《回到過去，破我未婚妻個處》

推，樓主每次都幾有創意

Veronica已經到左酒店等我。

佢今日都係一般OL打扮，一條全黑及膝連身裙，膊頭搭住一件薄嘅灰藍色針織冷衫，著住一對米色平底鞋，同我喺2009年見到嗰一個mk妹截然不同。

我地跟住職員，嚟到酒店宴會廳睇一下環境。

裡面嘅裝修簡單得嚟又不失隆重，喺呢度擺酒都應該都係一個唔錯嘅選擇。

「輝輝，你覺得呢度點呀？」Veronica問。

「幾好呀，唔錯，但地方好似大得滯，我地應該擺唔到咁多圍。」

「都OK啦，擺三十圍啱啱好。」

「三十圍？我地請到咁多人咩？」

「唔計親戚嗰啲，我同你啲同事、大學同學、中學同學加埋都十幾圍啦。」Veronica數住手指計，「我地開多幾圍，收多幾份禮金呀嘛，哈哈。」

佢口中提到「中學同學」，令我下意識諗起佢中學男朋友Kevin，我就問佢：「咁你諗住請邊啲中學同學？男仔多定女仔多？」

「Um…呢層要返去認真諗諗。」

就算佢想請Kevin都無所謂，橫掂我都想睇條mk仔家下變成點。

喺宴會廳睇完場地，我地順便喺酒店入面間西餐廳鋸個扒，食埋飯先走。

「輝輝，auntie有無用我送俾佢嗰支藥膏？佢覺得點呀，佢有無話好唔好用？」Veronica一細塊切開嘅牛扒放入口中。

「我見佢好似都有搽，應該幾好用。」

「好用就好啦，遲啲我朋友如果去開台灣，我叫佢帶多兩支返嚟。」

「咁我代我阿媽多謝你先。」

望住呢個溫柔體貼嘅Veronica，點聯想得到中學時期嘅佢，係一個粗魯又無禮貌嘅mk妹。

可能呢啲就係所謂嘅「人會變，月會圓」。

今朝我有個問題想問佢，但無問到，家陣見到面終於可以親口問。

「Veronica，我有個問題想問你。」

「嗯？有咩想問呀？」

我乾咳兩聲，清清喉嚨，講出心中嘅疑問：「我想問你中學嗰陣，係咪有個男朋友叫Kevin？喺入u之前你就已經將第一次俾左佢，我有無講錯？」

Veronica瞳孔擴大，臉上現出驚訝嘅表情：「哈…都…都唔知你講緊乜…」

「我咩都知道曬，你無需再隱瞞。」

「你知道曬？係...係邊個話你知？」對方放低手上嘅刀叉，神色緊張。

「你放心，我唔係同你攤牌，亦都唔係追究啲咩，我只係想知點解你要講大話，呃我話自己喺大學俾個師兄破處，而且都從來無提過你中學有個男朋友。」

佢沉默左半分鐘，然後用感懷身世嘅語氣講出佢同Kevin嘅故事。

「你講得無錯，讀中學嗰陣我的確有一個叫Kevin嘅男朋友。我嘅第一次亦都係俾左佢，只不過我唔係存心呃你，只係我唔想再提起呢個人。」

每個人總有一兩段不堪回首嘅往事，對Veronica嚟講，Kevin就係佢人生一個污點。

推

佢同我講，中學嗰陣佢本來係一個品學兼優嘅乖學生，但升上Form5識左Kevin之後，就俾對方帶壞左。

每日放學佢就跟住Kevin同一班豬朋狗友周圍玩唔讀書，當時年少無知嘅佢仲俾Kevin嘅甜言蜜語所迷倒。

直到隻豬俾人拎左佢先發現，原來對方係一個不折不扣嘅賤男，背住佢勾三搭四，拎完著數玩厭左就一腳飛起佢。

咁耐以嚟，佢好少向人提起呢件往事，原因係佢好驚俾人知道年少嘅自己係咁蠢咁憨居。

