一個時代的終結 -----《陳浩南死前21天》

「陳浩南！你太失敗喇！我睇你而家，唔好話救你女人，你連自己都救唔到呀！」

浩南緊咬牙根，撐起身子。他心裡默念，即使在夢裡，也要救！浩南向下邊的百號人大喊：「推我過去！！！」

「你唔係陳浩南，我哋唔可以推！」領頭人說。

「我就係陳浩南！同我推！！」

領頭人喊道：「我哋嘅陳浩南，係銅鑼灣揸fit人！你係唔係我哋識得嗰個陳浩南！」

浩南雙頰緊繃，說：「係！！！」

「佢唔係！！」原本的烏鴉，此刻變成了段一男。

一男說道：「佢唔係你哋認識嘅陳浩南！唔好信佢！」

浩南視線急速追尋細細粒，但細細粒已變成了倪穗。

不知所措的倪穗，拼命地掙扎，整個身子搖晃在半空。她抬眼看見浩南，快要淚崩的大喊：「浩南哥！！！」

段一男一臉悠然的蹲了下來，右手托著下巴，對浩南說：「換人喇，仲要唔要救？」

浩南俯視著眾人，眼睛驟然瞪大，吼道：「我係銅鑼灣嘅揸fit人陳浩南！係你哋嘅大佬！聽到未！！」

「聽到！」百號人齊聲大喊！

「而家我命令你哋！推郁個銅像！！即刻！！！」

眾人聽命！即刻彎身前推銅像。底座的輪子開始滾動，百多人的嘶吼聲響遍整個銅鑼灣。

一男露出笑臉，說：「有啲意思。」

浩南佇立著，手裡緊握那把大鐵鎚，全身的肌肉神經都熾熱沸騰起來。浩南大吼：「唔夠快！同我用力推！！！」

百號人於是更拼命的猛力前推，差不多整個人都要前傾壓在地上了。銅像與電桿的距離愈發拉近。

浩南說：「我今日要殺咗你！！」

一男淡然地說：「你知道我唔怕死㗎。」

浩南雙腳下沉，猛力一蹬，整個人飛躍在空中，他雙手高舉鎚子，要朝一男的頭顱致命一擊。

一男看著浩南的身影在半空中逐漸變大，直至填滿他雙目，但他至始一動不動。 鎚子要擊向一男了！！！ 然而…然而…所有所有的一切都消失了。

傾刻間，一男、倪穗消失不見了，連同百號人都消失了。 銅鑼灣又變得空無一人，只剩騰飛在半空的浩南。鎚子撲了個空，此刻，浩南感到全身發軟。就這樣吧，墜下吧，盡管墜下吧。浩南一直往下跌落。

醒來後，浩南一身冷汗，再也睡不著。


＝＝＝＝＝待續＝＝＝＝＝

留個名先，岩岩先睇到尼個post
而家睇到第4頁

終於要返去重奪老銅

寫乜撚野故丫 你應該做編劇

倪穗係咪要取代細細粒唔好啊

推

第十一天

這天，浩南在家養傷，躺了一天。

段一男來電過，但浩南沒接。

第十二天

「一男，我睇我哋公司唔好再參與嗰個咩維港淨化計劃喇。」鄧伯說。

「係啦，吃力不討好。嘥咁多時間，賺唔到幾個錢。」

「舊年公司利潤跌咗15%，股價都跌咗唔少。如果將啲精力放喺其他項目，就唔駛搞成咁。」

這三名公司董事，正悠然自得地坐在段一男辦公室裡的沙發。一男心裏不是味兒，看著他們就煩。

「你哋係想公司全力發展係人工島項目上面？」一男說。

人工島項目，是指香港政府的「明日大嶼」計劃，意在未來的二、三十年間，投入6240億港元在大嶼山海域附近興建一個人工島，填海面積會達1700公頃。

「咁當然啦！呢個係金蛋計劃嚟㗎！以我哋公司嘅實力，應該可以爭取到更多嘅參與份額。」

「但係維港淨化計劃，我哋公司已經參與咗二十年，由我爸嗰時就開始，我唔係太想退出。」

「嗰時參與呢個項目，都只係為咗提升公司形象。唔通我哋真係會在意維港啲水香定臭咩？都咁多年喇，面子賺夠啦，應該去做啲收成嘅事嘞。」 「我諗諗。」

「唔駛諗喇，一男。你仲係太後生喇，聽我哋啦！」

「我只係有個疑問，明日大嶼呢個項目…..要成三十年，你哋點解就咁有興趣呢？你哋等唔等到三十年都成問題。」

三名董事一臉愕然，他們沒想到一男會說出這種話。

「我同我阿爸唔同，我忍你哋兩年就係我嘅極限。呢兩年就係念在你哋係長輩，我先稍微尊重一下你哋。但你哋就一啲都冇尊重過我，隨便嚟我間房隨便發表意見。公事嘅嘢，之後開會先再講啦。」

