【古典文學】你不認識的陶淵明，永垂不朽的文學世界

陶淵明，《詩品》評佢得中品 但係鍾嶸又話佢協左思風力

陶詩要比較後期，例如唐先真係登大雅之堂

淨係識歸園田居

睇呢個Post實會識更多

陶淵明鬼父之詩

責子
白髮被兩鬢，肌膚不復實。
雖有五男兒，總不好紙筆。
阿舒已二八，懶惰故無匹。
阿宣行志學，而不愛無術。
庸端年十三，不是六與七。
通子垂九齡，但覓梨與栗。
天運苟如此，且進杯中物。

讀一首詩（任何文學作品）審題係必要嘅
題目就好似作者拋比你嘅一個方向
一個「閱讀定向」
係未睇作品時先大概理解左作品嘅主題
咁當然有唔少古典詩詞係會寫埋序言嘅
呢個都係其中一個「閱讀定向」

責子，簡單黎講責罵自己個仔
大家無睇錯，呢首詩係陶淵明專登寫黎罵佢五個仔嘅
係咪好鬼仆街呢？罵自己個仔罵到今日我地都知
到底要幾憎自己五個仔先可以做到咁呀⋯⋯

大仔十六歲，懶到仆街
二仔十五歲（志學出自論語：吾十有五而志於學，呢到用黎講年齡）
唔鍾意讀書
三仔同四仔十三歲都分唔到數字六同七嘅分別
細仔九歲剩係識搵野食
睇到呢邊，唔怪得陶淵明嬲到咁啦
自己都叫做一代詩人，上幾代都係大官
而家五個仔睇落好似低能咁

唔怪得佢會話：上天既然咁樣決定，唯有飲多杯酒啦
呢邊可以介紹一個中國文人傳統
就係飲酒啦
酒當然係飲架啦仲有咩特別？
但當酒大量咁運用係中國詩詞入面
就形成左一個特別嘅文化符號
呢到就係其中一個典型用法：
遇到解決唔到嘅事／感傷，以酒作一暫時解脫
後面再慢慢講，但大家見到時可以特別留心

陶淵明寫詩多數都好淺白
呢首相信大家都唔難理解
如果有問題大家不妨分享指正

邊個古人最愛陶淵明？
東晉嘅佢
其實後人對佢嘅評價係由低變高
例如有本書叫做《詩品》
只係將陶淵明列為中品

直到後來識野之人
先開始好推崇陶淵明
咁邊個最愛佢呢？



登登登
無錯就係和左陶淵明詩百二詩嘅蘇東坡啦
佢甚至將陶淵明擺係李白杜甫之前
實在係東坡嘅最愛

睇吓佢點睇 責子 呢首詩：

我笑陶淵明，種秫二頃半。
婦言既不用，還有責子歎。

陶淵明，《詩品》評佢得中品 但係鍾嶸又話佢協左思風力

陶詩要比較後期，例如唐先真係登大雅之堂

陶嘅文學風格係當時唔係主流
唐代評價愈黎愈高
去到宋代係對陶淵明評價好關鍵嘅時代
東坡
黃庭堅
朱熹
等等嘅宋代文人，都開創左新嘅睇法
直接影響到點解今時今日睇陶淵明咁高

之後日日慢慢更新
比之前無睇到嘅巴絲打慢慢追返

高質post

正評不解釋

多謝巴打
唔知會唔會多過上次嘅正皮

支持，利申文學撚

比較鍾意宋詞

陶淵明，《詩品》評佢得中品 但係鍾嶸又話佢協左思風力

陶詩要比較後期，例如唐先真係登大雅之堂

陶嘅文學風格係當時唔係主流
唐代評價愈黎愈高
去到宋代係對陶淵明評價好關鍵嘅時代
東坡
黃庭堅
朱熹
等等嘅宋代文人，都開創左新嘅睇法
直接影響到點解今時今日睇陶淵明咁高