佢仲同我講，每次諗返起呢啲往事，佢都會感到非常後悔，每一次都忍唔住怪責自己，當初點解咁輕易就將寶貴第一次俾左一個人渣，甚至恨不得將呢段黑歷史從記憶中抹走。

仲有就係，佢其實唔太鐘意用口，當時都係Kevin逼佢含，細個唔識拒絕，下下硬食，大個左先學精左。

「輝輝，對唔住，我唔係有心呃你，你唔會怪我架何？」Veronica眼泛淚光，楚楚可憐。

我搖搖頭：「我點會怪你，都係我唔好，我唔應該挖你啲舊事出嚟講，勾起你啲傷心嘢。」

事實上，係人都會收埋一啲唔想人知嘅過去或者秘密，正如我何嘗唔係一直瞞住對方 ，從來都無同佢提過家族詛咒嘅事，所以我無資格怪佢。

再者，青春期階段，大部分人心智都未成熟，最容易誤交損友，唔小心信錯人一啲都唔出奇。

相反，聽完佢一番說話，我反而有啲責怪自己。

話曬我穿越返過去2009年，假如我有阻止到Kevin條打靶仔食Veronica隻豬，咁Veronica就唔洗俾條mk𡁻完鬆之餘，我又可以達成破未婚妻個處嘅願望。

可惜，我衰左。

「輝輝，你真係唔嬲我呃你？」Veronica雙眼汪汪咁望住我，再次請求原諒。

「我真係真係真係唔嬲你。」

我特意強調一次，跟住轉換個輕鬆話題，舒緩下氣氛：「我地唔好講呢啲，今日我阿頭送左兩張Kolor演唱會飛俾我，後日夜晚八點你得唔得閒，不如同我一齊去睇？」

「Kolor？我未聽過喎，唱啲咩歌架？」

「係一隊local Rock band嚟，啲歌幾好聽。」

「唔啦，你知我麻麻地鐘意聽啲band，我諗我都係唔去。」Veronica表示無興趣。

我本身都知佢唔係好鐘意聽啲rock嘢，一年前我都試過同佢一齊去睇One OK Rock，佢就嫌啲音樂太嘈，開左場無幾耐就頂唔順嗌走。

今次佢唔想去，我都唔逼佢。

我手頭上有兩張飛，本來我打算一支公去睇，但又唔想曬另外一張飛，最後決定揾埋小曼去睇。

本身我朋友已經唔算多，聽band嘅就更加少，就得小曼一個。

呢一日夜晚八點，我約佢嚟到麥花臣。

入場嘅人數都唔少，近年香港的確係多左人聽band sound。

等緊開場嗰陣，我細細聲同小曼分享我嘅穿越之旅。

唔是平行時空

咁穿越嚟有咩用

唔通會破小曼個處

穿越設定係二十幾歲既男主角實體穿越返去2009年，後面佢會遇到十幾歲既自己

仲有冇文今晚

唔好劇透啊！

「喂，細細聲講啲嘢俾你聽，你唔好同人講。」

「神神秘秘咁，有咩想講？」小曼稍稍側頭，將耳仔挨近。

我喺佢耳邊低聲講：「原來對住流星雨許願，願望真係會實現。」

小曼望我一眼，無出聲俾我繼續講。

「你記唔記得我同你講過，Veronica向我求婚嗰日，我對流星雨許過三個願望，真係講你都唔信，我其中一個願望居然真係實現左，早幾日我穿越返到過去2009年，見到未破處嘅Veronica。」

「你話...你時空穿越…返左2009年？」小曼睜大雙眼，露出一副不可思議嘅表情。

「唔好咁大聲，俾隔籬啲人聽到，驚佢地以為我係癡線。」

小曼靜左唔出聲，反應有啲呆。

「我一開始都以為係發夢，後尾用左好多方法都整唔醒自己，先發現原來唔係夢，同埋唔講你唔知，中學嗰時嘅Veronica竟然係一個粗口爛舌嘅mk妹，仲同過一個好mk嘅mk仔拍拖……」

