話說上個月復活節假有一個禮拜時間，即刻上網睇下有咩地方可以去，由於時間同錢有限，一直搵唔到啱既地方可以去。突然係個大陸旅行app見到元陽呢個地方，簡單睇左介紹同相之後，就好衝動咁決定去呢個連係邊都未知既地方....
首先貼幾張網上睇到既圖俾大家j下先
靚到痴線
上網略略睇過去元陽一定要經昆明先，去過雲南既巴絲都知昆明好似一個中轉站咁，無論你去麗江 大理 瀘沽湖 香格里拉定西雙版納正路都要先去昆明。
因為budget有限，我想盡量慳錢加上未搭過大陸長途火車想體驗下，所以決定去程係廣州搭火車去昆明，回程再搭飛機返黎。
Day 1 + Day 2
從來未試過一個人返大陸，諗返起都唔明自己當時點解咁夠膽
好彩既係今次成程都冇咩意外發生/冇唔見野
第一站係經深圳上廣州先，太興奮想快啲到目的地既關係中間冇乜點影相
唯有用我記憶講返俾大家希望你地唔會睇介意太多字 上面張圖係廣州既地鐵冇做好research既後果係，要行好多冤枉路
話說廣州有幾個火車站，去昆明可以簡坐高鐵或者普通火車，我個陣on99去左高鐵個廣州南站，係counter買飛先知我要去既係廣州站
可能大家會問點解唔坐高鐵 唔係快好多咩？
絕對係，仲係快好撚多
坐高鐵8個幾鐘就到昆明，普通火車係要坐27個鐘
但係價錢當然都爭好遠，高鐵單程人仔434.5 同搭飛機差唔多 普通火車單程人仔192 雖然時間差唔多係高鐵既3倍
幾經辛苦終於上到火車，係上車前我買左幾個杯麵同零食靠佢地過呢27個鐘
坐完既感想係，環境冇想像咁差，廁所個啲都勉強算乾淨既，比起大陸街邊啲公廁既話
成車得我一個香港人，其他都係拎住一袋二袋既大陸人，多數都係返鄉下我諗一開始down定幾套戲打算係車睇，諗住睇哂佢又訓下應該好快到。我坐既位係三個人一排，對面係對返鄉下既昆明夫婦，隔離有2個大陸仔咁，其實啲位冇間隔係逼到仆街，3條友逼住一齊坐，好彩過左幾個鐘隔離有個大陸仔落左車，算係坐得鬆動少少，但都係好難訓到，好後悔冇帶個頸枕去
其實一開始真係好悶，想訓又訓唔到，出面黑哂咩都睇唔到，帶左一個尿袋去好快就睇戲睇到冇哂電，最後on99冇野做同隔離大陸仔吹左成晚水，總算涯過左一晚
恰左陣到第2日朝早日出，咁啱架火車經過貴州，望出去啲風景靚到仆街
突然覺得搭左咁耐都係值得，原諒我電話冇乜電影唔到相大家睇，淨係可以上網搵下貴州類似既風景圖
同呢張圖差唔多，我睇到哇哇聲，真心覺得好靚，大陸仔就問有咩咁好睇，佢地鄉下周圍都係咁
又再醒下訓下發下呆望下風景撩下隔離左右吹水，終於到昆明
出住咁多先，留係昆明訓一晚到第2日就出發去目的地元陽，認得我啲相既朋友勿相認thanks
好後悔唔夠時間留得一日係元陽，好多地方都無去
仲要睇唔到日出
其實冇想像中咁危險，如果屋企人擔心咪試下搵多個伴一齊去
