保險問題 理性討論 回歸繼續你問我答(2)

自願醫保其中一個條款係要香港居民購買，換言之係需要香港ID

移民嘅打算就係會有當地嘅護照，現時其實OK嘅，香港承認雙重國籍。問題就係如果有一日政府收緊條款，要你喺國籍之間二選一，當你個人已經係加拿大英國，一定會係揀返當地嘅護照唔會再要香港ID。咁呢個時候份保險咪失效咗，我係呢個意思

不嬲旅行形式去醫病，亞洲區都係ok既，移民就會有分別了

高端醫療本身係包咗住院內嘅治療同藥物，又或者非訂名癌症治療就會可以包含住院日間門診又或者家中嘅治療藥物

呢個藥物保障主要就係有啲疾病住院完，都要長期keep住食藥，如腎病等等，住院醫療呢部份咪會賠償唔到，咁呢個時候呢個藥物保障就會賠償到藥費

癌症小冊子本身都有寫嗰幾種治療方案係唔一定要住院先得，咁所以呢個自選藥物保障主要就係包含癌症以外嘅疾病，喺出院後需要長期食嘅藥物，你可以參考佢嗰個list去睇有咩病嘅藥物可以包到

未喎

因為從來冇做過IG 打飛機post，唔會主動搵朋友講保險呢啲，除咗一開波入行會主動搵朋友present試吓介紹公司，主要係我性格好怕打擾人好快就冇，同埋個d係好friend又唔會介意所以冇咩事。咁之後就儲下經驗同埋周圍學下野咁樣，慢慢就唔知點解變咗大家遇到咩奇難雜症都會問吓我咁樣。認識我嗰班客同朋友又或者叫做見過下我嘅，應該都會知道我係個好佛系嘅人，本身就係呢種性格唔鍾意chur人。不過如果例如有人係好想知一個知識，我係會由頭講一次，上一兩個月有個男仔搵我買醫療同危疾，我見咗佢兩日都係由下午一二點講到夜晚黑九點，就係講四個plan有咩分別應該點揀同有咩條款注意

其實斷六親嗰啲真係冇乜代入其他人角色去諗，日日睇你打飛機攞獎，咩心態決定境界，唔係呢一行冇咩感覺只會覺得你好撚煩，係反向嘅marketing，但佢地反而覺得係一個幾好嘅marketing方法

其實只要做好自己個名，當然係正正經經做啦，其他人對自己個觀感又唔會去到咁

四大公司係貴在個品牌 定價問題啫

因為保險唔係用同一個定價模型去計，變咗保額同保障內容反映係個保費上面，更加多嘅係品牌溢價，變咗你只要細心去睇個內容呢就會知道邊啲係因為個品牌名所以貴咗定係佢本身個產品就係值呢個價

168唯一輸蝕喺公司名係港資，但其實香港開得嘅保險公司全部都好有實力又唔需要驚。因為例如佢嘅償付能力比率係仲高過AIA，2020 168係544% aia 2020 係 328%。同埋有保險公司條例規定，就算保險公司有公司買賣問題，新投資者需要全盤接受舊有嘅客人所有保單同條款要同以前一樣。同埋保險公司作為一隻cash cow，每個月同每日都係不斷收保費現金流好好，變咗係通常都好多人樂意收購佢賺錢。

作為客人唯一需要考慮嘅就係我比同一個錢出嚟，可以最盡買到幾大保額，個保障嘅疾病範圍廣唔廣泛，多重賠償個機制如何，保證退保金額係點，幾時最快保證回本，賠償上面公司本身行政機制會唔會話都係出名差，呢啲都會係個考慮因素。

如果呢三間我就會諗168，如果你可以諗吓其他我就建議你睇埋無限，你上10Life可以睇吓啱啱有篇新嘅文就係講緊乳癌嘅

請問保險公司償付能力即係代表D咩?
無限係咪即係Gen_____? 咁無限有咩特點?
我本身揀緊大約80萬保額, 未睇168個陣, 發現AX_既供款比較咁多公司黎講係最平, 但睇完168之後, 供款竟然可以仲平, 咁當然自己都有諗係咪因為公司品牌相對上冇咁出名既原因啦
同埋目前比較左咁多間, 都諗緊好冇揀個中等價位, 即係AX_, 佢冇AI_同宏_咁出名, 但係都應該唔差既

其實四大係邊四大?
聽你意思, AI_唔計BB仔, 應該冇咩好過AX_?
我都留意到AX_入面個認知障礙係其他公司冇既, 加上佢係我比較既公司當中唔算最貴, 反而叫平目前只係唔夠168平
你對168有咩睇法?
我黎緊可能會出國讀書移民, 係咪AX_可能會好過168?

