有無人試過分手一段時間再一齊返

分開左兩個月一齊返 仲一齊緊
比起以前係溝通多左 磨合到
重新建立緊信任

我盡量


睇呢個po就好似睇緊佢幾個月前諗緊乜

感情大師, 你講啲嘢好到位
我成日用自己嘅角度諗佢
錯判咗佢嘅真正諗法

我之前仲會諗佢會唔會仲掛住我等我搵返佢
但我發現現實中同我預期嘅相差太遠

佢覺得我哋好多地方唔夾
但好多嘢都收喺個心入面
自己覺得試過努力過但都係唔得
於是就唔想再繼續落去
而加直程係長痛不如短痛咁

我哋而加仲可以搵對方傾計
但我冇咁做, 想斷聯一段時間
不過佢嘅ig story我都係有睇

某程度上, 其中1個佢覺得嘅唔夾係
大家對愛情嘅需求度唔同
我比得太多壓迫感佢
佢自己又好忙, 好多嘢做

再加上佢覺得我唔夠明白佢
因為我之前唔識點安撫佢
成日比咗意見, 但佢唔係要呢啲

以前嘅問題好似冇點再出現咁
但其實原來係佢自己避咗
例如係唔再講唔再嗌
最後佢自己頂唔順

你有咩睇法
你覺得斷聯斷幾耐先叫OK?
有好多道理都明
但係難受嘅感覺真係辛苦到你好難集中做其他嘢
我唔想隔咗一段時間佢仲見到我好似以前咁
所以我最近都開始做好多唔同嘅嘢

真心真心好多謝絲打你意見

我依家明顯係愛佢未放低佢需要佢，所以我諗都係唔搵住佢，係唔知佢會唔會搵返我姐，搵返我又唔知點覆佢好

我補充多少少，其實我經營關係好失敗，拍拖4年從來冇介紹朋友俾佢識，佢有想介紹俾我識，但我冇去果d聚會，同佢屋企人關係好普通，相信都唔會幫我講好說話

如果佢真係keep住係單身，我諗會容易d唔奇，或者可能&可能真係發生好似你咁講可以破冰，但正如我身邊朋友話可能佢已經有第二個/「有渣拿」，咁我基本上肯定係冇機會

而且佢係要面子既人，就算想都唔會主動吃回頭草，所以......我都唔知佢諗咩了，或者之後更加唔明佢諗咩

總係覺得大家一齊走過4年，經歷咁多野，但原來都可以咁脆弱......我亦深明自己確實做得唔好

絲打，你可唔可以指導下我，跟住落黎，我應該點做好？係whatsapp上、係生日上、時間上、幾時先係適當時機搵佢

感情大師, 你講啲嘢好到位
我成日用自己嘅角度諗佢
錯判咗佢嘅真正諗法

我之前仲會諗佢會唔會仲掛住我等我搵返佢
但我發現現實中同我預期嘅相差太遠

佢覺得我哋好多地方唔夾
但好多嘢都收喺個心入面
自己覺得試過努力過但都係唔得
於是就唔想再繼續落去
而加直程係長痛不如短痛咁

我哋而加仲可以搵對方傾計
但我冇咁做, 想斷聯一段時間
不過佢嘅ig story我都係有睇

某程度上, 其中1個佢覺得嘅唔夾係
大家對愛情嘅需求度唔同
我比得太多壓迫感佢
佢自己又好忙, 好多嘢做

再加上佢覺得我唔夠明白佢
因為我之前唔識點安撫佢
成日比咗意見, 但佢唔係要呢啲

以前嘅問題好似冇點再出現咁
但其實原來係佢自己避咗
例如係唔再講唔再嗌
最後佢自己頂唔順

你有咩睇法
你覺得斷聯斷幾耐先叫OK?
有好多道理都明
但係難受嘅感覺真係辛苦到你好難集中做其他嘢
我唔想隔咗一段時間佢仲見到我好似以前咁
所以我最近都開始做好多唔同嘅嘢

