【BACKPACK攻略】行李篇——必備、不必帶既裝備 （下）
有咩必帶？
兩季必帶
- 護照 證件：身份證、學生證
- 錢 / 銀行咭 / 信用咭
- 底衫褲：下身呢D咁少布既野其實佔位有限，帶3-5條都得，bra比較佔位，帶一個替換，變態講句：可以一個著幾日。
- 底衫冬天我只會帶一件替換，夏天吊帶底衫就兩件。
- 薄睡衣一套（我唔帶替換，唔會日日洗，如有需要出門口前洗，晚上返黎就乾、著得）
- 一套出街衫替換（我唔介意張張相一樣衫）
- 一條薄連身裙最方便、或者著半截中長裙，剩係換上身衫
- 鬆身d既衫褲可以唔洗洗得咁密
- 襪：冬天我著Merino羊毛襪，佢既技術係可以比你5日唔洗，著一對、帶一對。夏天我成日著涼鞋出去，有需要就帶兩對薄襪，洗都快乾。
- 相機 + SD card、手機
- 以上既充電器（有需要帶埋尿袋）、USB線
- 上到網既 SIM card
- 萬能轉插，越多USB hub 越好
- 耳機 ：最主要用黎聽歌mute左飛機或者巴士喊B既聲。
- 拖鞋 ：防水、輕（夏天12蚊店好多超輕）、出到街既更好，可以住宿時沖涼出入著，我會著住沖，因為覺得外面浴缸都污糟，游水都可以著。
- 出街用既袋仔：唔洗下下出街都倒曬背囊D野出黎，我會有極細個斜揹袋，冬天直頭唔帶，要既野放係褸既袋就算
- 藥品：頭暈、止痛、清腸丸、舒筋貼。
- 沖涼毛巾：細同薄，可以快乾、唔阻位
- 洗面野：hand carry既話要分裝到100ml一支，你帶幾多支都得，但唔可以多過100ml
- 紙巾一兩包（可以買，但廢時啦又輕又唔佔位）
- 女士：M巾（一、兩塊得啦，要既到時先買都得）
- 指甲鉗
- 梳
- 棉花棒
夏天必帶
- 太陽眼鏡
- 非一般既殘眼
- 蚊怕水
- 防曬 ：男女都要，四圍都無瓦遮頭唔似香港，到時膊頭曬到甩曬皮再孭背囊生不如死
- 止痕膏：當蚊怕水無用時…
- 帽：頭頂易曬傷，微雨又用得
- 一對硬皮書封面咁薄既出街涼鞋或拖鞋：輕便、出街唔洗著襪，洗少樣野。
- 泳衣（除非你去非海邊城市）
冬天必帶
- 頸巾、手套，但我會keep住戴係頸、手
- 厚褸：當然著住啦，比多一兩千投資件著一件就夠暖、防雪、防水、防風、著到一世既雪褸，你唔會後悔。仲可以因為夠暖，帶少好多件衫。
（就算落雪，我extra heat tech+面衫+雪褸就夠暖，無雪褸既應該要著5層衫加件普通褸都未夠暖）
- 暖包幾個 （對我黎講）
邊D係成日會帶但其實唔等駛既野？
- 沖涼液、洗頭水、護髮素：如果唔介意用酒店果d ，但有d國家酒店唔提供（唔多既）如果十幾日內都唔會搭飛機，我會去超市買支2in1 Head & Shoulder，係果十幾日用曬佢。
- 訓覺保暖衣物：歐洲既暖氣四圍都有，好正，係室內你只著一層睡衣都唔會凍。
- N支鏡頭：除非你超執著呢方面，我一支廣角鏡+定焦餅鏡就得，影一張就換一次鏡人都癲。
- 腳架：對我黎講太chur，從來唔做，搵D高位墊高佢算。但有d人獨遊會需要既。
- 褲：一條長裙或者褲著住走天下
- N套衫：洗衫吧！ 同埋 apartment hotel有洗衣機，好方便。
- 幾個手袋：我有fd會帶幾個手袋，其實好徙位，皮袋仲好重。
- 化妝品：純粹我唔化妝，咁樣帶少好多野。
- 面膜同N支護膚野：係香港都唔用呢D野既我成日FF去旅行會敷住mask 睇電視、寫遊記。太天真了，試過兩次帶完無用過後，就唔再帶。
- 風筒：絕大部份酒店都有，無就自然風乾
- 電腦：唔好玩啦…公幹咩…
- 遮：冬天我直接著防水既大褸，夏天先帶 但我就唔帶既 戴帽算 要先買 無買過
- 飛機頸枕：慢慢會慣左唔洗用都沉睡到
- 遊記：又係想像得太美好既野黎。帶親都無寫，太攰同無時間寫，搭車、搭飛機時打係手機算。
最後就係：
其實唔洗怕帶少左野，果度D人都要生活，所以你要既野，
果度都會有得以正常價買到既！對自己肩背好D喇！
最多要幾多個?
