阿德勒心理學 - 討論

154 回覆

71 Like 5 Dislike

利登仔 2017-05-21 17:31:07

極力推介呢本書比大家，淺顯而明既哲學心理學書。用對話方式寫成書

簡介：
https://womany.net/read/article/7986

自己mark低既重點：
0. 阿德勒心理學違反好多常識觀念, 所以唔容易接受, 要用歲數既一半去接受 (假設你今日20歲, 你用心既話, 30歲應該就會學得到)

1. <決定論> vs <目的論>. 反對決定論, 支持目的論. 人經常用過去作為藉口而不自知. 但當你明白人生係目的論時, 就發現好多野係可以<改變>.

2. <人際關係>係所有煩惱既起源. 佢強調係「所有」煩惱. 呢part唔係好同意. 但係佢觀念正確, 人不為他人而活, 不應向他人尋求認同, 而係接納自己.

3. <人際關係>有分橫向同縱向. 縱向例子: 師生, 長輩後輩, 親子, 任何階級觀念. 阿德勒否定所有縱向關係, 否定賞罰教育. 人一定要橫向關係先會快樂, 要人人平等. 對任何人都應該用<鼓勵>既方式去相處而唔係去"稱讚"/"否定". 將所有人當做自己既朋友.

4. 擺脫<人生既謊言>, 例如工作狂, etc. 平衡人生既三大任務: 工作, 愛, 人際.

5. <課題既分離>. 人既煩惱同執著來自於將他人既課題當做自己既事. 例如介意人地既目光, 想控制愛人既想法, 被分手, etc. 明白有d野係唔可以改變, 亦明白有d野係可以靠自己改變. "將屬於我既課題, 同他人既課題徹底分離", 唔干涉人地既人生, 努力做好自己.

6. <所謂既自由, 就係被人討厭>, 要有被討厭既勇氣. 做自己.

7. 搵出自我價值，人只有覺得自己對人有用先會快樂。但記住<自我價值>同<受人認同>係唔同。<自我價值>係即使唔受大多數人認同，你都覺得自己有價值。記住不為他人而活。

7 (補充): 呢個思想有危險性，因為阿德勒強調每個人都執行緊自己既善。例如罪犯既<自我價值>可能就係犯罪都唔出奇。但只有呢種思想既人，其實先係真正自由。

-------------<上面幾點, 係幫你搵番自己，以下開始，係幫你更進一步提昇>--------

8. 想像自己係<共同體>既一部份. 但係亦都唔好太投入於某一個<共同體>，當係一個細既<共同體>裡面受到挫折時，就要放大自己目光，將自己投放係更大既<共同體>到。例如，係學校唔受歡迎，你就要明白自己係呢個社會一部份。你可以做既係更多。

9. 舞動你既人生！活係過去同未來都係有問題，活在當下先係明智之舉. 諗下呢一刻既你，有咩可以做！有就去做，唔好拖延。將自我意識降到最低，投入你可以投入既事。

10. 接納自己既<平凡>既勇氣，搵出自己既價值

11. 由自己做起, 明白呢個理論並實踐既人唔多. 正如第0點所提出...

利登仔 2017-05-21 17:41:46

有無人有睇