【古典文學】你不認識的陶淵明，永垂不朽的文學世界

「淵明詩初看似散緩，熟看有奇句。……大率才高意遠，則所寓得其妙，造語精到之至，遂能如此。似大匠運斤，不見斧鑿之痕。」
——蘇東坡

呢個係咩post呀：

相信大家對陶淵明都叫熟稔
根據黃子華嘅講法就係至少好熟口臉叫得出個名啦
中學上堂教科書一定有佢嘅詩歌/文章
桃花源記呀歸去來辭呀
其實入得教科書嘅古人往往都係中國文學史中佔有一個重要地位
但問題係文學史介紹嘅野一定係片面

陶淵明亦都係比人片面化嘅詩人
你只會諗起佢 =
「古今隱逸詩人之宗」
「份人好豁達」
「自然純樸，總之鍾意耕田啦」
但其實你又知唔知：
魯迅評價陶淵明係「金剛怒目」
陶淵明原來寫過好多奇怪野
佢份人原來成日發嬲

係呢個post不斷去講佢嘅作品
盡量會係講佢比較少人知少人提嘅詩歌
同時間講少少讀詩嘅方法/概念
一黎可以認知到陶淵明大體嘅存在
二黎亦都作為一個古典文學閱讀入門
（因為見到唔少巴絲打都無從入手）
咁其實我都係第一次用呢種方式去講
盡量會以趣味性為主
希望唔會悶親大家啦


介紹吓我參考嘅原典
研讀中國古典詩歌
成日會見到所謂嘅集、校、箋三字
呢三個字各有意思
集：
詩人作品集
集評、集說（前人對每一首所有相關重要評論）
校：
校對
考正
箋：
分析前人之評論、注解，再加上自己意見分析
例如本書編者龔斌就會分析人地講法
再講出自己認為較好的理解

相信如果有追開嘅巴絲打
都會知道呢個Post係舊文重發
最主要嘅原因係，之前用連登up圖死哂
而家改用返係blog到up圖
為左方便閱讀，決定重發一次
同埋要加少少更正咁

歡迎大家隨時討論
唔會一次過放哂上黎
應該一日一篇咁
記得留名同正評啦，堆圖都整左幾粒鐘

最後放返個Blog比大家分享
http://deliver90.blogspot.tw/

立即正評

支持

如何煉成陶淵明？

陶淵明嘅生平研究有好多
但大多都離唔開佢嘅自傳性文章
我選左三篇黎同大家一齊分享

1.自祭文節錄

茫茫大塊，悠悠高旻。是生萬物，余得為人。自余為人，逢運之貧。簞瓢屢罄，絺綌冬陳。含歡谷汲，行歌負薪。翳翳柴門，事我宵晨。春秋代謝，有務中園。載耘載耔，乃育乃繁。欣以素牘，和以七弦。冬曝其日，夏濯其泉。勤靡余勞，心有常閑。樂天委分，以至百年。

陶淵明嘅曾祖父做過東晉都督
封過做長沙公
祖父做太守
老豆雖然都做官，但已經愈做愈細
陶淵明出左世之後更加係沒落左
所以先會話自己出生後，正係貧困之時
自祭文係佢病重前所寫
人之將死，其言也善

2.五柳先生傳節錄

閑靜少言，不慕榮利。好讀書，不求甚解，每有會意，便欣然忘食。性嗜酒，家貧，不能常得。親舊知其如此，或置酒而招之。造飲輒盡，期在必醉，既醉而退，曾不吝情去留。環堵蕭然，不蔽風日；短褐穿結，簞瓢屢空。——晏如也。常著文章自娛，頗示己志。忘懷得失，以此自終。

五柳先生傳雖然用一個代稱黎寫
但已經公認為陶淵明嘅自傳性文章
呢到再三強調自己性格係內向、不求名利、好酒、好讀書
佢少年時其實係幾儒家式嘅人物
但同時受魏晉時代影響
最後傾向以酒解決人生問題
五柳先生傳係好有名士嘅風流之氣
當然亦都因為係咁
陶淵明情感需要抒發
先寫下無數精彩嘅詩文

