你地咁中意三國時代，有無人知 統一三國果個係歷史上最垃圾既朝代？

東晉同南朝時都有北伐

劉裕個次打埋去長安

但大部份都係功高蓋主比人叫番去南邊

祖逖同桓溫都接近成功
可惜一個就功高震主 一個就腹有鱗甲

屠戮遼東既人已經後患無窮 間接導致外族入侵

兩個都遠稱唔上接近成功
祖逖都係同石勒係河南相持，相互拉攏當地既豪族乞活軍
仲要兼顧南方荊揚相爭既局面，到真係雙方全面開戰個陣南方對祖逖唔係助力反而係負累

桓溫先存代晉之心，北伐係想攫取聲望借勢指揮其他親晉軍隊
佢唔願意係代晉前損耗自己既軍力。王猛就係睇出桓溫既虛實先唔跟隨南下。到後尾輕敵枋頭兵敗離北伐成功更遠

半年搞掂唔叫神速叫咩 打遼東佢d判斷直頭係戰術教科書

白起臨死前都悔過自己既濫殺，人地魏武帝有無覺得自己做錯
將屠城殺害平民等同係戰場上擊殺軍人，你自己講完有無笑
殺人虐民到河北成班人要棄鄉入胡投靠袁譚，一定係幫到曹操更快平定河北
你拎證據出黎證明點解係袁紹治下河北就可以有效管治，到曹操就要靠屠殺黎進行恐怖管治。人地都係用幾年時間黎攻占管治，時間唔比曹操多好多
曹操係軍事上由兩姓宗室掌軍輔以聲名著外既大將，政治上多用士族。咁比東漢未年或者同期既蜀吳公平係邊

地理位置上講叫東征 北伐通常都係講江南個頭

一黎唔夠糧 二黎當時袁紹管河北管得好好 唔屠下城嚇下d人 比人反曹操唔夠兵用

問題係個戰術同神速一D都唔關事
好似摩連奴打防反羸到6:1都唔會俾人話係踢進攻足球

楚漢嗰陣劉邦政權中心係喺漢中 佢嘅目標關中乃至彭城緯度上唔爭得幾多
但係三國蜀漢嘅政權中心始終係巴蜀 由成都計嘅話 出征關中又真係向住遙遠嘅北方推進

應該要講大一統朝代啦
五代十國大把垃圾稱帝

打咗咁多年，勁嘅打死晒，醒嘅又俾人用計害晒，得返啲弱智

呢句說話好似有啲自相矛盾

提名無地王約翰

你拎證據出黎證明點解係袁紹治下河北就可以有效管治，到曹操就要靠屠殺黎進行恐怖管治。
其實呢，我就一定無證據，證據係晒啲史書度，你去讀下就知
而且睇到呢句就知你就算有讀都無用個腦去諗下，一邊已經管治多年，一邊係新入主，古人係有所謂忠誠感，何況打咗咁耐仗，大部份人都有親人死係曹操手上，袁氏勢力又未完全瓦解，咁大班唔穩定嘅炸彈要點樣短時間去拆？

我話曹操除咗徐州係報復咁殺之外，其他係有考慮過先咁做梗係史書有講，鄴城攻破之後有載：太祖破袁氏，領冀州牧，闢琰為別駕從事，謂琰曰：“昨案戶籍，可得三十萬眾，故為大州也。”

on9嘅都知打仗就要有人，有人就要個洲人口夠多畀你征，咁點解曹操明知人多有著數仲要屠城減少人口呀？你自己諗啦唔再講

攞白起做例子仲撚on9，第一：白起除咗落order嗰個，佢仲係企係隔離，甚至有機會落埋手做；曹操只係落order，第二：唔諗下白起幾時懺悔？唔到臨比人逼死個刻都唔懺悔呀，佢屠完人幾十萬兵仲想將人地國土攻陷呀。

你知唔知咩係誰主張誰舉證，你自己提出既論點當然係你證明點會係我幫你睇書
袁紹係河北咪只係立足幾年，人地有無用屠殺黎立威啊
前後千年以黎，就算以弱克強之後都無話得屠殺呢個解決方法。劉秀破王郎銅馬之後有無係河北玩大屠殺，朱元璋擊敗陳友諒張士誠之後有無係楚浙之地屠城
我唔知曹操講呢句野既背景係點，不過呢句野根本直接無直接證明曹操屠殺係想立威河北。加上曹操真係一個只講政治利益既功利動物，咁玩張濟老婆又下緊咩大棋啊
原來身為軍隊領袖，落既直接命令都可以唔關佢事。咁二戰完開大審判做咩，唔通個班人自己落場去殺人人地白起仲識知錯，殺既係前戰鬥人員；曹操係落order殺平民。你既道德觀真係認為兩者係等值

新版
諸葛死左就完
呢套精彩在著重寫曹操嘅變化

如果純粹想睇曬三國演義劇情嘅話
睇返舊版
跟住演義黎拍

順帶一提下
孫權一生人入面唯一一次屠城係夏口
孫皓屠過西陵

劉備就從未試過屠城