文學主觀看法影響一代人觀感

留返個名,
幾個月前就係因為咁,
開始追探長巴打堆高汁Post

多謝巴打追足咁耐
得閒重睇當溫故知新

高汁

高質post

多謝巴打
呢幾日會慢慢開返幾個post
藝術文學思想都有
有興趣記得留意

正評不解釋

多謝巴打
唔知會唔會多過上次嘅正皮

支持，利申文學撚

比較鍾意宋詞

巴打放心
我其實最新嘅Post係講緊東坡
但堆圖都死哂
呢個星期會重新再發一次

陶淵明，《詩品》評佢得中品 但係鍾嶸又話佢協左思風力

陶詩要比較後期，例如唐先真係登大雅之堂

陶嘅文學風格係當時唔係主流
唐代評價愈黎愈高
去到宋代係對陶淵明評價好關鍵嘅時代
東坡
黃庭堅
朱熹
等等嘅宋代文人，都開創左新嘅睇法
直接影響到點解今時今日睇陶淵明咁高

文學主觀看法影響一代人觀感

文學潮流始終不斷改變
同埋比較質樸嘅文學作品
多數都係無咁著數
好彩後人識嘢，今日我先有得講幾句

陶淵明生死的戲謔與悲嘆

上次介紹左 責子
又見到佢比東坡、杜甫串佢唔夠豁達
同埋同幾位巴打討論左魏晉時代嘅名士背景
我地睇任何文學作品都必須一問再問：

點解嘅？
點解嘅？
點解嘅？
要回答呢個問題
了解佢嘅人生觀或者會好有幫助
下面會介紹一首又係寫得好淺白嘅詩
挽歌詩三首其一

有生必有死，早終非命促。
昨暮同為人，今旦在鬼錄。
魂氣散何之，枯形寄空木。
嬌兒索父啼，良友撫我哭。
得失不復知，是非安能覺！
千秋萬歲后，誰知榮與辱？
但恨在世時，飲酒不得足。

呢首係一首組詩
咩係組詩呢？即係同一個大主題下寫兩首以上嘅詩
呢樣亦係陶淵明成日做嘅野
通常第一首往往係揭示組詩嘅核心思想

題為挽歌：即係為死人而寫嘅紀念詩文
但陶淵明好得意嘅係佢為自己而寫
佢係中國文人中第一個咁做，係未死之前自挽
後面影響到好多文人都有樣學樣

既然係自挽，就必然面對生死思考
人生往往係除死無大事，所以從一個人點睇生死大難
可以了解到佢重要既人生觀

陶淵明理解到生命係必然會終結嘅
「早終非命促」
呢種係宿命、命定觀
同時問佢係唔相信人有長久不滅嘅靈魂
「魂氣散何之，枯形寄空木」
靈魂如煙散去，留下嘅形體只能寄存在棺材
更進一步，佢更加否定埋身後功名
「千秋萬歲后，誰知榮與辱？」
儒家式嘅立言立功立德，都係說服唔到佢

哲學思想／宗教救贖往往係見到人嘅存在困境
佛家：苦　　＞三世因果，西方極樂
儒家：憂患　＞仁義禮智，大同世界
道家：哀　　＞無待見獨，無何有之鄉
雖然陶淵明對以上三家都有接觸
甚至受到道家好大影響
但佢卻係一個現世主義者
相信人生只有一次，沒有靈魂，死後即如燈滅

