有無人試過分手一段時間再一齊返

係好難㗎
你呢段時間要唔好搵佢
幾掛住佢都係
因為你搵佢只會令自己印象更差
唔好弄巧反拙
有啲嘢冇得迫同急
你而加搵佢真係搏唔過
隔一段時間後做返朋友傾下偈
等大家嘅感覺慢慢建立返先
你哋係有緣，半年後1年後2年後
一樣可以再一齊
但係你趁呢段時間好好裝備自己
無論係等佢返嚟定個天俾另一個人你
仲有就係好好諗下呢段關係入面有咩不足
唔係再一齊返，舊問題都會再出現
而且再出現嘅話，後果就可以好嚴重

100%同意
唔搵未必會變差
但搵就一定收皮
咁大家都識揀啦

如果大家仲有follow大家
而佢9成post都冇睇係咩意思
可能係佢都仲好唔開心，唔想唔捨得
唯有咁諗啦

我覺得佢個case太極端喇
強迫佢發生關係喎
又要同人分手又要咁對人
明知人哋未放得低喎
到底有幾賤先做到？
你話一般分開，可能係淡咗、唔夾
都只係大家冇咁愛
但而加佢直頭對佢好差好過分

當一個人唔尊重你唔顧你感受
仲要分開咗都冇反省繼續係咁
你覺得一齊返會好好？

我都覺
我唔知係我幻想係咁定真係會咁
就係提出分手嗰個都有少少後悔
或者掛住，但因為係佢講嘅
咁佢個感覺又唔係特別強烈
又唔知你又點諗嘅時候
佢未必會主動講出嚟/搵返你

你唔搵佢唔搵，咁就一世
搵吓又冇壞嘅
做唔返情侶咪做唔返你都預咗
但係萬一得呢
有時真係
“再向前一點點 我就會點頭”

如果係我
只要有一絲希望我都會試

咁你冷靜下 唔好咁快搵返佢？ 保持神秘感？
我男朋友都係差唔多一年先搵返我

無男仔追啦 好摺

對方提出分手
大概係因為好多地方佢覺得唔夾而心淡
有冇得tg, 唔想自爆

等佢都沈澱下先
口講冇嘢但心冇可能冇嘢
大家段感情係點
對方係咩人, 你實知

但不時會諗起佢
連發夢都夢見
有時真係好辛苦
最慘係你又唔會失憶
心有呢個人, 身邊冇呢個人
人生一個極大嘅折磨

counterstaryxx

勸大家唔好FF太多 感情既野隨緣 諗太多都改變唔到
盡快投入工作 放低前度

分左手果段時間有冇同第2個拍拖先

我諗咪又係嗰啲
都冇需要知得咁detail啦
總之迫人嗰個就係唔識尊重人啦
但最神奇嘅係又有人肯俾佢迫
都唔知呢啲仲係咪叫迫

咁TG講都得

你係真蠢唔係扮
你係咪好細個?
未做梗係對你有feel啦大佬
你都知佢份人係點架啦

試過，然後再分手

因為唔係出軌或者原則性問題
比如一個想結婚另一個唔想呢類
發下脾氣壓力大並唔影響雙方根本既價值
只要你比少少時間大家進步返同步返就ok

你要記住你既心態應該係 我已經放低左 我愛佢但我唔需要佢
係未做到呢個心態前都唔好主動搵對方
好多時其實對方會感覺到
只有當你放低左 你先可以當佢係一個普通朋友去面對
先會有重新吸引大家既機會

增值個點其實唔係要特登比佢睇到

到時佢望返你發現你比以前更吸引，就好大機會復合到

我同你一樣
但我都想你知, 你嘅進步同成長唔係為咗佢
係為你自己而努力
如果你做一切都係為佢, 你可能會覺得感動
但事實上佢會覺得好大壓迫感 / 其實你都係冇變過
你要當當時嘅你哋已經唔存在
你要做另1個自己, 一個更好嘅自己
用將來嘅你去重新吸引呢個人
而對方都可能唔同晒, 你哋要重新適應大家

咁的確有好多原因/可能性
提出分手嗰個都可能會掛住/後悔
冇嘢冇可能嘅又, 只不過你唔好好大期望
因為事實往往都會令自己失望
好似啲連登仔話齋, 如果人人都可以心想事成
呢個世界冇窮人冇人失戀啦

你 最近還好嗎

係咪好leung

咁你個case最後係點?
你話諗返起都會爆喊, 咁啫係失敗收場
但你係喺咩位失敗咗?
最近嘅事?

同路人, 你嘅疑問我都有諗過
但我諗咗好耐之後

我會覺得太早搵定太遲搵都有風險
但你唔會知幾時係啱啱好又唔會太早又唔會太遲
而早搵只會令到對方對你嘅印象愈嚟愈差
而遲搵最多大家重新做返朋友再一齊都唔出奇

當1個人真係決心同你分開
你搵佢佢只會覺得你好煩同討厭你
一定要有足夠時間俾雙方都沈澱
一個人唔冷靜做嘅講嘅任何嘢都好容易出錯

再加上, 一時衝動咁啱俾你氹到佢
而大家諗得唔夠全面, 做出嚟又唔夠全面
最後都會好快就再分開
所以唔好抱咁大期望
做好自己, 有緣嘅 (係你嘅), 最後都會係你

因為愛情唔係你做幾多, 收穫就有幾多
亦都唔應該用自己嗰套去諗人
總之唔好心急, 唔好做錯嘢, 慢慢就可以變返朋友
之後嘅事之後再算啦

同意
我都覺如果真心真係因為屋企嘅事而想自己1個人, 唔想拍拖住, 就更加默默咁支持佢唔好再比壓力佢
不過我自己真係接受唔到出軌, 一次不忠, 百次不容, 得0次同無限次, 不過你鍾意就得啦

當初係因咩分開?
中間有冇聯絡?
後尾點解無啦啦會搵返/約出嚟?