老實講，真係對連登好失望

我係一個好認真咁使用連登嘅會員
固然會關注抗爭po、行動po
但亦都長期流連於動漫po、打機po之類
不過依家見到好多po擺明係故意搞亂連登
五毛固然係好多，我知你有ban咗部份，但係都仲係好撚多
至於有另一班人，我真係唔識分佢地係五毛定痴線佬定係玩膠
佢地係專門開PO引戰、單單打打屌哂全部人
最可悲嘅係，推上熱門嘅好多時候都係呢堆五毛po或者引戰po
我知連仔你覺得好難憑主觀感覺去斷定啲人係咪真係五毛
但係我同我身邊好多朋友都真係覺得連登已經變咗
而且見到好多巴打喺站務台同你搏哂命咁反映，都唔係好得到你嘅回應
我個人嚟講幾鍾意連登，畢竟當初由高登轉過嚟，睇住佢開到依家，都算係一個有歸屬感嘅地方
我真係唔希望又見到有人開個咩登，又要全民大遷徙
我真心希望就算你一時三刻未諗到咩好好嘅解決方法，都可以就依家呢個問題開個PO同大家商量下，聆聽下大家嘅意見，相信總會有啲有識之士可以提供到合理嘅解決方法。

我真係冇諗過我有一日都要上嚟站務台講啲咁嘅嘢
但係今日見到兩個引戰po，有啲巴打唔知條友日常玩膠引戰(我先唔主觀認定佢係唔係五毛)
真係會有真心嘅人嬲到入去屌哂鬼
然後反而會被玩膠條友同埋瘋狂幫佢推po班人笑返轉頭
真係會好撚無助，變成講歪理嘅人去欺凌正常人

你緊係想我走啦
方便你呢啲人搞壞連登

佢地移民係因為香港已經俾班支畜搞壞咗
我仲喺度係因為我仲覺得連登有得救

就憑你個P牌仔都有資格講不嬲?
你對連登有幾多認識?
當然痴線佬係有，但一向都唔會拎啲大是大非嘅嘢嚟玩

留名

好難搞得掂 上少啲連登

上連登,勿認真？

P牌仔俾人ban完開新ac?

人走茶涼 講咩都多餘 香港問題得返走同留
完全唔明班友日日係到鬥黃鬥屌做乜撚

我都喺站務台推咗一個PO三個月，叫連仔處理五毛問題。但無回應。我只能最壞假設，有D嘢係默許咗。

有冇諗過係佢根本唔buy你嘅諗法

佢唔想禁五毛？

你睇睇佢呢個post先

回應會員對於「五毛」的各種問題
https://lih.kg/2193128
- 分享自 LIHKG 討論區

其實連登既本質 係呢幾年間應該發生過唔同既變化 你又覺得佢係點呢

Paradox of tolerance

你話佢唔ban 五毛 但係渣旗果個係你定連仔先?
唔通信世柒個五毛list黎BAN?
好似魯柒咁 連仔自然有自己把尺啦
人地拎第二個ISP MAIL開分身邊有得阻架姐
又咪係要搵到證據先再BAN
更何況一開始連登就唔係政治討論區
波台阿 老納果班玩膠撚又冇玩膠既自由?

呢個PO五個月前，係先於我個PO。我相信唔算回應緊當刻會員面對既五毛問題。亦相信比之前更為嚴重。

禁五毛慢成咁。咁落去，只會越來越少人玩連登。