一個時代的終結 -----《陳浩南死前21天》

點知牛佬寫到啲人淨係記得白粉南，賓少鑊鑊係自己嚟，大東都係佢親手殺，最後都要走去同七老八十嘅天收隻揪，之後無人理

我淨係睇過電影
依家成個腦都係鄭伊健

一訓醒，就睇到兩件令人興奮嘅事，

一個就係一陣掛八號風球，
另一個就係因為上面兩位巴打係度熱烈討論漫畫劇情，討論到差d送咗我上熱門前三 ，哈哈哈哈哈哈！！

盡情傾啦！呢度好隨便好自由㗎！！傾股票呀，講同事是非呀，講童年往事都得㗎！！當自己屋企得㗎喇！！

Sorry.....小弟係星期六返工撚

羅心左同謝佩芝唔係暗黑之門冧啦，亦都唔需要請暗黑之門。

羅心左一開波寫到佢黑道新星咁款，最後遇難即縮、越打越謝，忽大咗隊冧于八，攪到于八死得唔抵之餘，最後比小東搵個近身幾round監生打死，個死相柒到。

謝佩芝好似係喺停車場開大片入面，比世飛班細嘅隊冧？(最後爽哥都係唔能夠切咗阿芝對波落嚟)

追追下live左，排8號你就安心出文啦

我訓先，本身都係放假

羅心左咪牛佬on9，開頭寫咁大，之後又玩智商急降，開頭敢挑陳浩南，後面街頭劈兩嘢唔夠做就謝咗，之後跪埋地求小東。謝佩芝係搵暗黑之門殺手，但唔係有名次個啲，揸電單車經過用條鋼絲批咗個頭。
停車場死過嘅人唔少，唔記得了
爽哥又係，開頭㩒住謝佩芝屌，騎住大宇同黑仔，同陳浩南都間咗幾嘢，點知又比牛佬寫廢咗

都係古惑仔先講下
上熱門好呀，多啲人睇到。

睇過漫畫版既我留名
樓主D橋好明顯勁過牛佬, 自牛佬痴埋鳩達開始漫畫劇情十年如一日無限loop

如果再拍做電影應該都會好好睇

得鄭伊健出到鏡
其他收晒皮

樓主係咪70後？

細細粒都正

細細粒真係正

真心，好睇

好好睇

寫到好好....師兄文筆令人好有代入感
利申睇古惑仔大

周Sir明顯不悅，板著臉的說：「石仔，你帶佢上去先。」

就這樣，浩南在會面室裡，獨自呆坐了一個小時。但這一小時也不是全然的無聊，浩南分別收到了四杯咖啡。並不是因為浩南愛喝，而是人們愛給。她們都是以端咖啡的名義，想一睹陳浩南的真容。當中三個女的，一個男的。

而浩南亦很給面子，四杯都喝了兩口。

門再次打開，是姓周的高級督察他們回來。進來的有四人，周Sir，王Sir，和兩人各自的一名下屬。

「搞咩咁多咖啡呀？」有主場之利的周Sir率先開口道。

浩南聳聳肩，不想說話，免得讓眼前的這個周Sir知道，原來他的同事們對自己都那麼熱情。

四人坐定後，周Sir開門見山的說：「我哋對你點解揸的士一啲都唔感興趣，我哋想知你點解要去鳳和大廈。」

浩南深知隱瞞沒有用，直說：「我有個朋友惹咗啲麻煩，我趕去幫佢。」

王Sir問：「就係嗰一男一女？」

「嗯。」

周Sir問：「你哋係咩關係？」

「鄰居。」 周Sir的下屬不禁失笑，說：「咁你鄰里關係都處理得幾好喎。」

浩南瞄了他一眼，沒說話，表情冷冷。

「所以前銅鑼灣揸fit人，因為要救...“鄰居”，然後踩上銅鑼灣黑社會竇口。」周Sir嘲諷說。

「你信唔信都好，情況就係咁。」

周Sir說：「你拎住上去個行李袋，入面係咩？」

「錢。」

「裡面有幾多錢？」

「我覺得我冇必要回答。」

「我話比你知，係二百萬。你如果真係揸的士，可以有咁多錢咩？」

浩南眼直盯著周Sir，說：「不如直接d，你哋想知道，我係咪諗住返嚟插旗！」

周Sir眼睛驟然放大，嘴角一揚，「係！冇錯！陳浩南！唔理係銅鑼灣，定係元朗！你！係咪諗住再插旗！」

「冇打算。」浩南淡然地說。

「洪興比人冚咗旗，你會無諗過棟返枝旗？咪玩啦，陳浩南！」

周Sir仰後往椅背一靠，接著說，「08年洪興有四萬幾個古惑仔，隔咗11年，我當死嘅死，退嘅退，過檔嘅過檔，起碼都仲有幾千條友仔你陳浩南可以吹得郁掛。你會無諗過？」

