保險問題 理性討論 回歸繼續你問我答(2)

唔關事係醫保融資呢個邏輯on9
果時計過一下，去到80歲，拎得返3,40萬條a準仲好自豪咁話有幾十萬拎返喎，掂啦
我話掂你條命，60年後嘅3,40萬買到咩？識唔識通漲？
一係就買儲蓄、醫保，要分開，唔好溝埋一齊用
呃9人大前題要捱到80歲

好似出面某個post咁，30年前嘅30萬同呢家嘅30萬分別幾大

我懷疑以前啲保險佬亂咁up
我之前想買醫療
我媽就話冇用買危疾攞筆錢仲好
之後住返公立
就算想住私院可以用危疾筆錢

係我眼中醫保真係第一
至少我入廠唔洗諗撲水比藥費

認真，好多保險都係為sell單而亂up
所以我唔係做保險我都要研究返晒我D保單先放心

危疾係攞筆錢可以任你點用
你用晒黎醫病既同時，你有冇錢繼續生活落去既問題
除非你諗住中完危疾上面既病就冇未來…
(咁我D上一代都有D一野KO/病死既，咁既情況醫療係冇咩用既)

你危疾醫病，洗晒D錢再返公立，除非你預左返公立都係等死，冇未來，如果唔係即使公立出返黎，你有冇錢去繼續生活呢
(已經唔好話可能入完醫院，跟D手尾會一路洗緊你錢 OR 你冇辦法返工搵錢)

醫療用既機會可以少D，你小病小痛可以自己頂，但大病你冇得唔去醫院既話
做個手術/用D咩好D既藥醫病都講緊六位數起跳，齋危疾你未必頂得到成個療程
(當然都有另一個option，入私家斷症，之後先入公立做手術，咁你既洗費會少D
(同時私家都未必做D太複雜既手術)
但，公立用既藥都係限米煮限飯，例如癌症，有D好D既藥醫生都係問你肯唔肯畀錢用
(以前呢D藥你冇錢都仲可以申請蘋果個基金，其他基金一定冇咁快幫到你))

所以我結論係，醫療唔多唔少都要買，中高端就睇你preference
但at least買D基本既，你起碼可以低D成本入私家斷症，剩係呢樣都可以幫你慳好多時間

你大病入公立，你死唔去既話好大機會醫生都唔會同你斷症，減輕左症狀就會叫你走架啦…
好多人入公立都唔知自己咩病架

同埋醫療保險算係一個分散風險既投資
你可以當係一年畀一舊錢，去避免有事時有筆好大既開支而你負擔唔到
而危疾主要目的只係為左你病既時候既生活開支
呢樣我覺得如果你儲開錢既話，呢樣唔係一個最必要既野

睇你既需要
你冇老婆仔女要養既話，人壽係接近冇用既
人壽係你唔好彩瓜左先有錢畀你D親人

危疾就係你病嗰陣，你返唔到工既時候既開支
(OR你鍾意可以幫埋醫病)

一般危疾會排先過人壽
但有家庭有樓供緊既話，有機會你需要人壽多過危疾
(例如你家庭兩個都有返工/病都唔太擔心收入，中短期開支唔係問題，但你萬一瓜左會導致冇錢供樓，而你想留返D野畀你個家庭既情況)

有
萬一你有個病中咗，死又死唔去，但係要醫要手停口停
咁人壽仲有咩用
正路係醫保-危疾-意外-人壽咁排序

如果你好在意人壽，不妨留意一下無儲蓄成份嘅人壽產品無乜a準肯sale

(俐伸我真係唔係做保險，都可能有錯)

我諗唔係睇槓桿大細問題，同埋唔好諗去到尾有機會拎返呢樣野 (因為你買保險並唔係為左考慮到65/85歲拎返呢個問題，係為左個保障
你計最後拎返既回報，點都一定係差過你普通投資)
同埋追post係話有D非儲蓄既危疾，槓桿一樣會大D (但保費年年加，同埋好似去到某個年紀就唔保，呢樣我冇睇過就真係唔知詳細)

你個情況我覺得係危疾>>>人壽
(或者兩個都要買，你既背景唔太適合揀一)

假設你有危疾，唔一定死但要一路醫既 (e.g. 癌症)，你會冇收入，亦拎唔到人壽筆錢
而你老婆冇做野，仲要養小朋友
咁你就要諗你病嗰陣你邊度黎應付你租樓/養家既支出
- 你一係用你既積蓄 -> 咁你就要平時都做到好好既資產分配，確保你唔做野都有錢養家
- 一係你講緊你係生意人，你可以唔做你都可以有被動收入
如果你只係打工，打工你極其量都係有薪病假半年啦？但如果係大病，講緊可能你2-3年都未必返到工，或者你之後返到工都冇咁既生產力
咁呢樣野係危疾所保障既範圍，即係有舊錢畀你生活
(危疾既病唔一定會即死)

