東涌樓討論 (1)

噢係...露台要東環星薈映灣園

小弟住過海堤, 現時藍天, 仲有兩個月搬昇薈
自己覺得其實環境係海堤好d
因為海堤每一間d景其實都會幾有水準
但海堤有兩個問題,
如果係買我覺得有機會要預一筆裝修錢, 因為開始有年紀
通常廁所同廚房以現時既標準已經唔太接受到
另外就係海堤個樓底同東堤一樣係偏矮
如果接受到呢兩點既話咁海堤我個人覺得>藍天

請問三房六百呎以上買邊到平靚正

露台其實藍天都有
但新期數去到影岸紅先會大得多同實用D
舊期數既藍天唔係層層有
係隔層先有, 仲要好細, 連擺張凳都好勉強

映灣園, 真係最平,
而且最好買一期,
因為一期既用料係最好
但都可能要預筆錢裝修下

好睇自己想要咩同埋有咩
東堤對某d人黎講可能outbud
lumpsum 始終比較大

唔緊要，屋企人做裝修，請問咩價位

海堤去睇樓時發現向山景其實靚過向海
個纜車景睇日落好正
不過樓底真係矮, 好似得2米5左右,
同埋海堤感覺唔夠光, 尤其同藍天比
藍天大窗, 廳勁光, 不過廚廁細D
會所應該藍天會正好多, 海堤聽AA講會所好一般

舊期數藍天好似隔層先有, 打風落雨時無左樓上既露台頂一頂會唔會自己食晒

Sorry無跟得價好貼, 可能要靠師兄自己去28hse(個價自己mark up番10%)搵一搵或者問AA
但係東涌既屋苑係公認映灣園係東涌出名最平
大食夾抵件, 成交都活躍
但係長實樓, 所以用料同價錢成正比
二三期既電器係豐澤牌
反而一期係jumbo
仲有樓下管理等等會引伸小小問題

P.S. 佢有shuttle 來回東涌站

樓下管理有問題

如果四期我覺得都仲行到去地鐵站, 一期就真係100% SHUTTLE
如果唔介意映灣都真係正, 個沙灘會所有細路仔既話好屈機
同埋行山又方便

而家2房好似係七百頭, 3房應該800零?

其實海堤最靚景可能會係一座C同D
但其實真係我覺得都各有各正既
唔夠光係因為有d廳 唔記得係咪C同D 係夾住所以早定夜都比較難有光入
海堤間屋仲有其他小問題,
例如d兩房單位(因為我之前都係睇兩房)
一入門口, 中間係廳, 過左廳兩間房係門口盡頭
咁成個單位係長方型, 個廳擺野就好有難度
會所係雞d, 但講真成個屋苑得4座
你要佢好大其實又唔太合理
我少用會所, 但覺得你要佢有既野都有d我就當佢合格
藍天個會所以前未有水藍天時覺得好d, 疫情前時覺得有d多人

無乜特別感覺 覺得還可以~

其實長實好多樓都唔知點解過幾年業主同管理署就有少少矛盾
咁因為我最近搬所以有同我個AA傾過下
話說就係映灣園個管理費就年年加
所以業主就開始係度嘈
咁原因係個shuttle其實對映灣既住客係平時無收錢既
然而個shuttle開支就其實對成個管理既資金入邊個負擔都好重
所以年年就變相成本增加就加左落去個管理費度
但如果我無記錯, 映灣園現時既管理費依然係咁多個屋苑最平(好似係
最平仲要比其他屋苑多左個shuttle.. 算係咁啦

老實講我自己唔係好頂得順佢個個金碧輝煌既大堂風格
我覺得佢整體樓下同屋苑唔少地方都覺得有d俗
我當初係06年搬入東涌
個時有睇過映灣同海堤
映灣已經覺得有d俗, 宜家睇就好有金玉其外敗絮其中既感覺
當然未真係住過, 唔敢亂評價
只係自己個人唔鐘意
但入邊用料差係真. 之前AA帶我睇過一間兩房
入邊d門已經好似就黎晦到要爛咁..
講真, d屋既物料, 真係敲下d房門已經高下立見

我都係海堤做過下功夫
C同D望纜車景, 一二三座應該差唔多, 第5座就零零舍舍比較遠所以個景唔同, 個景好靚
D係正常廳, C係長方型, 難少少擺野, 但我覺其實都還可以
F個個長方型先係經典, 廚房係間屋中間, 對住廁所, 痴住睡房
諗呢個則既人真係天才黎
AB個邊就機場景, 又係勁靚, 但係海邊向北唔知冬天會唔會死....

我諗分分鐘兩房仲有六百中

係最平, 年頭問過, 有SHUTTLE有大會所, 所以就算年年加都係抵絕東涌.....

映灣唔知係唔係真係太多單位, 插就實有佢份, 升就好難升得起
藍天2房都叫緊8球了

話說早個排睇過荃灣環宇...
7年樓見到管理處係大堂出面擺水桶接滴水
嚇到對長實樓有陰影

1座同23 唔同, 23有1座檔住
一年前有個1座好似係D, 個景極靚
開7.28M 我無買, 因為個時我失左業
到我上個月睇 under 8M已經無乜得揀
得d無樓睇但可以交吉既得番一間半間

咁座數多單位又多, 最平好似仲可以接受既

但係早排我老豆都有同佢個AA傾計
映灣園依然係我地區內數一數二多交投
AA講得好直接, "大佬平阿嘛, 又平又大, 其他野邊個真係理咁多, 有咩上左車先再講啦".
其實都真係駁唔到