(hehe) 初戀、廣東歌、香港

9月16號
//聽朝散聚誰先飛 未及嘆氣
細緻收起 曾同行一起的美
懇請每天
好好地過安定還是冒險
好好掛牽
來日後見// 《Ciao》RubberBand

https://youtu.be/fpjJmMDyjvM

新學年身邊有好多無論係大學同學定中學同學都飛去外國讀書
面對離別 確實係好唔捨得同好唔願意
好似一直以嚟製造共同回憶去到要完結時候

不過反而更加珍惜仲係你身邊、可以隨時見到嘅朋友
希望去到外國生活嘅香港人仍然支持住香港嘅所有野

Lm

做咩咁嘅樣

祝大家中秋快樂
https://youtu.be/svZQdc2U5jY
https://youtu.be/W73UOP-SVfo
《月球上的人》周國賢
《月球下的人》李幸倪
//天陰缺月有時// 《離不開》 謝安琪

月亮自古以來令人有好多想念思憶
無論點都希望大家幸福

中秋節快樂呀樓主

BTW，《月球下的人》好聽呀，可惜當年係力推《雙雙》，同埋出面都好似識《雙雙》多啲

我自己鍾意月球下的人多啲 好有意境
不過雙雙係容易上口k歌兼轉公司1st plug
所以捧呢首都唔出奇

我鍾意佢個編曲&Gin Lee個唱法，兩者都係偏向柔和一啲
聽落好舒服

剛剛好聽緊月球下的人
中秋節快樂

https://youtu.be/Pb8PyFxwmsA
月亮說：各位中秋節平安

撈月亮的人

十五.
//季度裏事過境遷
蝴蝶終於蛻變
再沒留戀 誰的臉
往日兩位少年// 《四季》陳奕迅

沒有特別事的課後，我和他有時走到學校圖書館，有時行到附近的公園，有時閒逛旁邊的商場。地點事情都不重要，最重要的是我和他能享受獨有的二人時間。尤其踏進中五下學期，他忙於自己的校隊訓練，我也花時間在補習學業上，我倆隨意揮霍下午時間的機會，變得罕有和難得。

這天，我們走到屋邨的麥當勞，惟獨路途上他比平常寡言，似是心中煩惱着些甚麼。

「做咩你今日咁靜，都唔講嘢嘅。」我取出單行簿邊抄寫筆記邊說出。

「係咩？」他對我的提問不太上心，雙眼盯着電話屏幕的轉珠畫面。

「係呀。」

「我有啲嘢唔係咁開心。」他將電話翻轉，抬頭與我對望。

「咩呀？」

「我覺得你最近同隔離位個男仔玩得好埋。」他猶豫地道出。

「咋，佢咋喎，低能仔嚟，人地仲要係直男嚟。」

「但係我見你哋玩得咁close，我睇到有啲唔舒服囉。」

「你擔心我鍾意佢？唔會啦。同埋你同你啲朋友咪又係玩到咁close，坐埋大脾咁樣我都未出聲啦。」

年少氣盛，過度強悍的自我保護機制，總是把不該說出口的話如同利箭般射出，卻又自以為言之成理。

「對唔住囉，我唔知原來你咁介意，你又唔出聲。」

「而家我咪同你講囉。」我仍是言之鑿鑿地說。

「你而家咩態度呀，我都係提出自己感受啫，有咩錯。」

「你無錯，你啱晒，我錯，咁得未？」

我說出這句話後，雙方都沒有再說話，也無法得到彼此的諒解，各自做自己的事，他玩着他的手機遊戲，我翻閱着我的筆記。可是，沒有下火又怎能把知識記進腦袋呢？甚至連半隻字也放不進視線內。此刻的我，只想逃離現場，找一個沒有他的地方。他可能也跟我有相同的想法，專心在屏幕上，我就如透明一樣。

「我返屋企，掰。」擺低這五個字後，我便捧起書本筆記，背上書包，離開餐廳。

「喂！」

聽到他的呼喊聲， 我卻扮作聽不到，頭也不回地離去。
.
地點不一定是麥當勞，可以是在公園的長椅，或是巴士的上層座位，又或店舖的門口，但這必然是你和我都經歷過的故事。如今，我相信我和你也獲得進帳，不再輕易出言傷人。

呢段係我上星期經過同一間M記時候
諗起曾經同佢放學孭住書包入去閒坐一個下午
加上呢一兩日中秋
去返一齊到過嘅公園、商場、同一段路
察覺時間過得好快 原來已經幾年之前

推

hi

乜又係你呀陳生

故台老海鮮係我係我
依家睇少左好多故了