「警察」呢個職業係咪有BUG?

最重要係主權喺邊個手上 嗰個人的諗法
icac的前身係反貪部 結果貪得最勁的就係反貪部
我諗icac呢類凌駕一切的機構應該由民選產生會好d？

如果無法律制衡，總統呢個職位都係有BUG，
但係法律點樣去執行完全係社會制度主導，
你睇下美國同香港黑警犯罪之後既後果就知，
一個就告上法院，另一個就俾政府死攬住

咁澳門咁司警同治安警咪得
一個負責落charge一個負責巡街

全世界都係黑架啦

唔講差佬

就算我以前小學做領袖生都好有優越感

覺得高人一等

更何況現實有埋槍 人地hi你一下又話打狗

平日出街有乜事同人嘈就金剛護手話自己係休班警

權力分散唔一定利多於弊 你所提出嘅建議就將權力打得太散

三級制度明顯有好大嘅bug就係政令不通行 同一件事原本可以一個局叫一個部門做 由該部門負責細節同執行 而家改成幾個局叫幾個部門做 做起上黎就會出現部門喺灰色地帶游走 互相卸膊 例如而家阻街咁 食環唔理 警察唔理 地政唔理 導致效率低下

況且你所講嘅第三級執法者現時都有 例如小販管理隊 交通督導員 控煙辦

同埋真係叫街坊黎做？市民熱心幫忙係好事 但難免有人別有用心

老屎忽文化到到都有 但係用合約黎規範就係對人不對事 幾年就換一批人咁點住有經驗嘅執法者？解決老屎忽同山頭文化係另一話題 唔詳細講

反而最需要留意嘅係職責模糊 由其是第二級同第三級 市民報案時唔識分 同叫邊個執法者 危急情況下報案中心根本冇時間分辯 亦容易出現上述部門互相卸責嘅情況

其實如果改做好似服兵役咁
每個公民輪流做2年警察
會唔會減輕到前線心態變態問題

唔記得聽邊個講 權力要互相制衡 因為權力會使人腐化 無論權力幾大幾細都要

樓主想點？曲線講到香港d狗係冇野？

嘩你咁認真覆我，多謝你

我都係隨想咁諗出嚟，冇仔細諗清楚

美國警察拆得比較多瓣
又多部門做監管
變咗多少少抗衡？

ICAC呢類反貪機構可以由民意代表監察 管理就唔好喇 唔應該受民粹影響

你咁講無權截都可以照截再屈你襲警
無意思㗎唔會係呢個方向解決到
要再上層監察或制度上改變
你睇香港就知

呢個真

做風紀都有優越感
以前做過班長
剩係覺得搵笨

唔緊要 我打咗幾分鐘姐

好可能會全民HEA做
好似台灣兵役咁
啲人笑服兵役只係剪草油油
(屌 係咪有咩錯左，好似出世第一次見兩個油字企埋一齊)

正常團體出咗事，對外點樣攬自己友，但內部點都會處分肇事成員，以免影響圑體聲望
警察呢個團體作為「執法者」唔多唔少都代表咗政權威信
對外形象更加要強硬，所以更會遏止警隊醜聞出現
當然佢內部一樣會打仔，以免班蛋散成日闖禍要執屎
而利用警權去維護政權嘅地方，因為要倚重呢班警察去做打壓，當然會縱容佢地對住要打壓對象時唔使跟足指引，事後一定會盡攬，以免影響軍心
政權穩定大於一切時，形象成本就唔係咁重要喇

肯定唔係基本法

我覺得民粹只係獨裁者用黎攻擊民主的字眼
唔通一人一票選總統又民粹咩
講再底其實都唔知咩係民粹

我諗最簡單的做法就係由民選議員組成
就每一件獲得社會關注的事成立委員會
類似立法會的權力及特權條例咁可以要求各方提交任何資料

拎法官同警察比已經係個極大嘅謬誤 兩者職能唔同 法官要用自己嘅專業知識 經驗去分析同判決
你會唔會攞機長同空姐黎比？

到底你點樣解讀到
我講既嘢係想表達香港啲狗無嘢?

冷靜啲睇清楚我講乜好嗎

但係喺民主的前提下點樣分配權力都係有討論空間
三權分立就係為左避免權力過份集中
因為咁好容易變成獨裁政權
今日係蔡英文做總統固然係好事
但他日變成韓國魚做總統就仆街

以前嘅icac算唔算有效制衡到？

獨調會係好 但淨係由民選議員組成就欠缺公允 至少委員會內一定要有同事件相關嘅專業人士列席 而且要審查背景 確保冇利益衝突