人壽係講緊你過身你先拎到錢
咁你如果唔買危疾既話，有咩事導致冇收入，你係會寧願死左先幫到你屋企既支出
咁樣我諗唔會係你買保險既目的

當然，假設你本身有好穩定既被動收入，你唔死都唔擔心冇錢既
咁你買人壽，就係為左你過身時，你屋企人都仲有一筆錢去適應冇左你既情況
就好似佢地可以拎住呢筆錢，老婆keep住唔駛一定出黎做野都可以生活到

我會睇兩者都係投資黎，係用每月/年既固定支出，去減低你突然有咩事時既生活問題
(而同時唔會諗冇事可以拎得返呢個因素，因為我覺得冇事拎得返只係bonus黎)

想問自願醫保富衛個一折投保有無伏
HKD 240/年標準plan 幾抵

想問下上網投保同經agent 買，跟進上有無分別

經保險公司，孤兒單問題會唔會好嚴重？(例如唔答你問題)

我屋企人經銀行買保險，claim 份危疾，剩係份form 都要我落分行填兩次表，又無人教邊度攞醫療文件，打電話上客服剩係識不停話refer 返封信

最後問個做保險有關行業既人先知差份病理報告(同醫事報告又唔一樣)

又拖多40日先claim 到

我全部都係一個問題覆1個咋

係另外一個巴打一野幫我洗咗好多

佢自願醫保其實同佢母公司嘅幾乎一樣，但係因為冇咗個agent跟價錢都平幾舊水，如果想自己一手一腳處理晒，咁佢都係個幾好嘅選擇嚟嘅價錢係平。至於索償上面我就冇得接觸啦，但係就咁聽都目前冇乜話拒絕賠償嘅經歷，但係審批嚴格與否就我都唔清楚。但係佢嘅自願醫保係只係得普通計劃可以買，中高端計劃係冇得買，咁就冇咗大病完全轉嫁落去保險公司呢個想法，變咗淨係保障小病小痛，大病返公立我就覺得唔係太好。

至於佢個危疾就係一個定期危疾，包含42種病，如果用包含嘅角度來講佢算係比較少，因為坊間保險公司普遍都講緊50種以上同埋有早期疾病包含，紅色係直情有差唔多100隻，如果大家都係買單次嘅咁點解唔係買一個保障疾病範圍比較多同埋廣泛嘅，價錢都係差唔多。

自己如果考慮網上嘅我會考慮綠色虛擬銀行嗰間，佢有個癌症保條款好正嘅，就係確診初期癌症後，往後保費唔需要再比，之後如果惡化至三期癌症，就會繼續賠償剩低嘅80%保額。呢個中咗招之後唔需要再比往後供款呢個條款，正正就係儲蓄危疾其中一個類似吸引嘅條款，佢放咗落去定期危疾身上，咁呢個可以值得考慮啊

希望幫到你

係

幾乎係冇公司會買到，因為情緒病好容易牽動自己做其他傷害自己嘅行為，咁保險公司都會唔想承擔呢方面嘅嘢，就會係直情冇得買咁滯

咁有咩公司會買到呢，b字頭公務員計劃就好有機會得嘅，因為佢會包含已知現存疾病。同埋藍色都有醫療計劃係包含已知現存疾病，呢個你可以試吓嘅，不過吡啶個心理準備你就係索償出名好麻煩，哪怕你係行內人都處理得好辛苦

希望答案幫到你啦

1.唔一定啊，你可以用agent broker，再唔係打電話上網買都做到(李澤楷staff)，價錢都係一樣嘅，爭在如果係佢旗下員工買返就會有個終身八五折。

2.如果你唔介意佢嗰個住院天數限制，同埋往後冇移民打算。選擇一個自願醫保會好過買佢個專尚計劃，有得扣稅，有得包情緒病治療，價錢仲要平25%買幾乎一樣嘅項目，係好抵嘅

但係如果往後有移民打算，同埋真係好介意個住院天數同埋ICU，咁就直接俾貴少少買專尚計劃會係比較好

3.係，可以向下兼容，但係向上就唔得嘅(除非特別情況係醫院特別要求唔係客人自願想提升)，咁所以係用到嘅。爭在c字頭就係全亞洲區都係半私家房，f字頭就係香港澳門大陸半私家房，亞洲其他地區係會入住私家房，算係比較好啲嘅

希望答案幫到你

醫療保普通人係買幾錢保額？

唔該巴打 如果醫生寫紙証明好翻咁之後有冇機會買到