東涌樓討論 (1)

東堤我住嗰間要經過走廊先入到去客廳，條走廊又窄攞唔到鞋櫃

映灣一入門口已經係廳，闊好多

不過東堤兩個廁所都有窗，依家映灣園兩個廁所都係黑廁

師兄係4期？因為好似4期先係黑廁

個廳加埋露台個感覺大好多

等我分享下我以前喺東涌食開覺得正嘅野，個人喜好，不喜勿插。

海堤樓下有間叫Food tree食韓式野，啲炸雞好好食，開左三四年都仲做得住

富東聖安娜嘅蛋tart好正，唔太甜個餅皮又夠實淨

東薈城羅麥記個瑞士雞翼撈公仔面又係超正

同樣喺二期正斗嘅白粥係我食過最好食嘅白粥，只係賣三十零蚊食一碗都夠飽

我係奶茶愛好者，基本上東涌所有餐廳嘅奶茶我都試過，凍奶茶最好飲係民華餐廳，熱奶茶最正嘅竟然係滿東邨嘅滿東冰室，口感夠厚又夠香，識飲一定係飲茶走

另外逸東邨嘅金銘粉麵檔，佢地開到兩點，我成日夜晚口痕都特登揸車去買宵夜，不過我推介嘅唔係粉麵，係佢地嘅凍啡，真係正到不得了。

迎東邨街市裡面間合和粉麵，個炸魚片頭相當好食

另外迎東一號茶記，晚市個菠蘿拔絲咕嚕肉佢新開張果時真係好食到震，不過後期水準好參差。

呢啲都係我以前成日食喺東涌嘅正野，有機會你地可以試下，我就無咁幸福了，係外國想飲杯濕鳩奶茶都要揸九個字車。

正喎

入晒鋪嘛，仲有金銘

一鍵黎明先

2、3期都係黑廁

等我幫你去食曬佢

聽聞金銘係黃店，另外炮臺嗰邊都有間黃店叫天湖食印度咖哩，下次去開嗰頭要試下

金銘堅黃

其實我都唔係太介意，因為只會住兩年
睇過向南內園個壓迫感好大
寧願大塵少少清潔得好d都好過望內園

但要預呢2年唔會點開露台門同曬衫
因為暫時樓下仲係地盤

因為係地盤...應該唔止大塵少少
不過望內園係幾樓望樓既

5/6座望番映灣園個邊超開揚，但可能14k未必得

多返部車去屯門

E36去元朗形點好似好快

美聯物業翟曉明指，一連3天假期，東涌錄得約7宗二手買賣，其中海堤灣畔1座高層A室，實用面積582方呎，剛以885萬元易手，成為屋苑歷來最貴2房樓王，較舊紀錄883萬元略為推高2萬元。

東涌都破15k

你哋無聽過好耐好耐之前有個風水高人已預言大嶼山會成為香港中心咩？

邊個高人

吳師青

想知朝早頭班/第二班e車(e21a)
去到東環/映灣會唔會已經full咗冇位坐/冇位上

唔會，好多人逸東去到映灣就落