[關心Sony嘅人請入] 用咗Xperia 1 III兩個月，覺得要改善同保持嘅地方

拾壹分平庸 · 2021-09-20T11:37:40+08:00

理性討論，有心想搞破壞嘅人請過主。 8個要保持嘅優點 1. 3.5mm同SD Card嘅支援，最實用嘅功能之一，千祈唔好又cut返，如果可以落個獨立DAC就更好。 2. 功耗調校，新版本更新後888機種竟然去到24度，希望Sony保持到。 3. Photo Pro、相機質素，我幾鐘意Sony嘅影相風格同埋Photo Pro嘅功能，Eye AF、Realtime Tracking、AI Zoom真係有用，希望繼續用到之餘可以再強化呢啲功能。 4. 喇叭質素，音色真係好好，夠清晰、夠立體。 5. 全面屏、Creator Mode，Sony獨有優勢嚟，出嚟嘅色水好好J，睇Netflix一流，唔知1 IV見唔見到屏下鏡頭? 6. 電池保護、HS電源控制，好多設定可以自己調校，希望Sony可以保持。 7. 遊戲增強器，亮度快速設定、勿擾、240Hz、暗部增強等係意外地好用。 8. Split screen、popup window，最好用嘅多工功能之一，尤其睇緊片個陣極有用。 8個想佢通過更新改善嘅地方 1. 指紋解鎖邏輯以往XZP/XZ1年代，指紋結合電源鍵係通過按鍵解鎖而非現時1 III嘅輕觸解鎖，導致發生唔少誤觸解鎖問題。罪大好應該俾人揀要邊一套邏輯。 2. Dolby Atmos快速設定捷徑冇啦啦喺1 III鏟撚走咗，罪大又一神奇操作，希望佢之後會加返返嚟。 3. LDAC連線穩定度相比前代1 II，LDAC選用音質優先嘅穩定度降低咗，尤其係開咗Wi-Fi之後。 4. Photo Pro JPEG嘅壓縮率相比前代1 II，JPEG直出嘅壓縮率明顯提高咗，導致相片細節流失唔少。 5. 觀景器質素參差主要係濛同低影格，要半按對焦先上到60fps。 6. 震動調校 Pixel都有得調校震動，Xperia反而冇，有時候來電震動真係太弱，仲弱過Whatsapp、Signal嘅通知震動。 7. 深度睡眠功能我覺得Sony應該考慮置入類似嘅功能，我知道中國版嘅1 III係有嘅，咁就唔需要用家自己外掛SuperfreezZ。 8. AOD、「避免意外操作」功能邏輯問題主要係唔鐘意Always on display著咗個陣冇得熄double tap同埋「避免意外操作」係某啲情況唔work，例如係褲袋誤觸指紋解鎖，而且activate個陣係彈alert而唔係即刻熄mon。 8個下一代一定要糾正或改善嘅地方 1. LTPO可變更新率宜家得長開60Hz或長開120Hz揀，好食電同易熱，希望喺1 IV可以見到LTPO。 2. 前鏡垃圾，用垃圾三星CMOS用足3代，冇AF、低Resolution、顏色差，抵俾人屌。 3. 夜景模式、人像模式宜家夜景成像其實幾好，但缺點都好明顯 – 少少手震或者極低光就收收地皮，所以都係想Sony加返夜景模式。另外人像/散景模式(Bokeh)下Xperia仍然未做到同時踢著HDR，所以好易有過曝問題。 4. 錄影問題、Cinema Pro 幾個問題，Basic Mode冇4K60fps HDR、錄影冇得轉鏡頭、HDR質素虧、曝光唔穩定、好多好有用嘅功能淨係放咗落Cinema Pro (4K120fps HDR、手動對焦)但Cinema Pro好撚唔好用同埋只可以拍21:9片。呢啲問題再唔大執就不如唔好出新機。 5. 平滑變焦 Sony想畀人有換鏡頭嘅感覺，我明，但留返喺Auto/P/S/M Modes先做得唔得? 至少Basic同錄影放返平滑變焦出嚟呀，連10 III都做到1 III反而冇。 6. 續航力 888、4K120Hz、5G，得4500電根本唔夠頂，我宜家長開LTE同埋用方法控制好後台先做到同1 II差唔多嘅Screen-on時間。希望1 IV有LTPO同5000大電。 7. 散熱用料落返VC散熱啦Sony，知你塞咗好多石墨烯、被動散熱強同埋CPU調校強，但旗艦機散熱料真係唔應該慳，尤其今代係888火龍同4K 120Hz螢幕。 8. 螢幕亮度 600nits，又係同前鏡一樣三代都冇進步過，唔該下一代至少要上到900nits。其他問題 1. Marketing 定價不似預期所以降價都降得好快(宜家8K買到)、宣傳老套、優惠同贈品對比鄰區Sony真係冇咩誠意。 2. 出貨問題 1 III 256GB慢512GB成個月係唔知咩玩法，更加唔想提5 III可能要12月先有貨。 3. 更新問題到2021年Sony仍然維持24個月更新承諾，對比Samsung、Pixel嘅3年大版本 + 4年安全性更新簡直係差。