(hehe) 初戀、廣東歌、香港

多謝
希望大家都有共鳴 就可以以文會友

有文

6月23號
// 隨片尾怨曲奏起了
這抱憾的結尾 亦算定稿了 無餘地
.
未來難共你安定
亦深感慶幸 遇過璀璨至歸零
以我哭乾的眼睛 對世紀之戀致敬// 《先哭為敬》 鄭欣宜

大家都知道呢一日會到臨
只係唔知道會加速得咁快
能夠令到香港人唔再對時事冷感 多謝蘋果
..
https://youtu.be/NwRPoas89Oo

先哭為敬係今年其中一首最感動嘅歌呀，仲有留下來的人同最近Ciao

https://www.instagram.com/p/CQgl2_EMPbV/?utm_medium=copy_link

估唔到仲有第二個version

六. (一)
//形象冷靜似壁畫 小鹿心亂逛
細聲水花的搖籃
似你輕聲的閑談
那看不清的容顏
那人是你吧 // 《小鹿亂撞記》 黃妍
.
十二月三十一日，除夕夜。
「你今晚有咩做呀？」Snapchat上收到他的信息。
「同班上面啲人出街倒數囉，不過我未confirm」
「不如我哋出街行下好唔好」
「去邊？我同你？」我猶豫着。
「係呀，去邊就再諗啦。」
..
「八點半，巴士總站等啦」他隔了三分鐘再補充。
「是個啦，陣間見。」我就被他約了外出。
.
那年的除夕夜，還是嚴寒的天氣，冷風凜冽，大概只有十度的氣溫。步行到巴士站，看見他玩着電話等候。他佩戴上一條深藍色的頸巾，外穿一件經典款式的牛仔褸，配上他日常的黑框眼鏡，簡直是典型的文青讀書人。

「我哋去邊度好呀？」他提問。
「不如去九龍灣，有megabox又有郵輪碼頭。」我指着一架前往觀塘的巴士。
「九龍灣好咩，去到都十點，商場都閂門。」我倆躊躇着。
「咁我哋附近行下，陣間再搵佢哋一齊倒數。」我提出。
「又唔好。」他說。
眼前前往尖沙咀的巴士靠站，他靈機一閃，捉着我的手臂，跟着身後的隊伍上車。
「我哋去尖沙咀？」我問。
「係呀。」他滿心期待和肯定。

登上滿載乘客的巴士，走到上層最後排的座位。我取出耳機，一邊聽着音樂，一邊欣賞窗外景色。巴士離開屋邨，奔馳公路，登上天橋，駛進隧道，踏進熱鬧繁華的尖沙咀。這趟車程，一如以往的舒適享受，卻真抱歉，我沒有留意身邊的他。
.
下車後，沿着彌敦道前行，右轉經過半島酒店，酒店前方的噴水池依舊讓人目不轉睛，看個不停。橫過馬路，路經太空館和文化中心，鐘樓近在眼前。除夕夜的尖沙咀人山人海，一群群年輕人，一對對情侶，一個個家庭，到處都是等候倒數煙花的群眾。

「尖沙咀好多人呀。」他率先打破沉默。
「唔使你講我都知道，仲有兩個鐘先倒數放煙花，我哋喺海旁行吓。」不太喜歡熱鬧的我冷淡回應。

雖然四周都佈滿遊人，但是仍然能夠遠眺對岸的景色，摩天大廈高聳林立，天星小輪緩緩渡海，維港海浪微微泛起。飽覽眼前的景色，使我暫時放下這一年來的經歷。

「香港原來係咁靚。」 他說出我的心底話。
「係呀，你有冇去過郵輪碼頭，啟德嗰個，都睇到咁靚嘅維港景色。」我回應他。
「冇喎，啟德喺邊度我都唔知，我認唔到香港啲地方。」
「等我下次帶你去啦，你知唔知對面岸係咩地方？」我指着對岸問他。
「我淨係知中環同銅鑼灣，但係我都分唔到邊度打邊度。」他一臉疑惑。
「你眼前左至右望過去，東區走廊、北角、天后、銅鑼灣、會展，即係灣仔。之後就係金鐘、中環，即係你望到個摩天輪。」我稍感自豪向他逐一介紹，同時感到難以置信，中五學生居然連香港島地方都分不清楚，枉為十六年香港人。
「你好叻呀，知道咁多地方。HKU呢？HKU喺邊度？」
「HKU喺西區，你當中環右邊再過少少。」我認真地解答。
「嗯，將來我要考入HKU。」他天真無邪地說着，像是開口便能收到Offer一樣。
「你鍾意啦。」我敷衍地回應，繼續靜心欣賞眼前的家。


