Pokemon玩具討論 #6

靚到不得了

終於，壽屋的小優都過黎埋，可以連埋上次MF瑪俐一次過拆箱
雖然兩隻唔同廠出，但兩盒擺埋一齊360度完全0唯和感




先拆最鍾意的瑪俐

瑪俐算係今次pokemon意外少數非壽屋而係MF出的figure，所以設計上可以見到同一般以往的design唔同，作為拍檔的莫露貝可係固定係包包上面，而底座和本體亦係分開同雖另外組裝


說到底座，這次瑪俐的底座係採用咗獨特設計，係屬於瑪俐故鄉尖釘鎮的道館標誌，該標誌在瑪俐的包裝盒上亦有顯示


講番本體，雖然之前冇買過任何MF的figure，但都知道MF係figure界一直都係作為大佬級別的存在，更有所謂御三家之稱，所以今次的瑪俐無論係做工，細節方面都是相當的細緻和令人滿意。


比如說包包的紋理，手上的代表暗黑球，和項上的吊飾都做的十分仔細，手上的黑色指甲油亦有逐隻的塗上，衫上金屬的部份也用了獨特的金屬色，做到100%完美還原遊戲的形象


唯一可以批評的地方大概就可能係手臂和頭髮上的分模線比較明顯，呢個亦都係其他唔同地方開箱評價瑪俐的人所疚病的地方。


不過由於呢d地方都算係係d唔顯眼的地方，所以整體黎講對於瑪俐我都係非常滿意的。


開完瑪俐，輪到小優


這次的小優是一如既往的壽屋1：8 polemon figure系列（說起來這次mf的瑪俐雖然沒標明比例，但和小優看上去也是差不多，所以應該也是1：8？）
底座一如既往的標準精靈球樣式，和人物固定。至於精靈即是和人身物分開獨立擺放



至於其他地方，雖然比起MF，壽屋的名氣相對沒有那麽大，但我認為在pokemon 的figure上面，壽屋可以講係做得非常仔細。這次的小優無論係衣服，帽子，手上的極巨手環包包的設計紋理上都做到相當的仔細和還原，手指可以清楚看見指甲上的紋理，在適當的地方亦有打上陰影，而且整個造形上亦冇搵到明顯的分模線，可以話比起MF的瑪俐有過之而冇不及。







算上之前的小光，這次的小優算係我第二隻的壽屋 pokemon figure，小優不算係我相當喜愛的角色，這次會買亦主要係想同瑪俐湊一對，但無論係之前的小光定係今次的小優，壽屋在pokemon figure上的仔細呈度都令我想當驚喜同對佢充滿信心，所以黎緊我亦都有訂埋壽屋竹蘭和列咬陸鯊，希望到時也不會令人失望


最後最後當然要來一個瑪俐，小優大合照

同時，為咗個令個陣容更震撼，我已經訂埋figma的小優和瑪莉，打算湊齊sw，figma，1：8三pair的小優，呢個亦都係我第一次購入figma的可動pokemon系列，不過可惜既係figma的小優瑪俐一個延期，一個要到11月才出貨，要真正湊齊三pair應該都要段時間，希望到時有機會再post上黎和大家分享吧

樓上高質開箱文

agger樓上高汁文
希望土人出埋小優

出得又幾好
1:8 size正
最怕1:6

好正 樓主PIN?

樓上高質開箱文

咁高質都有負評
有冇咁多on9呀

得罪毒L小圈子果然無好下場
留個言又10個負評

scale world個系列幾時先出哂800幾隻精靈

151都未搞掂，諗800隻

吼吼鯨已經出唔到啦

呢隻要出唔知有幾大隻

如果出到去啲超極巨...

https://www.pokemon.jp/info/goods/detail/20186.html

拉到中間

吼吼鯨唔係好大隻咋喎 吼鯨王先大

有scale world

本身訂左
有咩特別

一係先行發售一係展示?

先行發售咁得意？
都訂左
pass

見到大家好多Pokemon玩具 好想買番套 有無巴絲知邊到有得買

你想買咩先

細細隻個啲Pokemon 細個成日買第一第二第三代 依家大個想儲番一套

清類似嘅野有好多喎