3.歸去來辭嘅序

余家貧，耕植不足以自給。幼稚盈室，瓶無儲粟，生生所資，未見其術。親故多勸余為長吏，脫然有懷，求之靡途。會有四方之事，諸侯以惠愛為德，家叔以余貧苦，遂見用於小邑。於時風波未靜，心憚遠役。彭澤去家百里，公田之利，足以為酒，故便求之。及少日，眷然有歸歟之情。何則？質性自然，非矯厲所得；飢凍雖切，違已交病。嘗從人事，皆口腹自役。於是悵然慷慨，深愧平生之志。猶望一稔，當斂裳宵逝。尋程氏妹喪於武昌，情在駿奔，自免去職。仲秋至冬，在官八十餘日。因事順心，命篇曰《歸去來兮》。乙巳歲十一月也


呢篇序言非常出名
研究陶淵明生平必讀
係講自己點解要脫離官場嘅明確自白
陶淵明忽仕忽隱有三大原因
1.搵食
2.真係有機會匡時救世 （後面再講）
3.個性同官場太唔合適
質性自然，非矯厲所得
係陶淵明個人嘅自覺，佢係唔識扮野
呢種對人對事嘅真性情，唔係勉強可以改變到嘅

值得一提嘅係
後來其實好多人有勸過陶淵明出返黎搵食
但佢都真係堅拒不出
真係覺悟到自己性格嘅獨特
就算比人睇唔起
就算過比較貧窮嘅生活
都改變唔到佢對田園生活嘅滿足
相對其他清談玄學但又名利雙收嘅人
陶淵明絕對係唯一一個超脫嘅人
亦都因為咁唐宋一再推舉、閱讀佢嘅詩文
成為左魏晉時期第一文學家

上次嘅高質討論

報紙當人情：

呢條友好虛偽

官三代，自己係退休官員，朝中有人好辦事，邊有土豪敢搞佢
又識字，農夫個個奶佢鞋底

呢條友跟本係特權階層，寫埋 d 飛機文懶清高

佢等於今日攞緊長糧既退休公務員，教後生仔腳踏實地
令人作嘔

戈登探長：

有時間回啦

魯迅有個講法係合理嘅：

凡是有名的隱士，他總是已經有了「悠哉遊哉，聊以卒歲」的幸福的。倘不然，朝砍柴，晝耕田，晚澆菜，夜織屨，又那有吸煙品茗，吟詩作文的閒暇？陶淵明先生是我們中國赫赫有名的大隱，一名「田園詩人」，自然，他並不辦期刊，也趕不上吃「庚款」，然而他有奴子。漢晉時候的奴子，是不但侍候主人，並且給主人種地，營商的，正是生財器具。所以雖是淵明先生，也還略略有些生財之道在，要不然，他老人家不但沒有酒喝，而且沒有飯吃，早已在東籬旁邊餓死了。

其實呢到講得好好
正如巴打所講其實佢並唔夠話好窮困
但係佢的確係家道中落
相比係其他同類人佢係比較無錢
尤其用謝靈運呢種富豪式出遊寫詩嘅人黎比
陶淵明的生活真係好簡樸

同埋佢從來無否認過自己嘅諗法
成日都係詩文入面有內心衝突
我地會覺得佢故作清高
好多時都係因為佢比文學史定型左
所以更加要認識比較整體嘅佢

以我閱讀
陶淵明係好坦誠好真咁表達自己情感
呢種真甚至係不加修飾（文字、題材）
甚至搞到佢係果個時代比人批評寫得太淺白太俗
果個時代有工人有土地並唔係太奇怪嘅事
同埋佢的確有落實去做事謀生
主動遠離政治廟堂之爭
唔應該用呢點時代嘅特色去批評佢嘅文學成就

