立法會周四（21日）三讀通過引入海外醫生的《2021年醫生註冊（修訂）條例草案》，為引入非本地培訓醫生增加免試註冊途徑。草案最受爭議的，是政府於8月底突然改口，提出三項新修訂，包括放寬門檻至非港人專科醫生來港特別註冊並執業。
曾任醫學會會長、醫學專科學院主席、醫務委員會成員的方津生，一直是政府諮詢對象。他早前接受《眾新聞》訪問，被問到有否就三項新修訂獲諮詢，他表示：「無！呢個突然間開放俾非香港永久居民，一啲都無，完全係突然嚟一個炸彈，無人知。」他形容，從新聞得悉新修訂後的第一反應，是覺得自己蠢，因為很多同行已說了政府信不過。
方津生甚至形容政府破壞了自己的誠信，「完全不可信賴」，「我係少數醫生信任佢嘅，而家證實大多數醫生佢哋係啱嘅，而我係錯嘅，我信錯咗政府。」他及後更即找來林鄭月娥在今年4月份的回信，卻找不到片言隻語承諾不會開放予非港人，遂自嘲：「我係太天真喇，I am too naive，我信咗呢個政府。」
憂特別註冊委員會備受政治壓力
方津生亦表示，擔心負責制定認可院校名單的特別註冊委員會備受政治壓力。根據政府建議，委員會10席當中包括港大、中大醫學院院長、衞生署署長、醫管局行政總裁以及不多於4名由特首委任的成員，他認為：「嗰啲人大部分都一定要聽政府話。」他舉例說，兩間大學的院長如果與政府持相反意見，政府大可不批錢，影響辦學。
4年前投林鄭一票「非常失望」
方津生又形容自己以往一路都支持政府施政，算得上是建制派，但關於海外醫生註冊，他認為最重要是維持專業自主及執業水準。「政府唔多理會、唔尊重專業自主，而我哋專業自主就係《基本法》142條賦予嘅權利，而家係破壞咗。」尤其是最新的三項修訂，令他更強烈有這個感覺。
他亦不諱言，4年前曾投林鄭一票，「我投佢票架，我認為佢好本事，因為我識佢30年啦嘛。」但經過是次修例一役，他一再感歎道：「非常失望，對政府非常失望，真嘅，呢個真嘅。改變咗，已經係完全改變咗。」
資料來源：#眾新聞
同啲人信一國兩制一撚樣