有無人試過分手一段時間再一齊返

你要接受呢段感情已經完左
你仍然可以愛佢
但你要放低佢,將佢鎖係內心深處
訓前醒後諗下佢係可以
你必須為自己生活努力,成為一個更強大既自已
佢先會再被你吸引多次
如果佢半年後想知你過成點
你仲係原地日日賣醉做王傑咁
佢會好慶幸走得快
如果你將心機放係其他地方
佢起碼會想知你個人有咩唔同左會有新鮮感
心態決定境界
感情就係咁殘酷
分手就係你對佢黎講無吸引力

可能幾年後返嚟我真係咁諗
不過我唔知點樣先做到 你勁咗好多 嘅感覺
係咪做多啲Comfort zone以外嘅嘢就得?
眼見好多人都做好多生意仔/投資
但我又唔係好擅長呢啲
跳出框框定係踏實啲會好啲呢
你又點睇?
啫係有人每日儲1蚊, 100日後佢就有100蚊
但有人識錢搵錢, 可能第50日就已經有100蚊
不過最後去到100日後又可能輸/蝕返晒
而100蚊可能已經夠生活/有數得計先
到底人係咪點都應該要搏先為止好呢?

其實我一直都覺得自己好理性
好有情商, 但愛情係我死穴
唯獨愛情會令我好焦慮, 焦急
好怕失去, 完全控制唔到慾望
就會好易做錯決定
想做就做, 想講就講
最後令到對方好大壓力
抑制住自己嘅慾望真係好強大
我會努力嘗試
其實我唔搵佢嘅呢段時間
我都已經覺得自己好忍得

你太focus驚人地睇唔到你既進步就係最大既阻滯
你睇下elon musk係整space x之前有無考慮過佢個ex中唔中意
當然呢個例子有啲誇大
But you are who you are

試下做下運動 清晰下自己既頭腦
諗下過去有咩想做但無做到既 依家pick up返
或者將來你想過一個咩生活 向住個個方向進發
我唔會話你做到CEO就等於成功 或者你去拍電影就係失敗
真正成熟過會進步既人係識得跌低左 企返起身 再努力過
有時你見一啲成功或者有理想既人講野 好charm好似識發光咁
呢個正係你呢刻缺少既野

最基本一個做野有魄力既人同岩岩死老豆咁既人既氣場都可以差好遠
我覺得係心態問題,唔一定要有成果
但你個人生活有重心俾人感覺係好正面
唔好怕失敗,有邊個唔會失敗,亦唔好怕比較
有時結果都唔重要,過程先係重點
你要享受個過程,從過程中既小錯誤學習
好似你想復合咁,如果佢其實一早識左第個
其實你點努力都係無用,但你為復合努力改變自己既過程中
你已經有最大得益,你認識左你自己,你知道自己有咩不足要去改
如果樣樣野都係為結果
你人生就只有未來沒有現在

我知道原地踏步, 一定會令佢覺得當初決定係好啱
而我要做嘅就當然係要俾佢覺得我生活好精彩
其實呢啲進步係咪唔止事業上?
例如我去學好多唔同嘅嘢算唔算係進步
其實我都真係有好多嘢想學

算,try and error
你唔試過係唔知呢個世界好大
你之前覺得呢樣野唔岩你
但你勇於試過後
其實都唔差
最重要係你跳出左你comfort zone

真, 100%認同
有就冇為意, 冇先嚟珍惜啲friend
人生就係咁

唔擅長唔緊要
但呢樣野係咪真係你內心渴求既先係最重要
我當你好好彩 求其買隻股票都升
一年後你賺左好多錢
但我問你心得 問你分析 你乜都唔知淨係話我9買
我唔會話你好charm囉(可能有啲貪你錢既女會心心眼既)

我有時覺得迷惘我會睇下TedTalk
睇下啲成功人士既分享 幻想自己有一日變到好似佢地咁
慢慢就會搵到方向
引用返steve job個句stay hungry stay foolish

同埋真係你唔好太在意點進步先令佢回心轉意
你進步唔係為佢
係為你自己為你將來既伴侶
每個人都係獨立個體
你太依賴佢佢都會好有壓力

好有感染力
絲打你一啲都唔簡單
真係有人同我講我以前唔係咁
以前覺得我好charm
而加暗淡無光咁

好有感染力
絲打你一啲都唔簡單
真係有人同我講我以前唔係咁
以前覺得我好charm
而加暗淡無光咁

我都係過來人
咁岩我早排仲失業埋頹左段時間
呢排開始檢視返自己過去一段時間做既野
發現自己好撚廢
又頹 又肥 財務仲亂到乜咁
所以呢排就開始減返肥 同埋plan緊財務計劃
雖然未返工 但每日都好充實

聽你講嘢覺得你好知自己做緊啲咩,
有目標, 完全唔會覺得你廢
而我有種唔敢跳去另1個行業之餘
又唔係咁鍾意自己做緊嘅工種
走咗之後就分分鐘兩頭唔到岸
但年紀已經唔細, 仲應唔應該跳出去呢
感覺自己好廢

我初初仲諗住分咗手
都照1個人做返當時講咗周年會做嘅嘢
又諗過寄嘢俾佢, 但原來自己好痴線
我都係唔攪咁多嘢

因為咩原因分手?
分手完之後一直都keep住like你嘅post?
同埋你哋因為咩而要見面?
佢係因為驚你心軟定自己?
你勸和係指想復合嘅意思?

雖然我應該細你幾年
但我都係今年轉左行
當初我搵工都遇到好多挫折 比人challenge我做唔到
但我依家咪又係成功搵到自己想做既野
個人負面個陣上少啲連登
同多啲正能量既人相處傾計
當你同呢啲人相處得多你都會變得更正面更成功

巴打，你冇好痴線，我完全有你一樣諗法
之前都諗住寄份生日禮物俾佢結束左佢算
但原來係會仲差左，俾佢覺得你需求度好大，
所以都係忍下算，份禮物賣左去/送俾其他人算

你細過我都咁識諗
其實我長期都算好正面
如果我唔睇呢個post都睇唔到你啲留言啦
同埋身邊啲人好似初初關心完你一下之後
佢哋就各自做自己嘢
咁我又冇得要求人哋長期理我
一啲就拍拖一啲就有自己嘢做
我分手就即刻肯出嚟陪我已經好好
聽我9up完之後, 開解又開解過
諗法又share過
但有時仲成日好掛住佢
我都唔敢同人講喇

得閒上黎呻下囉
純粹係覺得連登有時啲人諗野比較負面
我地有段時間上得連登多情緒比較差
呢排上少左 睇多左youtube反而好啲

唔係, 係我哋都好痴線
尤其對於唔想再同自己拍拖嘅佢
甚至周圍嘅所有人都咁覺得
因為全世界得你自己覺得好感動, 好堅持
但其實啲人唔會覺得感動, 會覺得你好固執
覺得你放唔低, 覺得未係時候介紹朋友俾你
如果當佢發現你仲未放低
都唔知會唔會感動咗1秒
然後繼續唔知點對面你
唔想同你講嘢, 好怕你會繼續煩住佢
唉, 人生好難
你想忘記就唔可以諗忘記
你想復合就唔可以諗復合

假膠可以無視
youtube真係好多嘢學