我唔係大師，只係我既經驗可能多少少，同我本身性格比較強勢
你可以觀察多啲你身邊收兵同當兵既人通常性格係點，你就會大約捉到感情點樣相處捉到個平衡

斷聯幾耐我會話，當你斷到一個時候已經無左好想佢返黎身邊既感覺，你就可以主動搵返對方
點解咁講呢，因為係你仲對佢上心既時候
你講既每一句說話，做既每一個行動
即使你點樣扮到無野，對方都會知其實你係有意思

唔知你信唔信能量學呢啲
斷聯既目前除左洗走佢對你既負面印象
同時係為左比你有時間去從佢身上轉移返屬於自己既能量返黎
你之所以會覺得難受，一切係你潛意識作怪
你覺得放手對方就唔再返黎，甚至覺得以後唔會遇到更好既人
但你要做既，係要說服自己大腦，你係好優秀，對方一定會返黎
當你可以改寫到自己潛意識，咁大腦就會教你要點做架啦

你睇下你打既野，幾咁軟弱
幻想下如果你係一個好好，好優秀既女仔，會唔會揀呢個人做男朋友
我唔係想攻擊你，而係想你回想返你曾經係個點既人，當初點解對方會愛上你
依家再去諗分手前做得好 做得唔好其實無用
點樣對返佢好，留返一齊左再諗
呢一刻要諗既係點樣令眼前呢個咁軟弱既自己再次變得強大

生日快樂個啲其實好小事
你好想講咪講
但重要係你心態
比如你同一個普通朋友講生日快樂，你會唔會諗幾時講？點樣講？

最近都有相似感受，睇過一啲巴絲分享。一段關係切勿將自己變得太廉價，唔該要搵返自己嘅價值，唔好比佢覺得你係依附係呢段關係上。一個男人係要有power，有say，要學識做強勢嘅個一位，或有呢一需。唔係你只會一世跟住佢條尾走，冇左自己，而佢會因此失去對你當初嘅尊重，唔重視你。學識為自己著想，諗左自己先，先正確呀。加油啦，對於啲將關係放係第一位嘅人黎講的確好難，不過都要學。

更正少少
Power係不分男女都要有
就算對方有幾大男人都好，女方都唔係要唯命是從
當然有啲情況係，某一方知道自己本身實力無辦法去做到平起平坐
唔等於無辦法維繫段關係，但你要知道自己既定位
For example你能力比對方無咁好，就唔好格硬係段關係逞強，有時做好一個下把位角色，亦係一種藝術

認同
好多時分手講嘅原因都唔係主因
只係想大家好黎好去咁講
但被飛者往往就針住佢講嘅野去改善希望挽回
講到尾就係唔愛了或者鐘意左第個
唔好比佢地講嘅野引導你做人取向
自己反省清楚自己有咩不足
唔好太自責自己某次做得唔好而引致今日呢個結局
呢d 係一直累積同一隻手係拍唔響嘅
佢地講咩都唔好理啦

你講得好啱

我同以前真係好唔同
當時嘅我好多朋友, 周圍識人好外向
後來同咗佢一齊之後
因為佢唔係咁鍾意social
我都變得唔再出去
目的係留低陪佢
但係我從來都冇諗過佢想唔想
佢直頭唔鍾意我為咗佢連自己交際都冇埋
對佢嚟講其實好大壓力

未一齊都知佢唔係成日見嗰啲
我哋初初都見得好密
後來佢想weekend先見
我最初仲好不滿咁
啫係冇理過佢想點
只係覺得佢要求嘅愈嚟愈多

到今時今日分手我淨係識諗佢點點點
雖然我知要為自己而點點點
但好多時候都會諗諗下就思緒好亂
可能分開咗唔係好耐
我自己一時以為自己OKAY但其實唔係

就算可以send msg俾佢都好
所謂嘅朋友關係絕對唔係以前咁
好多嘢都要就住就住, 諗佢點諗
全部都好刻意, 所以我都頂唔住要停

我曾經都有問過咁要隔幾耐先可以搵返佢
之後有唔止1個人話到時你就會知
當你對住呢個人都可以冷靜落嚟
冇再好大嘅需要感嘅時候
就係我再搵佢嘅時候
有啲嘢真係冇得呃

咁成件事都幾美滿吖, 點解仲會想喊嘅?
你哋分手後搵返對方之前
其實會唔會諗好驚對方仲好抗拒自己?
如果到時佢真係完全放低咗我
都好大機會係咁, 咁樣都可以重新嚟過架咩?

