(有劇透)致不滅的你 呢套漫畫其實係咪就算點樣寫都冇可能會爛？

難為水葉老母唯一正常人
最後連老公都係教徒果下好震撼

不過佢咁對水葉都有錯
其實個老豆先仆街
利用個女威脅老婆

本身以泉嘅個性，佢應該會再逃走
離婚獨立照顧個女

我覺得果兩父女先仆街
一個有心 一個冇心
完全倫理道德綁架泉
泉個性格其實真係可以理解 咁多事物逼埋黎
好有共情感
老實講都幾貼地下
又鍾意selfie

阻止水葉然後呢？
等泉繼續當個女係攞獎機器？
成個人生任佢擺佈？
如果係呢一段嘅話
受傷人同加害人嘅分別應該好明顯

咁水葉一開始又無辜嘅
泉佢某程度上都只係利用水葉逃避緊現實

為咗個女唔離婚
又無路可走
結果將一切押喺個女身上

一
俾定義你都無咩意思
一來哲學term無定義的, 得傾向
二來有定義都可以拗好耐, 又要睇咩school
傳統來講, 享樂就淨係睇desires to increase pleasure/減痛苦
快樂就連結well-being, 亦可以係maslow triangle個種連結完滿/成就感

二
可以唔關復活事, 等於泉之前想殺假泉, 無明確表明佢想復活, 只係單純現實個個係假泉

三
唔係咩都冇哂唔係作者講喎, 作者係話記憶唔會留在腦海中, 換言之有部份三森同阿媽記憶係無咗, 唔單止係情緒
同埋你又點知係淨係極端負面情緒?
再之後見你提外界嘅牽連, 你都只係講緊被入侵個個人, 例如三森阿哥知阿妹係假, 一樣極困擾甚至被威脅, 水葉一樣有殺阿媽的記憶, 呢啲唔係外界嘅牽連?


我覺得有啲野, 例如吸毒個例子, 你明就明就得, 一要俾定義會好煩
等於我可以問你咩叫極端負面, 咁又要有排傾

唔好擅自為正常落定論
我相信任何一個辛苦到想死嘅人都唔會認同呢個世界有幾咁正常
話有其他方法解決ok
但有冇人做到先？
就算做到
咁未做到之前
中途承受呢啲野嘅人就抵死？
呢個應該就係之後劇情探討嘅點

阻止水葉
然後咪用番正常現實途徑解決

例如同阿媽溝通，
或者溝通唔到，咪學佢老母當年咁離家出走自立

同埋其實要接受
只要人有自由意志，呢個世界就有啲問題係解決唔到
例如三森最後都無令到仆街阿媽重視佢
但佢會有一個好錫佢嘅阿哥做新家人

呢個世界無完美
除非你學敲門者咁
隊死老母，隊死情離，打爆串嘴男同學
用異型換晒班人，做扯線公仔

吓咁水葉就唔慘咩
仲要係一邊成年人一邊係細路女
理論上應該為監護人保護細路
而家係調轉要個細路為大人嘅虛榮心服務
你同理到阿媽就同理唔埋個細路女？

我淨係知敲門者個解決方式一定係錯
我覺得今篇章主要想探討自由意志

某程度上
自由意志同不幸係掛勾
因為人同人之間想法一定會有衝突
拍拖會有情敵，表白會失敗，家人會唔愛你……

如果要自己100%幸福
就要學敲門者咁，
否決一大堆人嘅自由意志先做到

你可以話哲學冇定論得傾向
但我唔覺得你就可以咩解釋都唔講
咁嘅話你講嘅成段嘢都同樣冇咩意思

阿哥件事算係作者需要一個衝突位而整出嚟嘅劇情 可以話敲門者執行得唔到位比人發現 但呢個係方法要檢討 而達唔到討論呢個做法適唔適合嘅中心

所以都係返返去
你覺得總體幸福緊要啲
定係自由意志緊要啲
我冇傾向架 只係講緊漫畫到呢展示緊啲咩價值衝突

等陣先, 咁你係真係初初唔明定點
享樂幸福都比較直接
你係直程睇完吸毒個例子都唔明?

唔關執行事喎, 就算阿哥無睇到阿妹跳樓個段, 佢單憑對阿妹的認知都知道係假
簡單啲講, 只要係取代一個你好愛的人, 你就會自然知, 已經係你講外界嘅牽連,

明你講咩
但作者覺得呢一點可以探討下
同埋有啲事係「你覺得」
如果你問一個重度抑鬱嘅病人
可以比佢揀唔要自由意志但開心返
9成9都會揀開心返
咁作為旁人嘅我哋係咪有權幫佢哋揀自由意志？咁樣又係咪好？

問題係敲門者根本唔係為總體幸福
咁發展落去頂盡得水葉幸福
其他“人”只係為水葉而活

被寄生嘅人就失去親自面對痛苦，
同思考解決問題嘅成長機會

都係個句
要拗係咪幸福, 用得幸福呢個字已經係傾向敲門
基本上作者都已經答咗你

咁我又舉個例子
安樂死
你係咪又係要話佢想死只係暫時性
所以點都唔比人去死？
我唔講我立場
我只係講呢樣野大把嘢拗
唔好冇任何解釋就問我明唔明心靈感應咩

佢地可能揀死亡
但揀死亡
唔代表要讓自己個身體同身份俾隻異型用喎

人地可能想用死黎作最後抗議
結果就俾你隻異型擅自入侵
你話嬲唔嬲

有邊個「其他人」為水葉而活？定你覺得敲門者唔接手比老母逼死個女就好啲？

搭個嘴
其實真係睇死法
安樂死之所以咁大爭議都有你講嘅原因

所以全世界好少地方合法化

你呢個假設唔符合套野喎
套野就係無比佢揀
你都識講「作為旁人嘅我哋係咪有權幫佢哋揀自由意志」
咁「作為敲門者係咪有權幫佢哋揀無自由意志」

我上面咪講咗可以用正常途徑解決問題
唔一定要換老母

佢老母當初都無敲門幫手
咪又係自己解決

你嘅關注點係死咗嘅人點睇
但仲生存緊嘅人呢
死咗嘅人可以去樂園一了百了
但活著嘅人要一世承受陰影

全世界好少合法化我覺得主要嚟講係社會需要

個人睇法