浩南深呼了一口氣，說：「08年你夠用Noika。而家你仲有冇用？又或者問，而家仲有冇人願意用Noika？」

周Sir緊皺著眉心，說：「你唔同，你係陳浩南……大把傻仔願意幫你賣命。」

浩南感到無奈，埋下頭，停頓了半晌，說：「我而家只係想做一個普通人。」

周Sir咯咯大笑起來，「你陳浩南想做普通人？哈哈哈哈…咪搞笑啦…」

周Sir逐漸收起笑聲，「你掛住陳浩南呢個名，做到普通人咩？」

浩南緩緩展開原本緊繃的雙頰，勉強地笑笑，說：「唔試下點知呢。係咪？」

這時，王Sir開口說話，「其實我查過陳浩南先生而家個住址，佢係嗰度已經住咗有半年。」

眾人目光聚焦在王Sir。王Sir接著問：「點解陳生你選擇住係元朗，而唔係以前住開嘅地方呢？」

「我返嚟香港之後…就一直住係元朗。我冇興趣再返去銅鑼灣，甚至連港島我都冇興趣。噚日我只係逼不得已……唔理你哋信唔信都好，我陳浩南，之後會一直住係元朗……之後會繼續做的士司機……我唔怕你哋會繼續搵我，再𢯊我上嚟差館，我就當係陪你哋飲下咖啡。」

浩南說這番話時，目光主要投向的，當然是周Sir。

離開警局後，浩南馬上收到白頭佬的電話。

消息靈通的白頭佬，又怎會不知道浩南被邀到警察總部呢。尤其這可算是今天的爆炸性消息，在警察多個手機群組裡，被廣為流傳。

浩南來到白頭佬於大角咀的洗衣店，兩人坐在門外的小桌椅。 白頭佬把一罐裝咖啡推到浩南身前，浩南已然眉頭緊皺，盯看著咖啡，一動不動的。 「做咩呀？」白頭佬問。

「點解你哋警察咁鐘意請人飲咖啡？」

「咁你想飲咩？」白頭佬環視洗衣店一圈，揶揄的說：「Long Island 好冇？」

白頭佬坐了下來，揭開罐裝咖啡的蓋子，呷了一口，遲遲沒有說話。

「有咩想講呀？我今日見左好多警察喇。」浩南說。

「我退左休㗎喇。」

「你係想問我，嗰個神秘人係咪真係存在？」

白頭佬露出被說穿了的尷尬表情，說：「我唔係話唔信你，只係…只係想…」

「想聽我親口講出嚟吖嘛。」浩南說，「我明，你幫我處理咗隻斷手，梗係想圖個安心啦。」

「所以嗰個神秘人真係存在？」

浩南點點頭，直視著白頭佬說，「而且呢個人遠遠超出我嘅想像範圍，好難應付。」

「你知道佢係邊個喇？」

浩南搖搖頭。

浩南暫時不想讓白頭佬在這事情滲和太多，怕會對他帶來傷害。 「到我摸清楚件事之後，再同你講。」

白頭佬能從浩南複雜的面容裡，感覺到事情的不簡單，所以亦沒打算追問下去。 「咁山雞呢？駛唔駛我幫你查下佢間賓館。」

「點解要查山雞？佢冇問題呀。」浩南聲調變得高揚起來。

「你覺得冇問題啫，但我直覺佢一定有d嘢。」

「你唔好唔記得，你退左休㗎喇，唔再係警察，仲開口埋口話查。」

「呢個係我退休警察嘅直覺……山雞呢個人，點會無拉拉搞間賓館出嚟，仲整個咩詩社喎。咁等於你話我知，釋迦牟尼突然有一日信撚咗耶穌。」

「咁而家你又信我？」 白頭佬頓時語塞，「咁…咁點同呢。」

「有咩唔同，我以前都係古惑仔。」

白頭佬不想與浩南爭論，喝了一口咖啡。

「係喇，隻斷手你最後點處理呀？」浩南問

「你理得我啫。」

浩南一笑，扭頭看了看洗衣店，問：「最近生意點呀？」

「死開，唔好冇嘢搵嘢講。」

＝＝＝＝ 待續 ＝＝＝＝

其實老夫係...戰後第一批嬰兒潮嗰代

多謝各位巴絲們的誇獎，說文筆好的，説故事好的。

而家願意睇書、讀小說嘅人越嚟越少。所以更加顯得連登講故台嘅珍貴，可以繼續匯聚一班同共愛好者係一齊。

而且每個故嘅底下，凝聚咗唔同嘅作者，唔同嘅讀者巴絲，所以都係一個獨特的小世界！真好！

其實都多咗嘅，眼見依幾年開咗好多獨立書店，當然經營上就未必容易。
某啲作者出書係會排長龍，不過應該都唔多。
感覺上睇書嘅人有增加

文中間中有啲互串既笑位，幾過癮
南哥真係一生都離唔黑社會