你講得好啱

我同以前真係好唔同
當時嘅我好多朋友, 周圍識人好外向
後來同咗佢一齊之後
因為佢唔係咁鍾意social
我都變得唔再出去
目的係留低陪佢
但係我從來都冇諗過佢想唔想
佢直頭唔鍾意我為咗佢連自己交際都冇埋
對佢嚟講其實好大壓力

未一齊都知佢唔係成日見嗰啲
我哋初初都見得好密
後來佢想weekend先見
我最初仲好不滿咁
啫係冇理過佢想點
只係覺得佢要求嘅愈嚟愈多

到今時今日分手我淨係識諗佢點點點
雖然我知要為自己而點點點
但好多時候都會諗諗下就思緒好亂
可能分開咗唔係好耐
我自己一時以為自己OKAY但其實唔係

就算可以send msg俾佢都好
所謂嘅朋友關係絕對唔係以前咁
好多嘢都要就住就住, 諗佢點諗
全部都好刻意, 所以我都頂唔住要停

我曾經都有問過咁要隔幾耐先可以搵返佢
之後有唔止1個人話到時你就會知
當你對住呢個人都可以冷靜落嚟
冇再好大嘅需要感嘅時候
就係我再搵佢嘅時候
有啲嘢真係冇得呃

Exactly
你記住你痛苦時其實對方一樣係痛苦
情侶心靈好似一塊鏡咁
但當你地兩個人既心同情緒都未平伏到既時候
做既任何決定都唔岩

呢樣野就係引致點解有啲人短期復合左但好快又分手
因為當下只係想唔再痛苦而將對方當做止痛藥
好似戒毒咁 有邊個過程唔痛苦
只有當你成功戒左毒 走左出困境 你先決定到你同呢個人仲要唔要繼續

我睇過好多關於復合嘅文章同youtube
佢哋都有講你而加講嘅嘢
我之前真係對呢啲認識唔多
我覺得自己思想上好多位都好唔成熟
但都一直成長緊, 只係好似唔夠快
同佢唔夠同步
不過你講得好啱, 佢而加講乜做乜我都上心到爆
對方一定會好有戒心
雖然佢對我嘅印象係好, 覺得我好錫佢
但我分手前又係咁同佢講我嘅諗法
又講知道自己有咩問題之類
好急咁想佢令我改觀, 又驚當下唔同佢講再冇機會知
總之由一齊到今時今日都俾到一種
無論佢做乜, 點對我, 時間幾長都好, 我都對佢不離不棄
我都唔知咁樣佢會欣賞我定係一樣對我不利嘅感覺

利申 我而加乜都信喇
好多反思令我知道以後點樣同佢相處
但就連前面點做都未知, 連朋友都不如

絕對係講緊我
行為上乜都可以遷就嘅我對佢嚟講已經唔吸引
甚至我做到嘅嘢其他人都可能做到
要嘅並唔係呢啲, 我除咗太依附段關係之外
我連佢最需要嘅都忽略咗
但諗返轉頭你唔係唔識, 係你唔為意
就算輕輕帶過, 你都意識唔到原來對佢嚟講係咁重要

