[請善用不推文]絲打們點整指甲？咩款？(24)

奶油貓 2022-07-02 17:36:30

東張西芒 2022-07-02 20:12:12

代友post

各位絲打睇路，親身經歷：

本身有幫襯開一間，嗰次係十指滿鑽款而d gel磨蝕後又刮手，因為唔想刮手又想快d解決，但gel開嗰個又full booking，於是就上ig搵到呢間鋪「henailz」。

當時睇到佢ig整既圖覺得ok，同埋價錢都合理所以去左整。book前佢有寫到明要準時到（好基本應該人人都會寫），佢就再加句遲到20分鐘要簡化款式，咁都好正常冇問題，準時係常識。

當日我準時去到，結果佢上個客未走，我諗住都係等一陣，最終等左成20分鐘。既然佢book前講到明遲到20分鐘要簡化款式，咁suppose上個客遲左佢應該係要嗰位客人承擔番，而唔係我呢個準時既人白白浪費20分鐘。

咁輪到我時佢都有同我講話係上個客遲左，都有講到唔好意思，我都算。

去到拆甲環節，上面提到我當時係十指滿鑽款，係3d好大粒嗰種，而且因為d鑽既邊邊位好刮手，所以我要求上一間幫我gel到好厚，務求唔好咁刮。book前佢間鋪話拆他甲大鑽要+$20，我都冇問題係照比。但佢拎舊野磨左成20分鐘都未磨到，然後不停擰頭，話好厚gel好難拆。結果佢叫左佢對面鋪一個姨姨過黎幫我拆，人地5分鐘就搞掂

仲教番佢拆呢種大粒鑽應該用咩工具。咁我都冇乜野既，好彩嗰日唔趕時間，因為單單係等佢上一個客加埋拆甲都用左接近 50分鐘

整完我都幾滿意，無論係個款式同埋甲型我都覺得ok。點知整完後既第12日，右手食指就開始痴唔實個真甲（我整 hard gel)，我怕反甲所以索性成塊meet左落黎，點知發現嗰隻指甲變左黃黃綠綠咁既色

我最初仲以為係灰甲勁驚，我即刻whatsapp佢，佢就話唔係灰甲，係因為隻甲卜起左，入左水所以發霉，而我隻食指係感染左綠膿桿菌。

晏就同佢講時，原本佢就話過左7日免費保養期，理應冇「售後」，但佢話呢個算特殊情況，咁都可以免費幫我補番或者比個挫條我自己挫下個甲面再用消毒棉片抹下佢。因為我見到其他手指個邊緣位都開始翹翹地，但我又睇唔到裡面既情況，我最終提出不如佢幫我成套甲拆番，咁佢都ok。我本來真係唔打算追究，仲好苦口婆心咁同佢講我有一個朋友上次黎整完隻手生左粒疣，叫佢都注意下衛生。雖然佢幫我整甲時我係親眼見到佢有同用具消毒，但由於我同我朋友都出現左隻手有細菌既問題，所以我都會聯想到可能係佢附近環境污糟等等。

但去到夜晚我諗越諗唔對路，因為佢當初拆甲時都唔係好識拆，要叫對面鋪個阿姨拆，而我gel左短短12日就發霉（要發霉我諗點都醞釀左2-3日掛？）咁即係我gel完可能第9日就已經係咁

基於佢拆甲加埋搞到我指甲咁，我就懷疑佢經驗不足同埋根本技術係有問題。咁我就提出可唔可以叫番佢對面鋪嗰個姨姨拆，佢拒絕並再次強調已過7日免費保養，同埋拆甲原本要收$100

咁我就話因為見你上次都好似唔係好識拆甲咁… 佢就話係因為我上一間gel太厚所以要拆咁耐，但明明人地對面鋪一拆就拆到

講到呢到其實佢由頭到尾都冇承認過整到我手指有綠膿桿菌係佢技術不足所致，係去到最後佢話覺得我依家既言語好似係默認緊佢工具唔乾淨所致，而我就同意非工具問題（因為我係親眼見到佢消左毒先幫我整）。我再反問佢導致到手甲翹起應該係你技術不足引起？佢先承受係佢既問題並話佢已經盡佢能力去補救（就係包括補甲/比挫條/拆甲）。而我係角度就係我唔願意再比一個好明顯經驗不足既人幫我拆甲。。我最終提出佢比番我係出面拆甲既錢並問佢如果聽日拆完發現其他指甲都感染左綠膿桿菌咁會點處理？佢冇正面回應到但佢就講話佢只係小店，要退錢或賠償佢做唔到

最後我再打野比佢，佢已經冇應我。事後我搵番間相熟既鋪頭拆甲，佢話其他指甲都已經卜起哂