仲有三個月甩P 講下自己考牌經驗
我當時係報咗天光道考場
由19年大約七月考完強制試 排路試去到三月
點知撞正肺炎 最後排到七月
就膽粗粗即刻出咗一部CBF150嚟諗住練車
之後就只係自己揸 都係屋企附近兜下 完全冇去過試場度練
揸咗半年之後心痕就換咗一部Ninja300
嗰時仲係學牌就已經換車
去到考試前三個月 就凌晨偷雞去天光道練
成日都見到其他學牌揸Ninja嘅師兄練車
大家都知大家偷雞 點點頭就算
仲試過遇到警察好驚 好彩無查我
用Ninja未試過喺天光道試過打八字
但係我就用屋企附近比較寬嘅斜路來練八字 好彩冇試過跌車
之後就去咗報鏗鏘最平個重考Course 雖然我係第一次考
諗住用佢哋啲Msx嚟考
揸慣咗Ninja 覺得Msx好容易揸
而且打八字亦都係非常容易
學左三堂 之後考前學牌都過埋期
我就偷雞用自己Ninja嚟練
去到考嗰日練都冇得練就要跳上Msx度揸
好彩都冇乜大問題 最後因為揸開揸熟
喺轉右入打八字試場個時 後面有車爬緊頭
我後面其他全部都係學神 佢爬住三四架車上嚟
好彩臨轉右之前有望鏡 停得切喺白線界
等佢過咗之後先轉入試場
考八字嗰時都輕鬆 因為平時用Ninja嚟打
最後一Tick Pass
所以諗緊學牌出唔出啡呤車嘅你哋
可以用我呢個方法 自己買一部車嚟練
到考就用返Msx
當然啦你學牌都要習慣考牌方法
唔好出600大車 你唔會揸得掂