人炒家。如果以投資既心打算低買高賣，即使估中都賺唔多。首先，賣樓既利潤會計利得稅，都好重下（五年內買賣40%, 五年以上買賣20%）。其次，二手樓買賣經紀佣金公價係3%（法律上既上限，可以試下講價，不過難有太大折讓)。第三，銀行批按揭果陣，投資目的既房貸利率比自住目的為高唔少
- 因為少子化&移民少，人口不斷下降，遠離首都圈中心既樓都供過於求
- 日本唔似香港，比唔起市中心貴樓既人可以搬離少少住就大把選擇，平好多，唔洗硬食貴樓
- 單純上日本人工同物價咁多年嚟冇咩升過

早幾年睇過下書炒日本樓，個伏的感覺好大，因為你要睇佢建成年份，仲有地震條例規定層樓要起成防幾多級震，較低級的震壞左唔死仲有得賠俾你。
仲有地鐵線、巴士線考慮，是否低層、是否女性之類的考慮，地區都係一大問題，有些地方入夜會危險一點。

其實我買賣過一次都唔明個人投資者可以點炒
以我為例，我層樓升左500萬，扣左一買一賣既經紀費都冇左300幾，淨低果少少仲要40% tax（唔知有冇計錯）
買樓果陣又要做好多研究小心比人呃
如果係咁純粹投資點解唔簡簡單單買股票？

佢地係之前賣物業俾人 airbnb 當旅館，不過改法例後就好難做，加上肺炎。
另外就係租俾外國人同留學生，當每年分期付款由人地供滿，但係老實講好難做到收支平衡同穩定性，除非地點真係好好。

地點好好就會好貴，唔知回唔回到本，好多野計

老實講如果係荀既盤一早比日本既公司買嚟出租，點會輪到個人投資者賺

有冇一個居住點可以方便喺東京都四通八達？好奇問下

我覺得基本上係東京近JR/Metro大車站 (特急車會停 & 多條線既交換點) 都非常交通方便（新宿、渋谷、秋葉原、品川、東京之類），不過會好貴下，所以其次係可以搭幾個站接駁到去果d地方既站

樓主番日本it工點揾？
我都想遲下去日本做it

之前都研究過，層樓未滿25年（加滿足其他防震等條件）
按揭餘額可以用黎扣稅10年
之前利息低加延長左年期，供完可能有賺添
樓主加油

樓豬之前係咪分享過係日本做 IT 狗
但日本而家唔興 OT 而令衆連登狗牛豬鼠震怒

6成人有物業

我果陣係網上agent搵既日資嚟，我間公司而家應該唔直接收外國人嚟日本

亦可以直接搵公司。出名嚟講，Rakuten好似係其中一個外國IT人嚟日本既公司 (唔洗識日文都得），作為踏腳石應該唔錯（利申：冇做過） 近排PayPay, Mercari之類都好似好積極搵外國人。

依排冇積極Research個就業市場唔係好熟，可能其它巴打會熟d

我買果陣有稅務優惠，變左13年
新樓每年退稅上限40萬，舊樓20萬
我借果陣銀行利息offer係0.4%~0.8%之間，有永住可能仲低（有間話我肯申請永住比我0.3X%

係
IT工 & 唔係黑心公司既話，OT同香港差唔多lor我覺得

連登衆畜: 去日本返工冇得 OT 咁重去黎做乜

想問巴打買樓首期係喺日本做住IT由零開始儲
定係本身喺香港都已經有舊錢拎去日本？

第一間係香港草左一筆，再加日本草左三年左右
買完果陣日本銀行戶口差唔多0