thanos 個理念係啱定錯？

原來你又係共產主義者嚟嘅

影響唔到
返到過去 嗰個過去就會變咗你嘅未來

影響到有dark dimension入侵就話姐
唔係嘅話人地至尊法師都唔理
你理黎做乜

點解?
同埋有樣野要更正
魁隆係令宇宙一半生命消失，即係包括各種其他食用生命，資源一樣少左。

害蟲都係食物鏈入面，無左一半都會影響靠食牠們生存既動物

電影版 啱
漫畫 錯
漫畫佢好似只係為左討好死亡女神

錯，因為經濟學上隨機無咗50%人都係處於消耗狀態。
詳情請睇史兄洪鴻文
https://link.medium.com/4o0AoN76Efb

其實講得啱架喎做咩咁多負皮?

應該睇有冇專長
set某d criteria去screen
如果唔係就要死

popcorn片原來有人咁認真討論

一定啱，唔洗唸

2. Thanos計錯數－政治盤算上
講返左膠對法西斯呢個比喻。我從中領悟到兩個道理：
道理(i)：Thanos最終會失敗（等2019年嗰套大結局下集啦），因為佢無一早提供安全港畀超級英雄buy-in佢哋。應該咁講，佢手套同寶石嘅能力係無差別咁殺一半人，唔可以揀邊啲人嚟殺，註定佢一定失敗。
如果佢可以揀人嚟殺，大可同班英雄坐埋枱傾：「嗱，我殺嗰一半人口唔包括地球人，唔包括超級英雄，仲有幾粒石頭用完會還翻畀你哋；你哋肯首，我做，唔肯，就殺死你哋再去做」。反正Thanos非常目標導向，佢亦無必要喺殺人之前浪費氣力殺其他人。又或者，如果班英雄爭取到呢個刁返嚟，真係「階段性勝利」－起碼自私無比嘅地球人一個都唔駛死；我估班有一半英雄會支持（Ironman咁世界仔應該OK、紅女巫為留住情郎都贊成、作為公務員嘅Nick Fury……應該贊成），另一半反對（隊長係原則派、Thor智力不高會堅持反對、Star Lord如果知道愛人會死一定反枱），之後英雄再嚟內戰II，Thanos大可坐收漁人之利。嘩，情境何奇熟面口？英雄一內鬨，Thanos使唔使揀人嚟殺已經非常次要－前題係佢有能力揀，或者呃鳩啲英雄令佢哋以為Thanos可以揀。
唔識講大話，又不諳人性，乃Thanos失敗嘅原因。
道理(ii)：Thanos另一個問題係一開波講打講殺，想要無限之石問都唔問就去搶鳩人啲嘢，從來唔諗埋枱講數。每樣嘢都有個價，文明啲，用錢、畀利息，用戴耀庭教授主張嘅商議式民主，OK?
有篇網上流傳嘅文章講過，事件嘅先後次序好重要，當中一個例子大概如下：
做學生去做PTGF，係貪慕虛榮；
做妓女去讀書，乃力求上進
無論理想有幾偉大崇高，總之先郁手就唔撚啱。套用Thanos身上，佢大可坐喺度等班友嚟搶佢啲石同手套，畀人迫到埋牆角，先奪取道德高地、拎咗光環，再作反擊。到時，佢會係正派，班英雄先係奸角。
───
3. Thanos計錯數－算術上
上面千幾字擺明玩嘢，認真咁講，Thanos呢個「隨機」滅一半人口計劃有冇問題？
有。好似標題所講，最大問題係計錯數。
佢嗰個「隨機」滅絕一半人口計劃，根本無助解決宇宙資源不足嘅問題。
假設宇宙有兩批人，一批不事生產，唔能夠養活自己嘅人（簡稱廢人），佔總人口比例中為p；另一批能夠養活自己之餘（簡稱叻人），佔人口比例為(1-p)，仲能夠生產資源養活其他唔夠資源嘅人。另外：
－廢人又好、叻人又好，每人生存所需最低資源為Y（每個人都一樣）
－叻人平均實際生產為X，佢哋食咗Y，淨低嘅(X-Y)用嚟供養啲廢人
成個宇宙計，資源係越嚟越多、定越嚟越少，就係視乎以下兩個數字嘅比較:
不事生產人士嘅整體要食幾多嘢：p*Y
Vs
能生產人士嘅整體食剩幾多嘢：(1-p)*(X-Y)
既然Thanos覺得宇宙支持唔到咁多人，即係廢人消耗嘅資源多於叻人儲低嘅資源，即係
p*Y>(1-p)*(X-Y)
（加返叻人食嘅嘢(1-p)*Y喺左邊同右邊，唔會影響結果；你乘返個宇宙總人口 “N”去個p度，亦唔會影響結果；當兩者嘅差額靠宇宙嘅資源庫存量搭夠數）
調左調右，四則運算
Y>(1-p)X
即每人生存所需最低資源Y大於(1-p)X。
寫咗十幾行公式，趕走晒啲讀者，重點？留意下，Y>(1-p)X，呢個情況，並不受宇宙總人口 “N”影響，只受Y, X同p（兩種人嘅人口比例）。即係：
如果Thanos嘅滅絕計劃為「隨機」，不單唔會影響到Y(每人生存所需最低資源)、X(叻人嘅平均實際生產)，更仲要係連p (廢人同叻人之間之間嘅比例)都唔會受影響。
解讀：「隨機」係呢堆計算中非常重要：因為「隨機」，滅絕嗰一半人，會按比例分配喺廢人同叻人嗰邊，結果廢人同叻人之間嘅比例(p)唔會有改變。
如果開始之前，總人口200，當中廢人100個、叻人100個，人口比50%-50%。Thanos計劃要滅100人，因為隨機，呢100個被滅嘅，將會為50個廢人、50個叻人，於是乎最後總人口100，當中廢人50個、叻人50個，兩種人嘅比例不變，依然50%-50%。
即係話Y>(1-p)X，依然無改變。
＊＊＊喺呢個情況下，實行終極滅絕50%生物後，宇宙依然處於淨消耗嘅狀態。＊＊＊

你就是資源, 到你老, 不能工作個陣再殺死你.
你話好唔好?

仲唔快d 生多d 資源出來比有錢人享用?

真最好笑係佢勁似社會主義者但去睇荷里活電影first cinema黎架，令你alienation嘅野都睇

關船到橋頭自然直咩事?
一件事 會影響到兩個人
一個人就認為件事帶嚟經濟效益
另一個就認為件事會破壞生態
咁兩個持唔同價值觀同唔同角去睇件事
你好難話邊個啱邊個錯架喎

安全套供應增加一倍

香港人諗咁多做咩 如果無一半人可以令個樓價跌一半 全部香港人都覺得佢個理念啱啦

所以生物減半 姐係豬牛個d都減
咪又係唔夠分 要爭資源

佢好似冇講船到橋頭自然直
做乜屈佢

咁事實上呢啲道德/哲學討論的確好難簡單一句啱定錯就得出結論
世界又何來有所謂「正確」嘅價值觀
佢冇講錯喎

咁Thanos又冇搞到淨低嘅人要瘋狂亂倫
算係咁啦