有無人試過分手一段時間再一齊返

我覺得有啲複雜
簡單嚟講都係價值觀不合囉

咁絲打仲會唔會同佢復合

如果有得揀嘅話都會嘅

我女友話唔想拍拖同我分左。我真係好想同佢係返一齊，我仲要埋門一腳諗緊之後結婚

咁啱嘅我都約佢出嚟食晏晝 都係冇覆返我

有呀 我仲結埋婚 好開心
不過一切隨緣 上天會俾最好既安排你
祝幸福

情況真係有啲似。去到最後佢話好攰，分開啦。

唔知你哋分開咗幾耐 ,但講真嘅一開始想復合嘅時候或多或少都有不忿嘅感覺，有種挫敗感，點解佢唔比時間我改？但其實只係執着緊自己嘅感覺。

甚至乎分開嗰陣佢問我點解咁自私想一齊返，嗰陣時我都諗唔明，點解佢會咁講？

同佢分開咗都有一個月，慢慢就諗其實磨合只係微調，如果要太大嘅磨合，其實兩個都痛苦。如果大愛啲咁諗你想係想佢幸福，咁點解仲要逼佢作出最大程度嘅讓步？或者自己係過程度都辛苦，但係係果一刻無論佢講啲咩你都覺得可以接受，自己會可以做得更好，或者只係自己感動緊自己。真心分開唔代表唔愛，有咁嘅選擇係當中有啲嘢做唔到對方想要嘅嗰個點，係呢個時間真係唔應該執着，反而將佢越推越遠。

趁呢個時間增值下自己，會變得更可愛。俾時間大家，諗清楚退去熱情之後，佢仲會唔會係你想要嗰個人。
btw,我都等緊佢

係一齊返之後先知佢原來一直無改

就係囉, 你唔改, 但又復合
咁咪又出事

唔知佢了，佢成日都叫我幫佢過數
事後有比返錢我，但問佢點解要過數，又唔答我。
好多嘢都唔知佢想點

同你分咗手仲搵你做呢樣嗰樣

我應該要講好啲
佢人在UK，我人在HK
咁當時LD緊3個月左右就開始叫我幫佢過數去HK張信用卡到，第二日佢會叫佢個FRD比返錢我。

但我唔明點解唔叫佢朋友幫佢過數
散咗之後就無再叫我架啦放心，我都同緊另一個人深入了解中

見過一條女係我朋友a同 朋友b來回走動左4次。最後同朋友b結婚

啫係同完A一齊又同B一齊
再同返A一次,最後又同B一齊仲結埋婚?
而A同B係好朋友?

係
不過A同B係普通朋友, 果陣一齊玩LOL開語音老尷到

三日唔埋兩日就換個問法問埋 d 差唔多嘅野

仲一齊玩到? 如果係普通朋友嘅話
佢哋3個唔尷尬架咩?

應該隔幾耐先為止OK?

應該 move on

咁似我個case, 我女朋友都係話我睇佢唔起，又對佢唔夠好，所以提分手，都個半月啦 一開始仲會又送野又寫信WhatsApp 係咁單方面同佢講野，最近大半月開始冷靜搵少佢好多🥲

你單方面同佢講野，咁佢有冇覆你，覆既話係咪有晒emoji好熱情？

唔知佢地

聽到都覺得尷

一開始炸佢兩日 佢會話我好煩，如是者重複左兩星期，後尾我開始搵番friend WhatsApp少左主動搵佢，佢反而又會隔兩日搵番我一次咁傾幾句又blue tick, 上星期佢又話諗清楚都係決定分開，我話咁好啦都尊重 佢又話唔知仲有冇機會一齊咁
然後我呢個禮拜直情唔搵佢了，對自己好d唔想咁辛苦

巴打，佢起碼仲對你有d情咁，我果個就....