配上一張電話相簿多年前影落嘅維港
完全低清 但係經歷令到張相更加有味道

有文

有文

估唔到成個故事出現第一個地方寫景係尖沙咀
陸續有嚟

見到多咗兩個正評
非常歡迎大家留言講啲無聊野 我都會覆

唔講以為樓主寫緊我個故事

新讀者 祝福
而家仲係故事開頭 或者大家都有類似經歷
希望你可以撐過艱難時刻

有文

吹水台

P牌朋友 歡迎

Why not 得我自己一個upload好悶的

未甩P

六 .（二）
// Tonight Tonight 如記憶在歲月錯亂
這一晚你的一張臉活在永遠 // 《Tonight》 AGA

遊人越來越多，距離倒數新一年越來越近，溫度亦越來越低。衣衫單薄的我，連口袋唯一的暖包都失去效用。呼吸着冷空氣，仿似在大雪櫃行走一樣，最終不敵寒風，不禁低頭「乞嗤」一聲。

「你凍呀？」他對我問。

「少少啦，冇睇天文台，唔記得着多件衫先出嚟。」

「我除低我件褸俾你啦，怕你冷親。」

他果然把大衣脫下給我穿上，大衣上留下的餘溫，足以使我得到溫暖。

「我除埋條頸巾俾你戴啦。」

他把頸巾從我的頭上套至頸上，一向不喜歡被頸巾勒住的我，默然地接受了他的誠意。

「我怕你凍到病，病咗就冇人同我出嚟玩啊。」

他一臉無辜望着我，正是ಠ_ಠ這個符號。
我沒有多作表示，只感覺到身體上陣陣溫暖。不過，當他脫下大衣和頸巾之後，他開始寒噤起來。看到他的情況，我開口問他：「到你覺得凍呀？」

「無呀。」他假裝若無其事地回答。

「好喇，就算你凍，我都唔會除番件褸俾你㗎。」我調皮地說着。

「乜你咁鍾意我件褸啊，拎去着囉，你鍾意就OK啦。」他說。

於是，我便繼續穿上他的衣服，等候倒數。
.
十二點快將到臨，四周水洩不通，途人都開始停下腳步。

「喂，我好凍呀！」他叫喊着，我卻沒有任何行動，雙手插在牛仔褸的口袋。他趁着周圍擠迫的環境，乘機將右手插在左邊的褸袋中，高度剛剛好，不會顯得屈就或辛苦。冰冷的手背碰上微暖的手背，手和手纏綿起來，反手、疊手，最終竟然十指緊扣起來。二人都沒有對此多說一句，默默在褸袋牽着手，渡過這年度最後五分鐘。第一次手拖手的感覺，就這樣在口袋中發生。
.
「五、四、三、二、一，新年快樂！」附近的人一同迎接新一年。
我從口袋把手取出來，雙手合十，低頭許願。

「新一年有咩願望呀？」他問我。

「都係嗰啲啦，身體健康、身邊人平安、世界和平咁囉，你呢？」我反問他。

「Ummm... 我唔話你知，講咗就唔會實現。」他回答。

「咁不如搭返巴士返屋企？」我另開話題。

「好啊。」

登上巴士之後，我不知不覺間入睡。醒來的時候，發現自己靠在他的肩膊上，不知所措之下，我裝睡起來。直至臨下車的時候，他拍一拍我的身體叫醒我。

「醒啦，返到屋企再瞓啦。」

我們就在車站道別，各自各回家。
.
那年的最後一晚和這年的第一天，都有幸與他渡過，亦算是我們之間第一次跨區外出。

有文