我將穿越時嘅所見所聞分享俾小曼聽。

對方保持一副驚訝嘅表情，好似聽緊又好似無聽緊咁。

「我講左咁耐，你俾少少反應啦，定係你唔信我講嘅嘢？」

「你肯定你真係穿越左…？」

「Woo！！！」

呢個時候，Kolor終於出場，場內觀眾熱鬧起哄，音樂聲加歡呼聲掩蓋左小曼嘅聲音。

我鍾意聽band其中一個最大原因就係，band仔玩live嘅氣氛真心好正，仲可以同周圍嘅觀眾跟住音樂，一齊跳一齊嗌，感覺好hyper好爽。

平時小曼睇band show都會好high，今日就顯得有啲慢熱，去到中後段先開始跟住大家嗌。

歡樂嘅時光過得特別快，Kolor Encore完最後一首歌，兩個鐘頭嘅演唱會就完美結束。

小曼住西灣河，我就住筲箕灣，大家順路一齊搭102返屋企。

「我今日請你聽左場咁正嘅live，下次你有機會你記得請返我睇。」我同佢坐喺巴士上層最前嗰排。

「咪住，聽講呢兩張飛係你阿頭送俾你，你都無份出錢，嚴格嚟講，你唔算『請』我睇。」

「就算唔係『請』咁都叫做係『邀請』，咁我邀請你嚟睇，都算唔話得啦掛。」

「唓~係你揾唔到人陪你睇，先揾我之嘛。」小曼反左我一下白眼。

「哎呀，咁都要串我，早知我一個人去睇都唔益你。」

「咁你可以揾Veronica一齊睇架，點講你都就嚟結婚，你同我兩個去睇演唱會，你唔怕佢知道左會介意？」

「有咩好介意啫，我有問過佢睇唔睇架，佢嫌rock band太嘈所以先唔嚟。」

「咁你穿越嗰啲嘢，你有無同佢講？」

「無呀，點講得出口，唔通同佢講我時光倒流，返到2009年想破你個處，但失敗左咁咩？」

「哈，又係幾難講出口嘅。」

「諗返起其實最衰係事先無準備好，假如早知道訓覺嗰陣會穿越，至低限度我都會著多件衫同著返對鞋，就唔洗搞到自己咁狼狽，又衰得咁難睇。」

「仲有機會嘅…」小曼細聲吟尋。

「嗯？你話我仲有機會？你又知？」

「無，我求其亂咁講下，不過根據我多年睇電影睇劇嘅經驗，通常啲主角都唔會穿越一次咁少，所以我諗你仲有機會，哈哈。」

雖然小曼只係開玩笑，但我覺得都好似都有啲道理。

話曬日劇《求婚大作戰》個男主角都穿越左十一次，我無理由得一次咁少，而且照計上天都唔會咁孤寒，俾得一次機會咁少嘅。

我帶住呢個想法返到屋企，決定今晚著齊全副裝束訓覺，兼袋埋銀包同手提電話，等待睇下幾時出現第二次穿越嘅機會。

結果第一晚，無事發生。

接住嗰二三四晚都係一樣，咩都無發生。

本來以為都無機，殊不知就喺第五晚，我所期待嘅事發生左。

出左

劇透少少當teaser

今日出住咁多、聽日繼續

皮已正

Thx ！

巴打加油，好睇，日日都更新 正啊

lm

好正啊 加油樓豬
之前睇你聽唔到聲個故見到你應該都鍾意pink flyod 勁吸引我睇埋落去
唔知今個故會唔會再有pf出場

樓主都算寫得快
隔離post等到我望穿秋水

day day pish

Lm lm😛😛😛