恭喜李慧詩奪奧運場地單車女子爭先賽銅牌

77有連線訪問now

李慧詩：
香港隊有好成績會激動，我今日話係咪睇錯，香港有咁多塊金牌，佢哋就數俾我睇有乜嘢項目

德國果二個根本最勁
反而加拿大果個算係第三

Thank you

李慧詩：
我鬥200米嘅時候，係第九名，比賽同我玩大富翁一樣，未到最後我都唔知會唔會破產，會唔會贏

李慧詩：
攞牌意義係喺我同工作人員拼搏嘅意義，工作人員嘅犧牲比運動量更加大，佢哋同我一樣都係冇得見屋企人，佢哋放假嘅時候俾我哋少，我哋休息嘅時候佢哋都喺度工作，功勞一定係佢哋最多

李慧詩：
我第一時間會諗起沈教練，我哋一齊喺運動場上邊17年，雖然今次我達唔到大家嘅願望，我哋希望攞到金牌，但最後我都希望可以多謝佢，當然普教練一路都係我心入面，今次嘅比賽我一路望住個天都會諗起佢

訪問李慧詩個卡士勁到

最後係咪佢拎金牌?

其實佢可以踩到34歲已經好好運

李慧詩：
唔係比賽嘅時候諗點樣做得更加好，係係比賽前諗好會發生乜嘢事，賽程出咗就會寫低一個時間表，令自己集中精神唔會諗得太多野，寫低一個突發嘅列表，可能出現嘅狀況，再寫低點樣應對，到真係有咁嘅情況出現嘅時候就唔使咁驚，好似200米比賽嘅時候我都有寫低，如果我排名排得唔好，只要有危機應變，到真係有事嘅時候就會事半功倍

李慧詩：
我屋企人唔會俾我太大壓力，唔會問我哋太多運動員嘅嘢，身為運動員嘅屋企人，無論我點樣佢哋都會支持我

MITCHELL Kelsey

李慧詩：
我覺得年紀唔係好重要，反而心理年紀更重要，做運動員最重要係有拼勁，如果你冇嘅話20歲都可以退役

唔知點解李慧詩特別令人感動

李慧詩：
由細到大都好鍾意寫日記，朝着寫日記個方向去諗究竟我可唔可以寫到一本書，而家就開始讀緊關於寫作嘅嘢，希望喺奧運之後嗰兩年都試吓下苦功，睇吓有冇機會可以出書俾大家睇

樓主幾有心, 支持

李慧詩：
我仲係考慮緊今年退役

李慧詩：
2017年嘅時候都諗住退役，希望陪多啲屋企人，但唔同嘅原因都希望幫香港繼續攞獎牌，今年都打算嘗試放低運動，只要我一直保持運動我嘅狀態都會翻返嚟，如果真係要去巴黎奧運

李慧詩：
我唔會諗一個接班人，我希望成個團隊去強大

李慧詩：
今日啱啱同一個馬來西亞運動員阿旺傾偈，佢同我差唔多年紀，佢問我會唔會繼續，我就反問佢，佢就話未必會停，但係會for fun

冇人知三年後會發生咩事，而家我暫時考慮退役

佢每粒字都好想聽清楚記入腦

唔該晒樓主
好想睇返個訪問，錯過咗