「但恨在世時，飲酒不得足」
或者係佢自己人生觀
或者係魏晉時代思潮影響
佢面對呢種人生大難嘅問題只能以酒言之
酒代表嘅係及時行樂，今朝有酒今朝醉嘅解決方法

我地又不妨一問：
咁樣又係咪真係解決到問題呢

講埋佢挽詩後兩首嘅精彩句子

春醪生浮蟻，何時更能嘗！

杯酒都放到有蟲啦
但我死左仲點飲呀

肴案盈我前，親舊哭我旁。
欲語口無音，欲視眼無光。

呢四句真係瘋狂FF

荒草何茫茫，白楊亦蕭蕭。
嚴霜九月中，送我出遠郊。
四面無人居，高墳正嶣峣。

幻想死左係棺木比人送出去
放入墳墓嘅悲涼

向來相送人，各自還其家。
親戚或余悲，他人亦已歌。
死去何所道，托體同山阿。

呢到可以睇出陶淵明嘅坦誠
死左之後親人或者都會喊吓傷心一陣
但其他人可以散左就吹緊水唱緊歌
死左根本就無靈魂
得返形體化入泥土，就此消失

皮已正

皮已正

記得絲打第一次就有追Post
唔覺唔覺都三個月
再次多謝支持

如果陶淵明要拜年會講咩？

上次從陶淵明挽詩三首講左佢嘅生命觀
相信大家都可以睇得出佢心底灰暗嘅一面
之前清狂巴打講過：
人多識陶潛五言詩，少談其四言。四言如<停雲>詩，古樸質實，比興有詩經風。
實在係非常精準同高明嘅睇法
又係時候同親戚朋友一聚
今次特別介紹陶淵明家族親情嘅四言詩

贈長沙公並序

序：

余於長沙公為族，祖同出大司馬。昭穆既遠，以為路人。經過潯陽，臨別贈此。

之前講過好多古詩詞都寫序
陶淵明可以話係領起呢種文人潮流嘅先行者
好多時古詩詞嘅序仲出名過首詩
例如陶淵明桃花源記本身只係桃花源詩嘅序

序係理解作品好好嘅方向
題目會令人諗：邊個係長沙公呀？
序就交代左，長沙公係陶淵明同一親族嘅人（係陶嘅後輩）
但隨住時間兩個支流漸行漸遠，變成路人
有日無啦啦相遇，陶淵明係離別時寫黎送別

詩：

同源分流，人易世疏。慨然寤歎，念茲厥初。禮服遂悠，歲月眇徂。感彼行路，眷然躊躇。

四言古詩比五言古詩難讀
一黎更加年代久遠
二黎少左個字就變得更加精簡
所以我會每節解說大概嘅內容

陶用水流作親族比喻，係好得意嘅
河流往往係時間嘅象徵，孔子：逝者如斯夫，不舍晝夜
同一條源流，必然係會分流；同一個親族，必然隨住時間疏遠
呢個可能係人生嘅定理，不論古今
所以令人感嘆，所以使人躊躇，不忍分別

於穆令族，允構斯堂。諧氣冬暄，映懷圭璋。爰采春花，載警秋霜。我曰欽哉，實宗之光。

呢節就比較係門面說話
贈詩多數都係會讚揚人地嘅美好
主要係講長沙公有咁光宗耀祖
大家可以學幾句黎賀年

伊余雲遘，在長忘同。笑言未久，逝焉西東。遙遙三湘，滔滔九江，山川阻遠，行李時通！

當初相見嘅時候
雖然我係長輩但都唔太記得大家係出自同一祖宗
重新識返無耐，又要離開
下面四句好精彩嘅地方係，上接水流之喻，又有氣勢
行李：指音信
即使山川阻礙我地交流，都要成日書信來往呀！

何以寫心，貽此話言。進簣雖微，終焉為山。敬哉離人，臨路悽然。款襟或遼，音問其先！

語言點樣真正表達到內心嘅離別之情？
呢首詩雖然微弱，或者都足以表達到我嘅情感
希望以後可以成日通信啦！

好想睇樓主寫道家思想

好想睇樓主寫道家思想

我思想／文學／視藝都有開
會一步一步慢慢去講
絲打有興趣可以留意吓我個Blog

再次留名支持樓主
記得到時Post返我篇文

古代文人好人好事十大提名
連登有愛，陶潛有情

「昔陶淵明為彭澤令，送一力給一子，書曰：『汝旦夕之費，自給為難，今遣此力，助汝薪水之勞。此亦人子也，可善遇之。是可知僕婢下人，不可不莊以蒞之，亦不可不慈以畜之也。」(《毛氏家訓．厚下》)

陶淵明擔任彭澤縣令時，家眷未能隨行。由於他護子心切，便派遣了一位長工回去幫忙，並附上書信告訴兒子說：「你的日常生活收支僅能平衡而已，尚無餘力雇請幫手。我派一位長工回去，幫你料理家事，奉事尊親，免得你太過勞累。他也是別人家的兒子，你應該和善的對待他。面對其他的僕人婢女，你的態度必須莊重，要以慈愛之心護養他們。」

好想睇樓主寫道家思想

我思想／文學／視藝都有開
會一步一步慢慢去講
絲打有興趣可以留意吓我個Blog

已放書籤