花柳先生

btw推

重治：

魏晉時代嘅文人都有少少被逼心理扭曲
喺政治上不如意 惟有放縱自己 然後話“我唔恨”
同唐宋果種真係對自然嘅審美係兩種境界

戈登探長：

宗白華在《論〈世說新語〉和晉人的美》：「漢末魏晉六朝是中國政治上最混亂、社會上最痛苦的時代，然而卻是精神史上極自由、極解放，最富有智能、最濃於熱情的一個時代。」

魏晉名士之風影響好大
同時都為唐宋立下左唔少生活/文學典範
以陶淵明為例
佢係去到唐、宋時期先真係受人推崇到高位
陶淵明亦都成為左隱士典範
文人傳統如飲酒、賞花、田園中作詩讀書，都可以上追到佢
另外，唐宋亦都有唔少人係以退為進，以隱求仕，希望走終南捷徑做官

已留名
多謝樓主

清狂：

王孝伯言：「名士不必須奇才。但使常得無事，痛飲酒，熟讀離騷，便可稱名士。」此論雖是偏見，亦少有理。新亭對泣，清淡誤國，所謂「名士」不過係淒美的楚囚。

戈登探長：

《晉書．宣帝紀》：「支黨皆夷三族，男女無少長，姑姊妹女子之適人者，皆殺之。」
經過呢件事之後讀書人全部都好驚
係一個咁樣嘅時代
佢地所謂嘅狂放都係痛苦
陶淵明雖然唔算名士，但同在一個時代，都受到影響
但相對其他而言，陶都叫成功咁係名利退落黎
仲要過得幾開心，幾滿足
成為左後世好多文人（甚至今時今日）對田園隱居嘅美好想像

簡介基本古典文學概念：朝代

讀文科野心中必先有一時序
文科野特別講求傳承，尤其係中國古典
王國維講過：
凡一代有一代之文學：楚之騷、漢之賦、六代之駢語、唐之詩、宋之詞、元之曲，皆所謂一代之文學，而後世莫能繼焉者也。

一代有一代特別突出嘅文學體裁
但並唔係唐代得唐詩，宋代得宋詞
只係相對黎講無咁有獨特創新
又或者只係初始階段
例如唐傳奇到明清小說係一個發展階段
宋代亦都有宋詩等等

如何落實到閱讀古典文學其中一家之作？
以陶淵明為例
魏晉嘅陶淵明係必然受前人
先秦詩經漢代賦辭等等影響
除左歷史前人之影響
更要連結埋佢真實生活嘅時代
所以中國古典文學常用傳記批評法解讀文學
呢首咩日子寫？果陣發生咩事？咁呢首野同當時嘅關係係咩？
呢種方法係有優點，但同時亦係現代學者反思佢缺點嘅時候
因為咁會有好多勉強刻舟求劍嘅誤解

除左前史、當時時代
亦都可以觀察埋：後世之影響
至少唔會倒轉頭去話
陶淵明受李白、社甫影響
而能夠從陶淵明點樣開拓咩樣獨特嘅野
去影響到後來嘅文人
唐嘅李杜
宋嘅東坡
以至魯迅、梁啓超、王國維等等
正因為從後面去觀察，可以睇得到呢一家
陶淵明嘅獨特、重要嘅地方

讀中國古典文學
時間係一個重要、必要嘅概念
所以文科野先會咁強調咩咩史
因為文科野係離不開傳承嘅學術脈絡

留個靚名，好中意陶生

立即正評

多謝巴打正皮

支持

放心一定唔會爛尾

已留名
多謝樓主

多謝絲打先真

留個靚名，好中意陶生

陶生的確係好吸引
相信呢個Post可以令你更加鍾意佢

正評不解釋

留名

正評不解釋

多謝巴打
唔知會唔會多過上次嘅正皮

留名

感謝絲打留名

淨係識歸園田居

先正評後留言
探長巴打對我有印象嗎？
btw你遲啲會唔會寫稼先？ 好撚鐘意佢呀我

緊係記得巴打啦
我見到金庸Post最近都有人引辛詞
講完東坡就講稼軒，巴打放心
我自己都好鍾意睇佢嘅詞