但係想請大家幫忙評評理，因為小弟唔係太熟教車行業
如果大家都覺得係我諗多咗
我喺度同個師傅道歉
因為小弟女朋友要喺何文田區重考自動波私家車丙部，所以就上網揾咗個師傅補鐘
去到第一次學車嘅時候，師傅就約佢喺九龍塘上車。因為係夜晚9點學，所以我就車佢去九龍塘，諗住睇埋佢上車就走。
點知個師傅揸咗㗎貨Van嚟，咁我見女朋友上咗去一架貨Van所以就上前問
我：師傅，點解唔係私家車？
師傅：應該係溝通上出現問題，而家會車佢去換一㗎私家車再去學車。
我：咁去邊度換車，會唔會好遠？
師傅：呢曾唔關你事！
我：一來如果你去好遠，咁咪會曬咗好多時間。二來我又會擔心你唔知會車左佢去邊。
師傅：呢曾我唔使同你交代，扣好安全帶(同我女朋友講)
我：咁我揸車跟住你去換車，之後我就離開？
師傅一聽到我咁講就勁快加速離開。我尾燈都見唔到，所以想追都追唔到。
最後我打咗幾次電話俾女朋友佢先聽到，同我講去到師傅屋企停車場換車。
跟住我叫女朋友畀嗰堂嘅錢個師傅然後離開，話唔再跟佢學。因為我覺得個師傅態度好有問題。
女朋友照做畀咗$5xx個師傅。雖然連私家車都冇上過，不過我唔介意畀錢。始終我唔熟行規，所以唔想有爭拗。
我個問題係如果個師傅揸錯貨Van嚟
應該喺九龍塘等佢換返架自動波私家車先上車學定係
跟佢車返去換(前提唔知佢會車去邊)
