你打機既開心係來自於唔洗認真,唔用腦,冇壓力地發洩控制慾
但有人打機既開心係來自於不斷提升自己實力,認真,用腦,沉悶既訓練,甚至打到有壓力,先會囉到快感。唔認真打反而唔開心。
我打moba game學到要top就要專攻一路,專攻某幾隻英。唔好大包圍乜都想練,認真揀路,揀英黎練,揀好左唔好轉。邊條唔最岩自己性格,邊隻英最岩自己能力範圍內能夠熟手練到接近最top,甚至成為最top。
到到最後,就算係朋友打下機,定係有機會打下業餘比賽。自然有你既位置,有人會搵你一齊玩。
同出黎做野係一樣,搵到岩自己既行業同工種,能力範圍內可以做到熟手,盡量試做最top。自然係坐係到等獵頭公司搵你,唔洗你去搵工。
當然,唔係話唔認真打機既人,就會唔認真工作。
但打機好,玩乜都好,做任何野都認真既人,社會地位,個人成就,衰極有個譜。有好多人認真係會累,都有好多人認真只係一種與生俱來既性格同習慣。