我睇過好多關於復合嘅文章同youtube
佢哋都有講你而加講嘅嘢
我之前真係對呢啲認識唔多
我覺得自己思想上好多位都好唔成熟
但都一直成長緊, 只係好似唔夠快
同佢唔夠同步
不過你講得好啱, 佢而加講乜做乜我都上心到爆
對方一定會好有戒心
雖然佢對我嘅印象係好, 覺得我好錫佢
但我分手前又係咁同佢講我嘅諗法
又講知道自己有咩問題之類
好急咁想佢令我改觀, 又驚當下唔同佢講再冇機會知
總之由一齊到今時今日都俾到一種
無論佢做乜, 點對我, 時間幾長都好, 我都對佢不離不棄
我都唔知咁樣佢會欣賞我定係一樣對我不利嘅感覺

利申 我而加乜都信喇
好多反思令我知道以後點樣同佢相處
但就連前面點做都未知, 連朋友都不如

已經講咗出口嘅說話唔需要再去思考有用定冇用
因為對方睇嘅係將來嘅你唔係過去嘅你
你依家無論點樣去諗都冇用

譬如我以前無論係我飛人定係俾人飛
我可能傷心一兩個禮拜 之後就會重新pick up返自己
我通常失戀之後嘅學習能力會更加快
你覺得對方進步得多過你 就係因為過去你俾太多能量佢 自己都流失咗太多能量
當你將啲能量擺番落自己度嘅時候 你會發現其實自己都可以進步得好快 甚至幾個月後你就已經超越咗佢
我就係一個非常好嘅例子

你有你道理
但我有時會諗
如果對於進步嘅定義唔一樣
或者佢需要嘅嘢唔係你進步嘅方向
的確你進步咗, 但對佢嚟講又算係咩?
啫係如果唔係佢需要嘅嘢
咁咪好似令唔到佢改觀咁?
咁假設你真係真係好想復合
你做咗一大堆嘢令自己進步咗
但同佢當初渴望嘅唔一樣
你最尾係做到1個更好嘅自己
佢會唔會一樣覺得你冇乜分別
或者有分別但唔係佢想要嘅分別?

我知改變係為自己好
但做另1個唔同嘅自己某程度都係想再吸引佢
係咪連呢個概念都唔可以有?
因為如果有嘅話, 咪好似我上面咁講有啲矛盾囉

放心啦巴打
只要你為左自己進步
對方係一定會返黎
差在佢返黎之後你仲想唔想同佢一齊咋

我曾經追過一個男仔
佢完全當我係兵咁 又話咩中意但唔想拍拖
後尾隔左大約一年
我中間發展左啲小生意
有次無意中同佢傾返計 佢已經話我勁左好多 又話後悔當初無一齊
但我個陣已經有男朋友 同埋對佢無曬感覺
而個男仔個一年到依家都係未搵到女朋友

多謝你
有時啲人教人如果係真係想追返人
你就唔好再諗復合
愈諗愈復合唔到
趁呢段時間好好裝備自己
用另1個自己去吸引佢返嚟
純粹係俾正能量人定真係幫到人去復合呢
我成日覺得moveon就係飲忘情水咁
如果連唯一好想復合嘅人都唔再諗復合
咁以後呢2個人仲可以靠啲咩去復合呢

咪就係囉 DKLM

講多次 復合真正即意義係二次吸引
係完左上一集依家開始第二集
你再同返呢個人相處，佢係一個新人
同其他追求者係無分別
只不過係你曾經同佢一齊過only

或者你轉個角度諗 當呢個係一場仗
贏既方法已經教左你
跟唔跟係你自由
但記住情場定商場，通常贏家都係高情商
唔一定係聰明，但要識控制自己慾望同情緒

能量學專家
你正面到冇得再正面
我啲能量都正埋

頭先你話其實大家都咁傷
我就會諗點解佢掩飾得咁好
係咪一個成熟/堅強嘅人
就一定會自己背後食晒啲唔開心

我想知你係點定義咩叫進步同成熟?
因為好多時你嘅思維絕對影響緊你嘅做法
最後影響埋你嘅outcome

我已經試過好多次係我點諗就以為人哋都點諗
我唔想最後得我自己以為自己進步緊
但其實都唔係好大分別咁