「哈，時代唔同喇。而家啲後生仔，講嘢咁冇分寸。」

「我哋就想聽下，你有咩本事幫我哋公司賺更多錢。」

「我冇興趣賺錢。填下海，起下樓，然後賺大錢，一啲意思都冇。你哋幾十年都係咁賺錢，唔悶嘅咩！？」

「冇興趣賺錢！講笑！做咩呀……你要做聖人呀？！」鄧伯說：「你要做聖人嘅，麻煩唔好帶埋我哋！」

「臨老幾年，積下福唔好咩？賺咁多錢，帶得走咩。」一男說。

「我睇你癲咗定喇！」

「你哋就當我癲咗啦…..如你哋所願，我真係唔想帶埋你哋。你哋啲股份，我要全部買哂。我唔想你哋再坐我張梳化。」

「如果我哋唔賣，你奈得我哋咩何！」

一男拉開抽屜，取出一份公文袋，然後擲在鄧伯的身上。

一男說：「你哋咁多年嚟，做過唔乾淨嘅事。三個人，一個不漏。返去慢慢睇啦，夠你哋係赤柱終老㗎喇。」

三人氣上心頭，卻憋不出一句話來。

段一男開車來到清水灣，每當他心情不佳，又或煩燥時，都會來到這裡，打一會兒高爾夫球。雖說剛處理掉公司裡的三個老頭，但這對一男來說，算不上是什麼高興的事。要對付他們太簡單了，只是早晚的事。

一男並沒有真正喜歡高爾夫球這玩意，它不夠純粹。或許有些人是真的喜歡，但更多人只是覺得自己身份到了，就應該打打高爾夫。 其實也沒所謂了，一男從來都只是一個人打，沒有球伴。

他「一個人」是名乎其實的一個人，球僮也不要，但費用照付。一男也不會帶私人球桿（當然他也沒有），他都是現場租的，而且每次都只要一枝。

最初職員當然會驚訝，要一枝也是要給一套的錢啊。何況在這麼高級的高爾夫球會，還真沒見過人只用一枝球桿。

當職員問一男想要什麼桿時，一男會說要最基本的。

是的，直到現在一男也沒意慾去分清那些球桿的款式類型。最後每次職員都會把7號鐵桿交到一男手裡。當然發展到現在，職員已對一男見怪不怪了。他是球會裡最特別的一位客人，要在這裡打球，單會藉就要四百多萬，從沒見過像他打得那麼隨意的人。

一男是有錢，但也不是敗家，會藉其實是從他亡父那裡轉戶過來的。

三年前的那個晚上，面前躺著即將離世的父親。醫生說父親撐不過今晚了，要他好好伴在身旁。 這可真不容易啊，他跟父親根本就不熟。還是換個詞吧，父子之間怎能用「熟」這個詞呢。他倆之間是關係不密切…。「疏離」吧，這個詞貼切。

父親用虛弱的眼神看著一男，嘴巴一張一合的呼吸。

一男在想，他是在回顧自己軟弱的一生嗎？還是在想著有關我的事？都沒所謂了，即使是難堪，這也是最後一次了。

一男突然想到，有個問題一直很想問父親。

他說：「記唔記得喺我好細個嘅時候，有一日你帶咗我去睇拳賽……之後返屋企嘅時候，我太攰喇，訓著咗。到我醒返嘅時候，我哋就係一個冰天雪地嘅地方，然後呢個地方…仲有隻北極熊。你將一舊一舊好大塊嘅肉，餵比佢食，我哋兩個，就咁坐係佢隔離，睇住佢食嘢…….。我想問，你記唔記得有件咁嘅事。」

一下子，父親眼睛濕潤起來。他聲音微弱地說：「記得…」

「所以呢個唔係夢？」一男問。

「…唔係夢…..」

「咁點解𠴱時你同我講.....呢個只係我發嘅夢？」

父親眼角滲出淚水，「北極熊.....係我唯一嘅秘密.....」

「點樣可以搵到隻北極熊。」

「維港.....最深嘅哋方....」 這是一男父親人生最後的一句話。

一男脫下西裝外套和領帶，把襯衫袖子捲起，最後把皮鞋也脫掉，光著腳。手握著7號鐵桿，赤腳的踩在綠油油的草地上。腳底皮膚觸踫到泥土小草的那刻，會有一陣的搔癢感，但很快就會消散。一男不急不緩的走著，直至被無盡的綠色所覆蓋。

一男最享受這刻的時光，思緒都消失不見，無意識地打球。揮上一桿，走上一段；揮上一桿，又走上一段。進不進球都無所謂，進不進球也像與自己無關。

偶爾一陣風吹過，他會合上眼睛，聽風的聲音。他希望風不要停，可以把他的靈魂吹走。

＝＝＝＝待續＝＝＝＝

我有keep住追，請加油

加油，我都追緊

Sor 笑咗
以為有人惡搞你個故

唔緊要...我自己都笑咗.....哈哈哈哈哈

可能係唯一一篇quote完都冇人會屌嘅文

樓主加油。啱啱睇晒你啲故

其實都無乜需要睇過，不過最小伊麵個幾套你有望過下
都會明尼個故事個發展。
大約就是風光過一時的江湖大佬，昔日的戰友親人都死得都死晒
自己都只是想生存埋這幾年，但無端端有人搞佢想佢再走返出來
我一邊睇一邊幻想E麵，小春等個樣落去
睇得好開心

個故電影設定嚟，唔洗理漫畫

可以解釋下，雖然唔關事。
漫畫陳浩南輸曬啲錢無龍頭做，仲變咗道友，就諗住自己都衰到貼地，走去對家社團個聯盟大會到劈過，斬低幾多就幾多，個大會就係福田攪，最後就係班兄弟搵到佢，幾條友打成千人，死剩大飛同佢。

仲有就係陳浩車喺老撾著草十幾年，返返嚟香港，5張幾6張野，周不時抽贏D 2、30歲嘅打仔，當係家常便飯。

第十三天 - 第十七天

浩南糖尿發作，入院五天。

fake嘅