醫療我就冇考慮到
但係危疾我就見好多都係全球性, 都係話無論去到邊個國家都係一樣
我先諗緊好冇買埋個危疾先走
而家就煩惱緊邊間公司既plan, 始終都係一供就供20年

都係需要買嘅

如果係樓宇結構問題，出咗事都係你孭飛，因為你冇盡責任去定期檢查有冇對他人安全造成危險，第三者責任問題。

作為單純業主唔係居住者，只不過係唔需要買家居保險(即係保障家中財物)，即係例如爆水喉或者火燭整爛屋企電器又或者傢俬，呢啲咪唔需要你考慮。但係例如整爛牆壁又或者係經歷過災害，你都要評估同埋修復會唔會有結構問題。
只不過係作為租客又或者業主着眼嘅地方唔同，租客係家中財產，你就會係結構安全又或者第三者責任，爭在如果係租客自己整隻窗落街咁呢個就要判斷個責任誰屬，又或者要分攤責任

見有部分人都討論緊儲蓄危疾

咁我手頭上就有168同埋無限兩份保單嘅
我就有將兩份嘅疾病做對比
發現168賠償50%嘅疾病裏面 大部份係無限冇保嘅
即係換句話講168保障嘅範圍係比無限幾多

比較下比較偏向168
因為之前有講過就好Concern 168嘅背景
唔想將啲錢流入大陸

再加上師兄講咗兩個point

‘168唯一輸蝕喺公司名係港資，但其實香港開得嘅保險公司全部都好有實力又唔需要驚。因為例如佢嘅償付能力比率係仲高過AIA，2020 168係544% aia 2020 係 328%。’

‘作為客人唯一需要考慮嘅就係我比同一個錢出嚟，可以最盡買到幾大保額，個保障嘅疾病範圍廣唔廣泛，多重賠償個機制如何，保證退保金額係點，幾時最快保證回本，賠償上面公司本身行政機制會唔會話都係出名差，呢啲都會係個考慮因素。’

咁我買第三者保險就應該夠

想請教師兄如果父母年紀都大(55-60)
宜家先買保險係咪都要做完body check先買到?
同埋有精神科問題係咪就肯定買唔到醫療? (見到之前提過情緒病)

唔該哂.

唔係好明中間
concern 168背景點解比較傾向168

我都想知 168 有事既話索償易唔易？
會唔會好似ax_ 咁樣

我未有客危疾中招喎 好好彩，同埋佢呢個計劃出咗幾年，如果想睇數據可以睇吓佢個賠償數據，有講係因為咩病中招同埋有幾多個人索償

佢醫療就有試過嘅，但都係個感覺幾好，正正常常咁樣，冇乜特別為難又或者點

你咪揀業主保險又或者第三者責任就OK，價錢好平咋嘛

唔需要
如果有需要佢哋主動係會邀請你做身體檢查的，去佢哋指定診所就得，唔使錢，但係報告只會佢哋知道

無錯係，基本上有呢方面問題就好難買了

醫療通常係有地區限制，例如亞洲計劃咪剩係得亞洲用得，自願醫保就要留意個身份問題，我會建議當地買會好啲，香港咪就係驚例如你而家去之間會有空窗期，一有病歷你去到當地都係會買唔到

危疾基本上都係全球性，但係保費率走機會因為當地嘅水土或者患病率調整保費，例如去到大陸保費係會貴咗，其他香港比較熟悉嘅國家都通常冇事，不過都要check咗先得

你可以參考我推薦嗰兩間公司，都係好好的，評分算好高，同埋可以參考我上面講乳癌嗰篇文章

儲蓄保險就係規避稅項用途，呢個亦都係點解外國會盛行儲蓄保險嘅原因，但係香港反而一直冇咩人覺得有用途嘅原因

儲蓄危疾純粹係趁自己身體咩事都冇買定，同醫療一樣，純粹係你而家呢一刻同去到當地會有時間差，如果呢個空窗期一面唔好彩有病歷或者身體檢查有問題，咁都唔需要擔心去到當地會買唔到，又或者擔心醫療方面嘅問題。

爭在就唔應該買自願醫保嘅，第一樣你唔喺香港居民交咩稅，第二樣嘢萬一香港唔再承認雙重國籍，冇咗香港ID亦都係冇咗個身份去購買，張單都係會失效嘅。所以正常應該係會建議客人買非自願醫保嘅醫療保險，唔會係自願醫保