有無人試過分手一段時間再一齊返

咁你俾啲信心自己啦

有fd係咁 上年結埋婚

其實好多復合唔復合
到最後講既其實係人性同你個人吸引力
大多數復合唔到或者只做到炮友都有一個共通點
就係兩個人之間你長期處於一個低位，即係成隻狗咁
人地要乜你就狗衝比曬人
Sorly人性就係當我一出聲就得到任何野，點解我要付出時間心機去同你一齊？有幾多對情侶係靠其中一方無限付出而開始？

簡單黎講，分得手，就係被分手既一方係提分手個人眼中已經係毫無價值，毫無吸引力
幾多既理由背後都係黎自呢套心理
所以復合唯一既方法係要先離開對方，發現問題所在，同時令自身價值提高
成日聽日講，對前度最好既報復係令自己過得比佢好，其實都係有根有據架

同佢分咗手半個月，暫時都有keep住日日傾計。
我問過佢有冇機會復合返，佢嘅答覆係唔知，而且就算復合都一定唔會係依排嘅事。
想問下我哩個階段可以做啲咩，感覺上唔係普通朋友但都唔係戀人。唉

最好既方法
唔好再搵佢，離開佢

佢句「唔知」令到我有好多幻想，會覺得大家改到大家嘅問題的話就可以一齊返⋯
我睇完你上面打嘅嘢之後，都覺得自己咁樣同佢傾落去，只會令自己喺佢心目中變成一個好輕易就得到嘅人。

答你唔知，即係你係佢心入面仲有剩餘既價值
比如佢無人關心個陣你會出現係佢身邊
甚至諗得差啲有需要個陣咪搵你
而且佢既心入面更加知你唔會離開佢
連分左手你都仲日日同佢傾，咪就係食得好實囉

所以你想你同佢關係有轉變
首先係要離開佢，令佢感覺到你已經唔係屬於佢
你係一個有價值既人
只有當對方付出，你先會同時付出
如果對方停止付出，你都要即時止蝕
用付出既時間去令自己變得更好

係。
我因為唔想斷聯而會同佢吹下水，但時間長咗我就覺得好怪，個關係好難形容，雖然佢唔係吊住我，但我嘅感覺就係自己好一廂情願。
你講嘅離開，係真係完全唔聯絡0交流嗰種？
我會擔心咁樣反而真係連朋友都做唔到

Yes
0交流，佢搵你都唔洗覆，除非係有誠意既對話
如果唔係點解要做朋友
你依家無朋友定係點？諗清楚自己想要啲乜
你目標係想同佢復合，點解要做所謂既朋友
你記住，係兩個人都未完全放低既時候，你做既任何一個舉動係佢眼中都係有目的(即使你覺得無)

連放手既勇氣都無，就抵你一世做佢後備
或者佢過多排識唔到比你好既新女會考慮下同返你一齊既
但你自己想像下呢種關係長唔長久啦

即係好難散咗之後，可以做朋友之餘又復合到？

唔難，仲有好多
但我會話你呢一刻問得呢個問題，就一定復合唔到
復合到都只會得幾個月貨仔

我唔會再問佢了
試下唔理佢一排，專注返落自己到，其餘嘢再算啦

絲打，睇晒你經驗，覺得好有心得

我都想問下你，近呢兩個星期，因為同女友見得好少，佢做nurse，跟住我等左佢成日，傾得一陣電話，大時大節都係返工，搞到我發左佢兩次脾氣，結果佢話好大壓力，唔知點面對我，話做返朋友....

我同佢拍左4年拖，已經當左佢係老婆，亦諗住呢兩年會娶佢，點知以家搞成咁.....佢間唔中仲會搵我傾兩句，已經唔係以前咁會日日搵我

雖然我唔係一個滿分既男朋友，但我對佢好專一，咁多年被後都做左好多野為將來，但原來佢都係感受唔到，我明白我之前同佢溝通唔夠，造成今日結果，已經唔奢望會挽回得到（雖然好想）

由同我講做返朋友到今日已經半個月，我仲係日日會喊，好掛住佢，4年經歷左好多......

黎緊3月中係佢生日，我早兩個月已經買左份禮物打算生日當日送比佢，依家真心唔知點算好....

絲打你有冇咩建議俾我

女同男個心理會有少少唔同
但你個case其實好簡單，咪就係你比太多壓力人地
而對方覺得自己滿足唔到你好辛苦所以唔想拍拖囉

咁你咪由得佢自己忙一排，自由一排
唔好搵佢，唔好令佢覺得你仲係度等緊佢
你都要同時做啲野改變下自己，外觀定能力上
到佢有一日忙完靜落黎就會諗返你架啦

但記得，千其唔好煩唔好主動搵，女人提分手係會好驚人煩

我未搵佢，啱啱先冇搵大家冇耐咋
我一早喺佢屋企拎晒啲嘢
未諗到藉口

呢一年有冇其他男仔追你？

而且你過左半個月咋
囡囡仲開心緊享受緊佢既自由時光
如果你唔好好把握呢啲時間去增值自己
到囡囡有日睇你ig/問你地mutual frd你既近況
發現你仲係舊時個個樣，仲係原地等緊佢
可能佢會感動一下既，但內心會諗:好彩當初飛得佢早

你講話千其唔好主動搵佢完全同我身邊朋友講既一樣.....但佢地同樣都有講可能佢有d「渣拿」先夠膽講分手，唔記得補充一句：佢生日就29歲喇

我同佢相處真係平淡無奇，隨住一齊時間越耐，好似冇左情趣咁，而我當左佢係我屋企人

唉....年初一佢仲叫我去佢屋企拜年，距離依家半個月.....情人節左右講做返朋友

補充多少少：正因為我其中一次發脾氣係13/2情人節前，搞到我扭計發脾氣冇買花俾佢，本來諗住唔接佢放工，但我最後都係最後一刻衝出去接佢放工，而佢原來提早收工返左屋企，我係醫院門口等左佢個半鐘，之後坐的士去佢屋企見佢，但佢冷淡左好多，之後幾日就發生...傾傾下電話就話唔想拍拖，做返朋友

我依家面對住佢黎緊生日，都唔知送唔送禮物好

好簡單就係兩個人都入左感情既平穩期
已經摸得大家個底好熟，對方無曬令自己吸引既地方
所以你發少少脾氣對方已經唔想再忍
今時今日年齡其實未必係一個好大考慮，除非你好肯定對方係趕住嫁

所以呢刻你可以做既係，接受分手
唔係叫你唔好愛佢，但係你要減低對佢嘅付出同需求感
呢個亦都解答左你使唔使送禮物俾佢呢一點
而且係啱啱分手呢段期間，你做乜嘢佢都覺得係有目的
倒不如放返啲心機係自己身上

即係我唔約佢生日、唔送禮物、唔講生日快樂？係咪咁？

之前諗過速遞寄份禮物+張生日卡就了結件事，咁樣係咪唔好？

即係我唔約佢生日、唔送禮物、唔講生日快樂？係咪咁？

之前諗過速遞寄份禮物+張生日卡就了結件事，咁樣係咪唔好？

Yes
你地分左手架啦，基本上係陌路人
你仲對佢咁好做咁多野
條女根本唔會feel到你離開左
你唔離開，佢又點會有機會腦補你對佢好既記憶呀

記住，人係犯賤，情況不分男女
得不到的永遠最好
念念不忘，必有迴響

但同你講定個別例子先
就係你同條女本身兩個人既個人價值差太遠
For example: 條女係女神級 你係毒撚樣
或者條女上進有計劃 但你就係不思進取既廢青

如果係呢類情況就基本上唔洗諗復合
你當一齊到係當初對方盲撚左
但如果你地本身既個人價值係相等而且吸引既話
基本上上面既方法其實都係可行

咁其實地位上我係高d既，雖然佢成日話我睇佢唔起，但其實我冇囉，至於價值觀都有唔同，但未至於難以相處果種，樣子當係對等喇

咁我唔送禮物算但如果佢whatsapp搵我，我應該點做？其實我係想同佢復合，係唔知佢有冇識第二個，同埋我算係奇人，唔玩ig，當初開ig係佢幫我開，只係follow左佢一個